العجب يوقع غدا في كشوفات الهلال

سبت 14 ديسمبر 2013 الساعة 14:38
بناءً على التفويض الذي منحه مجلس إدارة نادي الهلال لقطب النادي الكبير أشرف سيد أحمد الحسين الكاردينال الذي إقتحم إجتماع المجلس خلال الإسبوع الماضي فقد توصل الكاردينال لإتفاق نهائي مع قائد لاعبي المريخ السابق فيصل العجب سيدو بعد جلسة مطولة مع النجم الكبير جمعتهما بمنزل الكاردينال بضاحية قاردن سيتي حيث إتفق الطرفان على مبلغ مليار جنيه سوداني تسلم للاعب الجزء الأول منه نقداً هذا وسوف يتم توقيع العجب في كشوفات نادي الهلال في زفة هلالية كبرى غدا السبت ان شاء الله

وقد تباينت الآراء حول اللاعب

فقسم هلالي يقول بان اللاعب لن يفيد النادي فنيا وتسجيله مجرد رد علي تسجيل قائد الهلال السابق هيثم مصطفي بالمريخ

قسم آخر يقول بان اللاعب يري بانه قادر علي العطاء والموضوع موضوع تحدي لإدارة المريخ التي اهملته تماما بعد تسجيل هيثم بالمريخ واجبرته علي الاعتزال

قسم هلالي اخر يري بان اللاعب سيفيد النادي ماديا من دخل مهرجان تكريمه والمباريات التي سوف يلعبها سيؤمها عدد كبير للمقارنة بين سيدو وسيدا

وأخرون يرون بان بالموضوع رائحة سياسية لشغل الناس بسيدو كما شفلوه بسيدا

لن يخسر الهلال سوي مجرد خانة لكن أعتقد أن العجب سيخسر الكثير
بمثلما أشفقنا على تاريخ هيثم في الهلال عندما وقع للمريخ نشفق على تاريخ العجب مع المريخ *



لو بنفكر زي المريخاب كنا بقينا ضل زيهم

Quote: لن يخسر الهلال سوي مجرد خانة لكن أعتقد أن العجب سيخسر الكثير بمثلما أشفقنا على تاريخ هيثم في الهلال عندما وقع للمريخ نشفق على تاريخ العجب مع المريخ *

بذل هيثم كل ما في وسعه للرد علي البرير بحسبانه قد ظلمه والآن العجب يفعل نفس الشيء لتجاهل الوالي له وعلي كل الكورة عند العجب فهل ينجح في الرد؟

تحياتي اخي خالد

Quote: إقتحم إجتماع المجلس

اقتحمو بى دبابة .. ولا جكه ساااى
عجايب الصحافة



........


سلام يا حبيب
البعملو فيهو ده ضياع زمن ساااى
سواء تسجيل هيثم فى المريخ
ولا محاولة الهلال الانتقام من المريخ



بس فى النهاية
رزق والله ساقو للعجب

برغم اني هلالابي ,,,
الا انه اسؤا خبر اسمعه من الصباح,,,,
العجب لاعب خلوق ومهذب ونحترم تاريخه وماقدمه للسودان والمريخ,,,
ولو انه لم يورط نفسه في هذة المكايدة,,,
سيجد احترام كل السودان له,,,,,

Quote: ولو انه لم يورط نفسه في هذة المكايدة,,, سيجد احترام كل السودان له,,,,,

وانا معاك فى دى


















..............

لكن برضو المليار كتييييييير ياحبيب

ما درناها ليهو والله
العجب مابيستاهل كده .. لكن الله غالب







--------
كاردينال شنو ياخ !

كورة سودانية ومساطب شعبية ومُش حتقدر تغمض عينيك !!





ـــــــ
Cc: عُمر الفاروق التاني
ويكون مُشكور لو اقتبس لي ما كتبته بخصوص العجب والعُجاب ...

مشكلة العجب مجاراته لهيثم مصطفى، فشتان ما بينهما في هذا العمر، هيثم قادر على العطاء وحُرم منه في الهلال، ولكن العجب غير قادر على العطاء، وبالرغم من ذلك لم يُحرم منه في المريخ.. لو الهلال سجل العجب، يبقى الهلال مازال يفقد من مكاجراته لهيثم، تسجيل هيثم للمريخ تحدٍ كبير لهيثم، فنجح فيه هيثم، وخسر الهلال وإدارته الفاشلة جميعاً، بسياسة رد الفعل لما يفعله هيثم مصطفى سيدا.. هذا اللاعب العنيد، سيدا سيظل محبوبنا مهما يفعل..

إذا عُرِفَ السبَبْ ... بَطَل ( العَجَبْ ) ...

من الاخر: ما عايزنو


مع إحترامن و تقديرنا ليهو


إلا إنو دا شغل عيال...........الوالي عندو فوبيا الهلال.......وكل لاعبي الهلال لو لقي طريقة ممكن يسجلهم حتي حمد و الديبة لو لقي طريقة

لا يوجد في الهلال هذا المرض

Quote: حيث إتفق الطرفان على مبلغ مليار جنيه سوداني تسلم للاعب الجزء الأول منه نقداً

غايتو العجب لو ما إستلم كامل المبلغ يكون أخطأ مرتين، لى قدام ما فى تانى فاصوليا ، والفترة لم تحدد مليار جنيه لسنة أم أكثر
دا مولد تسجيلات تقبض وتضمن .. بعد ذاك خلى العالم تهيص والجرايد تتوزع .. التوفيق للعجب فى (قبض المليار) .. كورة
ما عندو ليها مروة .. وما يضغط على نفسه السن لها أحكام .. ويظل لاعب فلتة لم تأت بمثلة الكرة السودانية منذ طلة القرن الجديد

والله ده أحسن خبر وأجمل خبر..

ياخي اللاعب ده كان أسوأ ما في المريخ

الحمد لله والله انو ربنا فكانا منو

أكبر ماسورة في تاريخ المريخ على الإطلاق..

الخردة والاسكراب مبروكة على الهلال..

تتربى في عزكم :)

إن شاء الله يارب يقعد معاكم خمستاشر سنة تاني

اخطأ العجب خطأ كبيرا بهذه الخطوة... فالمبلغ الذي كان سيتحصل عليه من مهرجان الاعتزال بالمريخ اكبر بكثير من مبلغ المليار، خاصة اذا اضفنا الدعايات المصاحبة للاعتزال من شركات واعلانات، وكمان تسويق لاشرطة الفيديو مع المريخ والفنايل، والوظيفة بالمريخ... كان يسأل الخطيب من اللقاه في مهرجان اعتزاله مع الاهلي القاهري...

Quote: مشكلة العجب مجاراته لهيثم مصطفى، فشتان ما بينهما في هذا العمر، هيثم قادر على العطاء وحُرم منه في الهلال، ولكن العجب غير قادر على العطاء، وبالرغم من ذلك لم يُحرم منه في المريخ.. لو الهلال سجل العجب، يبقى الهلال مازال يفقد من مكاجراته لهيثم، تسجيل هيثم للمريخ تحدٍ كبير لهيثم، فنجح فيه هيثم، وخسر الهلال وإدارته الفاشلة جميعاً، بسياسة رد الفعل لما يفعله هيثم مصطفى سيدا.. هذا اللاعب العنيد، سيدا سيظل محبوبنا مهما يفعل..

يا ابتفه كلامك دا بانيهو علي شنو؟!
ياخ عمر عمر ساي الناس ديل الفرق بينهم سبعة شهور

أنا مريخابي للطيش,

رغم عدم المتابعة, لكن
الجين المريخي شغال
ومحتل موقعه في شفرة
دمي ال DNA

أولا ... أبدي إستغرابي لأن
ما يزال العجب لاعبا, فهو
بالمعيار السوداني لعمر لاعب,
فقد إستنفذ أعلى السقوف. وكنت
أتحرى وجوده في قائمة المدربين,
وليس في قائمة اللاعبين الذين
يصنعون أحداث اليوم, لكنه ...
السودان.

ثانيا... أرجو أن تكون حالة الإنتقال
للاعب من نادي لآخر شئ طبيعي,
وحق مشروع, وهذه من ديمقراطية
الرياضة ومن حقوق الإنسان.

ثالثا ... ليس بالضرورة وصم الإنتقال
بالخيانة والتآمر ونشر الغسيل الغذر.
بل من الأحرى أن يحتفظ النادي القديم
بذكريات طيبة حول لاعب غادر صفوفه.

رابعا ... اللاعب ... كما الموظف, يكون
في شركة ويقدم لأخرى, فمتى حظي بعرض
أفضل فهو ولا شك موقع عليه.

خامسا ... المشاعر الجماهيرية تكون قبالة
الفريق أو النادي كخاصية تاريخية, وليس
بالضرورة أن يحتم ذلك وجود لاعب بينهم
اإلى لأبد.

سادسا ... كرويي أهل السودان يتابعون إنتقالات
لاعبي كرة القدم وغيرها, في أوربا وفي أمريكا
وبقاع أخرى من العالم, ويتعاملون معها بشكل
حضاري وكجزئية من العملية الرياضية , فلماذ
يشتطون حينما يحدث ذلك في السودان؟

حيدرنا ياجميل

ياسلام ياحبيب

عبرت عني تماما

احيييييييييييييييييييييييييك والله

Quote: أنا مريخابي للطيش, رغم عدم المتابعة, لكن الجين المريخي شغال ومحتل موقعه في شفرة دمي ال DNA أولا ... أبدي إستغرابي لأن ما يزال العجب لاعبا, فهو بالمعيار السوداني لعمر لاعب, فقد إستنفذ أعلى السقوف. وكنت أتحرى وجوده في قائمة المدربين, وليس في قائمة اللاعبين الذين يصنعون أحداث اليوم, لكنه ... السودان. ثانيا... أرجو أن تكون حالة الإنتقال للاعب من نادي لآخر شئ طبيعي, وحق مشروع, وهذه من ديمقراطية الرياضة ومن حقوق الإنسان. ثالثا ... ليس بالضرورة وصم الإنتقال بالخيانة والتآمر ونشر الغسيل الغذر. بل من الأحرى أن يحتفظ النادي القديم بذكريات طيبة حول لاعب غادر صفوفه. رابعا ... اللاعب ... كما الموظف, يكون في شركة ويقدم لأخرى, فمتى حظي بعرض أفضل فهو ولا شك موقع عليه. خامسا ... المشاعر الجماهيرية تكون قبالة الفريق أو النادي كخاصية تاريخية, وليس بالضرورة أن يحتم ذلك وجود لاعب بينهم اإلى لأبد. سادسا ... كرويي أهل السودان يتابعون إنتقالات لاعبي كرة القدم وغيرها, في أوربا وفي أمريكا وبقاع أخرى من العالم, ويتعاملون معها بشكل حضاري وكجزئية من العملية الرياضية , فلماذ يشتطون حينما يحدث ذلك في السودان؟

Quote: لو بنفكر زي المريخاب كنا بقينا ضل زيهم

ضل شنو؟


والضل مالو؟

.
.
.
.
شكلي بعيد ... شوية

أخي ... هارون دياب ... تسلم,

وتشكر على الإطراء,

وعلى روحك المريخية

الأنيقة ... قول ليهم باللهي




عمر الفاروق ....


أحيييك بشدة ...

وسلامي يقدل


.... فكن بخير

Quote: سادسا ... كرويي أهل السودان يتابعون إنتقالات لاعبي كرة القدم وغيرها, في أوربا وفي أمريكا وبقاع أخرى من العالم, ويتعاملون معها بشكل حضاري وكجزئية من العملية الرياضية , فلماذ يشتطون حينما يحدث ذلك في السودان؟

يا حيدر أخوي أنا البعرفو لمّا انتقال اللاعب يكون من نادي للند التقليدي .. الاشتطاط بيكون حاضر وفي الدوريات الأوروبية .. وتختلف ردود الأفعال على حسب طبيعة الانتقال !!

Quote: فيغو : لن أنسى ما فعلته جماهير برشلونة أبداً اكد اللاعب البرتغالي السابق لويس فيغو انه يتذكر جيداً أول مباراة له امام نادي برشلونة بعد انتقاله الى نادي ريال مدريد الاسباني قادماً من النادي الكتالوني ، حيث قامت جماهير برشلونة برشق اللاعب البرتغالي بكل ما طالت ايديهم ، و كان اغربها القاء أحد الجماهير لرأس خنزير على الخائن البرتغالي على حد وصفهم . و صرح فيغو قائلاً : " في تلك الليلة كنت قلقاً جداً لأني كنت أعرف ما قد تفعله جماهير برشلونة ، في بلدي لحم الخنزير هو فاتح للشهية ونأكله ، لكن لم أكن أعتقد أن بإمكان أي شخص إدخال رأس الخنزير للملعب وهذه ليست رياضة ".

اليوتيوب عندي لا يعمل .. أتمنى أن يكون هذا التسجيل هو المقصود ...

بعد ـ ثلاثة ساعات من ـ مباراة هلال مريخ في نهائي كأس دوري السودان 2006م و التي أنتهت بهدفين للمريخ من الراحل / ايداهور و فيصل العجب ..
ذهب فيصل العجب بعد تلك المباراة إلى منزل رئيس نادي الهلال حينها الأستاذ / صلاح إدريس و عرض نقسه للتسجيل في الهلال ..
إعتذر رئيس الهلال للعجب ..
الآن الهلال يدفع مليارا لتسجيل العجب ..
حقاً ..
يا للعجب ؟؟

Quote: العجب يوقع غدا في كشوفات الهلال

من عجائب الكرة السودانية ..

بالمفهوم الاحترافي ما فوكها حاجة

لكن بالعاطفة السودانية حارة والله

العملوا فينا هيثم لغاية الآن ما اتداوي

ماعارف موقع العجب من "اعراب" المريخاب شنو؟


تحياتي لكل المساهمين في البوست