Post: #1 Title: واجعني في العجب الهلال, وسكتني في الوجع العجب Author: محمد حيدر المشرف Date: 12-14-2013, 10:34 PM Parent: #0
لعل العجب أحد أكثر الذين أسعدوني في هذه الحياة .. ودي قيمة كبيرة جدا باستحضار سيرة الوجع الطويل والقبح المستشري في نفوس العباد والبلد ..
غايتو - على كل - مبروك عليك القريشات يا نجم يا كبير الا شوفتك في الفانيلة الزرقاء موجعة جدا .. موجعة وما سمحة ذاتها !!
Post: #2 Title: Re: واجعني في العجب الهلال, وسكتني في الوجع العجب Author: محمد حيدر المشرف Date: 12-14-2013, 10:38 PM Parent: #1
والله وجعني اكتر من وجعة كمال عبداللطيف فوق وزارتو .. حقو الواحد يفتح فيك واحد كمال عبداللطيف كارب كده آ زول يا فنان ..
Post: #3 Title: Re: واجعني في العجب الهلال, وسكتني في الوجع العجب Author: محمد حيدر المشرف Date: 12-14-2013, 10:40 PM Parent: #2
من لي بالحوت يغنينا: دموعي سالت والمنام ابي لي انا .. العجب حبيبي
Post: #4 Title: Re: واجعني في العجب الهلال, وسكتني في الوجع العجب Author: محمد حيدر المشرف Date: 12-14-2013, 10:43 PM Parent: #3
في البال والخاطر الباكي الصفوة الانيق د. شهاب والعزيز هارون وبقية العقد الفريد .. ان شاء الله العجب فيكم ..
Post: #5 Title: Re: واجعني في العجب الهلال, وسكتني في الوجع العجب Author: Bashasha Date: 12-14-2013, 10:52 PM Parent: #4
قرقرقرقر!
هل صدفة يا دكتور انو الوهابية احتلو الصفحة الاولي؟
هنئيا لهم!
Post: #8 Title: Re: واجعني في العجب الهلال, وسكتني في الوجع العجب Author: محمد حيدر المشرف Date: 12-15-2013, 05:23 PM Parent: #5
ههههههه
Quote: انو الوهابية احتلو الصفحة الاولي؟
تعرف يا بشاشا !! المشاريع الزائفة قد تسود طويلا في مثل هذه الأجواء المواتية للطفيلية.. بيد أنها لن تعرف طعم الانتصارات الكبيرة وياهو ده حالهم يا صديقي !!
ان شاء الله العجب فيك :)
Post: #6 Title: Re: واجعني في العجب الهلال, وسكتني في الوجع العجب Author: الامين موسى البشاري Date: 12-14-2013, 10:53 PM Parent: #4
هذا رزق ساقه الله الى العجب وهو يستحق بلا شك
Post: #7 Title: Re: واجعني في العجب الهلال, وسكتني في الوجع العجب Author: Elhadi Date: 12-15-2013, 04:10 AM Parent: #6
Quote: لعل العجب أحد أكثر الذين أسعدوني في هذه الحياة ..
وأنا ما في زول كرهني الكورة في المريخ قدر ما كرهني ليها الزول الماسورة ده..
وتمنيت لو انتقل من كوبر للهلال مباشرة ـ صدقني ما كان قعد معاهم قدر القعدو في المريخ ولا حتى ربع تلك المدة..
Post: #10 Title: Re: واجعني في العجب الهلال, وسكتني في الوجع العجب Author: علي دفع الله Date: 12-15-2013, 05:39 PM Parent: #7
هههههههههههههههه والله الوصلتك المرحلة الكمال عبد اللطيفية دي وجعة جد جد ،،، لكن مفروض نحن كصفوة نعمل وقفة احتجاجية ،، دي كمان لا فيها اعتقال ولا بمبان هههههههههه خليني افكر ليك في الموضوع دا يمكن يبدد ليك وجعتك ،،، ------------ بالجنبة كدة سمحه الجدعة الجدعا بشاشا دي ههههههههههه برضو موجوع والله الوجع راقد ---------- تحياتي واحترامي
Post: #12 Title: Re: واجعني في العجب الهلال, وسكتني في الوجع العجب Author: محمد حيدر المشرف Date: 12-15-2013, 05:55 PM
على دفع الله يا صديق ..
Quote: بالجنبة كدة سمحه الجدعة الجدعا بشاشا دي ههههههههههه
بشاشا زول لذيذ جدا وثاقب البصيرة وبعرف ليك للوهابية ديل كويس :) وأما كمال عبداللطيف ف .. بالغ وستخلده هذه البكية العظيمة باكثرمن الفساد !!
Post: #11 Title: Re: واجعني في العجب الهلال, وسكتني في الوجع العجب Author: محمد حيدر المشرف Date: 12-15-2013, 05:47 PM Parent: #7
الهادي يا صفوه ..
Quote: وأنا ما في زول كرهني الكورة في المريخ قدر ما كرهني ليها الزول الماسورة ده..
والله يا الهادي العجب ده آخر العظماء الذين شهدتهم في المريخ .. كمال عبدالوهاب .. سامي عز الدين .. حامد بريمة بريمة ثم العجب الكلام ده ليس انتقاصا من قدر لاعبين زي عمار خالد وعادل امين وابراهومه وباكمبا وعيسى صباح الخير ودحدوح وكمال عبدالغني وجمال ابوعنجه الخ ولكن .. الكلام ده عظمة كروية من طراز مختلف وفريد ..
مودتي يا عزيزي ..
Post: #9 Title: Re: واجعني في العجب الهلال, وسكتني في الوجع العجب Author: محمد حيدر المشرف Date: 12-15-2013, 05:37 PM Parent: #6
البشاري يا صفوه ..
Quote: ذا رزق ساقه الله الى العجب وهو يستحق بلا شك
بالفعل يا عزيزي ولكن .. الذي يستحقه العجب فعلا هو تكريمه التكريم اللائق بمهرجان ضخم يعكس مكانته في قلوب الملايين من شعب المريخ .. ومن ثم توفير مسيرة مهنية بديلة في المجال الاداري او الفني ..