نكتة الموسم حول محاولات الهلال لضم فيصل العجب..

Quote: بعد ان ازدادت التكهنات بتسجيل الهلال لفيصل العجب--قام المريخ باخفاء لاعبه السابق حاتم محمد احمد-- الادارى بقطاع الناشئين--هذا وقد قابلت جماهير المريخ محاولات تسجيل العجب بسخرية فائقة ووعدت بالمشاركة فى موكب التسجيل -- وقد بدأت ادارة الشئون الاجتماعية بتفقد جداول قدامى لاعبى المريخ-ونصحتهم بتوخى الحذر--خاصة ماجد ابوجنزير-- والفاضل سانتو وبشارة عبد النضيف

الهلال فريق النوادر والطرائف والغرائب خصوصاً في مواسم التسجيلات..

لا يخلو موسم تسجيلات من نادرة أو طرفة لمجالس إدارات الهلال المتعاقبة وأقطابه وجمهوره

قصدك شنو يا الهادي يعني ناس الهلال ما سجلوا العجب؟ قريت في المنبر دا أن التسجيل تمّ أو سيتم في يوم السبت ولكن حتى نهاية اليوم الأحد 15 ديسمبر 2013 لم نشاهد الصور والتوقيع والزفّة !! أوع تكون الحكاية كضب في كضب؟؟ عرفنا الكضب في السياسة الجابو للكورة شنو؟ يا ساتر.
تحياتي

كبـّاشي الصـّـافي
(العوج راي والعديل راي)

الغرض من هذا الكلام فى ظاهره السخرية من نادي الهلال ولكنه يمس بصورة مباشره مشاعر اللاعب الخلوق فيصل عجب.
فالرجل مازال لدية إحساس بالمقدرة على العطاء.
غايتو ياناس المريخ ماعندكم عشرة.

سلام يا حبيبنا كانتونا..

الجماعة لسة في حالة تشاور يسجلوا عمك العجب ولا ما يسجلوه

ولسة مصير عمك في حالة شد وجذب

التشاور في هذا الأمر في حد ذاته طرفة من الطرائف ونادرة من نوادر نادي الهلال :)

ونحنا ياهو لسة قاعدين نتفرج على الكوميديا السوداء دي

Quote: فالرجل مازال لدية إحساس بالمقدرة على العطاء.

سلام يا بدر..

لو الشغلانة بالإحساس، ياهو ده الديبة قال ليكم أنا حاسي انو بقدر ألعب ـ رجعوهو :)

بعدين انحنا عندنا عشرة، لكن العجب كترها ومسخها..

والمريخ ما قصر معاهو خلاهو في الكشف حتى وصل إلي مشارف الخمسينات ..

لمتين يعني ؟؟

مفروض هو كان يراعي لمشاعر الجماهير ولمصلحة الفريق ويترجل من تلقاء نفسه، لكن عمك دقى طناش وقال خليني بس قاطع الحركة كده وقاعد لابد

سلام يا الهادي و تحيات
يا الهادي العجب ما في مشارف الخمسينات و العجب في العمر هنا في النت
بتلقاهو اصغر من هيثم مصطفي لكن الحقيقة العجب اكبر من هيثم بسبعة
شهور فقط.
كونك يا الهادي مريخابي و ما بتعترف بمهارة العجب دا من حقك لكنك
حتكون مشاتر في رايك دا و سط كتاااار مقتنعين بموهبة العجب .
اجيك للموضوع المهم و هو قصة تسجيل هيثم للمريخ و العجب للهلال
صراحة دي هبالة و عباطة من ادارة الفريقين و برضو قلة عقل من الاعبين
لانو كان اكرم و اشرف ليهم ينتهوا في الفرق الصنعت و صنعوا معاهو
النجومية.

تحياتي