هدية صغيرة للمهندسين المدنيين. و المعماريين كمان.

ده مبنى (بصمته) وقع يوم السبت الفات فى شنقهاى.

http://gizmodo.com/5304233/entire-new-13+story-building-tips-over-in-shanghai/

والله يا اسمارت المعماريين ما عندهم أي دعوه بالكارثة دي !
بالعكس حالة الحوائط تشهد بان المعماري مكرب شغلوا صااح !
غايتو المعماريين الا كان يكلموا المدنيين القاعدين جمبهم
وراء كل كارثة معمارية عظيمة .. مهندس مدني !

سلامات أيمن محمود. النصيحة لله، كلامك صح.
يا جماعة البوست هدية للمدنيين، و أمانة في رقبة اي معماري يوريه للمدني اللي قاعد جنبو @-@


الصينيين بالغو!!! عاملين للمبني أساسات حلاوة حربة. الأساسات اللي انا شايفاها في الصور ديل بتشيل قطية ( بالكتير). :)

Quote: الأساسات اللي انا شايفاها في الصور ديل بتشيل قطية ( بالكتير).

أخالفك الرأي يا أسمارت لأننا بنحفر لشعبة القطية أطول من كده!!!
بالمناسبة أنتي العمارة دي مبنية من مكعاب بلاستيكية ولا شنو؟ لأنها وقعت بصمتها ولازالت سليمة وإذا نادوا ناس أبومروّة يمكن يردوها كما كانت!

سلامات محمد الأمين. "ناس ابو مروّة" دي بالغتا فيها :)
الصين دي ما بيكون فيها ناس ابو مروّة )
تعرف المصيبة دي كلها وقعت و مات زول واحد. البناية لسه ما اتسكنت. وقعت قبل ما اولاد عمها يسمعوا بيها.

سمارت يا هندسة
تحياتي وكمية سلامات

جاءنا في الأثر ( الرباطابي ) أن لوري قد إنقلب ( على صفحته )
أرسل السائق الرباطابي مساعده لأقرب قرية لترتيب عمال وميكانيكي وأدوات رفع
أخرج السائق فرشته وإضجع في ضل اللوري
أتى رجل شليق وسأل السائق

اللوري دا إنقلب ؟؟
فرد عليه السائق الرباطابي
لا.. لا ما إنقلب أنا ( تكيتو ) عشان أنجم شوية كدا في ضلو البارد دا

Likewise

العمارة ما إنهارت
تكوها عشان الناس تدخل فيها
وبعدين هيلا هوب يوقفوها تاني
عشان الأنسانسير كان متعطل شوية


_________________

في إحدي ندوات إسبوع المهندس قال البروف أبوبكر عبدالوهاب عن معاناة المهندس المدني

" إن مات المريض في العملية .. يكون يومو تم
وإن مات مسافرين في باص نتيجة لحادث حركة ...يكون يومهم تم
وإن حكم القاضي على متهم بالإعدام ... يكون يومو تم

وإن وقعت عمارة ... يكون المهندس بليد

سلامات سمارت


انهارت العمارة والحوائط سليمة والابواب والشبابيك سليمة


والفين سلام وتحية للهندسة المدنية

هههههههههههه

وانا لمن شفت الاساسات بتاعة العمارة دي واتذكرت العصرة العاصرني ليها المقاول قلت الزول دا نصاب

لكن فعلا اساسات حاجة غريبة شديد .. شكلهم ما حفروا اساسا

على بالحلال العمارة دي بي رقدتها دي لو جابوها لينا في الحاج يوسف نسكن فيها تماموزي الماكان حاجة

انت قصة انهيار المباني في مصر والصين دي شنو طوااااااالي؟

سلامات باشمهندسة اسمارت والاخوة المتداخلين
واضح جداً انو المشكلة كانت في نوعية التربة التي تم التأسيس عليها وبالتالي اختيار نوع القواعد وابعادها وقد تم اختيار قواعد خازوقية صغيرة جداً ولا يوجد اي تماسك بينها وبين التربة
واعتقد انه قد تسربت مياه لهذه التربة مما ادي الي تفككها وحدوث انقلاب في قواعد المبني
ياخي المقاول النفذ الشغل ده مفروض يدوهو جائزة ويعدموا المصمم رغم انو القوانين في كل الدنيا تحمل المقاول مسئولية التأكد من صحة التصميم ومراجعته قبل التنفيذ

سلامات يا بشمهندس عاطف. الحال و الأحوال؟
الرباطابي باااالغ:)
ربنا يطرى البروف ابوبكر عبد الوهاب بالخير.
تعرف، مرات بلادة المهندسين ما فيها كلام. مرات تشوف ليك بناية كده او كبري تقول لو عندي سوط كنتا جلدتا المهندس اللي عمل الشغل ده.

سلامات يا خليل. شكلها العمارة لسه في مرحلة التشطيب. عشان كده البواب جديدة و البوهية مظبطة.

سلامات نادر النور. البناء في السوداني غااااالي جداً. و ( أظن) ان المهندسين في السودان دائماً
Over designing
اقول أظن، لأني ما اشتغلتا نوع الهندسة المدنية دي خالص خالص. و اخر تصميم عملتو لأساسات و أعمدة كان في سنة رابعة جامعة. لكن بالمنطق كده الأساسات اللي في الصورة دي ما بتشيل العمارة دي :)


سلامات محمد الشيخ. قلتا لي بي رقدتها ده تدخلوا و تقفلوا أبوابكم عليكم، في أمانة الله. :)
ما تجيبوا ناس ابو مروّة يعدلوها اخير :)

سلامات بشمهندس سامي. كلامك صح. لكن مهما كانت نوعية التربة، الأساسات اللي في الصورة دي ما بتشيل المبني.


سلامات قرحطب. كلامك صحيح.
اختيار نوع الأساسات بيعتمد علي نوع التربة
و لو كانت التربة دي طينية و ما ثابته كان أحسن خيار انها تتعمل flat slap
زمااان اثناء الدارسة الجامعية كنتا بتدرب في الشركة اللي بتبني في حي النزهة( العشش سابقا). و اذكر انه الأساسات كانت piles لانه كان في ذي مليون حفرة كده في منطقة المشروع و كان مستحيل تتعمل footing foundation.

MADE IN CHINA



تحياتي يا أسمارت

Quote: ده مبنى (بصمته) وقع يوم السبت الفات فى شنقهاى.

الحدث قديم يعود ل 2009 وقد ورد بالبورد سابقاً
ولكن لا أرى غضاضة من تناوله مرة تلو أخرى ففيه من الدروس والعبر ما فيه

Quote: Izismile.com » Pictures » Apartment building fell down in China (12 pics) Posted in Pictures 29 Jun 2009 / 86588 views 5 Share299 Tweet10 6 Share346 13-storey apartment building collapsed in Chinese city of Shanghai, which was almost finished. It fell without being destroyed, like a domino. It gives the impression as if the building was razed as a tree and was laid down... According to the official version, the reason of the building collapsing was the construction of the underground garage and the loose soil. Read more at http://izismile.com/2009/06/29/apartment_building_fell_down_...WCPfCKmzsh.99

بلادة المهندسين ما فيها كلام

!!!!!!!

Quote: بلادة المهندسين ما فيها كلام

اللخو مهندس ولا شنو !! iهههههههه


وين محمد البشرى أبو حتوت .. مشتاقين يا حبشي ..!!

هههههههههه
يا حبشي بطّل حركات إن كان ولا بد قول بلادة المهندسين المدنيّين, بتجيب ليك ناسك برضو :)
__________________________

سلام سمارت

وعليكم السلام !!

سلامات محمد سليمان.
رغم ان الصين بقت قوى عظمي لكن راجيها تتعلم كتير عن حقوق الانسان، محاربة الفساد، المحافظة علي البئية.

شكرًا فرانكلي للتنبيه.


محمد e سليمان. سلامات.
المهندسين عموما ام المهندسين اللي بنو البناية موضوع البوست؟
عشان لو قاصد المهندسين اللي بنو البناية، يمكن تكون "عدم أمانة" و ليس "بلادة".بقول "يمكن".
اما اذا قاصد المهندسين عموما، ف نحنا الان عرفنا منو ############ :)

محمد البشرى، سلامات. زولكم ده مشكلتو شنو مع المهندسين؟؟؟ من اللي داسله على طرف!!!

نادر خليفة.
و عليكم السلام yourself!!!!

شكرا يا أسمارت..

النجيضــة هنــا

واحد علق قال:

Quote: Now that, folks, is a snafu. Don't you feel better now, that these are the folks manufacturing nearly EVERYTHING we buy and use today?

طبعا الذين بنوا هـذا المبنى ليسوا الذين يصنعون العاب الأطفال لأمريكا.. شوفى محاولة التضليل دى كيف؟
ثم أن التلوث بمادة الرصاص فى لعب الأطفال كان من تصميم الشركـة الأمريكية، والصينيين يصنعون حسب تصميم الزبون.. استمع الى مسؤول شركـة متيل (باربى)
الأمريكية بعـد ان هاجمت الصحافـة الصينيين وحاولت اشانة سمعتهم:

http://www.youtube.com/watch?v=J1YDa3t-z20

سلامات ابو الريش....الاحوال?
شكرا على النجيضة.
لكن ده ما سبب يبرر انهيار المبنى. فى الهندسة المدنية علم اسمه Soil mechanics* . و مفروض اى مهندس مدنى قبل ما يحفر حفرة كبيرة كده يكون عارف الحاصل شنو فى موقعه. الغريبة انه الاساسات اللى بتكون اعمدة بتتعمل عشان لو فى مشاكل فى التربة. لكن ما بقدر افتى فى الموضوع بالضبط لو ما عارفة نوع التربة شنو وحفروا لعمق قدر شنو. يعنى مفروض تتعمل دراسة عديل كده قبل ما يحفروا الحفرة اياها.

دى حاجة. الحاجة التانية..... ما شايفة اى تضليل فى كلام الزول ده.
صحيح..... اغلب المنتجات فى الاسواق الامريكية صناعة صينية.
و ما كل الشركات ذى Apple ....بتصمم منتجاتها فى امريكا و تصنعها (او تركبها) فقط فى الصين. فى منتجات كتيرة جدا جدا من شركات صينية فى الاسواق الامريكية.
المشاكل البيئة فى الصين ما بنقدر نتغالط فيها.


______________________________________________________________________________

Quote: Soil mechanics is a branch of engineering mechanics that describes the behavior of soils

.

يا باشمهندسة كلامى كان موجه للتحامل الغير منطقى.. لم اعترض على ان المنتجات فى امريكا كلها تقريبا صناعة صينية.. لكن
إعتراضى على كلام الزول أنو these are the people who.....1 وقلت ان المهندسين الذين بنوا العمارة ليسوا من يصنع المنتجات
المصدرة الينا هنا..
سافرت دول كثيرة ولم ارى مثل المعمار فى الصين.. شنغهاى هـذه فيها مئات الالاف من ناطحات السحاب.. منطقة جغرافية أكثر
منها مدينة كلها عمارات شاهقـة.. ما حصل شفت عمارتين على نفس الطراز المعمارى إلا العمارات التوائم. الكبارى زى الشعريـة
بس شعيرية بالضبط، غايتو الصمموها إلا يكونوا ضاربين حاجة.. وقوانين البناء صارمة وانا متاكد فى نفر نفرين حيعدموهم فى
الجريمة دى او يسجنوهم سجن مؤبد..
بالنسبة للبضائع.. أمريكا فيها وكالة صارمـة للمقاييس وإختبارات الأطعمة والادوية والملابس والعربات وأى شئ.. فكيف تدخل
بضائع مغشوشة.. الصينيين ما قاعدين يبيعوا هنا فى أمريكا.. التجار هم القاعدين يمشوا ليهم هناك ويشتروا منهم فى بلدهم. دى نقطة مهمة.
كم مرة سافرت من مدينة إيوو الى مدينة اخرى اسمها وينزوو.. ستمية نفق فى الجبال.. والنفق الواحد مرات يكون طوله 7 كيلومترات وأكتر.
فى مدخل النفق مكتوب طوله.. ومرات والله نمشى فى النفق وبعد 10 دقائق نشوف ضوء فى نهاية النفق، لكن والله مرقتنا منو توووش
فى نفق تانى.. ما نقدر نقرأ اللاتفة زاتها البتورى طوله، والضوء كان بين جبلين بس.. إضافـة لنفق قطارات طوله 10 (عشرة) كيلومترات،
وهو واحد من بين 96 نفق داخل الجبال.. هـذه منطقة صغيرة نسبيا فى جنوب الصين...... و تيب.

هاكى الهدية دى:

فى زول شاف فى الغرب عمارة واقفة وقوية لألاف السنين؟

سلامات ابوريش....

Quote: بالنسبة للبضائع.. أمريكا فيها وكالة صارمـة للمقاييس وإختبارات الأطعمة والادوية والملابس والعربات وأى شئ.. فكيف تدخل بضائع مغشوشة.. الصينيين ما قاعدين يبيعوا هنا فى أمريكا.. التجار هم القاعدين يمشوا ليهم هناك ويشتروا منهم فى بلدهم. دى نقطة مهمة

اكيد نقطة مهمة. لكن الاستيراد و التصدير ما بيشتغل بس بانه المستوردين الامركان هم اللى بمشوا الصين يجيبوا بضاعة. اكيد فى شركات صنية بتجى امريكا تسوق منتجاتها. ذى ما انا بعرف مزارعين امريكان بيمشوا الصين يسوقوا لحم الابقار و المكسرات.
على العموم اكيد انت قاعد فى امريكا و عارف ان الشعب الامريكى مقلق من انه اى شيء فى السوق مصنوع فى الصين, عشان كده الردود بتكون "خشنة" شوية فى الانترنت.
الحاجة التانية.....المعمار ده -فى نظرى-ما مقياس لتحضر بلد او رقيها.
شنقعاى اللى بتتكلم عنها و نزلتا صورها دى ذاتها موش شنقعاى دى:









للناس اللى بيتفرجوا فى الصور. ده ما ضباب. ده هواء ملوث من دخان المصانع و عوادم السيرات.

اكيد انا ما بغالط فى ان الهندسة المدنية فى ازدهار فى الصين. وانه ممكن يكون عندهم اعمق و اطول و اجمل انفاق فى العالم. الصين دولة عظمى وما فى غلاط فى كده.

Quote: وقوانين البناء صارمة وانا متاكد فى نفر نفرين حيعدموهم فى الجريمة دى او يسجنوهم سجن مؤبد..

الحادث-ذى ما اتكرم اخونا فرانكلى-حصل سنة 2009 ...و فى الصين -تحديدا- ما فى طريقة تعرف حصل شنو!!!1
_____________________________________________
كلمة اخيرة عن العمار....
اطول مبنى فى العالم هو برج الخليفة فى دبى. صح?
كتير من الناس سمعتهم بيتكلموا عنه بفخر, و حقيقي ما حبيت اتساغل و اقول ان برج الخليفة ده مثال لما يقال عنه "الفلهمة العوراء و شيل البطارية فى القمرا". هل تصدق انه برج الخليفة ما موصل فى شبكة صرف صحى. و انك لو مشيت خلف المبنى ح تلاقى صف طويل من التناكر بتنقل مياه الصرف الصحى من البرج to i don't know where

Quote: للناس اللى بيتفرجوا فى الصور. ده ما ضباب. ده هواء ملوث من دخان المصانع و عوادم السيرات.

المدن الكبرى فيها تلوث ولكن ما ترينه خليط من ضباب ورطوبة عالية وقليل من التلوث أيضاً.. ونفس المكان هـذا الذى اتيت بصوره...




الاسفار الكتيرة تعلمت منها ان شعوب الارض كلها واحدة.. تختلف الثقافات فقط، أما روحهم ومعادنهم واحدة، ونفوسهم خيـرة.
وكذلك الأنظمـة الإجتماعيـة، تختلف فى الترتيبات والشكليات فقط. (دكتاتوريات العالم الثالث غير محسوبة)!!

Evaluation of a Gravity Load Designed Reinforced Concrete Structure Failed under its Own Weight due to Creep in Concrete

[IMGl]http://www.alltouristattractions.org/ala/2012/10/Saint-Ignat...iahui-China.jpg[/IMG]

بل أميل الى ان تبرير ذلك الوقع (النجيضـة) صحيح.. ولا أعتقـد شبهـة فســاد بعد ان أعدت النظر فى الحادث.
أولا البناية متماسكـة لدرجـة شبـه كاملة، ولم تتاثر بالإمباك بتاع الإرتطام.. ورغم إنحناء الجانب العلوى إلا انه ليس به
حتى شق بسيط.. هـذا يعنى أن لا غش فى البناء. وكما قال كوستاوى فى (عنوانه) ان السبب كان الضغط على الجانب الأيمن بعد ان
فقد الجانب الايسر قوة الارتكاز بعد حفر الارضيـة القريبة منه للقراش.

طيب بالمناسبـة دى هاكم الهديـة دى.. طريق المشاة فوق دوار المرور وينزلون ويطلعون بسلالم ومرات بأسانسيــر.

السلام عليكم ورحمة الله
الأخ ناذر أنت كذلك مختفي وين؟
أرجو أن تكون بخير
يا محمد البشرى كيفك ؟
أنت ما شايف أيقونة منقول ؟
للأمانة العبارة اقتبستها من مداخلة الأخت أسماءرت نفسها .
ممكن تقول اقتباس مخل (:
هل كانت هنالك علاقات ثقافية بين الصين والسودان فيما مضى
تمخضت عن برامج تبادل طلابي ومنح بين جامعات البلدين ؟
أعني احتمال أن يكون بعض المهندسين السودانيين قد درسوا في جامعة بكين
أو أن يكون بعض المهندسين الصينيين قد درسوا في جامعة عاصمة السودان أو حتى زاروها زيارة عابرة ؟
-----------
الأخت الكريمة سمارت وعليكم السلام
مشكورة على التوضيح !
بالمناسبة :

سلامات ابو الريش. كلامك عن ان الشعوب الارض كلها ذي بعض صحيح و ما صحيح. :)
صحيح الناس ( عموما) طابعها الخير.
و ما صحيح في انه الثقافات المختلفة بتنتج بشر مختلفين.
انا شخصيا مقتنعة ان البشر كلهم بيحاولوا
To maximize their utilities
لكن لازم المجتمعات تضع قوانيين لحماية الأقليات. الموضوع معقد.

شكرًا جزيلا علي الصور الجميلة. بالجد استمتعتا بالفرجة. شكرًا تاني.

انهيار مبني ذي ده ممكن يكون عنده سبب من اتنين. اما جهل من المهندس المدني. او فساد، من المهندس المدني او المقاول.
ما ممكن يكون حادث. الا اذا ضربت طائرة المبني. ذي ما قلت ليك في مداخلة سابقة، كون ان الحفر في المبني المجاور مع عدم ثبات التربة ما عذر لانهيار المبني. لانه في علم مخصوص، اسمه مكانيا التربة، عشان حاجة ذي دي ما تحصل.
ده غير أني ما مهندس إنشاءات، لكن بالنظر :) بس ممكن اقول ان الأساسات دي شكلها كده ضعيفة جداً و ما ح تشيل المبني ده.

الصين دولة عظمي. لكن ينقصها الكتير في مجال المحافظة علي البيئة و حقوق الانسان. و اذا جاء زول يقول لي: أمريكا عشات نهضتها الصناعية بالطول و بالعرض زمان، و الان جاية تقول للناس حافظوا علي البيئة. ح يكون ردي، صح. ده الحاصل.


أخونا محمد e سليمان.
الكلام ده بكون كتبته قبل ما الناس تعرف أني مهندسة :)

"بالمناسبة" شنو؟؟

Quote: بالنظر

برضو ما اظن الاسباب محصورة في

Quote: سبب من اتنين. اما جهل من المهندس المدني. او فساد، من المهندس المدني او المقاول

ممكن يكون في سبب ثالث (استثنائي) لا يدخل في الحسابات الانشائية عادة او لم تستطع جسات التربة بالطرق المعتادة تبيينه !!

Quote: ممكن يكون في سبب ثالث (استثنائي) لا يدخل في الحسابات الانشائية عادة او لم تستطع جسات التربة بالطرق المعتادة تبيينه !!

سلامات يا بشمهندس ايمن...
ذى شنو ? ادينى مثال لاى شيء. ما ضرورى يكون ده ال شيء اللى حصل فى المبنى ده تحديدا. ادينى مثال لشيء (استثنائي) ممكن يهد مبنى من اساسه و يكون الشيء ده
Not addressed in structure engineering or soil mechanics
سؤالى ده ما سغالة منى. لانى بالجد من امس بفكر فى الموضوع ده, و ما لقيت سبب.

يا اسمارت كلام كوستاوى (الكبسولة الرماها) دى امسكى فيها قوى..

* الأعمدة تحت الارض طولها تقريبا ثلث ارتفاع المبنى
* حصلت حفريات بجانب المبنى.. وهـذا يعنى أن طول المبنى زاد وقصــرت الأعمدة الكانت مدفونة (أليس كذلك؟) بس بالنظر كدا.
* الحفريات حدثت من جانب واحد.. مما أعطى الفرصـة للجانب البعيـد ليعبر عن شعوره بالقوة (دى يفسرها كوستاوى)
* هـذا كله يعنى ان الضغط حول الاساس غير متكافئ وحصل potential pressure (لو العبارة دى جابت دخل مع ناس الهندسة المدنية)، فى الجانب الأيمن الغير محفور، وحصل فاكيوم ضغطى (برضو لو جابت دخل) من الجانب الايسر مما جعله فريسة لل potential pressure

تجربـة: أضغطى حاجة من جهتين، وبعدين خليكى مواصلة الضغط من جهة وفكى الجهـة التانية.. الحاجة موش بتتحرك؟ وتيب!

أعتقـد الخطأ كان فى عدم منع الحفر للقراش.. أو يزيدوا أطوال أعمدة الاساس المدفونة لتبدأ من نهاية القراش وليس من سطح الارض، وهذا مسنحيل.

أها... مثقف واللا ما مثقف؟

مافى فسـاد، بالعكس فإن تماسك المبنى بعد سقوطه المدوى هـذا يدل على كفاءة المهندسين العالية.. فقط كانت غفلة فى حفر القراش
وأكيد لم يستشيروا المهندسين.

سلامات اخونا الوريش.
النقاشات فى المواضيع التكنكال دايما بتكون عقيمة. عارف ليه? لانه فى موضوع ذى ده انا ما بقدر اقول الحصل شنو -بالضبط- الا بالورقة و القلم و الحسابات. لكن خلينا نحاول.

Quote: يا اسمارت كلام كوستاوى (الكبسولة الرماها) دى امسكى فيها قوى

كلام كوستاوى صحيح ما فيه مشكلة و ما بيناقض اى حاجة انا كتبتها هنا

Quote: * الأعمدة تحت الارض طولها تقريبا ثلث ارتفاع المبنى

طيب... الاعمدة دى وظيفتها انها تحول وزن المبنى لارض ثابتة. و بتشتغل (ببساطة شديد) بالاحتاكاك مع التربة حولها. طول العمود براه ما بيحدد اذا كان كفاية ام لا. فى عوامل اخرى ذى نوع التربة و مساحة سطح العمود و كده.

Quote: حصلت حفريات بجانب المبنى.. وهـذا يعنى أن طول المبنى زاد وقصــرت الأعمدة الكانت مدفونة (أليس كذلك؟) بس بالنظر كدا.

Quote: * الحفريات حدثت من جانب واحد.. مما أعطى الفرصـة للجانب البعيـد ليعبر عن شعوره بالقوة (دى يفسرها كوستاوى) * هـذا كله يعنى ان الضغط حول الاساس غير متكافئ وحصل potential pressure (لو العبارة دى جابت دخل مع ناس الهندسة المدنية)، فى الجانب الأيمن الغير محفور، وحصل فاكيوم ضغطى (برضو لو جابت دخل) من الجانب الايسر مما جعله فريسة لل potential pressure تجربـة: أضغطى حاجة من جهتين، وبعدين خليكى مواصلة الضغط من جهة وفكى الجهـة التانية.. الحاجة موش بتتحرك؟ وتيب!

الكلام اللى انت كتبته هنا ده صحيح (رغم استخدامك لمصطلحات ما ليها علاقة بعلم مكنيكا التربة, لكن دى ما مشكلة).
القراش ده اكيد فى مهندس مدنى صممه و اخر نفذه, صح?
كونهم ما عارفين الكلام اللى انت كتبته ده تكون مصية كبيرة جدا. وده كان قصدى لما قلتا انه ما فى شيء ما بيتفسر بهندسة الانشاءات و مكانيكا التربة.
المهندسين الى قالوا:
Ok, go ahead and start the work in the grage building
ديل اما حرامية او بلده. لان الكلام بتاع كوستاوى -و اللى انت جيت حكيته in a layman's terms فى ليه معادلات و جداول وكده.

Quote: مافى فسـاد، بالعكس فإن تماسك المبنى بعد سقوطه المدوى هـذا يدل على كفاءة المهندسين العالية.. فقط كانت غفلة فى حفر القراش وأكيد لم يستشيروا المهندسين

عمل قراش تحت الارض ما حاجة ساى كده بتتعمل. قراش تحت (او فوق) الارض بتكون فيه كميات مهولة من الخراسانات. و تصميم و خرط و اختبارات للتربة و هيلامانة.
سقوط المبنى ما معنها انه (اكيد) المهندس اللى صمم المبنى بليد او فاسد. ممكن يكون المهندس اللى صمم القراش اللى اتعمل الحفر عشانه. (الاكيد انه فى مهندس بليد او حرامى)
و الله يا جماعة انا ما بقول الكلام ده لياقة ساى منى. لكن تصميم القراش معقد اكتر من تصميم المبنى ده. و الان انا لو جبتا كل كتبى بتاعة هندسة الانشاءات و حاولتا صمم القراش ح ياخد منى زمن و جهد اكتر من تصميم المبنى. و تصميم القراش ما معنها انى ح اصممه فى الهواء. لازم اكون عارفه ح يقعد وين و الحاصل حوله شنو. اى مهندس ما بيعاين للحجات دى مهندس فاشل. او حرامى, عاوز يعمل short cuts عشان يوفر شوية قروش.

لو علمنا ان المهندسين الذين صمموا ونفذوا المبنى أكفاء (بسكون الكاف)، فلا يعقل
أنهم وافقوا على إنشـاء قراش بمخالفات واضحـة تعرض عملهم للتدمير. لا يمكن ان ينفذوا مشروع هندسى بمهنية عالية
ثم يمررون مخالفات مثل هـذه. وما زلت على رأيى، بأن احدهم حصل على رخصـة قراش سيارات ثم لم يستخدم
مهندسين بالكفاءة الأخلاقيـة المطلوبـة.

Quote: بأن احدهم حصل على رخصـة قراش سيارات ثم لم يستخدم مهندسين بالكفاءة الأخلاقيـة المطلوبـة.

Exactly

Quote: هل تصدق انه برج الخليفة ما موصل فى شبكة صرف صحى. و انك لو مشيت خلف المبنى ح تلاقى صف طويل من التناكر بتنقل مياه الصرف الصحى من البرج to i don't know where

الله يستر ما يكونو صادر للسودان
كما كانت الحالة من اليونان

http://www.hoax-slayer.com/images/collapsed-china-buliding-2.jpg

Quote: The building began to tilt Then it began to shift and the "hollow" concrete pilings were snapped due to the uneven lateral pressures

Quote: (1) An underground garage was being dug on the south side, to a depth of 4.6 meters. (2) The excavated dirt was being piled up on the north side, to a height of 10 meters. (3) The building experienced uneven lateral pressure from south and north. (4) This resulted in a lateral pressure of 3,000 tonnes, which was greater than what the pilings could tolerate. Thus the building toppled over in the southerly direction.

الموضوع اصلا مسبب .. ( خطأ بسبب أعمال مبنى آخر ) ..

Mahjob Abdalla....سلامات
ما تشيل هم. ديل زيتهم فى دقيقهم!!!1
بيرموه فى خليجهم ده.



معتصم الطاهر...سلامات يا بشمهندس.

Quote: الموضوع اصلا مسبب .. ( خطأ بسبب أعمال مبنى آخر ) ..

احتمال كبير جدا. لكن فى النهاية فى خطا فى مكانا ما. صح?

سلام شباب اسمارت والبقية

الاخ ابو الريش

صورتك هذه ابكتني كثيرا





انا في شنغهاي الان حيث انني كنت امس في ذات المكان قبالة برج التلفزبون ومعي اخوة كرام والله العظيم المنظر برمته يذكرك بتوتي ويجعلك تاسى لحال البلد ....الم تشعر بذلك ؟ شعرنا بالاسى ان لا يكون لدينا في الخرطوم شي بهذا الجمال رغم وجود الامكانيات والاموال التي اهدرت هباء .. وشرعنا في التخيل بحكم ان العمارات الشاهقة حول برج التلفزيون كان ممن الممكن ان تكون مساكن لسكان توتي والبقية يتم بناء ناطحات سحاب تضيف جمالا وطلة بهية لمن ينظر لها من اتجاه الخرطوم ..

لو كانت جزيرة توتي في شتغهاي لفعل بها الصينيين الافاعيل والاعاجيب وتغير منظر الخرطوم وبحري وامدرمان بالكامل .. جمال شنغهاي ونظافتها ورقي وتحضر سكانها يجعل المرء يتحسر للحال الذي وصل اليه الوطن ..

بالمناسبة سالت كثيرا منذ وصولي عن هذا الممبنى الذي سقط في شنغهاي قبل اربعة اعوام ولم اجد احدا يقوا انه سمع به هنا .. فاما ان هذا المبنى ليس في شنغهاي او ان الصينيين يجيدون ستر عوراتهم وفضائحهم وابعادها عن انظار الفضوليين الاجانب مثلي .

تحياتي للجميع

السيدة اسمارت

Quote: كلمة اخيرة عن العمار.... اطول مبنى فى العالم هو برج الخليفة فى دبى. صح? كتير من الناس سمعتهم بيتكلموا عنه بفخر, و حقيقي ما حبيت اتساغل و اقول ان برج الخليفة ده مثال لما يقال عنه "الفلهمة العوراء و شيل البطارية فى القمرا". هل تصدق انه برج الخليفة ما موصل فى شبكة صرف صحى. و انك لو مشيت خلف المبنى ح تلاقى صف طويل من التناكر بتنقل مياه الصرف الصحى من البرج to i don't know where

من وين جبتي الكلام دا قالوا ليك زول ؟ ولا شفتي بي عينك التناكر دي ؟ ولا نجرتيه ساي ؟

مشيت كتير برج خليفة ماشفت لي تنكر ماري بالغلط هناك

ثم خلف البرج في بحيرة غايتو كان تناكرك ديل عايمات ما عارف وبجانب البحيرة في مول دبي وفيهو باركنغ كبير جداً للعربات ومافي عربات بتدخل هناك إلا التاكسي لنقل الركاب من مواقف صغيرة أنفاق وكباري لمرور السيارات من وإلى الباركنغ

وممكن تتأكدي من هنا وتشوفي مرور العربات بعيد من البرج

http://wikimapia.org/#lang=enandlat=25.195214andlon=55.273923andz=17andm=b

وهاك دي برضه صورة حجمها اكتر من 44 جيجابكسل ممكن تشوفي المنظر وكمان تشوفي طريقة البناء في دبي لأنه في مباني ما اكتملت

http://gigapan.com/gigapans/48492

دا شيئ

الشي التاني مياه الصرف الصحي في الإمارات ما تقل اهميتها عن المياة العادية وهي من الحاجات الثمينة والدولة بتحافظ عليها عشان كدا أحدث شبكات الصرف الصحي موجودة في الامارات لضمان عدم ضياع اي قطرة مياة ومعالجتها والاستفادة منها في ري الاشجار والحدائق والملاعب

سلامات يا ناذر
ورحلة سعيدة و موفقة للصين.
حال بلدنا السودان فعلا يحزن. زمان كنت بفكر انه ما فى راس مال. لكن لمدة 10 سنوات البترول كان شغال كويس. لكن ما شفنا شيء كده فى البلد شفنا ناس غنو و روقوا بس. لكن حال للبلد كما هو.
شكله المشكلة فينا نحنا. السودانيين كشعب ....كناس.

السيد عبدالعزيز.

Quote: الشي التاني مياه الصرف الصحي في الإمارات ما تقل اهميتها عن المياة العادية وهي من الحاجات الثمينة والدولة بتحافظ عليها عشان كدا أحدث شبكات الصرف الصحي موجودة في الامارات لضمان عدم ضياع اي قطرة مياة ومعالجتها والاستفادة منها في ري الاشجار والحدائق والملاعب

ما قلتا كلامى ده عن برج الخليفة قبل كده عشان ما اتساغل على الناس اللى بتسمع كلام ذى ده فى وسائل الاعلام و تصدقه طوالى.
لكن...انا فاهمة جدا موقف زول يكون عايش فى بلد ويكون فخور بيها. لمن اللى ما فاهماه تعليق ذى ده

Quote: من وين جبتي الكلام دا قالوا ليك زول ؟ ولا شفتي بي عينك التناكر دي ؟ ولا نجرتيه ساي ؟

نجرته ساى!!!

قبل ما تكتب ردك ده حاولتا تمشي تفتش شوية حول الموضوع ده??
لكن ...ما علينا...انا افتش ليك.

السيد عبدالعزيز....لغتك الانجليزية كيف ???

http://www.greenprophet.com/2011/11/burj-khalifa-poop/

You do what everybody does and without even thinking about it, you flush the toilet.

Your number one and two then travels 160 floors at breakneck pace, gravity interrupted by a sophisticated system of bends in the pipes that slows it down. These pipes are soundproofed by the way, because nobody wants to listen to traveling waste all day.

Anywhere else, the waste would land in a septic system and then slowly make its way to the municipal wastewater treatment plant. In greener buildings, it might even go through a network of filters so that it can be re-used for landscaping or flushing more toilets. But this is not what happens at the Burj Khalifa.

Some unfortunate soul – mostly likely several actually – collect the waste in trucks. Gizmodo estimates that at full occupancy that could amount to a good 13 tonnes of human excrement every day, but the Burj isn’t operating at full occupancy, so let’s reduce that number. Let’s cut it down to 8 tonnes – a very conservative number. You have to admit, that’s still a lot of sh#t.

Ok, what then?

Well, since the Burj Khalifa was built in such haste that nobody thought about where the poop would go, those souls have to drive this high falutin’ waste to a wastewater treatment plant, where they often stand in line for up to 24 hours to deposit their pungent truckload.

That’s one tower down. But Dubai has 63 buildings that stand taller than 656 ft, and hundreds more that are smaller than that.

Holy crap.

The Incredible Story Of How The Burj Khalifa's Poop is Trucked Out of Town

http://inhabitat.com/the-incredible-story-of-how-the-burj-kh...trucked-out-of-town/

Quote: You’d think that the world’s tallest building – a structure that requires amazingly complex engineering and technology to reach its heights – would have an equally impressive sewage system. Unfortunately, that’s not the case because it isn’t hooked up to a municipal wastewater treatment system – so when you poop in the Burj Khalifa, that waste is actually trucked out of the city. Trucked out of the city! We’re frankly flabbergasted by the inefficiency of such a system. One of the world’s most advanced buildings relies on an arcane method to transport wastewater to a treatment facility outside of town. So remember, if you happen to visit and use the Burj Khalifa’s restroom, some unfortunate person has to collect your poop and drive it out of Dubai.

*********************************************************************

http://gizmodo.com/5857475/without-trucks-the-tallest-buildi...est-mountain-of-poop

السيد عبدالعزيز....
و ده مصدر اخير....كفاية ??


http://online.wsj.com/news/articles/SB121219687026134617

Quote: Every day, hundreds of tanker trucks line up for almost two miles at the three approaches to the Dubai treatment plant to dump sewage. The wait can be as long as 10 hours, drivers say. In order to avoid the wait and processing fees, some truckers have been discharging loads onto streets of desolate areas in the city, Dubai officials say, adding that they have fined several violators.

على العموم ده اللى (اكيد) كان حاصل فى دبى
اى زول -جاى من دولة غربية- بيندهش من ريحة الرشاشات فى الحدائق. و كانوا بيمنعوا اطفالهم من اللعب فيها. ده كلام قالوه لى ناس كانوا فى دبى. (احتمال) الحال اتغير الان. I hope .
و اتمنى انه اى مهندس مدنى شغال فى الصرف الصحى فى مدينة دبى يورينا الحاصل شنو الان. هل الابراج دى موصلة بشبكة الصرف الصحى الان????

smart_ana2001@

إنتى زعلتى واللا شنـو؟
========================

الأخ ناذر.. مبروك التمشى والفسحـة فى البونـد.. من أجمل المواقع السياحيـة فى العالم.
قول لمضيفينك تمشـو حتة اسمها شوجاه واى Xujiahui ، وتنطق شــو - جاه - واى way
وفى العمارة القبة (ما قرية فى الجزيرة) تطلع الطابق التانى واشرب قهوة من إستاربكس
ولو اتلاقينا فى اى وقت ارجع ليك حق القهوة.. قصرنا معاك؟

صـورة العمارة فى شكل قبـة..

معقولة يا بوريش يا اخى ??
البزعلنى شنو كمان??
بالعكس انا عاوزة اشرك تانى على الصور الجميلة.
لكن كدى تعال نسالك...اصحابك الصنيين زعلانيين, قالوا استاربكس غالية شديد فى الصين (4$) . مع انها فى امريكا ب فرد دولار.



ناذر...ما تخليه ابوريش ده. دفعه حق القهوة. بالسودانى الكباية دى ب
4*8000 ( الدولار بكم الايام دى ?)
يعنى كباية الكهوة دى ح تكلفك 32 الف جنيه بالقديم!!!!

!!!!

Quote: قول لمضيفينك تمشـو حتة اسمها شوجاه واى Xujiahui ، وتنطق شــو - جاه - واى way وفى العمارة القبة (ما قرية فى الجزيرة) تطلع الطابق التانى واشرب قهوة من إستاربكس

هاك يا أبو الريش وطالبك قيمة 5 أو ستة كبابي قهوة :

يا اسمارت ابو الريش ما يزوغ بالقروش !!

Quote: لكن كدى تعال نسالك...اصحابك الصنيين زعلانيين, قالوا استاربكس غالية شديد فى الصين (4$) . مع انها فى امريكا ب فرد دولار.

حاجة غريبة يا اسمارت
في كندا حقت ناس النصري دا الاستار بكس بـ 3 دولارات و الناس البمشو هناك معناتا ناس مقندلين. في احدي زياراتي لبيويورك كل الناس بتقول استار بكس
بالمقابل عندنا الـ تيم هورتون هو الاول في كل شئ و سعرو ياهو الـ فت دولار

Quote: هاك يا أبو الريش وطالبك قيمة 5 أو ستة كبابي قهوة :

أولا حق القهوة بنديك إياه.. بس فى حاجتين

1- القهوة وينها ما شايفها.. (الثقة متوفرة) لكن قعدتكم دى ولا تربيزة قدامكم..
2- ما قلنا فى البلكونـة.
لكن بينى وبينك.... نجيض وشغل نضيف.


اسمارت انا...

Quote: بالقديم

باللاى إنتى برضو من ناس الشافعى فى القديم والشافعى فى الجديد؟
اكتر شئ فى السودان انا متحيرلو حكاية الجنية بالقديم وبالجديد دى.. ياخ لو ما معترفين بالعملة الجديدة إتظاهروا قدام
بنك السودان عشان يرجع الجنيه القديم.. لأنو الضربيات دى كل مرة وتحويل الجديد للقديم قاعدة تضيع الزمن.

بعدين الزعل ما منى.. للسبب الخلاكى ترصى الأدلة على وجود تناكرات تشفط موية الصحـة وتمشى بيها محل العلاج.

Quote: ناذر...ما تخليه ابوريش ده. دفعه حق القهوة. بالسودانى الكباية دى ب 4*8000 ( الدولار بكم الايام دى ?) يعنى كباية الكهوة دى ح تكلفك 32 الف جنيه بالقديم!!!!

واللاى يا اسمارت..




مديدتك دى حرقتنى انا زاتى

تمام و الله يا ناذر...شكلك متفسح. بالتوفيق يا رب.
ما تنسي تشرب Caramel Frappuccino من استار بكس



عاد يا ابو الريش ما عندك عذر.....
ناذر موثق كل الزيارة....
رسل ال 6*4 ....حوالى 30 دولار يا بوريش...^_^ (الضرائب و كده)

حكاية العملة دى غلبتنى كلو كلو. بعدين الجماعة ديل كل اسبوعين بيغيروا العملة. اخير لى افضل مع الجنيه القدييييم داك.

ما زعل و لا شيء يا ابوريش يا اخى. بس كمان ما حلوة يتهمونى بالنجارة وكده. انا لى هنا 11 سنة. ما حصل قبل كده زول قال لى كلام ذى دى!!!!
هسي الزول الكتب الكلام ما رجع تانى....



سلامات يا محجوب.
تعرف فى امريكا استاربكس كتير جدا و رخيص جدا.
لكن المثقفاتية (او اى زول عامل فيها مفلهم) ما بيشربوا من استاربكس. ذى لما تشترى هدوم من سعد قشرة فى السودان. ما بيشربوا شيء العالم كله بيشربه.

Quote: رسل ال 6*4 ....حوالى 30 دولار يا بوريش...^_^ (الضرائب و كده)

أرسل شنو؟

قلنا لما نتلاقى..... لما نتلاقووووووو

ما أدوكم جغرافيــا؟

خلاص....خلاص....خلاص....
اها ماشي السودان متين ?
ما تطلع نوع مستر قبانى اللى بيقول ليك اخر مرة مشيت السودان قبل 25 سنة!!!!

يا أبو الريش مشيتي هناك صادفت الويك اند وكان في زحمة شديدة عشان كدة قعدنا في البلكونة ..

جهز الدولارات أنا شربت خمسة كبابي قهوة خمسة بي عشرين دولار يعني مليون وستمية جنيه سوداني !!

اسمارت أنا حا تدفعي كم للحاجة القلتيها دي :



لأني شارب منها تلاتة !!

ربنا يرحم كل امواتنا واموات المسلمين ان شاء الله ... ويغفر لموتانا وموتاكم وموتى المسلمين وان يحسن خاتمتنا انه قادر على كل شيء.

اذا كانت القهوة الساااادة بس فى الصين ب 4$ ...ما عارفة الفرابتشينو يكون بكم!!!!!.
خلاص يا ناذر...كفاك من الحاجة دى. كتيرة ما كويسة.

بعدين تعال هنا...منو دى القاعدة جنبك دى???
المرة الجاية تزكرة ام الاولاد على انا و ابوريش!!!!

تبالغ يا ناذر.. تعزم على حسابى الشعب الصينى؟!!! بعدين هم زى الفيس بوك.. تصاحب واحد بس.. يعمل ليك لايك لايك لايك
وبعد شوية تلقى مية واحد ماشين معاك.. صاح واللا ما صاح.

فى حتة هنا يا اسمارت..
الإستاربكس والكى أف سى، وبتسـا هوت دى كلها شركات أمريكية، مغلين اسعارهم عشان يلغفوا قروش
الصينيين.. فلو عندك اى حاجـة ضـد اسعارهم باللاى إتصلى بالكوربوريت أوفيس هنا دا.. الصينيين اساسا
ما بيعرفوا القهوة ولا بيشربوها.. ما فى مقهى ولا مطعم صينى يبيـع قهوة.. تقريبا على الإطلاق.. حتى شاييهم
عبارة عن قش وورود وحاجات بالشكل دا.. لا كافيين لا كافى البلا.. وأكلهم تقريبا بلاش من الرخصـة.. ممكن
بالراحـة تفطرى بيوانين (الدولار فيه 6 يوان اخر مـرة).. لكن تملوا لينا البلد بالجنك فود بتاعكم دا وتخموا
قروشنا، بعدين تحتجوا على الاسعار الختيتوها انتو براكم.. دى ما بتجى. أقرى لافتـة القهوة مكتوب فيهـا
شنـو.. إستار بكس.. ما تيب.

Quote: المرة الجاية تزكرة ام الاولاد على انا و ابوريش!!!!

بالله أخوكى الكاشف دا خليه.. إتوكعى بيها براكى.. البوست دا الله اعلم ماشى وين .. والصورة جميلة بروزها
قبل ترجع يا ناذر.

الامركان يا ابو ريش بالغوا مع الصينيين. صدروا ليهم كل الكرور بتاعهم. علموهم اكل البيرقر و الشراب القهوة و لبس الجنز و خاصة الشباب منهم.
الغريبة الموضات الكويسة البتطلع في أمريكا بيسكتوا عليها. اذا ان الناس تأكل اورقنك او ما تشرب صودا او تأكل خضروات و فواكه كتيرة او تتريض و تبقي " green"
قبل فترة كنتا بحضر في برنامج في التلفزيون بيتكلم عن ان الأسر المقتدرة في الصين بتجي الأمهات تولد في أمريكا عشان الجواز الامريكي. و في شركات أمريكية مخصوص بتعمل كده. تاجر ليهم بيت و تساعدهم علي دخول المستشفي و شراء حجات الطفل الجديد. أظن ان الموضوع بيكلف حوالي 50 الف دولار.
ناس دولتهم بقت دولة عظمي، الجنسية الامريكية دايرين بيها شنو!!!!
شكلو أهلنا الامركان ناجحين جداً في تسويق الثقافة الامريكية.

استمتع يا ناذر بالاستاربكس في شنقهاي، و ادعي لماما أمريكا
the land of the free and the home of the brave

Quote: the land of the free and the home of the brave

والله يا اسمارت غايتو العبارة دى ما عندى فيها أى شك، وهـذه الصفات هى التى جعلتنى أحب الأمريكان.

فى كل تجاربى السفريـة، ما شفت مواطن عادى يخاطر بحياته (جـد) لينقـذ غريب لا يعرفه، سوى الأمريكان.. إلا كان فى الســـودان (وزمان مو هسى) .
مواطن عادى، لا شرطـة لا مطافئ. يتيه شخص بسيارته فى الخلاء، تلقى المئات يتطوعون للبحث عنه فى الجبال والوديان، كل بما يستطيع
العندو سيارة، العندو هليكوبتر العندو منظار مقرب... وبهمة تقولى الضايع دا ابوهم.. وهم لا يعرفون سوى انه "نفس بشريـة" كما قال الحديث الشريف.

I love America

ملاحظة ذكية جداً يا ابو الريش، اصلوا ما فكرتا في الموضوع ده. مع انه كل يوم بيحصل. قبل أسبوع حصل في جبال نيفادا. ناس طلعوا يلعبوا في التلج و اختفوا. العالم كله طلع يفتش عليهم لحدي ما لقوهم تاني يوم.
صحبتي كان راحلة من ولاية لولاية، قاطرة عفشها في عربيتها. إها في السكة و مع التعب و الإرهاق عربيتها انقلبت. كانت كويسة و اول ما طلعت من العربية لقت كمية من الناس طلعت من الطريق السريع عشان يساعدوها. و مع انه العربية كانت مقلوبة و لسه مدورة احدهم خاطر بروجه و اتسلق العربية و وقف المكنة. وقفوا معاها لحدي ما جاء رجال الإطفاء و كده.

الامركان برضو من أكرم الشعوب. دي بس حساب للتبرعات اللي بيتبرعوا بيها للكوارث في العالم ( و في داخل أمريكا) و عدد السكان. ح تلاقي ان المواطن الامريكي اكتر مواطن بيتبرع.
أمريكا بلد جميلة و شعبها شعب جميل.

...

وين يا جماعة عبدالعزيز حسين عبدالرحيم ???

انقلى البوست دا للربع الجاى.. وتصبيــرة كدا هاك الصور دى يا ناذر..

اللله

معليش الله شاف ليك المرة دى الصور ابت.. بس أصبر.. عشان ما تقول لينا كنت فى الصين.

بلا استار بكس بلا بطارية حرقانة
نحن بنشرب القهوة زي ما شربوها حبوباتنا
قهوة بكر/سوداء/حبشية
و المواصفات دي ما بتلقاها إلا في 711

تدفع دولار و يرجوا ليك بعض التعاريف

يلا بلا فلسفة معاكم
تعالوا قولوا نحن لبسنا دايبر من كيلي كلوظت
__________________________
ود الباوقة بكون حصل الدايبر..lol

Quote: بلا استار بكس بلا بطارية حرقانة نحن بنشرب القهوة زي ما شربوها حبوباتنا قهوة بكر/سوداء/حبشية و المواصفات دي ما بتلقاها إلا في 711 تدفع دولار و يرجوا ليك بعض التعاريف يلا بلا فلسفة معاكم تعالوا قولوا نحن لبسنا دايبر من كيلي كلوظت

معليش يا كوستاوى حقك علينا..
أولا الصين دى تانى انسوها خالص.. تحتاجوا حد يصحيكم.. وبعد كم سنـة حترسل وفد لتفقـد حقوق الإنسان هنا دا.. تراهن؟

بعدين بمقاييس امريكا كنت ماشى كويس لحدى ما ذكرت 711... يك!

Quote: مع انها فى امريكا ب فرد دولار

كنت قايلك بتشربي لاتيه ...!!!

وكت اصلها قهوة ساكت ما تشيليها من دنكن دونتس

ولا اعمليها في بيتكم ..

انا شخصيا هنا في كندا ...

تول لاتيه ... لاكتوز فري اكسترا هوت ... 4 دولار و ربع ... لما اخرم للاتيه ...

غير كده تم هورتنز دولار و اربعين سنت ...
______________________________________________
مستر قباني اليومين ديل جاب واحده نيسبرسو ( Nespresso ) في البيت و آخر بهجه ...

كوستاوى يا دايناصور...كل سنة وانت طيب.
711 عديل كده ?? فى حياتى ما حصل شربتا قوة عندهم.
ده كويس ?? اهو ابوريش قال ليك Yuki ....

ابو الريش...غايتو كلمنا اب صلعة يرفع البوست للربع الجاى.
انا ذاتى راجية اخونا اللى اتهمنى بالنجارة يجى يقول رايه شنو فى التناكر دى.


النصيحة لله- يا مستر قبانى- انا ما قاعدة اشرب قوة...و لا حتى شاى for that matter ...بشرب مرات مرات حبة ديكاف فى اللبن بس تغيير للطعم. انا ذى الشفع- بصحى الصباح اشرب كباية لبن. مرات مرات...ذى مرة فى الشهر كده ممكن اقيف فى استاربس و بشيل chai latte .....اللى هو شاى باللبن. بس فيه بهرات مظبطة. مرات بشرب Caramel Frappuccino....و الحجات العجيبة بتاعتهم اللى بتظهر بالمواسم ....ذى pumpkin spice latte ...
ما عندى اى حاجة بظبط بيها راسي....راسي مظبوط جاهز

مبروك ال Nespresso ....اعمل حسابك ما تشرب قهوة كتير و تهيبر...

ناذر....رجعتا الخرطوم بالسلامة ?
ابو الريش...انا ماشة السودان شهر فبراير...رسل قروش ناذر

where is Mr.
عبدالعزيز حسين عبدالرحيم
?

Quote: ابو الريش...انا ماشة السودان شهر فبراير...رسل قروش ناذر

فبرايـر دى ماخدا منو؟

Quote: ناذر....رجعتا الخرطوم بالسلامة ?

هو انتى ما عارفاه رجع واللا لســه وعاوزة تشيلى ليه قروشى؟؟

شـــديـدة شــدة!

من حق بعض الأذكياء علينا شرح معنى (ماخدا منو؟) وهـذه حين يكون الفهم (قســم)، وقد سألوا احدهم هل تعرف بتهوفن؟ فقال ماخدا منو؟..
فإسمارت لما قالت ماشة السودان فى فبراير وفبراير ولى.. بقى الفهم اتلخبط وفبراير فقد معناه.

هلا هلا وأسف للانقطاع ..

Quote: ناذر....رجعتا الخرطوم بالسلامة ? ابو الريش...انا ماشة السودان شهر فبراير...رسل قروش ناذر

الحمد لله موجود في الخرطوم بعد الاستمتاع باكل لحوم ثعابين البحر والتمتع بمذاق شوربة الاخطبوط الطازجة واشياء اخرى لا اود الافصاح عنها حتى لا اصيبكم بالطمام .. رغم اني مستمتع جدا بما تناولته والطمام كان من نصيب بعض مرافقي الرحلة وليس كلهم ...!!

أبو الريش أجمع الحساب كويس .. ما تنس أنا تاجر وفي التجار من سوق السجانة ..!! أحسبا بالدولار كويس وما تلاوز ههههههههههه


تصلي بالسلامة اسمارت .. وانشاء اللله لمن تصلي عندي ليك جولة في مطاعمنا البلدية ناس المفروكة والنعيمية وشية الصاج على الهواء الطلق .. وأوديك قندهار تاكلي كبدة الجمل مع الدكوة والبصل ... ونمشي قريب نفق السوق المركزي تضربي فسيخ وتشربي شربوت بلح تمودة لا من تقولي كفاي !!

أبو الريش عفيناهو من الحساب ههههههه !!!

الإستاربكس غالي في كل بلدان العالم عدا امريكا . لاحظت ايضا معظم المطاعم الامريكيه افضل في البلدان الاخري من تلك الموجوده في امريكا .في سلطنه عمان مشيت ال سكند كب second cup وفي رائ افضل من الاستاربكس ..

Quote: أبو الريش عفيناهو من الحساب ههههههه !!! [/qiuote] لا دى حأدفعها ليك على دائرة اليوان.. بعدين لما اجى وتبنى لينا أساس البيت أعفينى من تمنو.. قال عفيناه قال.. كبايتين قهوة!!

---

Post: #80 Title: Re: هدية صغيرة للمهندسين المدنيين. و المعماريين كمان. Author: smart_ana2001 Date: 02-12-2014, 04:54 PM Parent: #79 Quote: من حق بعض الأذكياء علينا شرح معنى (ماخدا منو؟) وهـذه حين يكون الفهم (قســم)، وقد سألوا احدهم هل تعرف بتهوفن؟ فقال ماخدا منو؟ اول مرة اسمع بالتعبير ده يا ابو الريش. مشية فبراير طرشقت. الحمد لله على كل شيء. لكن النية بقت على شهر 12 -باذن الله تعالى. عندك 9 شهور تحضر القروش يا ابو الريش. مع انه ناذر عفاك....لكن جيبها نتبرع بيها لاى زول الله يسلمك يا ناذر...خلاص. اتفقنا. شهر 12 ان شاء الله. سنة 2009 واحد صاحبنا عزمنا فى مطعم اسمه كادبورى (اظن) فى شارع النيل, قريب وزارة التربية والتعليم. اكلنا فيه لحم جمل ولحم تمساح ولحم غزال. الاكل كان مشوى و حقيقى ظريف جدا. لكن ما حصل مشيت قندهار.....مشكور مقدما انا ما عندى مشكلة باكل اى شيء. او على الاقل بجرب قبل ما اقول عجبنى ام لا. و ليك على اجيب ليك معاى قهوة من استاربكس. بدرة و تضيف موية او لبن بس