بئس المحاور والمتحاور

برنامج اعترافات فى قناة ام درمان شاهدت اجزاء من حلقاته السابقة ولم يستوقفنى كثيرا
امس شاهدت حلقة مع مدير امن نميرى عبد الغفار نميرى

المتحاور صحفى مذيع عادل سيد احمد خليفة

عندما تشاهد الطلة بجسد ضخم وحركات الايادى المتشنجة والصوت الغليظ تقول القبة تحتا فكى

لكن وحاتك الله هبوب ساى

اسئلة فى غاية السذاجة والضعف

فى حلقة امس يستضاف شخص تبوأ موقعا حساسا وبحكم التجربة لديه الكثير من الاسرار و

لكن الاسئلة كانت على شاكلة
انت ونميرى كنتو بتفرتقو الحفلات كيف
ومنو الشخصية التى تعينت معك فى الامن فى يوم واحد((سبدارت))
وهل زواج نميرى من روضة جوان حقيقى

المحاور عبد الغفار نميرى لم يكن اسعد حظا من المذيع

يحكى انه كان يغشى الحفلات فى امدرمان مع نميرى
نميرى يقول له تعال نفترق الحفلة ويرسله لافتعال مشكلة ثم يدخل نميرى لكيل اللكمات وفرتقة الحفلات

عندما سئل عن موضوع سياسى قال انا ما عندى علاقة بالسياسة
وعندما سئل عن الفن اجاب ما عندى علاقة بالفن
عندما سئل عن اعدام محمود محمد طه اجاب دا قرار بتاع ناس كبار انا ما عندى راى فيهو

اجابات اخرى عجيبة ولا تصدق
مثل زراعة لاجهزة تجسس فى مكان اجتماع اللجنة المركزية للحزب الشيوعى
وان الصادق المهدى كان متامرأ ضد الامام الهادى فى احداث ودنوباوى والجزيرة ابا
وجه اساءات شخصية لعمر محمد الطيب ووصفه بالضعيف كذلك وصف سوار الذهب بانه زول ساى
ذكر انه صاحب النصيب الاكبر فى ورثة نميرى قائلا رزق جابو لى الله

اعترافات عبد الغفار نميرى فى نادى الاعترافات مع عادل سيد احمد

أبو السيد ازيك
ضغطك يا زول و.. سكّريك
حكاية الإعلام (صحافة- تلفزيون- إذاعة) والفن والرياضة والدين والشارع (أخلاق- ظواهر ..الخ) و.. عيييك
دي أصبح الانحطاط فيها هو الأساس ومجرد لفت النظر ليهو بات يثير استغراب الناس
كان بِعْدوا لينا من الأكل والعلاج والتعليم(في البال قصة جحا)، انحطاطم في الباقي مبروك عليهم
--
قبال كم يوم شفت دقايق من حلقة للبرنامج حلفت تاني لو برنامج اعترافات دا كان (لايف) مع عبد الخالق بغيّر القناة

صديقى معاوية
يازول والله لحد هسا زعلان الما لاقيك فى الدوحة


والله يعنى الواحد يحزن لامر السودان
لو دا مستوى رجل كان مدير جهاز الامن
لا بيفهم سياسة ولا بيعرف فن ولا عندو راى فى اعدام محمود
ويحكى بعوارة كيف كان بيتحرش عشان يفرتق الحفلات زى اى فتوة جاهل

والمذيع المذيع

ما قادر يقدم اسئلة جادة
ويورجغ
روضة جوان وما عارف شنو