Post: #1
Title: خلاص قنعت عديل كدا أنا ؟!#
Author: زهير عثمان حمد
Date: 12-14-2013, 11:39 PM
Parent: #0
خلاص قنعت عديل كدا من قصة زواج ومرة وبيت وكدا لاسباب كتيره أولها ما عندي جكسوية بريده في الوقت الحالي وثانيا الفلس القاتل وتالتا كل واحدة نقول دي أنسانة وممكن تقدر حالة أبو الزهراء الانسانية وتعيش معها باقي عمرو الجميل دا تقوم تعمل عظيمة ما في واحدة ماأعتذرت ولا هربت وما في شيء مزعج كل نساء السودان الكبير دا من علية القوم وأفنديات ساي ومرة كنت طموح جدا كلمت واحدة عايشه في أمريكا برغبتي ماتت من الضحك ما عرفت ضحكة ليه وبعدها جات أعتذرت وكمان حلبيه عملت ميته بعد ما وافقت وزميله نصها مجنون والنص االتاني عاقل برضو مرة تكون أنسانة معي وظريفة وتمرق وتدخل معي من ما أتكلم في قصة نرتبط دي تقوم تغيب شهر ما تجي الشغل ذاتو قلت معاوية صاحبي أنت من حجر السعل هناك في فكي رهيب قالوا ممكن يشوف العارض حقي ويعمل جلسات علاج عرفت أنو الفكي دا البيض حقو مليون جنيه يا خي خلاص وبعدين أنا طبعا عايش في الوطن ومتابع كويس للأحداث الاجتماعية فيهو
في واحد أحمق عندو قروش بوظ سوق العرس علي الكل بعد ما دفع مهر مليار جنية كدا والشبكه من دبي والريحة من الهند وأم العروس مشت لندن عشان التياب وأبو العروس سافرالحج علي حسابو وغير العربية الجيب الكوري الهدية للعروس يعني دا عمل فينا عملية أغتيال معنوي لنفسيات كل العزابة في ربوع السودان الحبيب المهم قمت سافرت مع مجموعة أصحاب لريفي المعليق لعرس زميل أعلامي وهنا كانت الدهشة كل وكالات الأنباء كان لازم تنقل الخبر دا الزول دفع مُصحف مهراً لعروسه وقال مؤخر الصداق ماية مليون جنيه وصلنا في االسودان لمرحلة لا تُطاق، فكل شيء في غلاء وارتفاع حتى البندورة اللي كنا نشتري الكيلو في الشتا بجنيه بقت خمتشر جنيه وحسي كليو الضان ب55 جنيه ما عارفين من وين نجيبها ذاتو أنا ما بهمني قفة الملاح بشكل مباشر كدا طبعا قاعد عاطل وخالتي بتصرف علي دا كمان سبب خطير خلا بنات العايلة يقولوا أبوالزهراء ما شاغل كيف يفتح بيت أها انا ح أخلي البلد ليكم يا وهم
أنا بالجد كدا كنت زول مقعول ما قلت جميلة زي تاجوج ولا عندها دكتورة ولا كمان من أسرة راسمالية غبشه زي كدا برضو الغبش كمان الايام عندهم جنون البقر لست من محبي “صينية البندورة باللحمة”، ولن أتحدث عن “اللحمة” التي يرتفع سعرها دوماً، وينخفض عندما ينتشر جنون البقر الواحدة تبدأ كويس بعد يومين من العشرة الحلوة تقوم تسألك أها عندك كم والعرس موضوعو شنو في علاقاتنا وأنا طولي بقعد أتكلم عن طول الامد والصبر وظروف أنسان السودان الاقتصادية الزوله تاني يوم أسلم عليها تعمل فيها رايحه أو مجنون ولا ما بتعرف العبد لله أبدا أو تقعد تقول أنت ما ح تنجز أمشي أشوف حالي دي صريحة شوية وخبارك ينتشر بين الجكس أنك ما جادي من حاقدة و يهبط سعرك زي الدولار أيام الاجازات الرسمية وتبقي بس حاجة هلاميه كدا لفة في الوسط الجكسي
أرجع لموضوعنا عن الزواج، وخصوصاً مشكلة “المهر” والحادثة الفريدة من نوعها عن المهر الملياري و الحِجّة، وارتباطاً بالمعادلة السودانية في الحالة الاقتصادية ورفع الأسعار، أتساءل ليه انتشرت قسوةالقلب بين طالبات الزواج وليه الاباء ما يقبلوا بالمصحف مهراً لبناتهم و تكون حافظ جزء يسير من القرأن يا خي كل شيء أرتفاع سعرو الا نحن العزاب وح يرتفع سعرو لو ما أرتفاع بعد زيادة الوقود الا الزول الداير يعرس سعرو في الوطأ ومافي السوق ليهو ؟ وهل سيصبح المصحف “سلعة” يُدرَسُ جدواها في اجتماعات تحديد الأسعار؟ وهل سنصل إلى مرحلة يطلب والد الفتاة فيها مصحفيَن أو ثلاثة مهراً لابنته ؟ ما بقي سعلة مهمة في السوق أبدا ما تشوف النفاق الاجتماعي بتاع أمهات البنات دا وهم ساي حتي لو كنت المطلوبٍ من وظائف القمة دكتور ولا مهندس ولا قاضي أودبلوماسي واحدة قالت كل موظفي الحكومة ديل مواسير ما عندهم حق الحلاقة عشان كدا يا أبو الزهراء أحترم نفسك ولم عفشك وأمرق بجلدك من البلد التي لاتحترم رغبات طالبي العرس من جنس الذكور دا نوع من الاقصاء برضو مفروض الامم المتحدة تعترف بيهو ومعاناة ممكن تكون مكان للعذاب النفسي والانتحارسراج بتاع الدكان ما أنتحر لما دكتورة سحر رفضتو مسكين المهم أنهي حيايتو عشان تعرف هيى حاجة بالله نحن مواطنين الدرجةٍ كم عشان نعرف حدودنا وما نتطوال علي بنات السودان العظيمات وأصبح تفكيرنا مشلول و صعباً علينا العيشه في مجتمع بمارس كل صنوف الاضطهاد النوعي ضدنا وحالتنا بقت حالة وتركيزنا معدوم تقريباً، بنمشي في الشارع مجانين بس الواحد يتكلم مع نفسه، حلم أنك عريس مستحيل يا فردة وداك الشاب يحكي ليك يغني ويبكي كتاب حياتو كلو وحظو التعيس كتيرين سئموا الصراخ وقالوا أحسن تونس نفسك بنفسك وقصة جوع الجسد دي مقدور عليها شكرا لاصدقانا الصينين عملو بنات بلاستكية لينا فلا تشاكٍي ولا تبكي وما في زول بيشيل همومك بس الواحد محتاج لطفل تمشي تلعب مع أطفال في أقرب حديقةأو تعلب مع أطفال العايلة وتقوم ترسل لاطفال سوريا ولا أي مناطق صراعات في الدنيا خلاص أنت كدا أشبعت غرورك عشان كدا خلاص أنا قنعت عديل كدا ودا مشروعي للعشرة سنين الجاية
لمتىن يا صُنّاع القرار العائلي ويا بنات سودان الاعماق نكون كدا نحن ؟ وانتو في حالة أستغلال لينا !
ما عايز أحلف بالطلاق لانو ما في طريقة زواج أبدا لكين ما البلد دي ما ح أقعد فيها أقعدن أنتن وأتزوج الاتراك والباكستانين وأنسان العالم الاول
ثقيلات جدا .
|
Post: #2
Title: Re: خلاص قنعت عديل كدا أنا ؟!#
Author: عادل الباهي عبدالرازق
Date: 12-15-2013, 00:58 AM
Parent: #1
يا أبو الزهراء صوم لمن الله يفرجها الصيام دا عيبو لي 
|
Post: #3
Title: Re: خلاص قنعت عديل كدا أنا ؟!#
Author: معاوية المدير
Date: 12-15-2013, 02:01 AM
Parent: #2
يا ابو الزهرا أضرب عن الطعام،
وسيّبك من عادل الباهي العامل فيها
واعظ دا. اضرب يا ابو الزهرا، الإضراب
الوآآآآحد دا فهو الحل...
|
Post: #4
Title: Re: خلاص قنعت عديل كدا أنا ؟!#
Author: خالد عبد الله محمود
Date: 12-15-2013, 06:14 AM
Parent: #3
أنت ما جادي يا أبو الزهراء ..
السودان ده فيهو بنات مثال للجمال و الأدب و راضيات بالقليل ..
أنت وسع دائرة بحثكـ شوية و أبعد من البرجوازيات
|
Post: #8
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-15-2013, 08:20 AM
Parent: #4
يا صديقي خالد عبدالله[
صباح الخير
أسمعني يا خي قصة الجدية حقتي دي يشهد عليها عقلاء المدنية قبا سفهاء السودان كلوا والجمال ما بصلو ابدا لانو زول غيور
المهم عايزك تعرفكل الغبش في بلدنا أصابتم قشور الحضارة بقوا ماديين جدا ما تسمع السخف دا زواج كورة وعلبة وبطيخة
زهجت جدا انا يا خي
شكرا علي المرور
أصدق التحيا
قال غبش قال قال لا عروب بالله
/B]
|
Post: #6
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-15-2013, 08:13 AM
Parent: #3
صديقي معاوية المدير
لك صادق الود
يا معاوية شن الطعام بس الحمدلله بعدين البوش وشوربة العضام دا طعام يا خي قوم لف كدا
قال أضراب عن الطعام حلك جبنه عديل كدا
العزوف العزوف والصناعة الصنية
|
Post: #5
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-15-2013, 08:08 AM
Parent: #2
الاخ عادل
تحياتي
يا خي دا حل ما منطقي خاصة في الشتا
لك كل الود شكرا علي المرور
|
Post: #7
Title: Re: خلاص قنعت عديل كدا أنا ؟!#
Author: ناصر حسين محمد
Date: 12-15-2013, 08:17 AM
Parent: #5
| Quote: واحدة قالت كل موظفي الحكومة ديل مواسير ما عندهم حق الحلاقة |
وعلي الايمان يا ابو الزهراء البنات ديل داقسات ساي
اسه شوف سطورك دي ،،
لو بنات فاهمات مفروض يتلمن فيك زي " أبو الجندب في اللمبة "
بعدين يا ابو الزهراء بصراحة كده
انا اشك انك جادي في مسألة الزواج دي
ياخ لو داير تتزوج بالجد علي الايمان بكره تكون عريس ولا دايره ليها درس عصر
عموما أدقش " الموقع " داك
بتلقى مغتربات الخليج " الطبيبات والمعلمات ووو الخ
وبتعرس لو جادي
|
Post: #9
Title: Re: خلاص قنعت عديل كدا أنا ؟!#
Author: ودقاسم
Date: 12-15-2013, 12:09 PM
Parent: #7
زهير
إن شاء تبقى طيب
تعال لينا ، ندّيك مرة بي حواشتا وبي بيتا ... بس تكون حافظ سورة الفاتحة
|
Post: #10
Title: Re: خلاص قنعت عديل كدا أنا ؟!#
Author: Hani Arabi Mohamed
Date: 12-15-2013, 01:22 PM
Parent: #9
زوّجكَ الله بِكراً
وأعاشك معها عمراً
ورزقك منها كثراً
|
Post: #11
Title: Re: خلاص قنعت عديل كدا أنا ؟!#
Author: الصادق صديق سلمان
Date: 12-15-2013, 01:36 PM
Parent: #10
شوف يا زهير
Quote: زهير
إن شاء تبقى طيب
تعال لينا ، ندّيك مرة بي حواشتا وبي بيتا ... بس تكون حافظ سورة الفاتحة |
ديل الرجال الكلمتهم عندهم وكلمة بنتهم عندهم وهي ضمان كلمتها حا تكون عندك بعد ما تتزوجها ان شاء الله
واحسن ليك تعرس بت الرجال
تقدم ووفقك الله
|
Post: #12
Title: Re: خلاص قنعت عديل كدا أنا ؟!#
Author: الجنيد حمد
Date: 12-15-2013, 01:53 PM
Parent: #11
العزيز / زهير اسعد الله ايامك
ونسأله أن يفرج عنك وعني وعن جميع العزابة في السودان .
البوست ده جاني في جرح اي والله
....
عرس الكورة هو الحل ......
تحياتي
|
Post: #13
Title: Re: خلاص قنعت عديل كدا أنا ؟!#
Author: محمد حمزة الحسين
Date: 12-15-2013, 08:13 PM
Parent: #12
أقترح ان تعمل اعلان يا صديق أهو اليومين طالع موضه وكدا
بالله لو بقيت عليهو كلمني متبرع ليك بالبنر اصوا ود عمي مديني جوب مجاني وفاتح
:
:
:
:
:
:
مع التحيات لله الزاكيات
|
Post: #14
Title: Re: خلاص قنعت عديل كدا أنا ؟!#
Author: ناصر احمد الامين
Date: 12-15-2013, 08:45 PM
Parent: #13
ياخي رسل رسالة لي حسين خوجلي و امورك حا تكون ميه ميه :)
و الي حين عليك بي بطانية ماركة النمر و تكون كاروهات و قلوب قلوب كده
|
Post: #15
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-15-2013, 08:55 PM
Parent: #10
أخوي هاني
تحياتي
خليك زول فاعل ما عايز حركات الشحدة
أجتهد معي
|
Post: #16
Title: Re: خلاص قنعت عديل كدا أنا ؟!#
Author: Hani Arabi Mohamed
Date: 12-15-2013, 09:24 PM
Parent: #15
هههههههههههه نبقى فاعلين كيف؟
نجيب ليك عروس مثلاً ؟
|
Post: #17
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-15-2013, 09:41 PM
Parent: #15
العزيز ناصر
تحياتي
والله جادي بس خليها علي الله
( عموما أدقش " الموقع " داك
بتلقى مغتربات الخليج " الطبيبات والمعلمات ووو الخ
وبتعرس لو جادي)
لكين داير أٍسالك الموقع أسموشنو وكيف الاشتراك وأنشالله يكون مجاني أخوك قاعد كنب ساي
لك كل الود
|
Post: #18
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-15-2013, 10:15 PM
Parent: #17
أخي ناصر أحمد الامين[
كيفك أسمعني حسين خوجلي دا عندو أخوات نسيبه وبعض بقايا وضحايا الانقاذ
خليك منو دا عند أذن يسوق حاجاتو دي
الله يبعدنا منو ياخي مالك علي وأنا صادق بالجد !
لك تحياتي
/B]
|
Post: #19
Title: Re: خلاص قنعت عديل كدا أنا ؟!#
Author: المسافر
Date: 12-16-2013, 08:00 AM
Parent: #18
Quote:
أحترم نفسك ولم عفشك وأمرق بجلدك من البلد التي لاتحترم رغبات طالبي العرس من جنس الذكور
|
لا لا لا يا أبو الزهور
هو انت طالب العرس من جنس الذكور
|
Post: #20
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-16-2013, 08:33 AM
Parent: #19
أخوي المسافر
تحياتي
دا شنو معقول أكون طالب الزوج من جنس الذكور وهو في مستوي جمال في جنسينكان الذكور ولا الاناث من قاطني في أصقاعنا
* بالله بلاهو العرس ذاتو لا ذكور ولا أناث كمان !
ياجماعة ما تعملوا لي أشانة سمعة ساي
لك كل التقدير
|
Post: #21
Title: Re: خلاص قنعت عديل كدا أنا ؟!#
Author: kamal omer
Date: 12-16-2013, 08:45 AM
Parent: #20
يا أبو الزهور
يا خي ربنا يسهل ليك أمرك بس اوعى تقول دي البتاعة ديك ، بتكون بالغت ياخي .
|
Post: #22
Title: Re: خلاص قنعت عديل كدا أنا ؟!#
Author: زهير عثمان حمد
Date: 12-16-2013, 09:03 AM
Parent: #21
الاستاذ كمال عمر
تحياتي
كيفك حالتي بقت شلاش ايوة ياها ذاتا معليش قفدت الصبر عديا كدل!
لك كا الود شكرا عا المرور
|
Post: #23
Title: Re: خلاص قنعت عديل كدا أنا ؟!#
Author: المسافر
Date: 12-16-2013, 11:24 AM
Quote:
* بالله بلاهو العرس ذاتو لا ذكور ولا أناث كمان !
|
قول حردان
لا دا لا دا
ده شنو كمان؟
الليلك براه
لا إنس لا جان ؟
ده شغل فقراء
شوف علي عثمان
قالو بان ليه بيان
يتف ويقرأ
يلحقك في ثوان
|
Post: #24
Title: Re: خلاص قنعت عديل كدا أنا ؟!#
Author: معاوية المدير
Date: 12-16-2013, 11:52 AM
Parent: #23
| Quote: قفدت الصبر عديا كدل! |
حقاً فقدت الصبر يا ابو الزهرا،
إذ جعلت اللآم محل الألف، والألف
محل اللآم.
بالنسبة للموقع إن بقى بقروش إعتبر حقو مدفوع،
وأنا جاي السودان الشهر الجاي إن شاء الله...
|
|