Post: #1
Title: مهام الجهاد الاكترونى واذنابهم( مايختص بدولة الجنوب)
Author: معاوية عبيد الصائم
Date: 12-18-2013, 10:44 PM
الايادى القذرة الكيزانية وعنصريو المنبر يواصلون المهام القذرة ..
وتوزيع الاشاعات .بشكل منظم جدا
التحية لشعب الحنوب العظيم ..سحابة وبتعدى
نتابع الاشاعات
|
Post: #2
Title: Re: مهام الجهاد الاكترونى واذنابهم( مايختص بدولة الجنوب)
Author: معاوية عبيد الصائم
Date: 12-18-2013, 10:48 PM
Parent: #1
مارس النظام العنصرى فى السودان القتل بدم بارد والتنكيل والسرقة والنهب والفساد الذى ازكم انوف الموتى
وجاء صعاليك النظام ليحدثونا عن صراع بين الدينكا والنوير ...
|
Post: #3
Title: Re: مهام الجهاد الاكترونى واذنابهم( مايختص بدولة الجنوب)
Author: معاوية عبيد الصائم
Date: 12-18-2013, 10:51 PM
Parent: #2
والاشاعة الان تتحدث عن تصفية باقان اموم ...
هل نسيتم تصفية 222 مواطن ومواطنة فى سبتمبر ايها الاوغاد
|
Post: #4
Title: Re: مهام الجهاد الاكترونى واذنابهم( مايختص بدولة الجنوب)
Author: معاوية عبيد الصائم
Date: 12-18-2013, 11:00 PM
Parent: #3
انظروا لمثل هذا العنصرى كمال عبد الله عثمان الشهير ب فرانكلـــــــــــــى
Quote: هؤلاء الفاشلون يريدون تعليق فشلهم على طرف ثالث إنكاراً منهم لحقيقة الماساة التي تعيشها جمهورية الموز والفتنة العنصرية التي تستشري في بقاع جمهرية الموز بور وتوريت والقادم أكثر ماساةً وجحيماً وسواداً
فإن كان ما يقولون صحيحاً فهنيئاً لنا نحن في جمهروية السودان لعب هذا الدور القوي والمؤثر وجعل رئيس جمهورية الموز مجرّد إضينة وأرجوز للسياسيين السودانيين يخدم مصالحنا ويقوم عليها
هذه تزكية ودعاية ممتازة جداً لمركز السودان في قلب إفريقيا
وإن كان كذباً ما يدّعون فإنّه يفضح عقليتهم الدونية وأنّهم يرون في السوداني هو المحرّك وهو المخطط وهو المدبر حتى وهم يعيشون في دولة مستقلة لكنها مستغلة لأبناء شعبها من غير الدينكا
وهذه تحتاج لطبيب نفسي قبل كل شيء
والسودان أولاً
|
|
Post: #5
Title: Re: مهام الجهاد الاكترونى واذنابهم( مايختص بدولة الجنوب)
Author: كمال علي الزين
Date: 12-18-2013, 11:18 PM
Parent: #4
| Quote: وجاء صعاليك النظام ليحدثونا عن صراع بين الدينكا والنوير ... |
ياطوربيد ... راجع تصريخ ممثل فرنسا في مجلس الأمن (رئيس الدورة الحالية للمجلس)
ولا برضو مصنف من صعاليك الكيزان ؟
____________________________________________________
ياطوربيد أيادي الكيزان فيما يحدث في الجنوب النعام دم بشوفا و ماعاوزة ليها طوربيد يكشفا بالوثائق
لكنها لعبة بين شركاء نيفاشا إسمها (الجداد سهرو ولا منامو) , ابتدت منذ ان شق الكيزان صف الحركة قبل نيفاشا
با تفاقية السلام مع اروب ورياك مشار و كاربينو و اتواصلت بعد الانفصال بهجليج والجبهة الثورية الحركة قطاع الشمال وكاودا
و سلفاكير الان فهم الفولة وعاوز يوقف المهزلة دي لصالح دولة الجنوب , (راجع تقرير البنك الدولي عن أثر توقف ضخ البترول 15 شهراً)
بسبب خلافات مع الشمال ...
الكيزان راكبين الشماليين لأنو الشماليين ماناضلو حقيقة إلا في سبتمبر الفات ده , ومصلحة الجنوب في جعلكم تشيلوا شيلتكم وتداوسو
الكيزان ديل وتكنسوهم وتبطلوا تنتظروا (تشي أرنستو فاقان ) , قبلها إنتظرتو (تشي قرنق) و صالح وبقى نائب رئيس والجنوب أنفصل وقعدتو
تمسكو في مراقة لو كان (قرنق) حي كان السودان لازال موحد ..
يعني كان حا يكون لازال موحد في ظل حلف نيفاشا (كيزان - حركة شعبية) ...
سمح ..
خلو الناس ديل يبنو دولتهم ويعيشوا بسلام وأمان ورفاهية ..
اتبهدلوا معاكم .. فقر و جوع وتشرد وتهميش بحجة الحفاظ على الوحدة ..
أسي برضو فقر وتشريد وحروب .. بحجة المساعدة في تخليصكم ؟
ياخي ارحموهم ..
كفاهم ...
و انجضوا اتو والكيزان ديل راس مالهم هبة زي هبة سبتمبر بتجيب اخرهم ..
|
Post: #6
Title: Re: مهام الجهاد الاكترونى واذنابهم( مايختص بدولة الجنوب)
Author: معاوية عبيد الصائم
Date: 12-19-2013, 06:11 AM
Parent: #5
سلامات ياكمال ...لايمكن الكيزان يخلوا الجنوب فى حالو ..لايمكن ومطرف الصديق كـــــ ـــلابه الضالة ..يسرحون ويمرحون فى جوبا
Quote: خلو الناس ديل يبنو دولتهم ويعيشوا بسلام وأمان ورفاهية ..
اتبهدلوا معاكم .. فقر و جوع وتشرد وتهميش بحجة الحفاظ على الوحدة ..
أسي برضو فقر وتشريد وحروب .. بحجة المساعدة في تخليصكم ؟
ياخي ارحموهم ..
كفاهم ...
و انجضوا اتو والكيزان ديل راس مالهم هبة زي هبة سبتمبر بتجيب اخرهم ..
|
|
Post: #7
Title: Re: مهام الجهاد الاكترونى واذنابهم( مايختص بدولة الجنوب)
Author: كمال علي الزين
Date: 12-19-2013, 07:57 AM
Parent: #6
Quote: سلامات ياكمال ...لايمكن الكيزان يخلوا الجنوب فى حالو ..لايمكن ومطرف الصديق كـــــ ـــلابه الضالة ..يسرحون ويمرحون فى جوبا
|
يا طوربيد ديل بسرحوا وبمرحوا بمعرفة حليفهم الرئيس القائد الزعيم سلفاكير
يعني عاوز تكون جنوبي اكتر من سيلفا ظاتو
انا لو في مكان سيلفا بتعامل مع مطرف والبشير من اجل مصلحة وطني و اي حكومة بتجي في الشمال
طالما عندي انبوب نفط ماري بهناك ما بهبشا وعدوها عدوي ..
15 شهر من توقف النفط وقفت قلب المواطن الجنوبي البسيط
سلفاكير لو بارانا بخسر ..
الكيزان ديل قاااااعدين بامر تخاذلنا و خيبتنا نحنا ...
و والله دي انانية مننا ساكت ..
خلو الجنوبيين يشوفوا حياتهم ..
ولما تنكربوا و تنجضوا وتزيحوا الكيزان ديل حا تلقوا سلفا اكثر سعادة منكم ..
لكن الجنوبيين هربوا بوطنهم عاوزين تلحقوهم ببلاويكم ..
اها اسي فتنة و حال واقف ونزيف ودماء ودمار ..
لماذا؟
لمجرد تعاطف النظام الجنوبي مع ازمتنا ؟
ونحنا بساعدونا على دفن الكيزان بندس المحافير و بدفع المواطن الجنوبي التمن ..
و اللع عيب علينا ..
|
|