لو جاءتك فرصة اٍستوزار: اٍياك و وزارة المعادن!

Quote: ابعدو من وزارة المعادن لأنو فراقا حااااار؛)

من اقوال الحكيم متوكل ود التوم.

ابوبكر تحياتى ... محمد تروس أبدع فى الشغل و الله
لكن الحقيقة الوزير كمستفيد اول و زول قبل كم يوم أهدى البشير دهب و قضى رمضان إفطارات
للصحافة ورشى و حشا جيوب البعض ما متوقع الشارع ظنّ أن مايحدث لعبدالرحيم سينطبق عليه !

ياخ تروس دا قمة في الابداع وحنن قلبي على الوزير المقال "يامسكين توو" :)
تعرف يابكور لو وزرائنا العباقرة كملوا وبقى الإستوزار علي وحاتك مابمشي إلا لوزارة للغابات بس..

ابعد عن الشر وغنيله
المهم أنت لو مصر أخير ليك البترول

سلام يا على عبد الله و شكراً على اٍدراج فيديو تروس. لو تسمح ممكن تغير ضبط الفيديو حتى لا يعمل مباشرة بمجرد فتح البوست. هذه الحكاية مزعجة للبعض خاصة الذين يتصفحون من مكان العمل.

Quote: and#211;Quote: ابعدو من وزارة المعادن لأنو فراقا حااااار؛9+

ياخي دي وزاره بِترَهِّف القَلِب!
وبتخلي الوزير حنين، ودموعو قريبه!
وبعدين حتى العاملين عليها بتسري فيهم العدوى، الأولاد
يزرِفوا الدمع السخين، والبنات يِسَكِّلَن.... يعني حاله!

دي ماااااااااااا وزارة الأصفر الرنان يا أبوبكر

Quote: ابوبكر تحياتى ... محمد تروس أبدع فى الشغل و الله لكن الحقيقة الوزير كمستفيد اول و زول قبل كم يوم أهدى البشير دهب و قضى رمضان إفطارات للصحافة ورشى و حشا جيوب البعض ما متوقع الشارع ظنّ أن مايحدث لعبدالرحيم سينطبق عليه !

لك التحيات الطيبة يا عبد الرحمن، صاحبك كان فاكر نفسوا فى مأمن. لكن فجعوه و كب الجرسة. ياخي قال بعتذر للناس و يطلب العفو.
الراجل ضابط فى الامن محل الموبقات الكبيرة -دماء و ارواح الناس- و بيطلب العفو فى الحاجات الاصغر. شئ غريب.

Quote: ياخ تروس دا قمة في الابداع وحنن قلبي على الوزير المقال "يامسكين توو" :) تعرف يابكور لو وزرائنا العباقرة كملوا وبقى الإستوزار علي وحاتك مابمشي إلا لوزارة للغابات بس..

تحياتي يا احمد، تروس ما قصر مع الراجل، اجاد فى تصويره. اجمل حاجة حكاية السنتين دي هههه، انا لى سنتنين بس و انتو كلكم 24 و 25 سنة.
طبعاً لو الامور كانت بتمشى على الطريقة الصحيحة وزراة الغابات مفروض تكون الوزارة الاهم فى السودان بجانب الزراعة.

Quote: ياخي دي وزاره بِترَهِّف القَلِب! وبتخلي الوزير حنين، ودموعو قريبه! وبعدين حتى العاملين عليها بتسري فيهم العدوى، الأولاد يزرِفوا الدمع السخين، والبنات يِسَكِّلَن.... يعني حاله

لووووول يا الاصفر الرنان يا محمد. ياخي الراجل كب جنس سكــلبة لم تعرف فى التاريخ. انا ما بنوم، انا قلبى ابيض لون الجلابية انا البشتغل 23 ساعة فى اليوم و عييييك. الراجل ما كان متوقع الازاحة. نسى انو الدنيا و السلطة بالتحديد ما دوامة. لكن الحصلت دى هينة خليهو يصبر الى يوم الازحة الكبرى.

السيد رئيس وزراء حكومة الحرّ.،
الوزارات كلها ما بتتفارق و الله، لكن البتجيب دموع ان شاء الله ما تقع من نصيب حبيب..

Quote: السيد رئيس وزراء حكومة الحرّ.، الوزارات كلها ما بتتفارق و الله، لكن البتجيب دموع ان شاء الله ما تقع من نصيب حبيب..

ليك وحشة يا ود التوم، ياخى تعليق وزراة المعادن دا من النوع الفنان. سالت ياسر طيفور قلت ليهو ود التوم دا بلقى النوع القوى دا وين