Post: #1
Title: جدة : ولا حلوة
Author: sudania2000
Date: 12-17-2013, 08:34 AM
السلام عليكم
في زمن الهجرة قلنا نرحل
وجينا جدة
و
لكن
ولا حلوة
:)
|
Post: #2
Title: Re: جدة : ولا حلوة
Author: wadalzain
Date: 12-17-2013, 08:49 AM
Parent: #1
اذا هاجرت لا الومك
ولكن خسارة نزيف العقول هذا
لا كرامة لنبى فى وطنه
مع تحياتى وامنياتى لك بالتوفيق
|
Post: #10
Title: Re: جدة : ولا حلوة
Author: sudania2000
Date: 12-17-2013, 10:31 AM
Parent: #2
سلامات يا حاج
وصدقت ولكن يبقي السودان في حدقات العيون
وبيني بينك انا كالسمكة تخرج من الماء تموت ولو غرقا :)
شكرا ع الطلة
و
تسلم
|
Post: #3
Title: Re: جدة : ولا حلوة
Author: Mahmoud Mustafa Mahmoud
Date: 12-17-2013, 08:54 AM
Parent: #1
Quote: في زمن الهجرة قلنا نرحل
وجينا جدة
و
لكن
ولا حلوة |
ترحيب خاص وحار بالأخت سودانية 2000
قالوا العشرين سنة الأولى أصلها كدي..
وما جبرك على المُر..إلا الأمر منه..
وأي حتة حلوة بي ناسها..
ولا ما كدي؟؟
بالتوفيق إن شاء الله..
..
|
Post: #11
Title: Re: جدة : ولا حلوة
Author: sudania2000
Date: 12-17-2013, 10:36 AM
Parent: #3
20 سنة أولي
وبعدها في تاني
يا ستار
ربنا يحفظك يارب
بس بصراحة جدة دي شفتها وانا جاية من المطار كم مرة
للحج لكن تعيش فيها مشكلة :
عشقي للحنينة السكرة لا يوصف
تحياتي
|
Post: #4
Title: Re: جدة : ولا حلوة
Author: احمد التجانى احمد
Date: 12-17-2013, 08:55 AM
Parent: #1
وعليكم السلام ورحمة الله
مرحب بيكم فى جدة وان شاء الله خطوة موفقة وغربة لطيفة
احساسك بعدم حلاوة جدة يمكن يكون سببه انه توقعاتك كان سقفها عالى شوية او يمكن مفهوم الحلاوة لديكم صعب وصارم
ما عارف المدة القضيتوها كم عشان اقدر اقول ليك ادوها فرصة شوية يمكن الحلاوة نجى
عموما لو ما عجبتكم جدة ما تجربوا مدينة غيرها فى السعودية , ومرحب بيكم تانى
|
Post: #5
Title: Re: جدة : ولا حلوة
Author: بله محمد الفاضل
Date: 12-17-2013, 08:59 AM
Parent: #4
جدة التي يتجدد حبها
دهمتنا فيها العبارات الحلوة يا سودانية
ولقينا بها بعضنا الضائع
وألفينا بأزقتها وناسها
بعض رياح الوطن
هي الوهلة الأولى من عمر الاغتراب
جعل الله أيامك فيه ألفة وثمر...
مرحباً بكِ بين ظهراني جدة أم الرخا والشدة
تحياتي واحترامي
|
Post: #6
Title: Re: جدة : ولا حلوة
Author: خالد حامد الجزولي
Date: 12-17-2013, 09:13 AM
Parent: #5
| Quote: احساسك بعدم حلاوة جدة يمكن يكون سببه انه توقعاتك كان سقفها عالى شوية او يمكن مفهوم الحلاوة لديكم صعب وصارم |
|
Post: #7
Title: Re: جدة : ولا حلوة
Author: Asim Fageary
Date: 12-17-2013, 09:17 AM
Parent: #6
سلام وتحية
ولا تعليق
|
Post: #8
Title: Re: جدة : ولا حلوة
Author: سيف الدين محجوب
Date: 12-17-2013, 10:07 AM
Parent: #7
والله جدة غير
بس ركزي شوية
|
Post: #9
Title: Re: جدة : ولا حلوة
Author: محمد عبد الله الامين
Date: 12-17-2013, 10:25 AM
Parent: #8
جده غيررررر ياااخ .... طيب اكان مشيتي الرياض تقولي شنووو ههههههههه
|
Post: #14
Title: Re: جدة : ولا حلوة
Author: sudania2000
Date: 12-17-2013, 10:43 AM
Parent: #9
دهمتنا فيها العبارات الحلوة يا سودانية
ولقينا بها بعضنا الضائع
وألفينا بأزقتها وناسها
بعض رياح الوطن
هي الوهلة الأولى من عمر الاغتراب
جعل الله أيامك فيه ألفة وثمر...
امين يا رب
احلي شئ قربها من الحرم المكي ومتعة الطواف
ولكن
نستكشف شوية شوية
تسلم
|
Post: #12
Title: Re: جدة : ولا حلوة
Author: sudania2000
Date: 12-17-2013, 10:40 AM
Parent: #4
| Quote: احساسك بعدم حلاوة جدة يمكن يكون سببه انه توقعاتك كان سقفها عالى شوية او يمكن مفهوم الحلاوة لديكم صعب وصارم |
كثيرة الترحال كنت
ولكن السقف ما عالي انا جاية من الحنينة السكرة
اهل عوض برضو
no open areas no green :(
|
Post: #13
Title: Re: جدة : ولا حلوة
Author: عمار بابكر
Date: 12-17-2013, 10:43 AM
Parent: #1
مرحب بيك في جده
وجده حلوه لأن فيها البحر والبيك
اقامه طيبه ..
|
Post: #15
Title: Re: جدة : ولا حلوة
Author: ابوحراز
Date: 12-17-2013, 11:05 AM
Parent: #13
أنا أسافر الى جدة كل أسبوع لأرى السودان ومن ثم أعود !!!!!
وإن لم أسافر لأي ظرف فإنني أصاب بصداع حاد وآلام في القصبة الهوائية
لا أذهب للعمارات الشاهقة الا اذا كان هناك عمل يجبرني على ذلك
ولكن كثيرا ما اتواجد عند كل ما هو سوداني
شراب شاي وقهوة في كيلو 8
وشراء كسرة ومستلزمات المدام من الكرنتينة
ودقشة في باب شريف لشراء الملايات التي عذبتنا وارهقتنا
|
Post: #16
Title: Re: جدة : ولا حلوة
Author: Mohammed Abuzaid
Date: 12-17-2013, 11:28 AM
Parent: #15
ألف مرحب بيك في جدة
يا زولة ( جدة غير )
حقيقة الغربة هي الغربة . . .
ولكن مجتمع وجو جدة يمكن لا يفرق كثيرا عن السودان
| Quote: أنا أسافر الى جدة كل أسبوع لأرى السودان ومن ثم أعود |
رفقة الغربة هي المعضلة الممكن تواجهك . . .
فتخيري وتخيري
نسأل الله يرد غربة الجميع
كل الوُد
|
Post: #17
Title: Re: جدة : ولا حلوة
Author: Abuobeida Ali Abdullah
Date: 12-17-2013, 11:52 AM
Parent: #16
مرحبا بك في عروس البحر
من الجمل الأعتراضية ( جده أجمل مدينة في السودان).
مع تمنياتنا بطيب المقام
|
Post: #18
Title: Re: جدة : ولا حلوة
Author: خالد عبد الله محمود
Date: 12-17-2013, 01:26 PM
Parent: #17
لو قروشها حلوة ما ضروري هي تبقي حلوة ..
نحن لو متغربين عشان حلاوة المنظر كنا مشين سيشل يا عمتكـ
نحن بصراحة متغربين عشان الريال ما أغش عليكـ 
|
Post: #19
Title: Re: جدة : ولا حلوة
Author: محمد عمر جبريل
Date: 12-17-2013, 04:05 PM
Parent: #18
أمضيت ساعة أو أكثر بقليل وان أسرد بعض ذكريات عشتها في جدة .. ومسحتها
ربما يكون تطفلا مني أن ألقي هكذا عبثا ذكريات قد لا تعني أحدكم في هذا البوست
التحية لكي صاحبة البوست .. والتحية لكل بورداب جدّة
وأسأل الله أن ينعم علينا بزيارة بلاد الحرمين وجدة مرة أخرى
|
Post: #20
Title: Re: جدة : ولا حلوة
Author: د.نجاة محمود
Date: 12-17-2013, 04:15 PM
Parent: #19
سلام يا دكتورة
الغرية حارة جدا والمدن كلها كئيبة
ربنا يوفقك
ومشتاقين
|
Post: #21
Title: Re: جدة : ولا حلوة
Author: ALWALEED ALSHEIKH
Date: 12-17-2013, 05:18 PM
Parent: #20
مرحب بك يا أختي الكريمة في جدة
و أتمني لك كل التوفيق و النجاح
و صدقيني يا أختي الكريمة أن انطباعك هذا عن جدة سيتغير عما قريب
و عندما تندمجي في مجتمع و برامج السودانيين في جدة لن تحسي بطعم الغربة
فجدة هي كما علمّونا و وجدناها هي السودان إلا ربع
و لك السلام مجدداً.
|
Post: #22
Title: Re: جدة : ولا حلوة
Author: عمر نملة
Date: 12-17-2013, 06:07 PM
Parent: #21
سلام
| Quote: نحن بصراحة متغربين عشان الريال ما أغش عليكـ |
واحد صاحبنا قال:(يارب ترجعنا السودان سالمين غانمين) رد ليه واحد ( ياسالم يا غانم
الاثنين مافي طريقه. ياخوفي تلم الريال وتلقى الزمن روح.
|
Post: #23
Title: Re: جدة : ولا حلوة
Author: MOHAMMED ELSHEIKH
Date: 12-18-2013, 04:14 AM
Parent: #22
احد الزملاء وصل الى مسقط للعمل في شركة ما
تم توزيعو لمنطقة اسمها مسندم
الراجل رجع بعد يومين تلاتة لمسقط استعدادا للعودة للسودان
سألناهو!
مالك يازول؟
قال ياخي مسندم دي بعيدة
فرد عليه زميلنا وصديقنا عضو المنبر:
"بعيدة من وين؟"
نتمنى للأخت سودانية اقامة طيبة في جدة
ونقول ليها "جدة ولا حلوة" مقارنة بي شنو؟؟
|
Post: #24
Title: Re: جدة : ولا حلوة
Author: Osman Musa
Date: 12-18-2013, 04:36 AM
Parent: #23
جدة ومانهاتن والزيداب أحلي 3 بكانات في الدنيا .
|
Post: #25
Title: Re: جدة : ولا حلوة
Author: فتح العليم محمد أبوالقاسم
Date: 12-18-2013, 04:58 AM
Parent: #1
Quote: Author: sudania2000
السلام عليكم
في زمن الهجرة قلنا نرحل
وجينا جدة
و
لكن
ولا حلوة
:) |
سلام يادكتورة
عنوان البوست عفوي ويدل على البراءة والتعاسة من الغربة .
جدة ما حلوة ولكن قروشها احلى
الخرطوم حلوة ولكنهم لم يتركوا لنا امل للاستمتاع بحلاوتها سرقوا منا كل شئ .
انا اول مرة شفت جدة وتحديدا حى بن مالك شعرت بحزن واستياء واذكر دخل على عيد الاضحى واجد نفسى في غرفة حزينة مع احد السودانين وكان وقتها مدمن تدخين سجار ساهت .
الله اوفقك واسترها معاك
وبرضو جدة حلوة ببحرها واهلها وقربها من الحرم
خلى الجرسة والعنى الشيطان وواصلى غربتك من اجل تحقيق اهدافك أوع تسمعى كلام كدا والله كدا وترجعى وقتها سوف تشعرى بندامة القرار .
واخرها طولى بالك .
مع احترامي
|
Post: #26
Title: Re: جدة : ولا حلوة
Author: Alshafea Ibrahim
Date: 12-18-2013, 06:31 AM
Parent: #25
تحياتي يا دكتورة
غربة سعيدة إن شاء الله
جدة الرياض الدمام تبوك ابها جازان الطائف ألخ كلو غربة وأجنبي ووافد
ربنا يسهل وبس
اقامة سعيدة وما طويلة وراجعين لمدني بعون الله
الشفيع
|
Post: #27
Title: Re: جدة : ولا حلوة
Author: معتز يوسف نجم
Date: 12-18-2013, 07:15 AM
Parent: #26
جدة أم جداد حلوة شديد فيها ( البيك )
باب شريف
الكرينتينة
كثرة التكرارين
والحبش
|
Post: #28
Title: Re: جدة : ولا حلوة
Author: عصام دهب
Date: 12-18-2013, 07:42 AM
Parent: #27
سلام لصاحبة البوست و كل المتداخلين ..
نعم لا شيئ يعدل الوطن و الأهل و الصحبة ..
و مع ذلك ..
و في زمن الإرتحال ..
يمكن لزائر جدة أن يكتشف مكامن الجمال فيها كمدينة تاريخية و ساحلية ..
لا أعني أماكن اللهو و النزهة و التسوق و الترفيه فحسب ..
لكن أعني كل شيئ في جدة ..
التاريخ .. الجغرافيا .. الأحياء .. و أي حاجة ..
جدة مدينة مبتسمة و وناسة شديد ..
مدينة يطير فيهما الحمام أينما و وقتما شاء ..
( مِن جِد )
جدة غير ..
و مكة خير ..
و إبتسم انت في جدة ..
|
Post: #29
Title: Re: جدة : ولا حلوة
Author: طارق ابراهيم ابوالفضل
Date: 12-18-2013, 08:53 AM
Parent: #28
كان هذا لسان حالي عندما وصلت الى جدة منذ عشر سنوات
والان لا استطيع مفارقتها
اجمل ما في جدة احيائها الشعبية
فهي تستمد منها كل هذا الطعم الرائع
|
|