Post: #1
Title: و الله البورد دا محنو محن (كوز طلع قريبي)
Author: abubakr salih
Date: 12-17-2013, 02:31 PM
Parent: #0
غايتو بورد بكرى يوم يكتنا ساي قبل يومنا.
|
Post: #2
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 02:33 PM
بوردابي كوز طلع قريبي فى صمة خشمي، هسة الواحد يعمل شنو. من دربي دا ماشى اشترى صنفرة و بجى راجع.
|
Post: #3
Title: Re: و الله البورد دا محنو محن (كوز طلع قريبي)
Author: سيف النصر محي الدين
Date: 12-17-2013, 02:53 PM
Parent: #2
عادي يا بكري ممكن يكون اخوك في البيت كوز خلي عضو زميل في البورد!
|
Post: #4
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 04:00 PM
Parent: #3
| Quote: عادي يا بكري ممكن يكون اخوك في البيت كوز خلي عضو زميل في البورد! |
فعلاً يا ابو السيوف، انا بس ضحكت من الدنيا الضيقة دي و التقطعات العجيبة.
فى الحقيقة انا كنت لحدى وقت قريب فخور جداً بان ما عندنا كيزان فى الاسرة (الاسرة الصغيرة على الاقل) لكن واحد طق الصرصة خربها مؤخراً,
أما البوردابي المفاجئة دي خليني اشوف حكايتو على الهواء معكم. غايتو جبت الصنفرة عشان نصلحوا 
|
Post: #5
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 04:10 PM
Parent: #4
كتب البوردابي محمد حمزة الحسين
Quote:
تعرف يا فتحي كان عندنا قريبنا ذهب السويد وحصلت ليهو مأسي هناك وقرر يرجع ونذر علي نفسو
ان رجع لي مسقط راسو بالسلامة من هول ما شاهدة ان يصوم ثلاثة ايام لا يكلم الناس الا رمزا
وكان قد عزم الاوبة لله والان ملتزم مع اخوانا السلفين والزول دا مرق مننا شيوعي احماااااااااار
المهم القصة دي ما عجبت كبارنا وخمشوهو ليك ويا كدباس جاك زول صاحبنا انجلد يومين وفي اليوم التالت
اللهو اليوم الرابع لي حضوروا اكتملت ايام النذر وهم بصدد تنفيذ توصية للذهاب لي مستشفي عطبرة عشااان ياخد كهرباء
اتخيييل صاحبنا اتكلم وحكي كل الحاصل ليهو الجماعة انقسموا واحدين يقولو علي سلامتو واحدين يقولوا لازم ياخدا ما بتضرو |
أنا اول ما قريت القصة دي عرفت الشخص المقصود. و انا شخصياً عندى معاها حكاية خاصة جداً لانو لمن حصلت على فرصة دراسة للماجستر فى السويد أمي حلفت ستين يمين كان أسافر سويد السجم و الرماد دي. مالك ياحاجة المشكلة قالت لى دى بلد مشاكل ما شفتا الحصل لعبد الرحيم ود الدهّاك . عبد الرحيم مصطفى صاحب الحكاية يطلع ود عم امي و هو الشخص السافر السويد زمان و حدثت له فيها مشاكل و اخذ على نفسه نذراً بان عاد سالماً الى اهله الا يكلم أحد ثلاث ليال و الباقى معروف كما هو مذكور بقصة محمد حمزة.
أها يا محمد حمزة انا جبتا الصنفرة هنا و الليلة ما بخلى فيك ريحة كوزنة.
|
Post: #6
Title: Re: و الله البورد دا محنو محن (كوز طلع قريبي)
Author: سيف اليزل سعد عمر
Date: 12-17-2013, 04:16 PM
Parent: #5
| Quote: أمي حلفت ستين يمين كان أسافر سويد السجم و الرماد دي |
ابوبكر سلامات
إنشاء الله الحاجة تكون غيرت رأيها فى السويد بعد السنين دي كلها.
|
Post: #7
Title: Re: و الله البورد دا محنو محن (كوز طلع قريبي)
Author: سيف النصر محي الدين
Date: 12-17-2013, 04:20 PM
Parent: #6
ههههههه
اكان حمزة الحسين طلع قريبك يبقى انا ذاتي قريبك!
شفت الدنيا دي ضيقة كيف.
|
Post: #8
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 04:27 PM
Parent: #7
Quote: ابوبكر سلامات
إنشاء الله الحاجة تكون غيرت رأيها فى السويد بعد السنين دي كلها. |
سلامات يا سيف اليزل، امي و الله ما غيرت رايها فى السويد دي كلو كلو. لي اربعة شهور بفاوض فيها تجى زيارة اصلوا ما وافقت. قالت يا زول بلدك دي بعيدة و ما فيها سودانيين كتار و انا ما بدور القفلة فى مكان واحد و بلا بلا بلا. لكن طبعاً العكة الكبيرة كانت فى جيتي الاولي ،،، كانت ملاوزة منها بسبب التجربة الذكرتها ليك. ابن عمها جاء السويد فى الثمانينات تقريبا و حصلت ليهو مشاكل ما قدرت اعرف المشاكل شنو و نوعها شنو و مع منو. قام هو زود الموضوع زيادة بحكاية النذر دي، و لم وصل اهلوا فى الباوقة و ما اتكلم مع الناس بعد سنين من الغيبة. قاموا اهله ساقوه وده للشيوخ جلدوه
|
Post: #9
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 04:29 PM
Parent: #8
Quote: ههههههه
اكان حمزة الحسين طلع قريبك يبقى انا ذاتي قريبك!
شفت الدنيا دي ضيقة كيف. |
انتا موش من عندنا يا سيف ههههه؟ غايتو محمد حمزة زاتو ما عارف قرابتو معانا كيف لحدى هسه، لكن زول السويد الانجلد دا ود عم امي.
|
Post: #10
Title: Re: و الله البورد دا محنو محن (كوز طلع قريبي)
Author: سيف النصر محي الدين
Date: 12-17-2013, 04:40 PM
Parent: #9
ايوة انا ابوي من "اندينا" لكن من من الباوقة و انقريابية تب مع ناس ود بايتور ديل.
|
Post: #11
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 05:45 PM
Parent: #10
| Quote: ايوة انا ابوي من "اندينا" لكن من من الباوقة و انقريابية تب مع ناس ود بايتور ديل. |
يا فردة مراحب كتيرة و حبال الوصل اكيد ممدودة. غايتو الباوقة بالنسبة لينا محل قصص كتيرة، امي كانت تحكى عن شئ اسمه نطى خلى ناس الباوقة العاشوا فيها يجو يكلمونا عن نطى. حكاية عبدالرحيم مصطفى الدهاك و حكاية نطى من القصص العالقة فى ذكراتي منذ زمن طويل.
|
Post: #12
Title: Re: و الله البورد دا محنو محن (كوز طلع قريبي)
Author: saidahmed shami
Date: 12-17-2013, 05:47 PM
Parent: #10
| Quote: البوردابي محمد حمزة الحسين |
بكور أنت متاكد أنو الزول دا كوز
لا تصنيف بورد والسلام 
|
Post: #13
Title: Re: و الله البورد دا محنو محن (كوز طلع قريبي)
Author: حمد عبد الغفار عمر
Date: 12-17-2013, 06:51 PM
Parent: #12
سلام يا أبو بكر
كدي أفقد ود الباوقة يمكن برضو تلقى قريبك لزم
ياخ إنت غواصة عديل 
|
Post: #14
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 08:36 PM
Parent: #13
Quote: بكور أنت متاكد أنو الزول دا كوز
لا تصنيف بورد والسلام |
سلام يا ابو السيد ،،، ود الحسين كان ما كوز رسمي مقيد فى سجلات المؤتمر الوطني بيكون من المشجعين للكيزان، دي حسب اتجاه السياسي فى البورد.
|
Post: #15
Title: Re: و الله البورد دا محنو محن (كوز طلع قريبي)
Author: abubakr salih
Date: 12-17-2013, 08:43 PM
Parent: #14
| Quote: كدي أفقد ود الباوقة يمكن برضو تلقى قريبك لزم |
لا حولا، ليه كدا يا حمد ياخي. اٍتفائل يا رجل
|
Post: #16
Title: Re: و الله البورد دا محنو محن (كوز طلع قريبي)
Author: محمد حيدر المشرف
Date: 12-18-2013, 08:37 AM
غايتو نحنا من "عندياتكم" بطريقة ما ..
او كما يحكي والدي في أوراقه:
(جدنا أحمد ود عبدالقادر ود الأمين, والمعروف بالبلال .. كان يملك حوشاً كبيراً يقع في الشارع الرئيسي بحي البوستة. وهو شارع محمد بك حسن المتجه من ميدان البوستة غربا إلى خور العرضة ثم نادي الهلال ..
حوش البلال كان منزلة أهل الباوقه من إنقرياب ومغاربة .. وكان حوشاً واسعاً وممتداً تحيط به ثلاثة شوارع وأزقة .. وبه بئر مشهور لجلب الماء للضيوف ودوابهم ..
شهد هذا المنزل تواجد أبناء الباوقة ونسائها .. فهناك منزلة في الحوش بها غرفة واسعة ومنافع وعشرات الأسرة للرجال .. وحوش أصغر مع غرفتين وفرندة ومنافع للنساء .. عاش في المنزلة مشاهير أهل الباوقة كدارسين وزوار .. ولعل أشهرهم الدكتور محمد يوسف محمد (رحمه الله) .. والشاعر "ود الحسين", وهو شاعر "يا نسيم أرجوك" رائعة "التاج مصطفى" الفريدة ..
وقريبا من هذا الحوش يقع الحوش المكمل وهو حوش المرحوم الحسن ود الطيب, وكان منزلة للطيباب و آل زروق و آل الياس من أهل الباوقة ..
البلال هذا هو جد أبي لأمه من ناحية .. ووأمي لأمها من ناحية أخرى )
وتمضي الاوراق في سردها يا شباب .. ومما لفت انتباهي هذه الجزئية
(وأذكر أن هنالك رجلا كبيرا وأسمه "ود الحسين" .. كان قد سكن ولمدة طويلة مع جدنا "طيب الاسماء أبَشَر" رحمه الله.. و "طيب الاسماء" هذا هو الجزار الذي هزم الدكتور .. وسر التسمية أن "طيب الأسماء" كان مرشح الاتحادي الديمقراطي الذي هزم الدكتور مصطفى خوجلي مرشح الحزب الشيوعي السوداني في الدائرة الغربية لبلدية أمدرمان .. ولكن الذي لا يعلمه الناس أن هذا "الجزار" كان يملك مكتبة ثقافية عربية ودينية تحوي في طياتها اعدادا من "مجلة الرسالة" .. ومن المفارقات, كذلك, ان "طيب الأسماء" كان "أنصار سنة" وإتحاديا ولم يكن ختميا)
المعلومة الاخيرة قد تحتاج لتكوين لجنة في الدوحة تضم عماد موسي والخليفة محمد الحسن محمد احمد والخليفة محمد محجوب لفض هذا الاشتباك :)
ولقد خلصت الأوراق لهذه الخلاصة
( والدة أبي ووالدة أمي .. رغم أن الأولى والدها من الميرفاب والثانية والدها جعلي شعدينابي .. الا أن كلتاهما من ناحية الأم " إنقرياب" .. بل وان قيادة الانقرياب في امدمان كانت معقودة للبلال وأبنائه في الحوش الكبير والذي آل الآن لأبناء "المغيرة حمد أبوسعيدة" .. وهو خالي وعمي في آن واحد)
شكلنا كلنا حنطلع من "عندياتنا" يا شباب .. والكارثة في يقيني ليست قرابة ود الباوقة .. الكارثة الحقيقية التي لم ينتبه لها الناس جيدا هنا .. قرابة حاتم اليأس !!
|
Post: #17
Title: Re: و الله البورد دا محنو محن (كوز طلع قريبي)
Author: abubakr salih
Date: 12-18-2013, 10:33 AM
Parent: #16
تحياتي يا مشرف و برجع ليك بقصص و حكاوي زيادة. غايتو حيطة حاتم الياس فى الفيس بووك قبل فترة جمعتني بخالٍ لينا ما قابلته من قبل.
|
Post: #18
Title: Re: و الله البورد دا محنو محن (كوز طلع قريبي)
Author: محمد الأمين موسى
Date: 12-18-2013, 10:46 AM
Parent: #17
| Quote: و لم وصل اهلوا فى الباوقة |
يا أبابكر إنت مكبر اللفة مالك؟ إنت ود الباوقة وود الباوقة ودالباوقة... إذن الكوزنة حاصلة!
|
Post: #19
Title: Re: و الله البورد دا محنو محن (كوز طلع قريبي)
Author: abubakr salih
Date: 12-18-2013, 10:59 AM
Parent: #18
| Quote: يا أبابكر إنت مكبر اللفة مالك؟ إنت ود الباوقة وود الباوقة ودالباوقة... إذن الكوزنة حاصلة! |
لا لا ،،، يا استاذنا انا ما من الباوقة ، انا موزع بين البلود. اي شئ ولا ود الباوقة دا. ما يربطني بالباوقة و العبيدية هو امي حيث تعود جذورها لتك المنطقة، لكنها لم تعيش فيها فترة طويلة لان جدى لامى كان يعمل بالتجارة و انتقل للعيش فى مدينة الابيض، بقية اهلها يعيشون هناك و كل مرة بعتر فى زول منهم فى دروب الحياة دي. اما انا زاتي فنشأت فى منطقة النيل الابيض حيث اهل الوالد و دي حكاية تانية.
|
Post: #20
Title: Re: و الله البورد دا محنو محن (كوز طلع قريبي)
Author: حاتم الياس
Date: 12-18-2013, 01:08 PM
Parent: #19
بالمناسبة..أقرب لى ناس هنا يعنى قرابة رسمى ورحمية د.سيف النصر ومحمد حمزه الكوز الشهير بودبايتور من أهلى الحمزياب بالجرانيس وود الباوقة وابن العمة والخال محمد النو الشهير بالمسافر من أهلى الصقوره والنواب والعسولة وود الشيخ من أهلى الصقوره بفتوار...آل الدهاك اهل بكرى من العبيدية والباوقة بجهة وواسى والتكاوين وهم أقرباء ود العمدة ايضاً فود العمدة حفيد عمدة التكاوين..طبعاً ود المشرف ودى حاتكون حاجة مدهشة لناس الباوقة من حبوباته من السعيداب ناس وداب سعيدة والطيباب والزراريق وله صلة قربى بشيخ الأسلام ابودقن مفتى السودان وأول مدير للمعهد العلمى أختلف مع قريبه السيد على وتحول للأنصارية..والاديب الشاعر على المك..على المك والده من ناس حميد ود الدالى الجرانيس وبيت جد ودالمشرف كان منزلة لأهل الباوقة ,ومقام وود المشرف على عكس ماقالت تراجى بانصارية اسرته لجده صلة قربى قوة بالسيد عل الميرغنى تقريباً هو وسيف النصر ومحمد حمزه الكوز اقرباء ومن اسرة أمنة بت النور الكاسرابية انقريابية والدة السيد على..والزراريق أهل سيف قوم شرسين ولايفوقهم فى ذلك الا نواب ود النو....العبدلله حاتم الياس موسى من الجول وفتوار أهل ابوى (الصقوره) وبحوزتهم نحاس الأنقرياب والعمودية عند ناس ودبايتور الحمزياب قبل يشيلوا الملك مننا كان ملك الأنقرياب عندنا نحن الصقوره..ووالدتى سكينة بت عبدالله ود النقر من النقراب الجرانيس أبناء عم الطيباب والزراريق...ولاأنسى ودالمدير معاوية قريبنا كلنا ووليد شريف قريبى لأبى وأمى سوا وهو من أهلنا ورئاستنا الشريفاب...
أفتكر التجمع ده مناسب حتى نصوت لأنتزاع أسم ودالباوقة من محمد عبدالقادر ده ..ولايفتى والمسافر فى البورد..
عون الياس الشريف حاتم قاسم
|
Post: #21
Title: Re: و الله البورد دا محنو محن (كوز طلع قريبي)
Author: محمد حيدر المشرف
Date: 12-18-2013, 03:01 PM
Parent: #20
| Quote: وود المشرف على عكس ماقالت تراجى بانصارية اسرته |
والله يا حاتم اصابتني تراجي بالدهشة حد السكوت فسكت ..
ذلك شرف لا ندعيه يا قريبي ..
* الاستاذ الكبير أحمد الحسين ابودقن "رحمه الله" ابن أخ شيخ الاسلام وأحد الذين عاشوا في ذلك الحوش العامر وتزوج من سكينة بت بشير ود على حفيدة البلال ..
* آمنة بت البلال و آمنة بت النور تعاصرتا وسميتا على جدتهما آمنة .. وآمنة بت النور هي والدة السيد على الميرغني كما ذكرت ..
* عمك أو جدك أحمد حسن الطيب "رحمه الله" وهو خال الوالد .. كان وكيل أعمال المراغنة في الباوقة .. وكان يسافر لشهرين في كل عام للباوقة لانجاز مهامه ..
* وأخيرا أثني اقتراح نزع لقب ودالباوقه .. لاسيما وهو يرسخ في اذهان الناس الكثير من المشاعر السلبية تجاه الباوقه وأهلها .. هههههه
|
Post: #22
Title: Re: و الله البورد دا محنو محن (كوز طلع قريبي)
Author: معاوية المدير
Date: 12-18-2013, 03:30 PM
Parent: #21
Quote: ههههههه
اكان حمزة الحسين طلع قريبك يبقى انا ذاتي قريبك!
شفت الدنيا دي ضيقة كيف. |
هههههههههههههه،
وانا كمان.
والله صحي.
أما إن سألت عن نطي، فهو محمد حمزة الحسين المشهور
بود دبايتور، .مازدا مدرب الفريق القومي وعبده الشيخ
برضهم إنقرياب، وكمان ديشاااااااك ود المشرف طلع قريبنا
أضف إليه ود شيقوق والجميع عبدلآب.
نطالب بالإنفصال رايكم شنو ؟؟؟.
ارخي لي اضانك يا ابو بكر،
محمد حمزة دا كوز، وليك ولي زمانك
أظرط من عمر المدعو ود الباوقة...
|
Post: #23
Title: Re: و الله البورد دا محنو محن (كوز طلع قريبي)
Author: abubakr salih
Date: 12-18-2013, 03:34 PM
Parent: #21
| Quote: * وأخيرا أثني اقتراح نزع لقب ودالباوقه .. لاسيما وهو يرسخ في اذهان الناس الكثير من المشاعر السلبية تجاه الباوقه وأهلها .. هههههه |
أؤيد بشدة يا مشرف. اصلا بكرى من فترة عنده حملة للتخلص من الالقاب و الاستعاضة عنها بالاسماء الحقيقية للاعضاء. الباوقة من اجمل المناطق فى السودان و هى تستحق ان يرتبط اسمها بكائن أجمل من الكائن الخرافى الحالي.
|
Post: #24
Title: Re: و الله البورد دا محنو محن (كوز طلع قريبي)
Author: معاوية المدير
Date: 12-18-2013, 03:39 PM
Parent: #23
Quote: أؤيد بشدة يا مشرف. اصلا بكرى من فترة عنده حملة للتخلص من الالقاب
و الاستعاضة عنها بالاسماء الحقيقية للاعضاء. الباوقة من اجمل المناطق فى السودان
و هى تستحق ان يرتبط اسمها بكائن أجمل من الكائن الخرافى الحالي . |
|
Post: #25
Title: Re: و الله البورد دا محنو محن (كوز طلع قريبي)
Author: ود الباوقة
Date: 12-18-2013, 08:15 PM
Parent: #24
والله وقعتو لينا في جرح. والدة السيد علي امنة بت النور ووالدة جدي عبد القادر بنات عم لزم .... وهي ام النصر بت محمد حمزة.. ومن ناحية الاب انقرياب يلتقي في عجيب المانجلك .. يا المشرف محمد يوسف محمد ( رحمه الله ) عمي في الحسبة
|
Post: #26
Title: Re: و الله البورد دا محنو محن (كوز طلع قريبي)
Author: ود الباوقة
Date: 12-18-2013, 08:17 PM
Parent: #25
ود دبابتور .. حاتم الياس ... معاوية المدير ديل لحم ودم ... ابوبكر صالح دا في الحسبة ود جدنا هههه
|
Post: #27
Title: Re: و الله البورد دا محنو محن (كوز طلع قريبي)
Author: معاوية عبيد الصائم
Date: 12-18-2013, 08:34 PM
Parent: #26
ينفعك يابكور ..كوز وعنصرى كمان
|
Post: #28
Title: Re: و الله البورد دا محنو محن (كوز طلع قريبي)
Author: ود الباوقة
Date: 12-18-2013, 08:41 PM
Parent: #27
الخوف بربار دا يكون قريبنا... جاري الفحص للتاكد واصدار بيان بذلك
|
Post: #29
Title: Re: و الله البورد دا محنو محن (كوز طلع قريبي)
Author: abubakr salih
Date: 12-18-2013, 08:47 PM
Parent: #28
عاجل للاخ ود الباوقة، ياخي انا زول حاري لى مستقبل سياسي، عليك الله لو عندنا معاك قرابة خليها فى السر
|
Post: #30
Title: Re: و الله البورد دا محنو محن (كوز طلع قريبي)
Author: abubakr salih
Date: 12-18-2013, 08:54 PM
Parent: #29
يا ود المدير، سلام كتير. احكي ليك قصة مع الاقارب الكيزان. زمان كان عندنا ولد قريبنا دخل مع الكيزان. الكلام دا فى النص التاني من التسعينات كده 96-97. قمنا اتلحناه انا و قريبي واحد تاني و بقينا ننق فيهو آنا الليل و اطراف النهار لحدى ما اقنعناه انو يخلى الكيزان. الكلام دا انا فى الثانوي و ما كان عندي اي حزب سياسي بس من الوكت داك كنت شايف الكيزان ديل حراميه و مستهبلين. الرجل خلى الكيزان و دارت دورة الايام و الكيزان اتقسموا و السودان اتقسم و اخيراً فوجئت بقربي التاني الكان بعاوني داك بقا مؤتمر وطني
|
Post: #31
Title: Re: و الله البورد دا محنو محن (كوز طلع قريبي)
Author: abubakr salih
Date: 12-18-2013, 09:05 PM
Parent: #30
حيطة حاتم الياس فى الفيس بووك جمعتني مع احد اقاربي هو الخال بشرى الصائم مصطفى. كنا بنتونس حول صورة لمشرع بنطون الباوقة او حاجة زي و الونسة جرت لتفاصيل كتيرة فى نصها تعرفت على بشرى الصائم و هو يبقى لجدى ابو العاص ابن عمته و لدينا معه ايضا تقاطعات اسرية اخرى.
|
Post: #32
Title: Re: و الله البورد دا محنو محن (كوز طلع قريبي)
Author: abubakr salih
Date: 12-18-2013, 09:11 PM
Parent: #31
| Quote: ينفعك يابكور ..كوز وعنصرى كمان |
يا معاوية،،، ياخي براحة على الراجل كدي خليني اجرب حظي معاو. تصدق انا من زمان بفكر فى انو اي زول شغال مع الكيزان ديل مفروض اهلو يتولو امرو. يعنى لو كل اسرة بتلاحق كيزانها بالنقاش و الحوار و مساككتهم فى مواقفهم من النظام و من حياة الناس و فقرهم و بؤس حالهم افتكر انو ممكن يقنعوهم. صاح فى حالات صعبة ما بتغيرو زي حالى قريبي البقى مؤتمر وطنى اخيراً و خرب الرصة الاسرية المتميزة، لكن المحاولات واجبة. ود الحسين دا تحت رعايتي حتى اشعار اخر ههههه، بالله شيل الصبر.
|
Post: #33
Title: Re: و الله البورد دا محنو محن (كوز طلع قريبي)
Author: معاوية المدير
Date: 12-19-2013, 00:59 AM
Parent: #32
Quote: Amal Elamean · متابعة · Uni. Westminster
ووووب ..كدي ركزوا ليه الكلام دا ود الباوقة قريب امنة بنت النور؟
اها كدي شوفوا ليه التقياب ناس ود فلاتي اوعه يكونوا اهل ود الباوقة
..ما اظن لكن التأكد ما بطال |
يا أمال سلآم.
ناس ود فلاتي أهلي من تلآ ابوي،
ود الباوقة مِتنافضنوا...
|
Post: #34
Title: Re: و الله البورد دا محنو محن (كوز طلع قريبي)
Author: محمد حيدر المشرف
Date: 12-19-2013, 01:13 AM
Parent: #33
قريبي ود المدير ..
سلامات وكيف الحال ..
ود الباوقه..
كيفك وكيف حالك آ قريبي و .. إختشي
...
مافي حاجة الا قلت اجرب كيف السلام تاني بيكون !!
|
Post: #35
Title: Re: و الله البورد دا محنو محن (كوز طلع قريبي)
Author: معاوية المدير
Date: 12-19-2013, 01:43 AM
Parent: #34
Quote:
قريبي ود المدير ..
سلامات وكيف الحال .. |
مرحبتين حباب قريبي،
بسط تب، والحمد لله.
أها، عملتولنا شنو في الإنفصال ؟؟؟.
ختيتلك زهرة في المدآخلة...
|
Post: #36
Title: Re: و الله البورد دا محنو محن (كوز طلع قريبي)
Author: معاوية المدير
Date: 12-19-2013, 01:51 AM
Parent: #35
| Quote: تعرفت على بشرى الصائم و هو يبقى لجدى ابو العاص ابن عمته |
آ زول ها !!!.
يا ابو بكر أنا ماشي السودان الشهر الجاي،
أكان بقيت في السودان يا ابو بكر، أنا حالف
أمِسكك من إيدك واوديك الباوقة أقعّدك مع
محمد حسن مصطفى المدير ونائلة بِت أبو العاص
في مترة المُدرا نشرب الجبنة يوترولك الكلآم دا ويوقعوهو ليك...
|
Post: #37
Title: Re: و الله البورد دا محنو محن (كوز طلع قريبي)
Author: جمال المنصوري
Date: 12-19-2013, 05:34 AM
Parent: #36
ابو بكر صالح (و)
اهل الباوقة
سلام
دحين يا جماعة ساعت الحكايي جابت ليها كتاحة من قبايل ناس (انقير) كدي بالمرة شوفوا لينا معاكم سكي...
مع انو انا عندي اهل كتار في الباوقة دي، عللي امي (الله يرحمها) عندها لحمي كبيري خلاص في ناس الجول...
كدي شوفوا لينا اكان يكون فيكم زول قريبا لينا... اخوالي في الجول.. اديكم منهم اسم زول واحد ( مصطفي علي بودي)
|
Post: #38
Title: Re: و الله البورد دا محنو محن (كوز طلع قريبي)
Author: ود الباوقة
Date: 12-19-2013, 06:08 AM
Parent: #37
مصطفى علي بودي وبشير علي بودي اهلنا الجوالة يا زول انت وصلتتب.... المشرف قريبي لحم ودم
|
Post: #39
Title: Re: و الله البورد دا محنو محن (كوز طلع قريبي)
Author: جمال المنصوري
Date: 12-19-2013, 06:38 AM
Parent: #38
| Quote: مصطفى علي بودي وبشير علي بودي اهلنا الجوالة يا زول انت وصلتتب |
سلام عليك اااقريبي..
انا لمن رميت جبادتي كنت قايلا بتقبض لها صيري ولا شلبايي، ما كنت قايلا بتقبض ليها حرويل..
ادي الله وادي حكمتو..
اها يا ابوبكر
شفت المحن كيف.؟؟. وقعنا لينا في حرويل من البصاح، .
نان كان رميت الشبكي كنت قبضت لي شنو ؟؟
المحبة للأهل
|
Post: #40
Title: Re: و الله البورد دا محنو محن (كوز طلع قريبي)
Author: Yassir Tayfour
Date: 12-19-2013, 07:26 AM
Parent: #39
ههههه
صادق عزائنا يا بكور وسيف
__
لكن ما تنسو إنو أبولهب عم الرسول (ص) لزم
|
Post: #41
Title: Re: و الله البورد دا محنو محن (كوز طلع قريبي)
Author: MOHAMMED ELSHEIKH
Date: 12-19-2013, 07:36 AM
Parent: #16
اهااااااااااااااااااااااااااااااا
جيتونا في صمة خشمنا
اها يا ابوبكر الزول القريبك دا ومشى السديد
بررررررضو قريبي!!!! تتصور
_____________________________
الزول البيسعل من نطي شمهروش يرجى البحث في بوستات ود الباوقة
( طبعا ما عندو مكتبة)
طبعا انا احمد الله من مريخاب الباوقة وقيلتن فتوار
|
Post: #42
Title: Re: و الله البورد دا محنو محن (كوز طلع قريبي)
Author: aosman
Date: 12-19-2013, 08:05 AM
Parent: #41
هههسسسسسسسسسسسسسس أسكت أسكت قريبك طلع كوز
يا زول ولا يهمك لا يخلو بيت سوداني من كوز وزير كمان
|
Post: #43
Title: Re: و الله البورد دا محنو محن (كوز طلع قريبي)
Author: MOHAMMED ELSHEIKH
Date: 12-19-2013, 10:37 AM
Parent: #42
Quote: آ زول ها !!!.
يا ابو بكر أنا ماشي السودان الشهر الجاي،
أكان بقيت في السودان يا ابو بكر، أنا حالف
أمِسكك من إيدك واوديك الباوقة أقعّدك مع
محمد حسن مصطفى المدير ونائلة بِت أبو العاص
في مترة المُدرا نشرب الجبنة يوترولك الكلآم دا ويوقعوهو ليك... |
وعليك الله تجيب ليهو خالي الباقر ود احمد الشيخ يوقع ليه النضم
يااخواننا والله العظيم عندنا اربعة اخوان من بطن واحدة من( فتوار والفريخة)
واحد كوز
واحد جمهوري
واحد شيوعي
وواحد حمدو في بطنو
اها شنو ليكن؟
|
Post: #44
Title: Re: و الله البورد دا محنو محن (كوز طلع قريبي)
Author: بشرى محمد حامد الفكي
Date: 12-19-2013, 11:00 AM
Parent: #43
أبوبكر وضيوفه سلامات
أعجبتني فكرة انو أي كوز مفروض أهلو يتولو بيهو، والله فكرة سودانية خالصة، بالجد عجبتني
طيب عمر البشير دة أهلو منو غير الطيب مصطفى
|
Post: #45
Title: Re: و الله البورد دا محنو محن (كوز طلع قريبي)
Author: محمد حيدر المشرف
Date: 12-19-2013, 11:53 AM
| Quote: المشرف قريبي لحم ودم |
لحم ودم يا عمر والله .. الا كان ترسل لي الكلام ده في الخاص يا خوي :)
|
Post: #46
Title: Re: و الله البورد دا محنو محن (كوز طلع قريبي)
Author: معاوية المدير
Date: 12-19-2013, 12:10 PM
Parent: #45
Quote: Amal Elamean · متابعة · Uni. Westminster
ا أمال سلآم.
ناس ود فلاتي أهلي من تلآ ابوي،
ود الباوقة مِتنافضنوا...) عليكم السلام السلام يا معاوية متنافضنوا دي طمئنتي شويه لكن تاني قام جاب سيرة ود النور!!!!!! |
ههههههههههههههههه،
بعد دا يا امال مُنقاش، مُنقاش،
تشوفيلك مُنقاش وتف تقلعيهو.
والله صحي...
|
Post: #47
Title: Re: و الله البورد دا محنو محن (كوز طلع قريبي)
Author: abubakr salih
Date: 12-19-2013, 03:27 PM
Parent: #46
يا مراحب و الله بالاهل من كل اٍتجاه. اتفضلوا لى قدام البيت بيتكم، انا بلفاكم قريب.
|
Post: #48
Title: Re: و الله البورد دا محنو محن (كوز طلع قريبي)
Author: ود الباوقة
Date: 12-19-2013, 03:36 PM
Parent: #47
وصلتي تب ... حبابك
|
Post: #49
Title: Re: و الله البورد دا محنو محن (كوز طلع قريبي)
Author: سيف النصر محي الدين
Date: 12-19-2013, 03:50 PM
Parent: #48
انت يا ود الباوقة ناكرني لي شنو و معترف بي ناس ود الياس و و ود المدير و جنا المشرف؟
|
Post: #50
Title: Re: و الله البورد دا محنو محن (كوز طلع قريبي)
Author: ود الباوقة
Date: 12-19-2013, 04:03 PM
Parent: #49
يا زول انكرك كيفن ... كدا اسال ابناء عبد الله ود زروق من منى بت عبد القادر... انت زول الجلد والرأس
|
Post: #51
Title: Re: و الله البورد دا محنو محن (كوز طلع قريبي)
Author: معاوية المدير
Date: 12-20-2013, 04:29 AM
Parent: #50
Quote: انت يا ود الباوقة ناكرني لي شنو و معترف
بي ناس ود الياس و و ود المدير و جنا المشرف؟ |
هههههههههههههه،
يا سيف النصر الزول دا ما ناكرك،
هو بس مكجنك ساكت.
لا تتحسس يا اخ...
|
Post: #52
Title: Re: و الله البورد دا محنو محن (كوز طلع قريبي)
Author: abubakr salih
Date: 12-23-2013, 09:40 PM
Parent: #51
Quote: ابو بكر صالح (و)
اهل الباوقة
سلام
دحين يا جماعة ساعت الحكايي جابت ليها كتاحة من قبايل ناس (انقير) كدي بالمرة شوفوا لينا معاكم سكي...
مع انو انا عندي اهل كتار في الباوقة دي، عللي امي (الله يرحمها) عندها لحمي كبيري خلاص في ناس الجول...
كدي شوفوا لينا اكان يكون فيكم زول قريبا لينا... اخوالي في الجول.. اديكم منهم اسم زول واحد ( مصطفي علي بودي)
|
سلام يا جمال المنصوري،،، طبعاً اخوك ما خبير شديد فى الانساب و كل مرة بعتر فى الاهل بالطريقة دي. غايتو فى اخر ونسة مع امي قالت عمها مصطفى محمد على فضل الله ساكن الحواشات و عندها عمها تاني فى واوسى اسمه عوض الكريم محمد على فضل الله. طبعاً اعمامها ديل الاتنين رحلوا عن هذه الدنيا الفانية لهم الرحمة لكن ابناءهم موجودين موزعين بين الباوقة و بربر و الخرطوم.
|
Post: #53
Title: Re: و الله البورد دا محنو محن (كوز طلع قريبي)
Author: abubakr salih
Date: 12-23-2013, 09:46 PM
Parent: #52
Quote: ههههه
صادق عزائنا يا بكور وسيف
__
لكن ما تنسو إنو أبولهب عم الرسول (ص) لزم |
ياسر طيفور يا حاقد، صحيح ابو لهب عم الرسول لكن ابو لهب التقول عاقر. ما سمعنا يوم واحد زول عندو قرابة مع ابو لهب
الناس دي كلها واقعة فى الرسول و العباس عمه، الا انحنا نقع فى ود الباوقة، قدر عجيب.
|
Post: #54
Title: Re: و الله البورد دا محنو محن (كوز طلع قريبي)
Author: abubakr salih
Date: 12-23-2013, 09:52 PM
Parent: #53
Quote:
اهااااااااااااااااااااااااااااااا
جيتونا في صمة خشمنا
اها يا ابوبكر الزول القريبك دا ومشى السديد
بررررررضو قريبي!!!! تتصور
_____________________________
الزول البيسعل من نطي شمهروش يرجى البحث في بوستات ود الباوقة
( طبعا ما عندو مكتبة)
طبعا انا احمد الله من مريخاب الباوقة وقيلتن فتوار |
يا ود الشيخ ياخي حبابك شديد و سعدنا بقربك كمان، رجل مناضك مثلك يشرف و الله. زول السويد المجلود الخال عبد الرحيم مصطفى جاء استقر عندنا فى النيل الابيض.
بقا موظف فى شركة سكر كنانة و بيزونا فى البيت من مرة لمرة. بقا ليهو دقن كبيررررة، لكنه رجل لطيف شديد و يتحدث بصوت خفيض. له التحيه و السلام.
|
Post: #55
Title: Re: و الله البورد دا محنو محن (كوز طلع قريبي)
Author: abubakr salih
Date: 12-23-2013, 09:55 PM
Parent: #54
Quote: هههسسسسسسسسسسسسسس أسكت أسكت قريبك طلع كوز
يا زول ولا يهمك لا يخلو بيت سوداني من كوز وزير كمان |
دي مداخلة ملغومة، يا عثمان. لكن مع وزرات الكيزان الكتيرة صحى تقريباً اي بيت سوداني اصبح لا يخلو من وزير حتى لو كان وزير هوائي ساكت.
|
Post: #56
Title: Re: و الله البورد دا محنو محن (كوز طلع قريبي)
Author: abubakr salih
Date: 12-23-2013, 10:02 PM
Parent: #55
Quote: أبوبكر وضيوفه سلامات
أعجبتني فكرة انو أي كوز مفروض أهلو يتولو بيهو، والله فكرة سودانية خالصة، بالجد عجبتني
طيب عمر البشير دة أهلو منو غير الطيب مصطفى |
حبيبنا بشرى ود الفكى، انا زمان كنت مقتنع بالحكاية دي شديد. انو اي زول كوز مفروض اهلو يتولوه بالنقاش و الاصلاح. اي النضال و التغيير يبدأ من البيت. كنت مفتكر انه ممكن تكون طريقة فعالة و تجربتي الذكرتها سابقا فى اننا نجحنا فى اخراج احد شباب اسرتنا من حزب الكيزان كانت محفزة زيادة. لكنها ما بتنجح فى كل الاحوال، بتعتمد على شخصية الشخص المعنى و مدى مرونته فى تقبل الراى و المشورة، لانو الكوز الاخير فى اسرتنا غلبنى اٍصلاحه، معسّم تب.
|
Post: #57
Title: Re: و الله البورد دا محنو محن (كوز طلع قريبي)
Author: abubakr salih
Date: 12-23-2013, 10:25 PM
Parent: #56
| Quote: انت يا ود الباوقة ناكرني لي شنو و معترف بي ناس ود الياس و و ود المدير و جنا المشرف؟ |
يا سيف ياخي انتا مالك كافى البيضاء زي ما بقولوا. وكت ود الباوقة نكرك مفروض تحمد الله تعمل ميت
|
Post: #58
Title: Re: و الله البورد دا محنو محن (كوز طلع قريبي)
Author: abubakr salih
Date: 12-23-2013, 10:33 PM
Parent: #57
Quote: آ زول ها !!!.
يا ابو بكر أنا ماشي السودان الشهر الجاي،
أكان بقيت في السودان يا ابو بكر، أنا حالف
أمِسكك من إيدك واوديك الباوقة أقعّدك مع
محمد حسن مصطفى المدير ونائلة بِت أبو العاص
في مترة المُدرا نشرب الجبنة يوترولك الكلآم دا ويوقعوهو ليك... |
يا ود المدير تصدق بالله انا اول مرة مشيت الباوقة جيت راجع مخلوع عديل. نحنا ناس نيل ابيض حواشات قطن و ذرة ساكت و بلدات. فى 86 او 87 مشيت اول مرة مع امى و اختى الصغيرة. يا زول حكاية البيت الفى المترا و ما لذ و طاب من فواكهة حكاية فنانة خلاص. فى النيل الابيض فى جناين لكنها على شريط رقيق محازي للنيل و حتى اصحابها ما ساكنين فيها زي وضع حواشات الباوقة. يا زول قدر ما حكيت لناس النيل الابيض عن جمال الباوقة مافى زول صدقني، اعتبروها اساطير الاولين ساكت. الزيارة ديك فضلت عالقة فى ذاكرتي الغضة و كررتها تاني فى 98. زياراتي للشمالية عادة بتكون موزعة بين الباوقة و العبيدية.
اها يا جماعة نقطع بالشرق العبيدية نسلم على جدنا كارس.
|
Post: #59
Title: Re: و الله البورد دا محنو محن (كوز طلع قريبي)
Author: حسين ديقول
Date: 12-24-2013, 12:07 PM
Parent: #58
التحية لكل أهلنا الانقرياب
يا أبا بكر طالما الكوز طلع قريب أكيد ح نلتقي في أحدى الحبوبات أو الجدود
دي دايرة ليها زول خبير في النسب ويمكن يكون أفضلنا محمد حمزة الحسين نفسه في هذه الناحية.
|
Post: #60
Title: Re: و الله البورد دا محنو محن (كوز طلع قريبي)
Author: abubakr salih
Date: 12-24-2013, 04:04 PM
Parent: #59
Quote: يا أبا بكر طالما الكوز طلع قريب أكيد ح نلتقي في أحدى الحبوبات أو الجدود
دي دايرة ليها زول خبير في النسب ويمكن يكون أفضلنا محمد حمزة الحسين نفسه في هذه الناحية. |
مرحب بيك عزيزي حسين ديقول،،، صحيح العلاقات فى السودان متشابكة بطريقة كبيرة شديد. انا بالجد اتفاجئت بورود قصة خالي عبد الرحيم مصطفى فى هذا المنبر.
غايتو لو واصلنا البحث بالطريقة دي ح نصل لكشف علاقتنا بشارل ديقول زاتو
لك التحيات الطيبة و المودة.
|
Post: #61
Title: Re: و الله البورد دا محنو محن (كوز طلع قريبي)
Author: وضاحة
Date: 12-24-2013, 04:08 PM
Parent: #60
abubakr salih
صاحب القلم الرصاص الذي يحمل الحقايق في زمن غلب فيه الكذب والنفاق والاقنعة
تحياتى يا ملك وكل عام وانت احلى البشر
وان شاء الله سنة حلوة عليك وعلى اهلنا فى السودان
تخريمة : سؤال بري
هل الانقراب ديل ينتمون لى قبيلة الجعليين ؟
|
Post: #62
Title: Re: و الله البورد دا محنو محن (كوز طلع قريبي)
Author: حسين ديقول
Date: 12-24-2013, 06:03 PM
Parent: #61
Quote: مرحب بيك عزيزي حسين ديقول،،، صحيح العلاقات فى السودان متشابكة بطريقة كبيرة شديد. انا بالجد اتفاجئت بورود قصة خالي عبد الرحيم مصطفى فى هذا المنبر.
غايتو لو واصلنا البحث بالطريقة دي ح نصل لكشف علاقتنا بشارل ديقول زاتو
لك التحيات الطيبة و المودة. |
تعرف يا أبوبكر أول ما خطت رجلي الخرطوم للدراسة تعرفت على عدد كبير من أهلنا ( الحاجاب ) وكان خالنا أحمد الحاج رحمه الله
عندما يعرفني بشخص من الأهل يقول السوان جزاير - جمع جزيرة ( لم أفهم المصقود بالمقولة شنو بالضبط ) والصحيح أن العلاقات
متشابكة ومشربكة شديد وأخونا محمد حمزة ما قصر قبل كدا في منتدى الباوقة شجرة نسب الانقرياب وطلب اي واحد يكمل نسبه منها
ممكن الواحد يأخذ الشجرة ويستعين بالكبار فتفصيل الشربكة.
Quote: تخريمة : سؤال بري
هل الانقراب ديل ينتمون لى قبيلة الجعليين ؟ |
إجابة أبرأ يا دكتورة ( لا )
|
Post: #63
Title: Re: و الله البورد دا محنو محن (كوز طلع قريبي)
Author: MOHAMMED ELSHEIKH
Date: 12-24-2013, 06:15 PM
Parent: #62
اها امل الفي الفيس دي ورينا انتي من ناس منو في النوراب عشان النضم يتركز
ود الباوقة طلع قريبك بختك
انا غايتو مناسبو
لكن حكاية بت النور دي جديدة على
ابو بكر ودصالح مراحب
|
Post: #64
Title: Re: و الله البورد دا محنو محن (كوز طلع قريبي)
Author: abubakr salih
Date: 12-24-2013, 06:26 PM
Parent: #61
Quote: صاحب القلم الرصاص الذي يحمل الحقايق في زمن غلب فيه الكذب والنفاق والاقنعة
تحياتى يا ملك وكل عام وانت احلى البشر
وان شاء الله سنة حلوة عليك وعلى اهلنا فى السودان |
دكتورتنا العزيزة، لك التحية و السلام، بالله بالراحة على اخوكي من الاشادة الشديدة. ما متعود عليها.
سنة حلوة عليك، انتى و اسرتك، و التمنيات الطيبة للسودان و اهله بعام جديد أحسن مما الـ 25 السابقة.
سؤالك ما برئ ابداً انا عارفك مكارة
ما عندى فكرة و الله، لكن خليني أسال. ناس على ود فضل الله جد امى من الرباطاب، لكن ما عارف علاقة الانقرياب و الرباطاب و الجعليين.
|
|