سماحة جمل الطين تجتاح الصحافة

كما اجتاحت الفضائيات وكرهتنا حاجة إسمها قناة سودانية ..
البوست بمناسبة رفيدة عبدالمحسن أو أيا كان إسمها الرسل ليها الهندي رسائل ما كويسة
وردت ليهو بى ورجغة أسوأ ..
ولن أنسى طبعا فاطمة الصديق أو أيا كان إسمها وبرضو الكتب ليها الهندي عبارات ما
كويسة في حق الزملاء فعملت من نفسها بطلة أفلام (هندية) لا يشق لها كبار مع إن
واقع الحال يقول انها يا دابك كمبارس يحبو في عالم الاعلام .
وبما إن الشىء بالشىء يذكر ففجأة قفزت إلى ذاكرتي صورة ميرفت تلك التى ما أن
أصبحت تتكلم في الرياضة حتي (غتست ) حجر الكورة السودانية .. وأولئك الذين يلقنونها من خلف الكواليس
من مخرجين ومصورين ومعدين يتبسمون ولا يبالون وكأنهم ما عملوا أية حاجة مع إنهم سبب
البلاوي كونهم من نسل صحافة المدرجات والتعصب والإدعاء الأجوف الخ الخ.
وفي السياق طبعا بالتأكيد ليس بحاجة للتذكير بما يحدث في شاشات النيل الأزرق والخرتوم وأم درمان الخ الخ ..
وكأني أسمع بأذن الخيال لسان حال عزيز أبو الشباب القارىء وهو يقول بإمتعاض : حدث ولا حرج .
وحتي لا تزعل زعيلة فأحب أن أعتقد أن الذكور في عالم الصحافة والفضائيات لا يقلون (تواضعا)
مع مراعاة أنهم ما عندهم سماحة لا جمل طين ولا فيل بلاستيك .. يعني ببح من كلو .
دي مصيبة شنو الأناخت بعيرها وخيمت في مضاربنا دي ؟؟
يا ملاسي استقيل .
يتبع .....

تنويه لضرورته :
رسل ليها رسائل ما كويسة دا حسب زعمها ( أي ريري) .
ميرفت غتست حجر الكورة السودانية زيادة في الغتسان ..
الأولاد ( ليس جميعهم ) أسوأ من البنات ( ما كلهن) في عالم الاعلام
صحافة وتلفزيون لأن البنات على الأقل ( وجه حسن) وقد قال شاعر معاصر :
تلات يذهبن الحزن، الماء وعصير الجوافة بالشطة .
أما الأولاد فأقترح إنو يمشوا يلقطوا القطن ويزرعوا البصل بدل عاملين لينا إزعاج كدا .

لوووووووووووووول
في شكل هههههههههههههههههه.

حاسد


* ياخ كونكـ شين ما معناها تبخس لينا الجمال

Quote: أما الأولاد فأقترح إنو يمشوا يلقطوا القطن ويزرعوا البصل بدل عاملين لينا إزعاج كدا .

دا نفس كلام حسين خوجلي
ومخلي البنات السمحات حوالينو، أوع تكون انت زيو

يا معاوية العزيز
لو كلامي نفس كلام حسين خوجلي ياني الرافع ليكم قزاز تاني
الزول دا أديب قارىء منطق وفلسفة حتي ولو كان في جامعة الفرع ..
لكن بالمقابل حركة (الرجالة يعدموا والستات يتصرف فيهم الزعيم بى طريقتو ) دي
ما حبابا معاي ..ههههههههههه .


خالد عبدالله اتا قايلني ياخوي شناتي ناكرا .. واللا في زول قال ليك قبل كدا طلحة دا سلمان خان ؟

يا بوب الهندي الأسوأ فيهم كلهم بلا منازع
ثم ياخ من وجهة نظري الاعلام كلو (إلا من رحم ربي من الجنسين ) سجم في رماد .
مع مراعاة انو الجنس اللطيف عندو الوجه الحسن ع الأقل ودا بخفف شوية .. لكن
الكلام أبات شنبات .. هههههههههه

تحياتي طلحة

فغلا اعتمدوا على المظهر وتناسوا الجوهر ،، يا اخي حتى الروح الحلوة غير موجودة ،، وملل وتكرار وبهرجة وسماجة في كل الاعلام المقرؤ والمريء،،
لكن اظن هناك بواقي اشراقات في الاذاعة ،،،

-------------
وبصراحة عجبتني حتة الجوافة المخلوطة بالشطة هههههههه

هلا يا علي
الجوافة بالشطة مفيدة للمغص ووجع المفاصل و المصران الغليظ والقلب هههههههههه