جدير بالمشاهدة انسحاب "الشيخ " دفع الله حسب الرسول بعد عصره فى برنامج عن رياضة النساء

لا لا لا لا لا،،،دي كوميديا على مستوي
لا حول ولا قوة الا بالله

لالا لا لالا


يا بكري ياخ امسح الفديو دي سريع قبل متشوفو القنوات الفضائية الثانية

دي فضيحة دي

بقينا مضحكة والله

ههههههههههههههههههههه هههههههههه

بالله يا استاذ بكرى نوع الزول المتنطع الاسمه دفع الله حسب الرسول ده كان جاء هو بالرساله
وبطريقته دى فى الحوار كان ممكن يتبعه شخصين فقط ناهيك عن اكثر من مليار شخص؟
ده لا سمع بى لو كنت فظاً غليظ القلب ولا سمع وجادلهم بالتى هى كانت الاحسن ولا سمع
بادب سيدنا عمر عندما جادلته الجده فى الميراث ولا سمع بى لا اكراه فى الدين ولا قرأ عن
ادب التحاور وادب الحديث وكيف كانت ستكون طريقته لو كان هيثم ود. ايمان غير مسلمين
والله ما اضر بالاسلام اكثر من مثل هذه النوعية التى ابتلينا بها فى هذا العهد الغيهب ..
ونوع دفع الله اتحداه بطريقته تلك ان يسلم على يده شخصين فقط..
والله لم اسمع نوع هذا القذف ونوع هذا السباب حتى من الذين يسكنون المواخير وهم فاقدين
لوعيهم تماماً، ياخى اهل الدين عندنا كانو ارق افئدة واكثر تسامحاً وان شجو بالعضم ديل
جونا من وين؟ ربنا لاتؤاخذنا بما فعل السفهاء منا وبما يفعلون باسم دينك يا ارحم الراحمين،،،

عزيزنا الرئيس بكري
سلامات
ياخ عمك دفع الله ده زول تحفة .
عمك صعب شديد وفي هجومو ما بدي أي زول فرصة .
غايتو بس يذكرك بي الملاكم مايك تايسون لحظة حاربو الدليل وكضم ليك أضان هوليفيلد
وخلاهو دمو يشخلب .
...
قال : التنس حرام وههههههههههها

والله اذا السودانيين فى برلمانهم هذا الشخص المدعو حسبى الله ونعم الوكيل وهم ساكتيين ورضيانيين !!! الترابه دى فى خشمهم

والحاجه اللبتدعوا للرثاء مش هذا الشخص المقرف ...لكن الناس الشافيين انو الموضوع عادى وزول تحفه وهه هه هها

يا جماعه دا ما ممكن نعتبره رجل دين دا مخلوق عندو تشوهات نفسيه وعقد تجاه المرأة بصوره محتاجه لى تدخل سريع الموضوع دا ما هظار ....

الله

دا دين ابوه مين ؟ ؟؟؟؟

نازل فى الناس قذف وهيجان وتهديد .....لا وكمان ايه بحنسو فيه عشان يقعد ما يغور فى ستين داهيه

والله نحن شعب طيب لى درجه السذاجه

عشان كدا ما تحلموا بالتغيير ما دام السفهاء بيحكموا فى الشعب بأسم الدين

ياخ الشيخ مابراو
المقرفين البجرجروا المواضيع بدون سبب لمناطق القرف والمشاكل برضو
بيدعوك للرثاء في ده الزمن المطلوق .

اسمع يا عثمان موسى
انا شاهدتا الفديو وقريت التعليقات فى مواقع عديده قبل ان اكتب اى رد هنا
فما تفتكر انو انتا المقصود بكلامى هذا .... هناك العديد من السودانيين بعتبروا هذه السفاهه حاجه مضحكه وهذا متروك لى تقديرهم للامر ولا حجر على رأى هنا وانا برضو عندى نفس الحق اعلق على أرائهم
وانا بشوف انو الموضوع -- فى تقديرى -- خطير جدا ... ومفروض يتكون رأى عام من السودانيين بخصوص هذا المخلوق وابعاده من التحدث بأسم الدين او تمثيل الشعب
السودانى ...وانت موجود فى احدى الدول المتحضره وعارف لو فى اى مسؤل قال نص كلمه فقط او تلفظ بألفاظ غير لائقه الشعب الامريكى العظيم يقلب الدنيا وما فيها لغايه ما
يعتذر ويترك المنصب عشان المواطن الذيى وزيك يعيش بى كرامه وينعم بالحريه .... وليس بالخبز وحده يحيا الانسان... وده اللى انا بتمناه للمواطن السودانى
وزى ما بقولوا اذا تفشت السفاهه فى قوم فمن السفه ان تكون حليما

بعد التحية
ليك الحق يا زينب ومافي أي مشكلة .

لا حول ولا قوة الا بالله.

بالله شوف هذا الاتسان الحقير ، يقول للدكتورة ، و برضو المرأة من حقها تفتح بيت، و قال هو رجل دين

غايتو بحضر فيهو ولحدى النقطة الشفتها

اتفق مع الشيخ حول الفتوى وكلامو اعتبرو صحيح
البدأ التهاتر هو كابو فى اول كلمة ليهو اساء للشيخ

مقدم الحلقة وقع في خطأ مهني وأخلاقي
فهو لم يخبر الشيخ أن معه ضيوفا وأن طريقة البرنامج طريقة حوارية وليس طريقة الضيف الواحد
وحجته في ذلك أنه لو قال للشيخ فلن يحضر
والشيخ معاه كل الحق في أن يثور وينصرف

الشيء التاني هيثم كابو كان يستثير الشيخ ويصطاد في الماء العكر
وهو من أوصل الحوار لهذا المستوى

من ينقذ الدين من اشخاص مثل حسبو دفع الله. هذا الرجل به فظاظة و جلافه لا تؤهله للظهور محدثاً بأسم الدين. الدين ليست الغوغائية و العوة و الرغاء. لماذا تستضيفه وسائل الاعلام فى مثل هذه البرامج؟

Quote: من ينقذ الدين من اشخاص مثل حسبو دفع الله. هذا الرجل به فظاظة و جلافه لا تؤهله للظهور محدثاً بأسم الدين. الدين ليست الغوغائية و العوة و الرغاء. لماذا تستضيفه وسائل الاعلام فى مثل هذه البرامج؟

شاهدت الفديو وغالبت نفسي أن أكمله لما فيه من اسفاف مريع من هذا الشيخ والذي يبدو من حديثه أنه نصّب نفسه حاميا للدين وللقيم وكأن الناس سواه لا دين لها ولا خلق. أذا كان هذا الرجل هو ممثل الوجه الحضاري للأسلام (من المشروع الحضاري) فعلي الحضارة السلام! فهو يسئ للمحاورين هكذا دون أن يطرف له جفن ويلقي عليهم بالتهم المُحِطة ولا يدر أنه يسئ الي نفسه فقط!
ولكي نقف علي عمق الكارثة في بلادنا فلنتذكر أنه نائب برلماني في المجلس الوطني ولا يبدو من طريقته أنه يفرِّق بين رأي فقهي (اجتهادي علي أحسن الفروض) وتشريع دستوري مُلزِم (قانونيا) للدولة وللناس!
وعفارم علي الدكتورة الفاضلة فقد لقّنته درسا في أدب الحوار بجلستها الوقورة وحديثها الهادئ الذي يخاطب العقل.

يا اخوانا دفع الله ده ببساطة بمثل طريقة الكيزان فى نقاشاتهم عند احساسهم بالهزيمة
فيحاولوا مستميتين فى تشتيت الكورة عشان تطلع فى الاخر لا على حق ولا على باطل ...

وادخل مع اى كوز فى نقاش جاد فتجده يتبع واحدة من طريقتين :

1- الصياح فى حالة النقاش المباشر ..وممكن العنف عند الهزيمة .
2- السخرية وتحويل الجاد الى هذل فى حالة النقاش بالكتابة ..

تحياتى للجميع ...

زمن المهازل.
ده موش ياهو دفع الله بتاع تعدد الزوجات .
لله درك يابلد..
لاحولا ولاقوة الا بالله.
شكرا باشمهندس.

ههههه
ياخ العايزها تمشي تمارس رياضة ساااكت كدة من دون حاجة تغطّيها إلا "حاجة" سغيرونة
مبرووو ك عليهو... ليبدأ بمن يعول
بس السودانيين-معظمهم-ما دايرين الحاجَة الشينة دي؟
مش قلتو حريّة؟!
زعلانين ليه؟
سبحان الله الحضارة بقت هنا؟

مقدم البرنامج لا يختلف كثيراً عن هذا المتطرف .. فقد رضخ له عندما هدد بترك الاستوديو إذا ماتم السماح للاعبة المتصلة أو التي تم الاتصال بها. بل أن مقدم البرنامج لم يعتذر لها وتركها معلقة على الخط.

قمة المهزلة

شيخ وعالم جليل يتمسخر منه هؤلاء المتنطعون

فعلا اقتربت الساعة

Quote: قمة المهزلة شيخ وعالم جليل يتمسخر منه هؤلاء المتنطعون فعلا اقتربت الساعة

اخي ود الباوقه والله بتبالغ
"هل هذا المدعو شيخا والذي يشتم النساء باسواء الالفاظ وعنده المرآه ماخلقت الا للجنس....... بجليل؟؟؟؟؟؟؟؟
اذا فعلي السودان السلام

Quote: بالله شوف هذا الاتسان الحقير ، يقول للدكتورة ، و برضو المرأة من حقها تفتح بيت، و قال هو رجل دين

والله يا باشمهندس محمد على بالغته كلمة الأنسان مابطلقو لأى زول بسئ للناس



شكرا ياريس
أول حاجة مقدم البرنامج غلطان شديد لأنو زول زى دا مالمفروض يكون فى الة حادة قدامو لأنو كبابى القزاز دا بالقانون دولى الة حادة هههههههههههههه
الحمدلله جات على كدا والله كنت خايف على الشباب ديل من الكبابى

ابوسكين

ياسلااام ... ذكرتونا الأيام الخوالي!

شيخ يشع منه نور الايمان، والتقوي والعرفان الرباني عندما يتحدث! .

بس حقيقة أعيب عليه إنوا ما "كففت" الناس الفي الاستديوا ديل
عشان تاني مافي زول يتجرأ ويجيب مفاسد زي دي في أرض الوطن :)

شر البلية ما يفقع!

ادعو الى سبيل ربك بالحكمة والموعظة الحسنة ..............


!!!!!!!!!!!!!!!!!!!!!!!!!!!!!!!!!!!!

اعتقد ان الاستاذ عوض الجيد استضاف شيخ دفع الله وهيثم كابو لتسخين الحلقة فقط
كان من الممكن استضافة الشيخ الدكتور محمد الامين او الشيخ محمد احمد حسن
او غيرهم من المشايخ المعروفين بالسماحة والحكمة ........ وكان يمكن الخروج بالحلقة لبر الامان حالة ومضموناً

ههههههههههههههههههههههههههه

شر البلية مايضحك
النائب البرلمانى دا جاى من ياتوكوكب
بكرى انت بقيت بتاع فارغة وتلقط من قناة حسين خوجلى

Quote: ههههههههههههههههههههههههههه

والله يا ودالمدير ده أحسن تعليق .

ياخ كبسور ده قعد هيثم كابو ملك النقة فى علبو وخلاهو يتلتف زى بتاع الترمس .
بالله ده برنامج تلفزيونى .
الهرجلة دى ذكرتنى نقة اولاد الحلة اخر الليل تحت عامود النور .

لفت إنتباهي تركيز المخرج على شيخ حسبو .
مركز شديد معاهو فى كل حركاتو .

Quote: ههههه ياخ العايزها تمشي تمارس رياضة ساااكت كدة من دون حاجة تغطّيها إلا "حاجة" سغيرونة مبرووو ك عليهو... ليبدأ بمن يعول بس السودانيين-معظمهم-ما دايرين الحاجَة الشينة دي؟ مش قلتو حريّة؟! زعلانين ليه؟ سبحان الله الحضارة بقت هنا؟

السلفية الدينية الوهابية الضاربة تقبع تحت الصرة بشكل فادح
بلاش زبالة بتاعت فتاوي ضاربة لا يعبأ
الوهابي سرواله القصير زاتو مصنوع في الغرب الكافر أو الصين الشيوعية
و بعد دة كلو شابكننا العرب فعل و الشرق عمل
إتلهو مافي بني آدم سوي بسمع الكلام الفارغ دة و البسمعو ما شغال بيهو
و آطلعو من نسخة الدين السروالي بتاعكم دة كفلكم زبالة

المشكلة الكبرى انو دى العقليات الحاكمة البلد

قلبى على وطنى

عادل إسحق كتب:

Quote: السلفية الدينية الوهابية الضاربة تقبع تحت الصرة بشكل فادح بلاش زبالة بتاعت فتاوي ضاربة لا يعبأ الوهابي سرواله القصير زاتو مصنوع في الغرب الكافر أو الصين الشيوعية و بعد دة كلو شابكننا العرب فعل و الشرق عمل إتلهو مافي بني آدم سوي بسمع الكلام الفارغ دة و البسمعو ما شغال بيهو و آطلعو من نسخة الدين السروالي بتاعكم دة كفلكم زبالة

!!!
طبعاً لو أن أحد الناس يتعامل بألفاظ مثل " كفاكم زبالة" و"تقبع تحت السرة"
: و"بلاش زبالة بتاعت فتاوي"..
حسناً إذا كان الرجل "مُلطّخ" بكلمات الزبالة واشباهها فلست أجاري السفيه في أقواله
لأنه -باختصار: "كلّ إناءٍ بالذي فيه ينضحُ"
وأنا لا أنضح ب"الزبالة"
ومن جهةٍ أخرى أقول: طبعاً لأنك متلطّخ بفكر منحرف ما عندك مشكلة ولاحرج تس خ ر من الرسول
صلى الله عليه وسلم، فرسولنا كان يلبس ثوباً قصيرا-عليه الصلاة والسلام- هذا نفتخر به..أما
أنت ففي حرج لأن من يقودونك صاغراً- لايحبون ما يحبّه الرسول عليه الصلاة والسلام.
الغريبة أنني في كلمتي قلت:
مش قلتو حريّة؟
فسبحان الله تأملوا كيف أدعياء الحرية يغضبون إذا خالف هواهم أحد من الناس
فهم في ضيق..وفكرهم في ضيق..لذلك انتهت الشيوعية لأن فكرها يخالف السّعة والعدل
والفطرة والأخلاق والمنطق

Quote: ههههه ياخ العايزها تمشي تمارس رياضة ساااكت كدة من دون حاجة تغطّيها إلا "حاجة" سغيرونة مبرووو ك عليهو... ليبدأ بمن يعول بس السودانيين-معظمهم-ما دايرين الحاجَة الشينة دي؟ مش قلتو حريّة؟! زعلانين ليه؟ سبحان الله الحضارة بقت هنا؟

يا عادل إسحق ما تزعل
إنت ما عارف عندما تلعب البنت التنس
على النظام العالمي تتخيّلها تلبس توب سوداني؟
بس الحقّ مُرّ ..وسنقوله ولو مات بعضهم غيظا
"قُل موتوا بغيظكم"

مكرر

يا بكري عصروهو في شنو ؟؟؟
الصحفي لغته ركيكة ومخارجه كلها أخطاء ولا يجيد الحديث بالفصحى ، وحججه ضعيفة وبدأ حديثه بالهجوم الشخصي على محاوره واسلوبه إستفزازي جدا !!!
المحاورة أيضا أساءت الى المحاور ولم ينتقدها أحد !!!
المخرج أيضا لم يكن موفقا في بث مواد كهذه على الهواء !!!
بالمنطق كيف تلعب النساء كرة القدم بضوابط شرعية ، يعني ما في جري مافي وقوع ، إصابات ؟؟؟
وحارسة المرمي كيف ستطير في الهواء وتمسك الكورة ؟؟؟
كورة شنو يا سيد للنساء هو الرجال بالله ساوين شنو ما كلها هزائم في هزائم ؟؟؟
وفعلا الدعوة ليست مجرد رياضة بل دعوة للخروج والتمرد على الحجاب والقيم ، أليس كذلك ؟؟؟
البلد في ضائقة إقتصادية ونحن في حالة تقشف فهل تنقصنا فقط رياضة النساء ؟؟؟
نختلف مع الشيخ في حدته وطريقة مقاطعة المتحدثين ولكنه اسلوبه لا يقدح في منهجه ولا يسقط حججه !!.
لو قال غيره ما قال ومن دون اي تشنج هل توافقون على قوله ؟؟؟
كلام الشيخ سليم واسلوبه معاب ، هل تتفقون معي ؟؟؟
والله فريق نسائي شنو الليلعب بالحجاب ، وهل يستطيع الرجل ان بلعب بملابس طويلة ناهيك عن المراة .
وهل رياضة النساء في صالات مغلقة وغرف خاصة ام في ميادين ومنقولة على الهواء ؟؟؟
وهل تقبل الفيفا برياضيات بالحجاب الشرعي وفي صالات مغلقة نساء فقط ؟؟؟
اللاعبة المتصلة ايضا لم تجب على السؤال والسؤال الأهم هل كان هنالك رجال يشاهدون المباراة ام كانت في صالة مغلقة ؟؟؟
النساء يرقصن ويغنين في الأفراح وفي الصالات المغلقة وبملابس أخص من ملابس الرياضة وبعلم العلماء بل ومعهن عالمات وداعيات وأكرر في الصالات المغلقة ولم يعترض عليهن أحد لأن الهدف معلوم والقضية مجرد فرحة ولكن الرياضة من خلفها تنظيم وتحكيم وتشجيع ولا إعتقد ان احدا سيقبل بفريق نسائي يلعب في صالة مغلقة كلها نساء في نساء وفيفتها نساء .
فيا أصدقائي This is just the first step
تحياتي

الكلام ما الرياضة النسائية ، النقاش يكاد يكون محسوم حول حق المرأة في الرياضة وفق ضوابط العادات الشرقية ووفق ضوابط الشرع
المصيبة في هذا العضو البرلماني الذي يتعامى عن الانهيار والتفسخ الاخلاقي الذي يسير على قدمين في سودان الانقاذ وجايي يتكلم عن الريلضة النسائية

لو كان الاسلام بهذه البشاعه لما وجدنا مسلما موحدا واحدا حتى اليوم . أنه دين السامحة والرحمة , ولكن هو ومن هم على شاكلته ابعد بملايين السنين الضوئية عن كلمة رحمة او سماحة .
انا اطلب من الجميع ان يراقب تعليقات السلفيين والمتنطعين أمثال ذلك المسخ او يراقب سلوكهم فى الحياة و سيعرف ان هؤلاء لا يحملون فى صدورهم الا الغل و الحقد و الكراهية التى زرعها فيهم كهنتهم الذين
استطاعوا ان يقنعوهم ان هذه الكره دليل على التقوى و الورع الذي سيقربهم الى الله و رسوله (ص).
مثل هؤلاء لايجدى معهم إلا الصرمة ولا مؤآخذة , الم تلاحظ كيف كان يزبد ويرغى وهو يقاطع بكل جلافة المتحدثين وبفتعل الغضب والضوضاء علىهم حتى يميع من قضيتهم بحديث أنصرافى لا طائل من وراءه ؟ وفى النهاية وعندما شعر بالعجز وأحس بأنه قد أفلس فى مواجهة الدكتورة وهيثم كابو أفتعل مشاجرة مع مقدم البرنامج بأنه لم يخبره بأنه سيستضيف الدكتورة وأنه سوف يتحدث هاتفيا مع أحدى لاعبات كرة القدم . لكن اذا سلمنا جدلا بأن مقدم البرنامج قد أخطأ فى ذلك , فهل فى هذا مبرر للأنسحاب أو قل الهروب بكل صفاقة وقلة أدب فى مواجهة الضيفين وهو العامل لينا فيها إنو ( الداعية والبرلمانى القدير ؟)
حسبو يحتاج لأعادة تربية ..

Quote: وانا بشوف انو الموضوع -- فى تقديرى -- خطير جدا ... ومفروض يتكون رأى عام من السودانيين بخصوص هذا المخلوق وابعاده من التحدث بأسم الدين او تمثيل الشعب السودانى ...وانت موجود فى احدى الدول المتحضره وعارف لو فى اى مسؤل قال نص كلمه فقط او تلفظ بألفاظ غير لائقه الشعب الامريكى العظيم يقلب الدنيا وما فيها لغايه ما يعتذر ويترك المنصب عشان المواطن الذيى وزيك يعيش بى كرامه وينعم بالحريه .... وليس بالخبز وحده يحيا الانسان... وده اللى انا بتمناه للمواطن السودانى وزى ما بقولوا اذا تفشت السفاهه فى قوم فمن السفه ان تكون حليما

Quote: بالمنطق كيف تلعب النساء كرة القدم بضوابط شرعية ، يعني ما في جري مافي وقوع ، إصابات ؟؟؟ وحارسة المرمي كيف ستطير في الهواء وتمسك الكورة ؟؟؟ كورة شنو يا سيد للنساء هو الرجال بالله ساوين شنو ما كلها هزائم في هزائم ؟؟؟ وفعلا الدعوة ليست مجرد رياضة بل دعوة للخروج والتمرد على الحجاب والقيم ، أليس كذلك ؟؟؟ البلد في ضائقة إقتصادية ونحن في حالة تقشف فهل تنقصنا فقط رياضة النساء ؟؟؟ نختلف مع الشيخ في حدته وطريقة مقاطعة المتحدثين ولكنه اسلوبه لا يقدح في منهجه ولا يسقط حججه !!. لو قال غيره ما قال ومن دون اي تشنج هل توافقون على قوله ؟؟؟ كلام الشيخ سليم واسلوبه معاب ، هل تتفقون معي ؟؟؟ والله فريق نسائي شنو الليلعب بالحجاب ، وهل يستطيع الرجل ان بلعب بملابس طويلة ناهيك عن المراة .

في الصميم
جزاك ربي خيرا
يا أخ محمد..خليهم يتخيّلوا
أن كلامهم حق..وأنه يمكن للاعبة تنس
أن تجري بدون أي شئ-إلا حاجة صغيرونة-
وهي "محتشمة" هههه
ياخوانا خلونا نشوف موضوع تاني