سَيِدي الرئيس عُمر حسن أحمد البشير

أرجو أن تدع عنك السذاجة التي أرهقتنا طُوال 24 سنة مما نعِد.. إشْتغِل حبه سِياسة ياخ طلعت زيتنا.. أدعم المُناضِلين الثَورِيين الجنوسودانيين ضِد حكومة دَولة جنوب السودان وأجعل مِن السودان منصة لإنْطِلاق من يُناضِل ضِد الحزب الحاكِم في دَولة جنوب السودان (الحركة الشعبِية لِتحرير السودان)

سلام عزام ...
لا خير في التعيس ولا خايب الرجاء ...
ياخي الاثنين نحن لا نريدهم فليذهبوا جميعا وليتوحد السودان ... وإن تم القيام بذلك "أي بما تدعو اليه " فلن يؤثر على النظام الحاكم في الجنوب بقدر أن نتاجه سيكون حروب دموية طاحنة بين القبائل لا غير في دولة الجنوب ... نظرا لتقسيم الجنوب على أساس قبلي ... ثم ماذا اذا ما قامت الحركة الشعبية بدعم الجبهة الثورية وقطاع الشمال لمحاربة الخرطوم ... ما النتائج بعد حدوث الانفصال الفاشل نحن مع الأجيال القادمة التي تعمل مع الوحدة مع جنوب السودان وإقامة حكم فيدرالي مشترك في المستقبل ... وخاصة أن الانفصال فاشل خلال عدة مؤشرات...
اللهم نسألك أن تبسط السلام على الأرض ...
والسلام عليكم ورحمة الله ...،،،

برافو الأخ أبو عفان وكثر الله من أمثالك إنشاء اللهز

يا أخوي كيف تم الإنفصال؟ لأن الإتفاقية كانت ثنائية

(المؤتمر الوطني + الحركة الشعبية لتحرير السودان)

لم يشارك أي حزب من الأحزاب الثانية ولا أي سوداني يهمه

أمر وحدة السودان لأن الحزبين ظنا في باديء الأمر أنهما

قدما إنجازاً غير مسبوق بينما الآن يجنون ثمار أخطائهما

والغريب في الأمر أن الأخ عزام دائماً ما يؤجج ويوسع الفجوات

هل يمكن للبشير أن يقدم على هذا العمل؟؟ أتحدى البشير وكذا

المؤتمر الوطني لو تجرأ لفعل هذا،، أتدري لماذا لأن الأمم المتحدة

هذه المرة ستسحبه بهيلوكابتر ومن قلب الخرطوم وتعيده ملقياً من

الفضاء مشنوقاً.. فإذا مثل هذه الأفكار مثمرة لسحقت إسرائيل من زمان.

لا تنسى أن إسرائيل وأمريكا وأوروبا ضف على ذلك أفريقيا، سوف لن

يسمحون للبشير أن يخطو على ذلك... ودعني أقول للأخ عزام وبحكم أنني

لصيق جداً بإخوتنا الجنوب سودانيون،، أن السودان بشقيه شمال جنوب

سوف يتوحد إذا زال المؤتمر الوطني تماماً وأصبح ليس له وجود إلى

يوم يبعثون .. وتأكد من غيري خصوصاً أبناء الجنوب أنفسهم!!!

كما أرجو من الباشمهندس / بكري حذف أي بوست فيما شأنه إثارة الفتن

بين الشقيقين الجنوب والشمال، دارفور، الأنقسنا، الشرق، الوسط

وخصوصاً بوستات أخونا / عزام الله يهديه ...

الأخ عزّام بعد السلام
كما تعلم لا جو لي ولا حب بيني والجنوب وحكومته والحركة الشعبية. لكن أود منك معرفة تفاصيل وسبب هذه الدعوة لمحاربة دولة جنوب السودان؟ وبصراحة كمان.. نحن الفينا مكفينا نقول نزيد الطين بِلّة بحرب شاملة قد تقذف بالوطن في مصائب لا طائل من ورائها ولا فائدة!
من جانب آخر سنكون نحن في مناطق التماس وقوداً لحرب لا ناقة لنا فيها ولا نعرف لها سبباً. كما سنتضرر من جوانب أخرى أولها سنفقد المرعى والماء لنا ولحيواناتنا خلال أشهر الشتاء والصيف كما تعلم. فالجنوب هو الملجأ لكل قبائل التماس التي تنزح خلال فترة الجفاف إلى الجنوب طلباً للكلأ والماء.
تحياتي


كبـّاشي الصـّـافي
(العوج راي والعديل راي)

عزالدين آدم علي

Quote: برافو الأخ أبو عفان وكثر الله من أمثالك إنشاء اللهز

Quote: إنشاء اللهز

إنشاء الله (خطأ) الصحيح: إن شاء الله
ـــــــــــــــــــــــــــــــ

Quote: يا أخوي كيف تم الإنفصال؟ لأن الإتفاقية كانت ثنائية (المؤتمر الوطني + الحركة الشعبية لتحرير السودان) لم يشارك أي حزب من الأحزاب الثانية ولا أي سوداني يهمه أمر وحدة السودان

الإنفِصال كان حق إتقرر في عهد الأحزاب في يونيو 1995م

Quote: تداول المؤتمرون في قضايا الوطن الاساسية والتي جاءت كما يلى : - ايقاف الحرب واحلال السلام في السودان؛ حق تقرير المصير؛ علاقة الدين بالسياسة؛ شكل الحكم خلال الفترة الانتقالية؛

المصدر: http://www.umma.org/09.htm

والجنوبِيين سودانِيين وصَوتوا بِإرادتهم الحُره على الإنْفِصال.. كيف تقول [لم يشارك أي حزب من الأحزاب الثانية ولا أي سوداني يهمه أمر وحدة السودان]
ده غير إني ومعي آخرين لم يكُن -ولازال- يهمُنا الوحدة بَين الشِمال والجنوب.. ولا نحنا ما سودانيين يا خوي؟!
ـــــــــــــــــــــــــــــــ

Quote: لم يشارك أي حزب من الأحزاب الثانية ولا أي سوداني يهمه أمر وحدة السودان

ده شنو هسِع ده.. ما طبيعي العاوِز وحدة ما يِشارِك للإنفِصال!
ـــــــــــــــــــــــــــــــ

Quote: والغريب في الأمر أن الأخ عزام دائماً ما يؤجج ويوسع الفجوات

والغريب شنو.. زي ما إنت بتقول بالوحدة، أنا بقول بإحتِرام إرادة 98% مِن الجنوبيين الصَوتوا للإنفِصال وإسْتحقاقات الإنفِصال.. إنت بتظُن إنك بتملُك كُل الحق وغيرك (عزام فرح) ما ليهو حق.. لا يا خوي أنا مِن حقي إني أقول بِسلامة وصِحة الإنفِصال، إنت وغيرك خِلال 49 سنة وحدة فشلتوا فشل ذريع، الغريب هو إنك والبِقول بِقولك، بتبكوا على لبن مدفوق ودايرين تلووا إرادة 98% مِن الشعب الجنوبي القال قولو تحت إشراف دِولي كبير (أمريكي/أوروبي/إفريقي/عربي)
ـــــــــــــــــــــــــــــــ

Quote: هل يمكن للبشير أن يقدم على هذا العمل؟؟ أتحدى البشير وكذا المؤتمر الوطني لو تجرأ لفعل هذا،، أتدري لماذا لأن الأمم المتحدة هذه المرة ستسحبه بهيلوكابتر ومن قلب الخرطوم وتعيده ملقياً من الفضاء مشنوقاً..

بِالله أعفيني مِن العنترِيات والكلام البِكون على هواهنو.. أتحدى شنو ياخ!
البشير القتل وعذب وإغتصب وشرد، ايه البمنعو إنو يِسلِح فصيل مُناضِل ثَوري ضِد حكومة إسمها الرسمي مُهدِد لِلسودان [الحركة الشعبِية لِتحرير السودان].. حكومة إحتلت جزء مِن أرضو (هجليج).. حكومة بتدعم دعم كامِل لِمُتمردين (الجبهة الثَورِية لِتحرير السودان)
ـــــــــــــــــــــــــــــــ

Quote: لا تنسى أن إسرائيل وأمريكا وأوروبا ضف على ذلك أفريقيا، سوف لن يسمحون للبشير أن يخطو على ذلك

إنت بتتكلم كأنك كُنت هسِع في إجْتِماع مع أوباما وزرت الكنسيت! يا زول أمريكا سمحت لِبشار الأسد يقتُل شعبو.. بس.. يقتُلُم بِواسطة أي حاجة غير السِلاح الكيماوي البِهدِد إسرائيل.. أمريكا غير أخلاقِية أبدًا ولا بِهمها المَوضوع ده، ياخ دي باعت شاة إيران الكان طفلها المُدلل
ـــــــــــــــــــــــــــــــ

Quote: ودعني أقول للأخ عزام وبحكم أنني لصيق جداً بإخوتنا الجنوب سودانيون،، أن السودان بشقيه شمال جنوب سوف يتوحد إذا زال المؤتمر الوطني تماماً وأصبح ليس له وجود إلى يوم يبعثون .. وتأكد من غيري خصوصاً أبناء الجنوب أنفسهم!!!

لصيق بالجنوبيين!
كم جنوبي إنت لصيق بيهو؟
الـ98% مِن الجنوبِيين الصَوَتوا للإنفِصال ديل معدودين مع الـتِـلِـصِـق بِتاعك ده ولا ديل تبع الـ2% الصَوَتوا لِلوحدة؟!
المؤتمر الوطني حيمشي ولو بعد حين، دي طبيعة الأشياء، بس أنا وآخرين -وأنا وهؤلاء الآخرين ما مؤتمر وطني- ما حنقبل بالوحدة أبدًا، وكان للشمالِيين البقولوا بالإنفِصال يد في الإنفِصال.. لأنهُم جعلوا الوحدة غَير جاذِبة مما أدى ذلِك -بالإضافة إلى ما يقول بِهِ الجنوبي مِن إضطهاد.. و..و.. إلخ- إلى إضطرار الجنوبي للتصَويت للإنفِصال.. شُفت كيف!
ـــــــــــــــــــــــــــــــ

Quote: كما أرجو من الباشمهندس / بكري حذف أي بوست فيما شأنه إثارة الفتن بين الشقيقين الجنوب والشمال، دارفور، الأنقسنا، الشرق، الوسط وخصوصاً بوستات أخونا / عزام الله يهديه ...

لا خلاس

وإنت بتقراني ليه؟!
نوعك ده يا عِزالدين ما بقدر يتجاوز كِتاباتي.. بِتقدر؟ هههههه

غايتو بِرغم النسيان، حأكون حريص إني ما أتداخل معاك لا بِالخير ولا بِالشر، فإنت زول راسك فاضي وبتضَيِع وقتي ساي

cantona_1
كيف حالك؟ علك طَيِب
يا زول إنت وين أراضيك؟

Quote: أود منك معرفة تفاصيل وسبب هذه الدعوة لمحاربة دولة جنوب السودان؟

(1) الحِزب الحاكِم بِدولة جنوب السودان مُهدِد لِلسودان وِفْقًا لِمُسماه (الحركة الشعبِية لِتحرير السودان).
(2) إحتلال دَولة جنوب السودان لهجليج وأعمال القتل والتخريب الذي أحدثتهُ فيها.
(3) دعم دَولة جنوب السودان الكامِل لما يُعرف بِالجبهة الثَوِرية لِتحرير السودان (مالِك عقار/عبدالعزيز الحلو/مني مناوي) التي تسْتنزِف موارِد السودان في حروبِها.
(4) حماية دَولة جنوب السودان وإيواءها لِلمُتمرِدين (رؤوس وأفراد ما يُعرف بِالجبهة الثورِية لِتحرير السودان/تجمُع كاودا).
(5) رعاية دَولة جنوب السودان لِما يُعرف بِالحركة الشعبِية لِتحرير السودان/قِطاع الشِمال.

هل يمكن للبشير أن يقدم على هذا العمل؟؟ أتحدى البشير وكذا

المؤتمر الوطني لو تجرأ لفعل هذا،، أتدري لماذا لأن الأمم المتحدة

هذه المرة ستسحبه بهيلوكابتر ومن قلب الخرطوم وتعيده ملقياً من

الفضاء مشنوقاً..

..........................................................................................................................

الاخ عز الدين

ما سر الانقلاب المفاجيء وانت حتى الامس من المناصرين للمؤتمر الوطني ؟؟؟؟؟

التعديل لوضع علامات الاستفهام

سلاااام عزام

ا

Quote: الاخ عز الدين ما سر الانقلاب المفاجيء وانت حتى الامس من المناصرين للمؤتمر الوطني ؟؟؟؟؟ التعديل لوضع علامات الاستفهام

الأخ عمر

السلام عليكم ورحمة الله وبركاته ,,
كلامك الفوق دا حرقني شويه كده مع علمي لا ادري ان كان الاخ عز الدين ينتمى للمؤتمر الوطني ام لا لكن، هل المؤتمر الوطني أله يعبد حتى انو الواحد ما يغير رأي فيهو ؟
بعدين يا اخوي ناس المؤتمر الوطنى الاصليين تركوه و قالو قولهم فيه و العقبال عندك يا حبيب . لا أحب اسلوب الابتزاز و التشهير بالاخرين

هذا مع التحية و الاحترام لك و للاخ عزام على وجهة نظره

كلامك الفوق دا حرقني شويه كده مع علمي لا ادري ان كان الاخ عز الدين ينتمى للمؤتمر الوطني ام لا لكن، هل المؤتمر الوطني أله يعبد حتى انو الواحد ما يغير رأي فيهو ؟

.................................................................................................................................

اولا انا لم اقل ان الاخ عز الدين ينتمي للمؤتمر الوطني

بل قلت من ( المناصرين) له

وليس هناك اي ابتزاز او تشهير بالاخرين

فالاخ عز الدين تربطني به علاقة صداقة واحترام

بغض النظر عن اي شيء اخر

شكرا الصادق

cantona_1
كيف حالك؟ علك طَيِب
يا زول إنت وين أراضيك؟

Quote: أود منك معرفة تفاصيل وسبب هذه الدعوة لمحاربة دولة جنوب السودان؟

(1) الحِزب الحاكِم بِدولة جنوب السودان مُهدِد لِلسودان وِفْقًا لِمُسماه (الحركة الشعبِية لِتحرير السودان).
(2) إحتلال دَولة جنوب السودان لهجليج وأعمال القتل والتخريب الذي أحدثتهُ فيها.
(3) دعم دَولة جنوب السودان الكامِل لما يُعرف بِالجبهة الثَوِرية لِتحرير السودان (مالِك عقار/عبدالعزيز الحلو/مني مناوي) التي تسْتنزِف موارِد السودان في حروبِها.
(4) حماية دَولة جنوب السودان وإيواءها لِلمُتمرِدين (رؤوس وأفراد ما يُعرف بِالجبهة الثورِية لِتحرير السودان/تجمُع كاودا).
(5) رعاية دَولة جنوب السودان لِما يُعرف بِالحركة الشعبِية لِتحرير السودان/قِطاع الشِمال.

Quote: cantona_1 كيف حالك؟ علك طَيِب يا زول إنت وين أراضيك؟

الأخ عزّام بعد السلام
يا أخي زعلان منك .. أنا عملت عملية كبيرة وقيّلت مع الموت شجرة واحدة كما يقول أهلي. والناس كلها كتبت في البورد ومشكور البعض إتصل تلفونياً وبالإيميل ولكن إنت همشتني وما جبت خبري .. لكن عافي منك .. ربما مشغوليات الزمن في بلاد الغربة.
تحياتي


كبـّاشي الصـّـافي
(العوج راي والعديل راي)

cantona_1

Quote: أنا عملت عملية كبيرة

علي بِالطلاق أسمع الطلاق ده أول مره أسمع الموضوع ده مِنك هسسسسسع دي والله والله والله.. يا زول حمدلله على السلامة وملاسي وتراجي وآمنة مُخْتار فِداك

cantona_1

Quote: أنا عملت عملية كبيرة

علي بِالطلاق أسمع الطلاق ده أول مره أسمع الموضوع ده مِنك هسسسسسع دي والله والله والله.. يا زول حمدلله على السلامة وملاسي وتراجي وآمنة مُخْتار فِداك

cantona_1

Quote: أنا عملت عملية كبيرة

علي بِالطلاق أسمع الطلاق ده أول مره أسمع الموضوع ده مِنك هسسسسسع دي والله والله والله.. يا زول حمدلله على السلامة وملاسي وتراجي وآمنة مُخْتار فِداك

المُداخلة الواااااحد بتِتْنسِخ لِتلاتة.. المنبر ده فوق بسم الله ولا شنو يا كافي البلا

Quote: سلفاكير يؤكد أن قوات جنوب السودان لا تزال بهجليج

المصدر: http://www.alarabiya.net/articles/2012/04/20/209035.html


الكبسيبا قالو مُدَوِرا في جوبا.. على كِده [تحرير السودان] راح شمار في مرقه مشار.. يا الإنقاذ أدعمي الإتْنين، الفايِز فيهُم أخبِتي.. أبو السِياسة البتعرِفوها ياخ

الشِمال كان لِقابايِل الجنوسودانِية بِمثابة الفِلين البِكون بِين ألواح القِزاز.. الفِلين شالو الجنوبِيين.. أها يا القِزاز إتْجارج.. في بشر كِده لازِم يِكونو محكومين ع طول -يعني أقصُد مُواطنين ما تقروني غلط- مُش أي حد ينفع يُحكُم..

بِالمُناسبة يا إنقاذ السجم ده أحسن وقت لكسح الجبهة الثَورِية لِتحرير السودان، بِكونو هسِع عاملين زي المساهو جِن جري ساااااي يعلم الله ومِحل يِقبِل ما خابر.. أها عاد بتمشي وين وبِوين.. أرِكْز.. بِتج المُفاوضات وأنْت صاغِر