يا فرحتى بخروجي من وطن اشواقي له تنادني

اول شي
والله ليكم شوقنا
اعضاء سودانيز اون لاين الرائعين وليس سواهم
لم يمنعنا منكم الا صعوبة الدخول للموقع
من داخل السودان
بالكاد التصحف في احسن حالته يوصلك للصفحة الاولى
وعن طريق قوقل ومش دخول مباشر
الان من داخل مدينة جدة
ليكم شوقنا
ومرحب بيكم
وحد الفرح وانا لاول مرة
استطيع ان افتح الموقع واتصفح بمهل
مع التحييييييييية

حمدلله علي سلامتك

Quote: حمدلله علي سلامتك

ود المسلمي
تشكر على المرور من هنا

ابو روضة حمدلله على السلامة

اجازة ممتعة في رحاب وطن فرحته حزن واشواقه نفور

Quote: ابو روضة حمدلله على السلامة اجازة ممتعة في رحاب وطن فرحته حزن واشواقه نفور

حسن عبدالمجيد
كيف حالك يا زول يا جميل
عاطر التحايا تصل
عندك
وبالضبط
وطن الفرحة به حزن
واشواقه
تفور
احتراماتي
دمت بالف خير

ونبداء من تحت
والبلد مش في حد من حدود التحت
بل
تحت
التحت
وعشان تصل معاي
انت بس احتل تحت
محل ما تصل لقراية خارطة الوطن من تحت
برضه
احتل اكتر
وخد نفس عميق
وقول معاي
يا منقذ يونس داخل بطن الحوت
من الغرق
اقيف معاي عدل
وبين الحين وحين برضه خد لك
نفس
وقول
الله يا رب كربك كرب
او كما قال حميد
الله يوسده الباردة
نقطة سطر جديد

العود أحمد
حمدلله على السلامة يا ابو روضة.

Quote: العود أحمد حمدلله على السلامة يا ابو روضة

وسلام من هنا يصلك وجدك موفور صحة
وغافية
تامي
لامي

وقبل الدخول لصالة المغادرة
ومنها للبوابة رقم خمسة
لاعتلاء سلم الطائرة
كان التفتيش الاخير والتحميص الاخير
اجراءات شكلية
تمعن في الوجه
ومقارنة سريعة
بين الوجه والصورة الموجودة على الجواز
بادرني العسكري الممسك بجوازي وبابتسامة لم اتوقعها في حقيقة الامر
السلام عليكم
رددت عليه بمثلها
يا الف مرحب بيك
وبسرعة باغتني بسوال
معاك عملة
اجبته عملة زي ايه ؟
دينار
ريال
دولار
قلت له معاي عملة سودانية
سالني في حدود كم
احتمال تلاتين جينه
سالني
وبرضه بابتسامه عريضة
ما عندك عملة غيره ؟
سبحان الله لربما قرأ القراية الكذب بحسه الامني
بانني لدي عملة
قلت له وبابتسام ياخ المفروض
يكون السوال انت صرفت كم
وجيت بكم
وراجع بكم
ياخ اقول ليك حاجة
حتى التلاتين جنيه انا كنت عاوز اختها في الصندق الهناك داك
لكن ما ختيته
ناولني جوازي وهو يردد وبابتسامته الرحيبة
تمشي وتجي بالسلامة
وانا من هنا
اتمنالك السلامة وسترة الحال والكرامة
وسلام يا وطن

الصديق ابوروضة تيحاتي وتقديري وحمدلله علي السلامة وكيف احوال الاهل جميعاً وربنا يرحم الاموات ....
مشتاقين والله شديد واتمني ان التقيك قريباً ........

حمد لله على السلامة يا حبيب ابو الروضة وبركة الجية وعقابك واهلك ان شاء الله كلهم طيبين

شنو يا مواطن عملتها تاني ومن غير خبر ،، كنا نتمنى شوفتك بس الظروف كانت اقوى ان تطوع
نتمنى ليك استقرار عملي مفيد وعودة للوطن سالم غانم ،،والوطن كما تريد
لا تحرمنا من سماع صوتك ،، وعبرك التحيات للصديق ابراهيم النعمة واتوقع تلفون منكم لمن تشوفو
--------------
يلا كمل حكاويك عن الوطن
في الانتظار ،،

Quote: شنو يا مواطن عملتها تاني ومن غير خبر ،، كنا نتمنى شوفتك بس الظروف كانت اقوى ان تطوع نتمنى ليك استقرار عملي مفيد وعودة للوطن سالم غانم ،،والوطن كما تريد لا تحرمنا من سماع صوتك ،، وعبرك التحيات للصديق ابراهيم النعمة واتوقع تلفون منكم لمن تشوفو -------------- يلا كمل حكاويك عن الوطن في الانتظار ،،

ود دفع الله
وحاتك لم افعلها
لحدي قبل يومين
اخوك ساهي لاهي
حاصل الحاصل والمتحصل
اتصال من هنا
من الكفيل
بانو كل الوقت الممسموح لي بالتواجد من هناك
قبل الثامن وعشرين
المهم اني خرجت وبتذكرة بفهم يا ماسك الروح ما تروح
وافهمه براك وانت سيد العارفين
الحبيب على دفع الله
بشرني عنك وعن عملية ابن اخيك
مع امنياتي لك باستقرار مستدام
وحتما
يا رفيقي سنلقتي
وكنا لنا قلنا فيه الكثير من التحدي ولكننا التقينا
دم بالف خير
مع التحييييييييييييية

Quote: حمد لله على السلامة يا حبيب ابو الروضة وبركة الجية وعقابك واهلك ان شاء الله كلهم طيبين

احمد حمودي الاهل بخير
تقبنا الفاتحة في من رحل وشيعناهو لموسواه الاخير
وفي القلب غصة وشي من وجل
ولا زال الاحياء الاموات ينتظرون
ولسان حالهم يقول
اما حياة تسر الناظرين
او ممات يغيظ العدى
والقومة ليك يا وطن

Quote: الصديق ابوروضة تيحاتي وتقديري وحمدلله علي السلامة وكيف احوال الاهل جميعاً وربنا يرحم الاموات .... مشتاقين والله شديد واتمني ان التقيك قريباً ........

الحبيب ود النعمة
كيف حالك ياخ
انت والاولاد ... وامير
كل السمحين في دار طيبة الطيبة
اتمناكم بخير
وانت لسه بطيبة الطيبة تطوي الارض على تلك السيارة
ولكأنها فص من عصاء موسى
تهش بها بشوق مريد
ليس لكم محصل الحصة من الريال
بل ماذا فهم الطالب
ياخ من الاخر
سلام يا زول يا مدردح
والقلب مستف بالاشواق
والي ان نلتقي في القريب العاجل
تقبل تحياتي ليك وللاسرة الكريم

حمد لله سلامة يامواطن

وهز مختار وذلك ما يختص بطول المشوار

حلتك خبرا شنو

Quote: حمد لله سلامة يامواطن وهز مختار وذلك ما يختص بطول المشوار حلتك خبرا شنو

صديقي الشقي
معاوية
انشاء الله النزلة
المعوية على عدواك
قول اميييييييييييين
نقطة سطر جديد

فيما يختص بحال الحلة
على نار هادية كما الشعب السوداني وه بياخو ياخذ طغمة فاسدة بنفس النهج
ديدنه
الصبر على
القتل
التعذيب الموت
الدمار
الفساد
وحد الحد الحاسم في يقينهم بانهم واصلين
لمختار
وباختيار
بين هز جزع النخل ليتساقط رطب جينا
او بمناداة السراب اليباب وتبقى
لهفة الخطى على المشواير الوهم
( او كما قال )
نقطة سطر جديد
بالله يا زول بلغ سلامي ليكم كلكم
كما انتم متوهجين وكده
مع التحييييييييييييييية

اكثر الحاجات اهتراء
ثقافة الاستثمار في الحمامات
في بلد
ساستها لغتهم وسلوكهم كما الصرف الصحي
هههه

Quote: med Mohammed · الأكثر تعليقا ابو روضة .. المابخليك تفرح شنو ؛؛ من اكل الويكاب وام شعيفة وام تكشو وشراب موية الترعة ؛؛ لاكل المندي وشراب الببسي ولبن المراعي .. دحين السودان دا لو بقى ليك جنة عدن بتقعد فيه ؟؟ قال ايه ؛ قال يا فرحتي قال ؛؛ يعني الود عامل فيها خرج مجيور ههههههههههه

كل ما ذكرت وحاتك قلادة شرف لي ً
صحيح انا بن الترعة
والولد المرتوي من موية ابو عشرين
واب ستة
ولداً تربية لوبا
وملاح وكياب
وام شعيفة
وسفروق
وفيرك بامية
وقراصة قمح حق اهلي
وكنت قبل تسعة ايام بالضبط
اخود بين التنقت واب عشرين
ومتحزم ومتلزم
ابشرك اني سقيت القمح
ودقيت العيش
ونضفت التقا
ولميت الفول
وبعد دا جيت ياني قاعد متهوط في السعودية
وبعد كم يوم
ممكن اكل مندي
واشرب بارد
وكل شي في تصورك
وخت في يقينك
بعرق جبيييييييييييين
مع التحييييييييييييييية

شكراً لك