Post: #1
Title: هل يمكن ان تنجح الدعوى الجنائية في مواجهة الصحفية فاطمة الصادق ؟!
Author: omer osman
Date: 12-24-2013, 07:06 AM
Parent: #0
وجهة نظر قانونية :
هل يمكن ان تنجح الدعوى الجنائية في مواجهة الصحفية فاطمة الصادق ؟!
القانون السوداني في المادة (159) منه تحدث عن جريمة إشانة السمعة واشترط ان تسند الوقائع (الاساءة) الى (شخص معين) !!! هل عبارة (في كل بيت سوداني) التى اوردتها فاطمة الصادق في مقالها تقوم مقام (الشخص المعين) الذي حدده القانون !!! وماهو تعريف كلمة (شخص) في القانون الجنائي السوداني ؟! القانون السوداني عرف كلمة "شخص" بانها ((تشمل الشخص الطبيعي وكل شركة أو جمعية أو مجموعة من الأشخاص ،سواء كانت ذات شخصية اعتبارية ام لم تكن)) هل تدخل عبارة (في كل بيت سوداني) ضمن تعريف (مجموعة من الاشخاص) الواردة في تعريف كلمة (شخص) ؟!
بوست للنقاش ..............
|
Post: #2
Title: Re: هل يمكن ان تنجح الدعوى الجنائية في مواجهة الصحفية فاطمة الصادق ؟!
Author: omer osman
Date: 12-24-2013, 07:08 AM
ماذا عن مقاطعتها ومقاطعة اى صحيفة تكتب فيها !! الى حين البت في المسار الجنائي للقضية !!!
|
Post: #3
Title: Re: هل يمكن ان تنجح الدعوى الجنائية في مواجهة الصحفية فاطمة الصادق ؟!
Author: محمد نور عودو
Date: 12-24-2013, 07:44 AM
Parent: #2
هل يمكن ان تنجح الدعوى الجنائية في مواجهة الصحفية فاطمة الصادق
إنت من وجهه نظرك القانوني لهذا الدعوي كيف يا جنابو؟
فيلم هندي ولا نأكل باسطة
تشكر
ودمت بخير
|
Post: #4
Title: Re: هل يمكن ان تنجح الدعوى الجنائية في مواجهة الصحفية فاطمة الصادق ؟!
Author: Kabar
Date: 12-24-2013, 08:11 AM
Parent: #3
اكل باسطة يا محمد نور.. و الله صحي..!!!!
صديقي عمر.. حبابك
احتمالات دعوى جنائية تحت المادة 159 ضعيفة للغاية...!!!!
كان يمكن أن تنجح دعوى جنائية تحت المادة 157 من القانون الجنائي جريمة القذف ، الكتابة بالإشارة الى ارتكاب الزنا)، و كان يمكن مجازفة نقة ما بين الحق الخاص (جريمة قذف/ جريمة اشانة سمعة) و الحق العام .. عن طريق تعريف (الشخص) كما ورد في تفسيرات المادة (2) من نفس القانون.. لكن..!!!!
نشر بعض الأفراد مواد زعلانة للغاية ، و ارجعوا فيها بضاعة فاطنة الى فاطنة .. فهذا يقلل من امكانية نجاح مثل هذه الدعوي.. يعني خط دفاع فاطنة ، في حال قيام مثل هذه الدعوي ح يقوم اساسا على انو في ناس قاموا اتقاذفوا معاها ... و نشروا هذا التقاذف في وسائل نشر مقروءة...!!!!
نحن يا صديقي من ناس المدرسة القديمة : تكرب قضيتك ، و فوق لي كده تشوف احتمالات الدفاع شنو و تقوم تفحط بيها...!!!!
و دمت...
كبر
|
Post: #5
Title: Re: هل يمكن ان تنجح الدعوى الجنائية في مواجهة الصحفية فاطمة الصادق ؟!
Author: صبري طه
Date: 12-24-2013, 09:00 AM
Parent: #4
| Quote: نشر بعض الأفراد مواد زعلانة للغاية ، و ارجعوا فيها بضاعة فاطنة الى فاطنة .. فهذا يقلل من امكانية نجاح مثل هذه الدعوي.. يعني خط دفاع فاطنة ، في حال قيام مثل هذه الدعوي ح يقوم اساسا على انو في ناس قاموا اتقاذفوا معاها ... و نشروا هذا التقاذف في وسائل نشر مقروءة...!!!! |
دا قانون شنو دا يا كبر ؟
طيّب بالنسبة للذي لم يرجع بُضاعة فاطنة إلى فاطنة .. موقعو شنو هنا دا ؟
يعني أنا لو مشيت اشتكيت .. حيقولوا لي زميلك في سودانيز أونلاين كبر كتب وكتب وردّ البضاعة .. إلخ ؟!
|
Post: #6
Title: Re: هل يمكن ان تنجح الدعوى الجنائية في مواجهة الصحفية فاطمة الصادق ؟!
Author: عزام حسن فرح
Date: 12-24-2013, 09:20 AM
Parent: #5
مِن المُهِم جِدًا.. جِدًا يعني، إنو الدق سدرو وناوي يرفع دعوى قضائِية يِكون مُتأكِد جِدًا جِدًا إنو ماف في بيتو (سُكُرْجي) أو(مُدْمِن) أو (زاني) لأن موقِفو حيكون زي الزِفت لو فاطمة الصادِق أثبِتت إنو بيت الداقي سدرو ماش زحلقه ع الدرابزين.. أقول ما قد قرأتُم وإستغفِر الله لي ولِعموم المحس السَكود.. وكِده
|
Post: #7
Title: Re: هل يمكن ان تنجح الدعوى الجنائية في مواجهة الصحفية فاطمة الصادق ؟!
Author: عزام حسن فرح
Date: 12-24-2013, 09:21 AM
Parent: #5
مِن المُهِم جِدًا.. جِدًا يعني، إنو الدق سدرو وناوي يرفع دعوى قضائِية يِكون مُتأكِد جِدًا جِدًا إنو ماف في بيتو (سُكُرْجي) أو(مُدْمِن) أو (زاني) لأن موقِفو حيكون زي الزِفت لو فاطمة الصادِق أثبِتت إنو بيت الداقي سدرو ماش زحلقه ع الدرابزين.. أقول ما قد قرأتُم وإستغفِر الله لي ولِعموم المحس السَكود.. وكِده
|
|