مشكلة أـطباء سودانيين مع سعودي !!!!!؟###

الحد الفاصل بين الحياة الموت هو الكرامة الانسانية
كتب Mohd Alumda ونشر هذه الصور على صفحته
قائلا بعد تأخر اجراء الامتحان للاطباء السودانين المتقدمين للعمل في السعودية مزقوا ورق الامتحان بعد استفزاز احد أفراد الوفد السعودي لطبيب سوداني فكان رد الطبيب أنتو بتذلونا في بلدنا يعني هناك ح تعملوا لينا شنو !!! ؟ يبدو ان هؤلا الاطباء اجتهدو في الهروب من جحيم نظام البشير ووزرائه الفاسدين البكايين ولكنهم اشتروا كرامتهم الغالية وباعوا احلامهم وقبضو الثمن عزة وكرامة .. عفيت منكم ابناء الشهيد علي فضل الصورة 1 / ما قبل الاستفزاز الصورة 2 / ردا على الاستفزاز ديل اهلي عرب ممزوجة بي دم الزنوج الحارة ديل أهلي لو ما جيت من زي ديل وأسفاي وآمأساتي وآذلي. تصور كيف يكون الحال لو ما كنت سوداني

الصورة دي قبل المشكلة



وبعد المشكلة

هييييييييييييع عفيت منهم والله
ألم يسمع هذا الاهبل بهذه المقولة :
السوداني أسمر وحالي(حلو) مثل البيبسي بس لا ترجه
درس قاسي جدا ضد الغطرسه.....

نار مضمونة ولا جنة مجهجهة ... والله صحي :)

أخي زهير
في معلومة جديدة تصحح بأن المذي استفز الطبيب السوداني هو مندوب الوكالة وليس احد أعضاء الوفد السعودي
(سعودي واحد ما كان في مكان الإمتحان والأهان الناس هم ناس وزراة العمل ولجنة مكاتب الاستقدام ومندوب الوكالة)

عشان ما نظلم زول ساي

Quote: في معلومة جديدة تصحح بأن المذي استفز الطبيب السوداني هو مندوب الوكالة وليس احد أعضاء الوفد السعودي (سعودي واحد ما كان في مكان الإمتحان والأهان الناس هم ناس وزراة العمل ولجنة مكاتب الاستقدام ومندوب الوكالة) عشان ما نظلم زول ساي

طيب يا ريت الناس تكتب اسم الوكالة عشان الناس تعرفها
وما تتعامل معها في المستقبل

Quote: Author: أحمد التجانى حمودى أخي زهير في معلومة جديدة تصحح بأن المذي استفز الطبيب السوداني هو مندوب الوكالة وليس احد أعضاء الوفد السعودي (سعودي واحد ما كان في مكان الإمتحان والأهان الناس هم ناس وزراة العمل ولجنة مكاتب الاستقدام ومندوب الوكالة) عشان ما نظلم زول ساي

الاخ زهير
نأمل التأنى في نقل الاخبار
حيث انها مسئولية أمام الله سبحانه وتعالي ، علاوة على ذلك شرف المهنة .
والناحية المهمة ان السعودية تأوي أكبر عدد من السودانيين المهاجرين وتتعامل معهم بكل احترام وللسودانى مكانة خاصة عندهم وقبل فترة نشرت جرائدهم مقالاً يمدح المدرس السوداني وقد قام احد الزملاء بنشره في المنبر .
والحق ان السعوديين يحترمون السوداني بشدة .
امل تصحيح الخبر والتأكد من مصدره .
مع احترامي

Quote: نأمل التأنى في نقل الاخبار حيث انها مسئولية أمام الله سبحانه وتعالي ، علاوة على ذلك شرف المهنة . والناحية المهمة ان السعودية تأوي أكبر عدد من السودانيين المهاجرين وتتعامل معهم بكل احترام وللسودانى مكانة خاصة عندهم وقبل فترة نشرت جرائدهم مقالاً يمدح المدرس السوداني وقد قام احد الزملاء بنشره في المنبر . والحق ان السعوديين يحترمون السوداني بشدة . امل تصحيح الخبر والتأكد من مصدره . مع احترامي

Quote: Quote: نأمل التأنى في نقل الاخبار حيث انها مسئولية أمام الله سبحانه وتعالي ، علاوة على ذلك شرف المهنة . والناحية المهمة ان السعودية تأوي أكبر عدد من السودانيين المهاجرين وتتعامل معهم بكل احترام وللسودانى مكانة خاصة عندهم وقبل فترة نشرت جرائدهم مقالاً يمدح المدرس السوداني وقد قام احد الزملاء بنشره في المنبر . والحق ان السعوديين يحترمون السوداني بشدة . امل تصحيح الخبر والتأكد من مصدره . مع احترامي

المشكلة يجوك الناس متداخلين نحن العزة ونحن الكرامة من غير ما نتحرى أين الحقيقة....التأنى حتى للمتداخلين مطلوب..

تقديرى وإحترامى للجميع.

واحدة قريبتي كانت في المعاينة افادت بانو مافي سعوديين في المعاينة فقط كان هنالك ناس الوكالة نرجوا التأكد من المعلومة قبل نشرها

Quote: ديل اهلي عرب ممزوجة بي دم الزنوج الحارة ديل أهلي لو ما جيت من زي ديل وأسفاي وآمأساتي وآذلي. تصور كيف يكون الحال لو ما كنت سوداني

بينما نسمع السعوديون يتحدثون عن كفاءة
الطبيب السوداني مقارنه باطباء من جنسيات
اخري و في كل المنابر ذات الصلة, ياتي من يحاول
التضليل وقلب الحقائق

تقول شنو يا عمر؟؟؟
غايتو الناس ديل دايرين جنازة ويلطموا..
يا جماعة شوية مصداقية الله يديكم العافية...

وما كل موضو صاح أو كذب بيحل بالتهييج والتجييش

هيييييييييييع

ديل انحنا القالوا شنو كده وشنو ما عارف


يا اخوانا دقيقة نتأكد وبعد داك كلنا نجي نصوقر

السلام عليكم ورحمة الله
بالمناسبة الوكالات بالخرطوم هي التي تمارس ابتزاز السودانيين المتجهين إلى السعودية
وربما استفزازهم.
استغلت الوكالات عدم تعامل البعثة القنصلية مع الجمهور مباشرة استغلالا بشعا ومهيناً.
أكثر الابتزاز يقع على الأطباء وأساتذة الجامعات !
هنالك وكالات تمارس ما يشبه أعمال عصابات المافيا!
-----------------------------------------------

اليومين دي فاكيها في روحي شوية وعامل فيها بفتش في تفكير ولاد نجد ديل ـ كلما لقيت لي طريقة اتونس مع احدهم افعل ، امس حظي رماني في شباب صغار في مغسلة عربيات وكعادة كبارم وصغارم ادوني السلام بمودة وجلسو جنبي في كنبة الانتظار، جاتني فريسة في محلي :) ، اها دخلت ليكـ من باب الهرشة وين مدارسكم يا شباب ؟ جايين تغسلو عربياتكم وكت المدرسة !! مع ابتسامة تصالحية كبيرة لانهم لا يرضون ان تدوس لهم على طرف ولهم من كرامتنا البنخاف عليها الكتير . المهم شرقو وغربو معاي واتضح انهم من سواكن وكسلا ولهم اقارب واهل . يسكنون وادي الدواسر ، حكو لي عن الطبيب السوداني الجاهم شعرو اسود وبعد اربعة سنوات تغير كل شي وصار الرجل عجوزا هههههه كان تبريرو دي عمايلنا ، الطبيب كل يوم جايبين ليهو واحد فالقو ابوهو ، واحد جادع عمو من بلكونة بيتو لانو حماهو بنتو !! وهكذا ، وردد دون ترتيب حسي ده كان هندي ولا مصري ولا كان بيحصل ليهو شي .
...
بس





........
قليل من السعوديين من يتجرأ على سب سوداني او استحقاره
بعد عُشرة تمنتاشر سنة .
دي ردة فعل لمندوب من لجنة حكومية ما وليس للسعودي القطع البحر عشان يفتح عليكم باب رزق جديد .

الوكالات فى السودان أكثر تسلطاً وإرهاقاً للباحثين عن فرص عمل بالخارج .

إسالو السائقين الذين يتم التعاقد معهم للعمل بموسم الحج بشركات النقل السعودي .

لو الواحد ما دفع 2مليون وإحامال اكتر ما بيسافر مع العلم بان االتاشيرة وإجراءت السفر تكون مجانا وعلى حساب الشركة المتعاقده.

ماحدث من الإخوة الدكاتره وثورتهم ضد هذا الظلم حا يفتح اعين السعوديين ووزارة الصحة لما يحدث من إبتزاز .

[B
]مزقوا ورق الامتحان بعد استفزاز احد أفراد الوفد السعودي لطبيب سوداني فكان رد الطبيب أنتو بتذلونا في بلدنا يعني هناك ح تعملوا لينا شنو !!!


*دي لغة ما مفهومة
أظنها ما مفهومة
ما في زول عندو مصلحة يخرب علاقة الشعب السعودي بالامة السودانية العظيمة
وحتي لو حصل ما ورد في البوست دا سلوك فردي ما سلوك شعب كامل كان مننا ولا منهم


*كل واحد جاي يتكلم عند تحري الدقة والرويه
ألله يسامح اللي كان السبب/B]

أخي العزيز زهير
يعلم الله بأني لم أقصد بمداخلتي اعلاه سوي توضيح للأمر ولم اقصد بها اتهامك بعدم مصداقيتك أو الإشارة الي حديثك وتحري الدقة والرؤية الخ......
ويجب ان لا نشخصن الإمور بيننا وانا يتقبل كل مننا تصحيح الآخرين له إن جاء حديثه ناقص أو مبتور ...

والحادث حصل وحقيقة والاسباب كثيرة ومتداخلة ...
كما ذكر محمد سليمان والوكالات هي فعلا البتمارس الاهانة والابتزاز للسودانيين المتجهين للسعودية .....
المسئولية الكاملة لهذا الحدث تقع علي القنصلية السعودية والمفروض ان تتعامل بمهنية واحترام مع الاطباء وجميع المتجهين للسعودية سواء بطريقة مباشرة أو عن طريق وكالات .......
يجب اولا ان يتم الإعلان عن الوظائف المطلوبة والتفاصيل المتعلقة بهذه الوظائف ...
مراجعة طلبات المتقدمين واجراء الإختيار
( short listing)
علي حسب عدد المتقدمين وخبرتهم وسيرتهم الذاتية وعدد الوظائف المطلوبة
ومصلحة العمل والكوادر البشرية يجب عليها القيام بمراقبة وادارة هذه الامور والقنصلية والوكالات حسب ضوابط ولوائح مدروسة ومعروفة حتي نتجنب مثل هذه الأخطاء الجسيمة وتكرار ما حدث مرة أخري ....

وأنا ادناه اروي لكم ما حدث وعلي لسان طبيبة شاهدة عيان لما حدث من ذلة ومهانة لهولاء الاطباء من غير اي اضافة أو نقصان كي يحكم الجميع علي الأمر بدراية تانة لما حدث وبعين فاحصة ..........

=======================================
Quate:
(انا كنت حاضرة الموقف امبارح الامتحان كان الساعة 9 صباحا واتاجل للساعة 3 ظهر جينا قبل مواعيد الامتحان بنصف ساعة ولقينا الاماكن الاماميه مليئه.
جلسنا في أول الربع الثاني من الصفوف. فتقريبا بعدالعصر قامو بتوزيع الاوراق لجميع الصفوف الاماميه في الربع الاول وانقطع توزيع الورق في صفنا فسالنا احد بنات الوكالا ت المارات
هل تم حصر المتقدمين اللذين تم الاتصال عليهم وتوزيع الورق حسب العدد
قالت;. هنالك من الاطباء من. قدموا دون تسجيل ودون ان نتصل عليهم بدعوة من اصدقائهم لذلك قصر الورق
قلت; لا بد من ان يكن للامر تنظيما جلسنا لحين صلاة المغرب فقاموا بتوزيع الورق للصفين الاوائل فقط
قالوا لنا ان هنالك ورقا قادم في الطريق. فانتظرنا لحين صلاة العشاء لم ياتي شي بعد بعد صلاة العشا
قام بعض الشباب للتحدث. مع رئيس الوكاله فكانت بين يديه 600 ورقة فقط ايضا لا تكفي للعدد. فقرر ان; يتم توزيع الورق
وقام. موظفي الوكاله بجمع صناديق الامتحانات قافلين للذهاب وتركنا لا نفقة شيئا فما كان الا من شبابنا الباسل. وتحت. سماع اصوات التكبير والفرحة والتصفيق. لنرى ان الاوراق تتناثر في الفضاء وتتمزق.
جميع الوكالات خاضعة للوم ايا ترى اهي لعبة مدروسه من تاجيل المتحان والتوزيع للصفوف الاولى فقط بطريقة منظمةودروسة ام هو غباء وعدم تصرف. ام هو لعدم تواجد رقابه من اطباء سعوديين في الصالة حيث ;
لاحظت عدم تواجد اي فرد سعودي. ام هو. عدم تنظيم حينما قصر الورق والمطبعة واحدة براي هو غباء وعدم تصرف الاولى حينما ادخلوا كل من هبب ودب دون دراسة للامكانيات والمؤهه;ت
الثانيه حينما عموا عن التصرف لو قام كل فرد من شباب الوكاله الكثر واخذ نسخة وذهب كل منهم لمكتب تصوير مختلف ليطبع. 300 ورقه في ساعاتين ونصف ابرايكم. هل كانت ستحل المشكله ولكم الحكم بعد ذلك. انا ارى ان ماقام به الاطباء تصرف سليم وعادل وعقلا ني وردا للكرامة المهدورة والتلاعب بالارواح وان الطبيب ليس مهزلة لكي يتصلو عليه ويرسلو لهارسائل. بموعد الامتحان ليتم معرفة تاجيل الامتحان بعد الحضور لكي يبحث عن مكان. اخر يذهب اليه او يرجع . في المواعيد وينتظر كل هذا الانتظار والاهانة ثم يقفل راجعا بامتحان والاخرون امتحنو وعادوا)

هسه يعني بكده السعوديين طلعوا طيبين اوي و ما فيهم من بستغلوا الناس و يأكلوا حقوقهم؟
عجايب و الله

أخي سيف
ما افتكر انه هنا بناقش في طيبتهم وعدم استغلالهم وأكلهم لحقوق الناس ...
انا ما بدافع عنهم ولا بهاجم فيهم ...
انا بسرد في وقائع حصلت وكما اسلفت هم مسئولين في المقام الاول عما حدث ...
لكن بوضح انه اساس المشكلة هنا عمره ما كان نتيجة لإستفزاز احد افراد الوفد السعودي لطبيب سوداني كما ورد في مقدمة البوست