Post: #1
Title: يا آمنة مختار عليك اثبات التهمة
Author: أيمن محمود
Date: 12-28-2013, 07:27 AM
Parent: #0
في بوست يرقد بسلام الآن في غياهب جب الارشفة كتبت آمنة مختار القيادية في حزب الخضر ما يلي:
Quote: أما أنت يا أيمن محمود فأمرك عجيب !!
قبل انضمامك إلى البورد دا حسبناك من أصدقاء حزب الخضر
عندما صممت لنا شعارا وأهديته لنا ، وشخصيا إحتفيت به وإكراما لك وضعته كصورة لبروفايلي فى الفيسبوك شعورا عدة .
ولا أدري لمااذا مما ختيت رجلك فى سودانيزاون لاين دي ..بقيت خاتي نقرك من نقرنا بدون أى سبب معروف !
أوعى تكون إفتكرتنا ناس مساكين والغنماية تاكل عشانا ..
عشان جاملناك فى شعارك الذي إتضح أنه ملطوش ..
( شخصيا زولة طيبة جدا ..الأمر الذي يغري اللئام أحيانا بأن يتخذوا من إكرامي لهم سببا للحقارة ...لكن سرعان ما يندموا على ذلك أشد الندم ) .
وياهو طبع اللئام ..
كما قال الشاعر . |
وكان الرد كالآتي:
| Quote: قبل انضمامك إلى البورد دا حسبناك من أصدقاء حزب الخضر |
بغض النظر عن حسبناك - دي نقطة مهمة جداً حقوا حزب الخضر يعمل ليها اجتماع للاجابة على سؤال مهم جداً
كيف تكسب صديق للحزب وكيف تحافظ عليهو؟
| Quote: أوعى تكون إفتكرتنا ناس مساكين والغنماية تاكل عشانا .. |
يا آمنة مختار عليكي ان تفصلي بين آمنة مختار وحزب الخضر فلغة (تاكل عشانا) لاتليق بلغة خطاب لشخصية اعتبارية تمثل حزب سياسي ... ولكنها تليق بك!
| Quote: عشان جاملناك فى شعارك الذي إتضح أنه ملطوش .. |
كان تكوني أمينة وتقولي اني أنا أيمن محمود شخصيا من حذرك من استخدام الشعار بصورة رسمية مستقبلاً لأنو استعنت فيهو بصورة من النت !
ولو رجعتي للهيستوري بتاع الموضوع بتلقي الكلام ده في حدود 24 يوليو، 2012، ما علينا ... بتكوني نسيتي منو القال ليكي المعلومة دي أو غلبتك شهوة الانتقام!!
| Quote: شخصيا زولة طيبة جدا ..الأمر الذي يغري اللئام أحيانا بأن يتخذوا من إكرامي لهم سببا للحقارة ...لكن سرعان ما يندموا على ذلك أشد الندم |
مرة أخرى انوه لضرورة فصلك بين (الخاص) والعام
واود ان انوه ان لغتك في الخطاب غير (خضراء) ولا تتسق مع مبادئ حزب الخضر التى أعرفها
كما لايفوتني ان ادعوك لأخذ دورات في ضبط النفس وادارة الخلافات والوعي بتحديات العمل العام وتقبل الانتقادات والاستفزازات
-
يا اخي ما ممكن تنقليني من خانة الصديق للحزب لعدو الحزب بمجرد انتقاداتي !
|
Post: #2
Title: Re: يا آمنة مختار عليك اثبات التهمة
Author: أيمن محمود
Date: 12-28-2013, 07:35 AM
Parent: #1
الآتي هو الشعار (الفطير) الذي زعمتي انني قد لطشته
عليكي اثبات ان الشعار أعلاه مستخدم من قبل أي جهة كانت !
|
Post: #3
Title: Re: يا آمنة مختار عليك اثبات التهمة
Author: أيمن محمود
Date: 12-28-2013, 07:42 AM
Parent: #2
هدف البوست: دراسة سلوك قيادية سياسية تحت ضغط اسفيري
ايوه نعم: open book exam
|
Post: #4
Title: Re: يا آمنة مختار عليك اثبات التهمة
Author: حمد عبد الغفار عمر
Date: 12-28-2013, 07:45 AM
Parent: #2
هسة يا أيمن عليك الله دا شعار محتاج ليهو لي لطش
أوع تقول لي اخد معاك كم يوم ؟ 
|
Post: #5
Title: Re: يا آمنة مختار عليك اثبات التهمة
Author: أيمن محمود
Date: 12-28-2013, 08:02 AM
Parent: #4
حمد عبد الغفار عمر ،،، تحياتي
| Quote: أوع تقول لي اخد معاك كم يوم ؟ |
ياحمد ده (ما) شعار حزب الخضر - ده جزء من صورة مبذولة في النت اقتعطتها أنا كشعار مؤقت لحزب الخضر او قل ايقونة مؤقتة لحين تصميمهم شعر خاص بهم
وقانونا لايمكن لأي أحد كان ان يقاضيهم على ملكية الشعار ولكن ربما يمكن مقاضاتهم على استخدام (جزء) من صورة غير مملوكة لهم ، لذا ومن فرط احساسنا بالمسؤليه نبهناهم الى ذلك !
وكان تنبيهنا وبالاً علينا بان اتهمنا بعد عام ويزيد با (اللطش) 
تخيل انو يتهمنا أحدهم باللطش بعد عام مثلاً على:
|
Post: #6
Title: Re: يا آمنة مختار عليك اثبات التهمة
Author: وضاح عبدالرحمن جابر
Date: 12-28-2013, 08:32 AM
Parent: #5
غايتو الانا فهمتو لحدى هسع
1/ انو التصميم مقترح لشعار مؤقت حزب الخضر
(والشعار المؤقت يعتبر برضو شعار )
2/ وانو فعلا كما ذكرت امنه مختار .. فيما معناهو انو الشعار ملطوش
وبالرغم من انك قلت (انو جزء منو ملطوش)
فاذا الجزء فى الحالة دى يدخل الشعار كلو فى حته اللطش
تحياتي استاذ ايمن
|
Post: #7
Title: Re: يا آمنة مختار عليك اثبات التهمة
Author: Yassir Tayfour
Date: 12-28-2013, 09:12 AM
Parent: #6
تستاهل يا أيمنا
أمونة بالرغم من أنها صديعة ومناقرتها متعة، إلا أنها ينطبق عليها المثل بتاع المجنون، فلا تعمل ليهو شعار ولا يعمل ليك شعار، كان عمل ليك بتكلم وكان عملت ليهو بتكلم ;)
___
لكن السؤال الما جاوبت عليهو بما يكفي، لماذا إبتعدت عن حزب الخُدر؟
عندك رأي في قيقراوي ولّ عندك رأي في تبارك؟
ولّ عندك رأي في المرشدة أمونة؟
|
Post: #8
Title: Re: يا آمنة مختار عليك اثبات التهمة
Author: Yassir Tayfour
Date: 12-28-2013, 09:13 AM
Parent: #7
علي الأقل كان تستقيل زي ما استقال حيدر الزين من الحزب الليبرالي ;)
___
( )
|
Post: #10
Title: Re: يا آمنة مختار عليك اثبات التهمة
Author: وضاح عبدالرحمن جابر
Date: 12-28-2013, 09:15 AM
Parent: #8
| Quote: المثل بتاع المجنون، فلا تعمل ليهو شعار ولا يعمل ليك شعار، كان عمل ليك بتكلم وكان عملت ليهو بتكلم ;) |
|
Post: #14
Title: Re: يا آمنة مختار عليك اثبات التهمة
Author: أيمن محمود
Date: 12-28-2013, 02:17 PM
Parent: #7
Quote: لكن السؤال الما جاوبت عليهو بما يكفي، لماذا إبتعدت عن حزب الخُدر؟
عندك رأي في قيقراوي ولّ عندك رأي في تبارك؟
ولّ عندك رأي في المرشدة أمونة؟ |
المسافة بيني وبين حزب الخضر الآن وقبل سنة وااحدة يا طيفور ... تصدق!
وهى نفس المسافة مع تنظيمات أخرى
، شباب حلوين، طيبين، يستاهلو التضامن والتشجيع رغم كل شئ!
لو ما افادو .. ما اظنهم يضروا، وأهو الباندويدث هبطرش، والاسافير واسعة بتسعم التلاتة واصدقاءهم
اما ملافظك فعليها اللعنة يا هذا !...
|
Post: #9
Title: Re: يا آمنة مختار عليك اثبات التهمة
Author: أيمن محمود
Date: 12-28-2013, 09:15 AM
Parent: #6
هلا يا وضاح ومرحبا
Quote: وبالرغم من انك قلت (انو جزء منو ملطوش)
فاذا الجزء فى الحالة دى يدخل الشعار كلو فى حته اللطش |
أعد قراءة كلامي للمرة الثانية وركز كويس !
في فرق بين:
1- انك تستخدم صورة وجه انسان ما موجودة في النت وتقص منها صورة العين بتاعتو مثلاً وتستخدمها كشعار
في الحالة دي مافي زول حا يقاضيك على شعار العين باعتبار انو ملطوش ،،، بس ممكن تتقاضى على حقوق الملكة الفكرية لصورة العين
2- وبين انك تشيل شعار علي شكل عين مستخدمنو ناس تانيين وتستخدمه ضمن شعاركوهنا ممكن تتحاكم باعتبار انك لاطش الشعار بتاع الناس والصورة كمان
وقع ليك ؟!
تحياتي
|
Post: #11
Title: Re: يا آمنة مختار عليك اثبات التهمة
Author: خالد عبد الله محمود
Date: 12-28-2013, 09:29 AM
Parent: #9
ده ما شعار العثيم يا عمكـ ؟
|
Post: #12
Title: Re: يا آمنة مختار عليك اثبات التهمة
Author: صبري طه
Date: 12-28-2013, 09:44 AM
Parent: #11
| Quote: ده ما شعار العثيم يا عمكـ ؟ |
مُختلف يا عمّك ...
|
Post: #13
Title: Re: يا آمنة مختار عليك اثبات التهمة
Author: محمد المسلمي
Date: 12-28-2013, 09:51 AM
Parent: #12
| Quote: كما لايفوتني ان ادعوك لأخذ دورات في ضبط النفس وادارة الخلافات والوعي بتحديات العمل العام وتقبل الانتقادات والاستفزازات |
أستاذ أيمن سلام جنس كلامك ده ياهو البجيب المشاكل مع الزعماء والقادة دول (:
|
Post: #15
Title: Re: يا آمنة مختار عليك اثبات التهمة
Author: فرح الطاهر ابو روضة
Date: 12-28-2013, 03:36 PM
Parent: #13
| Quote: أستاذ أيمن سلام جنس كلامك ده ياهو البجيب المشاكل مع الزعماء والقادة دول (: |
بل من جنس الكلام دا
هو البخلي محمد المسلمي
وغيره
وغيرم ينفذوا
وتحية ايمن
وتحيات امنة مختار
ومثلها لود طه
نقطة سطر جديد
انتو في شنو ؟
|
Post: #16
Title: Re: يا آمنة مختار عليك اثبات التهمة
Author: عبدالمنعم الطيب حسن
Date: 12-28-2013, 04:44 PM
Parent: #15
Quote: هسة يا أيمن عليك الله دا شعار محتاج ليهو لي لطش
أوع تقول لي اخد معاك كم يوم ؟
|
شكرا ياحمد ، اذ اهديتني ابتسامة وضحكة ، قعدت اتكشم،
وضحكت بصوت عالي لمن وصلت لي كم يوم ؛
انت رجل ممحون كما يقول اهل الاسافير،
......................................
ايمن خفف الابنص شوية،
في جميع الاتجاهات،
فقد شتتنا، وتشتتا...
|
Post: #17
Title: Re: يا آمنة مختار عليك اثبات التهمة
Author: أيمن محمود
Date: 12-29-2013, 06:40 AM
Parent: #16
نفترض جدلاً جدلاً انو الشعار ملطوش:
يبقى باي اخلاق وأي مبادئ تفشي السر ده لمجرد انك اعتبرتيني (ما) صديق للحزب ؟!
وهل نفهم من كده انك لمجرد اختلافك مع عضو في الحزب او صديق للحزب ممكن تفتيهو عادي في الاسافير؟
|
Post: #18
Title: Re: يا آمنة مختار عليك اثبات التهمة
Author: أيمن محمود
Date: 12-29-2013, 08:44 AM
Parent: #17
السردبة ودفن الدقن خيار حكيم ،،، الا انه ######## ويمكن ان يعد سكوت عن الحق ويعد بالتاكيد مؤشراً قوياً على ضعف في الشخصية وان غلفها ما غلفها!
اما مواجهة (الحقيقة) بكل شجاعة وثقة بالنفس فذلك أمر جيد يعبر عن الصدق مع النفس والروح القيادية الحقيقية، ويضيف ولا يخصم من الانسان لو كنتم تعلمون !
|
Post: #19
Title: Re: يا آمنة مختار عليك اثبات التهمة
Author: أيمن محمود
Date: 12-30-2013, 07:51 AM
Parent: #18
من ناحية أخرى؛ أجدها مناسبة للاشادة بالسياسي البوردابي الشاب عادل عبد العاطي لما لمسته فيه من رغبة حقيقية وجدية في التواصل مع الجميع عبر كل الوسائل المتاحة وطرح افكارهم في الحزب الديمقراطي الليبرالي، وخصوصا عبر سودانيزاونلاين، فبالاضافة الى انها محمدة كبيرة تحسب لهم فهي زرع ستجنى ثماره تدريجيا في الفترة القادمة.
|
Post: #20
Title: Re: يا آمنة مختار عليك اثبات التهمة
Author: Abdel Aati
Date: 12-31-2013, 12:40 PM
Parent: #19
شكرا الصديق ايمن واتمنى ان يُحل سوء التفاهم بينك وبين الصديقة آمنة بصورة ودية
فأنت كسب للمشاريع الجديدة في السودان وهي أيضا انسانة مجتهدة وانت تعرف ذلك جيدا ؛ فخسارة هذا الشقاق بينكما..
| Quote: من ناحية أخرى؛ أجدها مناسبة للاشادة بالسياسي البوردابي الشاب عادل عبد العاطي لما لمسته فيه من رغبة حقيقية وجدية في التواصل مع الجميع عبر كل الوسائل المتاحة وطرح افكارهم في الحزب الديمقراطي الليبرالي، وخصوصا عبر سودانيزاونلاين، فبالاضافة الى انها محمدة كبيرة تحسب لهم فهي زرع ستجنى ثماره تدريجيا في الفترة القادمة. |
اتمنى ان نصل للجميع فهذا واجبنا ولكن كما تعلم العين بصيرة واليد قصيرة
لك التحايا وكل عهام جديد وانت بخير
|
Post: #21
Title: Re: يا آمنة مختار عليك اثبات التهمة
Author: Mohamed E. Seliaman
Date: 12-31-2013, 12:59 PM
Parent: #20
(((بس ممكن تتقاضى على حقوق الملكة الفكرية لصورة العين
)))
----------------------------------------------------------
بالغت يا باشمهندس !
http://www.ipo.gov.uk/
|
Post: #22
Title: Re: يا آمنة مختار عليك اثبات التهمة
Author: أيمن محمود
Date: 12-31-2013, 02:05 PM
Parent: #21
Mohamed E. Seliaman
Post: #23
Title: Re: يا آمنة مختار عليك اثبات التهمة
Author: أيمن محمود
Date: 12-31-2013, 09:02 PM
Parent: #20
الاستاذ عادل عبد العاطي تحياتي وعام سعيد ان شاء الله
| Quote: اتمنى ان يُحل سوء التفاهم بينك وبين الصديقة آمنة بصورة ودية |
ليس لي أي ضغينة تجاه أمنة مختار فهى كما ذكرت انسانة مجتهدة ونتمنى لها كل خير والضغط الاسفيري لو ما رماها ... بقويها :)
واتمنى لكم التوفيق أيضاً فمستقبل السودان يحتاجكم
|
Post: #24
Title: Re: يا آمنة مختار عليك اثبات التهمة
Author: AMNA MUKHTAR
Date: 01-05-2014, 00:02 AM
Parent: #23
سردبة ودفن دقن قلت لى ههههههههههه
إنت يا أيمن قايلني مصاقرة سودانيز دى زيك أربعة وعشرين ساعة ؟!
معليش ..مستجد طبعا وفرحان بالباسويرد وكدا ..
عشان كدا بتفجخ ساااااي وطايح شمال ويمين ..
لما دعست ليك لغم عديل ..
وقلت الإستهزاء والهبل البتعمل فيهو دا إسمه ( نقد )..!!
ما كلموني والله إنو النقد كدا .
وشكرا على النصائح الغالية ..
وأنا كمان بنصحك تخلي عندك (شوية ضمير) ..
لأنو الناس برضه بتقرا التعليقات الغريبة الكتبتها لي واللي ما عندها علاقة بالنقد من قريب أو بعيد .
خاصة تعليق فى بوست لملاسي فيهو شتيمة قذرة جدا ما سبقك عليها زول هنا .
.......
أما عن دورات التحكم فى الغضب وضبط النفس وتقبل النقد وشنو ما عارفة ..
فأكتر من العملنا معاك فى بوستك دا
تاني نعمل شنو ؟
شكلك مشاركتنا ليك فى السخرية من أنفسنا هنا خلتك تفتح نفسك طوالي وعايز تعملنا ملطشة كمان /
اضحك مع حزب الخُدر
.............
وكمان أقول ليك يا فالح ..
وفر على نفسك الإبتزاز ومحاولة تحريش الخضر ..لأنهم عارفني كويس ومررنا بالكثير معا ..وما لا يمكن أن تتخيله .
فشنو ..ألعب غيرها .
وما تتوقع أرجع ليك هنا تاني ..
لكن بعرف ألبد ليك وين ..:)
|
Post: #25
Title: Re: يا آمنة مختار عليك اثبات التهمة
Author: AMNA MUKHTAR
Date: 01-05-2014, 00:12 AM
Parent: #24
عارف يا حمد ..
أنا الزول دا لما رسل لي شعارو دا فى الفيسبوك ..جاملته سااااااي
وختيته كصورة لبروفايلي فى الفيسبوك .
مع إنو الشعار ما عجبني ولا حاجة ...بس لأنها كانت لفتة جميلة من شخص لم يكن لي به سابق معرفة ..
حتى الآن ما بعرف أيمن محمود البيكتب بإسم أيمن أبو عجاجة فى الفيسبوك دا منو .
______________
فقط أحب أن أنوه أن هذا الشعار المهدي من أيمن لم يكن شعارا موقتا ولا مشروع شعار دائم ولا يحزنون ..
فشعاراتنا كتيييييييرة الصمموها الأعضاء وبعضها مهدى من فنانين معروفين .
أما الشعار الرسمي / والموجود على صفحتنا وموقعنا
فهو من تصميم الفنان التشكيلي تبارك شيخ الدين اللي هو رئيس الحزب حاليا .
|
Post: #26
Title: Re: يا آمنة مختار عليك اثبات التهمة
Author: AMNA MUKHTAR
Date: 01-05-2014, 00:30 AM
Parent: #25
أما أنت أيها الأمنجي المسمي نفسك نهى أحمد ..
عبر الفيسبوك وإنت متخفي وراء رسم لإمرأة ملثمة .
فكان تحاول تكون ذكي شوية ..
لأنو مافي إمرأة سودانية بجاوية ولا بيزنطية
حيطتها فى الفيسبوك كلها روابط لمواد إباحية فجة بالطريقة دي !!
(عشان كدا الناس لما زول يقدم ليهم طلب صداقة بيخشوا حيطته عشان يشوفوا مخه دا فيهو شنو ..فهمت يا غبي ؟ )
...................
وباي باي أيمن ..
أتوقع بوستك القادم يكون بإسم تبارك شيخ الدين ....:)
|
Post: #27
Title: Re: يا آمنة مختار عليك اثبات التهمة
Author: AMNA MUKHTAR
Date: 01-05-2014, 00:54 AM
Parent: #26
بعد ما قلت باي باي حبيت أرد لأبو روضة
ولا حاجة ..بس أيمن محمود هدفه كان يعمل دعاية لنفسه إنه مصمم شعارات ختييييييير ..
لكن البوست جاب نتيجة عكسية ..وأثبت إنه متعود على اللطش ..والدليل الشعار التاني بتاع الفضائية :)
عيب عليك يا أيمن محمود تلطش ..
وكمان تعمل دعاية لنفسك بأسماء العضوات والأعضاء هههههههه
وبهذه المناسبة يزجي حزب الخضر السوداني خالص الشكر والثناء والإمتنان
لكل الفنانين التشكيليين الذين أهدوا لنا شعارات أصيلة من إبداعاتهم .. دونما من أو أذى ..أو قشرة على الفاضي .
|
Post: #28
Title: Re: يا آمنة مختار عليك اثبات التهمة
Author: Yassir Tayfour
Date: 01-05-2014, 01:58 AM
Parent: #25
Quote: أما الشعار الرسمي / والموجود على صفحتنا وموقعنا
فهو من تصميم الفنان التشكيلي تبارك شيخ الدين اللي هو رئيس الحزب حاليا . |
يا أمونة رئاسة حزبكم ما كتيرة صديعنا تبارك، لكن فنان تشكيلي دي بتدخلنا في مشاكل مع الفنانين التشكيليين ;)
___
قريبي فتح الرحمن قيقراوي بتاع محاسبة، وهذا للعلم فقط ;)
|
Post: #29
Title: Re: يا آمنة مختار عليك اثبات التهمة
Author: د.نجاة محمود
Date: 01-05-2014, 03:05 AM
Parent: #28
سلام يا ايمن
غالبية من تتهجم عليهم امنة عندهم بوست ذي دا في ارشيفهم
مستحيل تعتذر ليك البايبولار ديل ما بعتذروا خالص لانه يظنون ان ما يكتبونه حقائق
اسع ذي بهتة المسلمي دي كيف عرفت امنة انه دا المسلمي؟!!!
احتسب ساي
|
Post: #31
Title: Re: يا آمنة مختار عليك اثبات التهمة
Author: أيمن محمود
Date: 01-05-2014, 07:34 AM
Parent: #29
دكتورة نجاة تحياتي
| Quote: غالبية من تتهجم عليهم امنة عندهم بوست ذي دا في ارشيفهم |
مصداقاً لكلامك ؛ بالصدفة وبعد ما فتحت البوست ده لقيت بوست فاتحو شول اشوال دينق بسبب اتهامات مجانية من آمنة مختار ووالله لو اطلعت عليهو قبل ما افتح البوست ده ما كان فتحتو من الاساس!
|
Post: #30
Title: Re: يا آمنة مختار عليك اثبات التهمة
Author: أيمن محمود
Date: 01-05-2014, 07:11 AM
Parent: #24
يا آمنة مختار عليك اثبات التهمة
وبطلي البطبطة البتعملي فيها دي!
| Quote: خاصة تعليق فى بوست لملاسي فيهو شتيمة قذرة جدا ما سبقك عليها زول هنا |
القصة ببساطة كالآتي: بسبب مطاردة آمنة مختار لحسين ملاسي ولما زهج منها طلب منها تبطل (اللهاث) وراهو ... وطبعاً معلوم لا يلهث الا ال######!، والحقيقة الوصف ده ما عجبني ليها فقلت لحسين ملاسي: حرام عليك تشبه آمنة مختار بالكــلبة
هسا وين الشتيمة الشتمتها أنا لآمنة مختار ؟!!!
|
Post: #32
Title: Re: يا آمنة مختار عليك اثبات التهمة
Author: محمد البشرى الخضر
Date: 01-05-2014, 08:39 AM
Parent: #30
| Quote: وطبعاً معلوم لا يلهث الا الكــلب!، |
يا راااجل...
أي زول جكّ او طلع سلم او غيّر لستك ح يلهث :)
|
Post: #33
Title: Re: يا آمنة مختار عليك اثبات التهمة
Author: أيمن محمود
Date: 01-05-2014, 08:53 AM
Parent: #32
Quote: يا راااجل...
أي زول جكّ او طلع سلم او غيّر لستك ح يلهث |
لو كان خردة يا محمد
-
للامانة اللهاث صفة ملازمة لل######، ولكن يمكن ان يصف بها الانسان، مثلاً زي ما نقول لزول: ما تنبح فينا ياخ
|
Post: #34
Title: Re: يا آمنة مختار عليك اثبات التهمة
Author: AMNA MUKHTAR
Date: 01-05-2014, 09:01 AM
Parent: #32
| Quote: اسع ذي بهتة المسلمي دي كيف عرفت امنة انه دا المسلمي؟!!! |
غايتو يا دكطرة ..:)
فتشت البوست دا فوق تحت ..
ما لقيت نفسي جبت سيرة المسلمي كان فى خير كان فى شر !!
|
Post: #35
Title: Re: يا آمنة مختار عليك اثبات التهمة
Author: يحي قباني
Date: 01-05-2014, 05:32 PM
Parent: #34
Quote: أما أنت أيها الأمنجي المسمي نفسك نهى أحمد ..
عبر الفيسبوك وإنت متخفي وراء رسم لإمرأة ملثمة . |
Quote: فتشت البوست دا فوق تحت ..
ما لقيت نفسي جبت سيرة المسلمي كان فى خير كان فى شر !! |
اعتقد انو الدكتوره نجاة قرت ( المسمي ) ... علي انها ( المسلمي ) ...
انا من امس فهمت كده ... لكن قلت جايز في بيناتهم كلام بين السطور يستعصي علينا فهمه ...
|
Post: #36
Title: Re: يا آمنة مختار عليك اثبات التهمة
Author: محمد الطيب محمد
Date: 01-05-2014, 05:59 PM
Parent: #35
الناس فى شنو
وحزب الخضر
فى شنو
Quote: نهي احمد · العشي
الاستاذه امنه مختار غير متزنه نفسيا ومرتابه حتي من ظلها وتظن لكل من حولها الظنون (( وَمَن يَكُ ذا فَمٍ مُرٍّ مَريضٍ *** يَجِد مُرّاً بِهِ الماءَ الزُلالا )) انا اقترح ان تغير عنوان (محسن خالد بحاجتنا جميعا) (الاستاذه امنه بحاجتنا جميعا) اقوليكي بي صراحه دراتون باتوك لهاتو |
قلنا الكلام
ده قبل كده
|
Post: #37
Title: Re: يا آمنة مختار عليك اثبات التهمة
Author: AMNA MUKHTAR
Date: 01-06-2014, 00:10 AM
Parent: #36
Quote: الصفصاف السراريه · الأكثر تعليقا · مدرسه البحر الاحمر الثانويه-بورتسودان
شكرا امنة مختار للدرس القيم .البرلوم عايز يشتهر طلع حرامى قرقرررر ههههههههههه كاااااااااك ..ال###### نهى احمد تفووعلى تربيتك ياباطل جزمة امنة بلسانك
رد · 1 · أعجبني
· متابعة المنشور · منذ 9 ساعات |
|
Post: #38
Title: Re: يا آمنة مختار عليك اثبات التهمة
Author: AMNA MUKHTAR
Date: 01-08-2014, 03:50 PM
Parent: #37
زغتي مشيتي وين يا دكطرة ؟!
مش قلتي أنا بتجنى على الناس وما بعتذر ..
طيب إنتي أبقي أحسن مني وإعتذري مرة واحدة فى حياتك فى البورد دا على تجنيك علي ...:)
_________
يا أستاذ قباني وحياتك خمنت نفس تخمينك ..
لكن لازم أحكها مع الدكطرة دي شوية ..:)
ويا أيمن محمود مالك عملت رايح من طلب الأخ دا /
Quote: Abubakr Ahmed Abbas · Elsunny
عليك الله، يا أُستاذ أيمن، نزل لينا رابط الصورة اللطشت منها جزء من الشعار.
رد · 3 · إلغاء إعجابي
· متابعة المنشور · 31 ديسمبر، 2013، الساعة 04:29 صباحاً |
|
|
|
