يا ناس الضهاري طولنا منكم ... تعالوا نرتقي بيكم شوية وكت ابيتو تشتتو!!

اصلو انتو زي الرماد كان شالوه ما بنشال وكان خلوه سكن الدار
قلنا نعمل فيكم حسنة شوية ...
ونهزبكم شوية ...
ونرقيكم شوية ...
ده بس ...
عشان خرطومنا تبقي هي هي
أجمل المدن الافريقية
تعاين ليها بالليل من الجو عقد لولي
ولما تنزل تجد في ناسها واهلها طيبة ومبادئ وترحاب وجمال وقيم وتراث

قبل 15 - 20 سنة مع الهجمة الضهارينية كثرت عربات الكارو والدفارات والحمير
وكان عغندي اخوي في كوريا الجنوبية فقمنا نقلنا التجربة الكورية للسودان ورسلنا الآف مؤلفة من السيارات الكورية للسودان
وغيرنا الفهم في طريقة الشغل والاعمال التجارية وصنعنا من الفسيخ شربات
فغيرنا شكل الشارع العام
وهسي مافي واحد من ناس الضهاري ما راكب الكوري
واليوم ....

لينا سنة بنحاول لادخالم لعالم العولمة والتجارة الاكترونية
ولسة الناس متشبسة بقديمها وتخلفها
ونحن مؤمنين بما نفعل
معاكم ومع غيركم
===
مافي منطق يخلي بوست زي ده يمر من غير تعليق : تابعونا على الأذاعة الأقتصادية خرطوم اف ام 89 الأحد الساعة 4 مساء
الا نديكم بالتقيل عشان تصحصحوا معانا
ولا كيف ؟!!
===
وده من وضوحنا الفايت الحد

علي النعمة أنت أحلي زول هنا
أموت أنا في الوضوح والصراحة

Quote: وكان عغندي اخوي في كوريا الجنوبية فقمنا نقلنا التجربة الكورية للسودان ورسلنا الآف مؤلفة من السيارات الكورية للسودان

يا الامير توفيق انا الخرطوم دي مولود فيها عمري ماسمعت بأسمك دا الا في
سودانيز أون لاين سمعت بالبربري والنفيدي وابرسي وعييييك فااااشنو عليك
الله ما تفكها فينا وتمسكنا حيطة ساي ، الآلاف من السيارات دي اللهم الا تكون رسلتها
في المنام .

أنت قاعد تتعشي بي شنو بيخلي خيالك واسع كدة

ونهزبكم شوية ..
ود الباهي خليهو يمشي يتعلم عربي شوية عشان نقدر نمشي معاه
لله دره شيخ توفيق وكمان حركة اسلامية
السلام عليكم ورحمة الله
الشفيع ابراهيم

تحية ياعمنا توفيق

Quote: ونهزبكم شوية ...

معليش واحد من ناس الضاري يسلم عليك !!!

علمونا في الضهاري ان التهذيب بالذال وليس الزاي

صدقني سكان الخرطوم الأصليين لايفكرون بمثل هذا التفكير
بل يسعون دائما لمد جسور التواصل الانساني ما بينهم وبين اهالي الضهاري الذين تسخر منهم


الم تر مانديلا كيف مد أياديه الى جلاديه
وكيف صنع أيقونة من الحرية والتسامح لسجانيه

هذبونا كما تريدون
ولكن لنترك النعصرية والتعامل باستعلاء

تسلم يا ود الخرطوم
ممكن اتسلف دى يا نمرة 5

Quote: وكان عغندي اخوي في كوريا الجنوبية فقمنا نقلنا التجربة الكورية للسودان ورسلنا الآف مؤلفة من السيارات الكورية للسودان

Quote: عشان خرطومنا تبقي هي هي أجمل المدن الافريقية

يا توفيق مكي إنتو ناس الخرتوم البتاكلوا مع عوينكم في صينية واحدة داخل البيت وبتقولوا: يا ولد أقفل الباب عشان نتغدى؟ ولا إنتو البتفطروا فطور رمضان جوه البيت وليس في الشارع زي ما بتعمل جماهير الجزيرة التي كتب عنها صحفي أجنبي قائلاً: الناس في السودان بتقطع الطرق بطريقة غير مسبوقة.
يا ناس الخرتوم .. تلتكم ..... وتلتكم التاني .... ويا عيب الشوم على تلتكم التالت. عاشت الضهاري وعاش عيال وبنات وعوين الضهاري البتلقوا الزول قبل ماينزل والسكين تقطر دم. عايز تخمنا بعشاء الفول والبوش... نحن في الضهاري لي هسع ما بنعرف بوش يعني شنو؟
عشانا عصيدة بتقلية أو كول أو ويكاب... وشاهينا طاعم ما ضاربنا سكرى وملاحنا بي ملحو ما ضاربنا ضغد (ضغط دم). كفاك ولا نردمك زيادة آل خرتومي آل.
تحياتي

كبـّاشي الصـّـافي
(العوج راي والعديل راي)

عدم موضوع

قوم لف بلا خرطوم بلا سجم اهو ناس الخرطوم جايين من وين كلكم من الضهاري

الخرطوم دي (لحم رأس ) مافي حد يجي يعمل فيها ود قلبا

معالي الباشا حفظكم الله وادام نعمته عليكم

اما نحن فيكفينا أن يكون معاليكم في احسن حال

بالدارجي كدي نحنا ان شاء الله ياكلنا ال ك ل ب

طالما انت شديد


....................................

بالنسبة للتجارة الالكترونية دي افتكر دي فكرة كويسة
بالنسبة لبلد يخيم الجهل والجوع والمرض على اكثر من ثلثي مساحته

وان معاليكم مصر على (زلك) فلا باس

بس البندورة نفرشها وين مجرد سعال


.......

حفظكم الله وايدكم ووفقكم لما فيه خير الرعية

..

الزاي والذال ما مهمات يامعالي الباشا العبرة بالخواتيم ولا مش كده

ونهتف

(واسقين) منك ولا يهمك

(اكثح) (امثح)

يا حبيبي يا توفيق ما تنسى تأخذ الدواء ...
عشان نرتقي سوا سوا
يا حبيبي نغير هوا

** الخرطومى توفيق (سيد العاصمه المُثلثه ) فقط .. ولاعلاقة له بماجاورها..
## سلام لصاحب السعاده والسياده..

** الزباله (وفى روايه أُخرى :- الذباله ) التى تدعى أنك أدخلتها الى البلاد لإراحة العباد من ركوب الدواب ...
## أجزم لك لو أن النقل الميكانيكى لم تتم تصفيته فى ظل حكومة التوجه اللاحضارى لما دخل لستك مقاس 13 منها ..
## لكن نقول شنو غير هذا المثل (المسل) :- رزق المجانيين على الهُبل ...
^
^
^
## بالنسبه لجدول تصنيفك :- الجذور إقليميه "اليكس هيلى" .... الميلاد والنشأه عاصميه .......... بالله ماتحرمنا من جواز السفر الإلكترونى العاصمى ..

Quote: وبتقولوا: يا ولد أقفل الباب عشان نتغدى؟ ولا إنتو البتفطروا فطور رمضان جوه البيت

بالله با الصافي ضيف ليها دي.
"|نتو لمان يدق الباب الواحد فيكم يجي طالع يفتح الباب بالملابس الداخلية "

لكن بيني وبينك من ثمرات هجمتنا الآن بنعلم فيهم الخروج بصينية رمضان للشارع
نحن اهل الحسن
كع
كرررع

أخي عبد الكريم أحمد الأمين تحية لك ولكل أهالي الضهاري
ولكل اهل الخرطوم الراقين والرائعون حد الوهج

Quote: ** الخرطومى توفيق (سيد العاصمه المُثلثه ) فقط .. ولاعلاقة له بماجاورها.. ## سلام لصاحب السعاده والسياده.. ** الزباله (وفى روايه أُخرى :- الذباله ) التى تدعى أنك أدخلتها الى البلاد لإراحة العباد من ركوب الدواب ... ## أجزم لك لو أن النقل الميكانيكى لم تتم تصفيته فى ظل حكومة التوجه اللاحضارى لما دخل لستك مقاس 13 منها .. ## لكن نقول شنو غير هذا المثل (المسل) :- رزق المجانيين على الهُبل ... ^ ^ ^ ## بالنسبه لجدول تصنيفك :- الجذور إقليميه "اليكس هيلى" .... الميلاد والنشأه عاصميه .......... بالله ماتحرمنا من جواز السفر الإلكترونى العاصمى .

هذه واحدة من حسنات هذا البوست أن لايأتي مصادفة نيلسون مانديلا الذي ذكرته في مداخلتي
وقبل ان يجف مدادها يأتي الرائع جدا { اليكس هيلي }
هذا الأديب الزنجي الأمريكي الذي كان في اقاصي مالي القديمة
ومن ثم اتى الى امريكا حيث الأضواء والعلم والتكنولوجيا
جاء من اقاصي الضهاري ليعيش في تنسي وغيرها من ولايات امريكا مع مارتن كنغ وغيرهم من الذين غيروا حياة السود
ليصبح من أميز الأدباء في أمريكا 00 بل في العالم

قرأت الجذور وأنا طالب بالمرحلة المتوسطة
وعشت تلك الرحلة القاسية من غابات جوفيور مرورا بنهر كامبي دانجي والتايمز 00
كنت أتالم وانا صغير وتمنيت أن أكتب في يوم ما عن هذه الرحلة
وقد كان من اولى مقالاتي بمجلة الشرق الأوسط التي تصدر بلندن ان كتبت موضوعا بعنوان { سواد الأعمال }
سخرت فيه من العنصرية
ومن معاملة الإنسان لأخيه الإنسان
والمدهش أنني حلمت كثيراً بأن الناس حتماً سيخرجون من هذا النفق المظلم الى حيث النور والشعاع

ولكن للأسف لم تكن قراءتي صحيحة
لأنني لم أدرك اصلا ان في وطني هناك أناس قد ولدوا بعاهة خلقية 00 هي عاهة العنصرية !!!

يا توفيق يا خوي
إنت قديتنا بإنو والدكم الكريم ربنا يتولاه بي رحمتو مؤسس الحركة الإسلامية في السودان
غايتو ...... يا دوب أنا إقتنعت بي كلامك ده .

و الله الولد توفيق جهج باكاتكم .

الغريبه يا توفيق عيسي مكي اسمك تركيبه سودانيه من الشمال و الغرب و الوسط و الوسط .

نحن اهل العوض .

up

السلام عليكم.

أنا فى رأى أن لا تتعبوا أنفسكم وتقوموا نفسكم فى الفاضى...

مثل هذه البوستات تجاوزوها بعقلكم الراجح لأنها لاتسمن ولاتغنى من جوع.

بوست مترع بالشوفونية.

كل منا يعتز بأصله وقيمه وعشيرته.

لكم التحية والتقدير جميعاً.

شىء مؤسف أخ/توفيق.

Quote: مثل هذه البوستات تجاوزوها بعقلكم الراجح لأنها لاتسمن ولاتغنى من جوع.

استاذي ...
عفوا ...
انا احمل قضية ..
ستة اشهر وانا انادي بهذا وعلى استعداد ان تستمر معركتي ستة سنوات
لا يرضينا كسودانيين ان تنهدم قيمنا ومبادئنا وكل الجمال الذي كان فينا
انني في تعبير ضهاري لا أقصد ما تفهمه ولكن هي لغة من افسدوا علينا حياتنا
فكيف يكون الخطاب لهم ؟؟

Quote: بوست مترع بالشوفونية.

لم افهم قصدك
ولست بنرجسي
ويكفي ان تصل رسالتي دون ذكر اسمي

ٌان اردت ان تظهر فالبس احمر وفي رواية البس اصفر/ وان تظهر في المنبر فارتدي عباءة الجنس او الدين او شتم القبيلة ستظهر/ صاحب البوست قد تكون لديه افكار جيدة في مجال التسويق استوحاها سماعيا من اخرين او هبطت عليه وفق رؤيا منامية الخ/ لكن مشكلته ربما هو في خواتم عمره ونسال الله له ولنا حسن الختام مشكلته تركها وصب جام غضبه علي ناس الضهاري بطريقة تتسم بالغباء والحمرنة وبؤس التحليل وضنك الفهم وسجم الرؤيا فجاء كلامه فطيرا منحطا كثقافتة التي ينتمي اليها .

وصويحب البوست لو ان الله اللهمه مثقال حبة من فهم وتجول في مطاعم العامصة المثلثة التي تحسب بانها خمس نجوم ودلف الي مطابخ اعداد الطعام لتقياء وحرن الاكل ليوم الدين.. لو ان صويحب البوست توجه الي اقصي بلاد الشمالية لوجد ان الناس هناك ما زالوا يستخدمون الكارو والدواب لنقل الماء وان بعض النسوة ما زلن يمتن من جراء المخاض من ضيق التنمية ولو ان صويحب البوست تجول قليلا عشرة ميل خارج الخرطوم كان شاف شوف العين اطفال اولاد قلبا يركضون حفايا بلا نعل وبعضهم يرتدون لا شيء من اسفل.

ٌولو ان هبنقة ايضا دلف الي المستشفيات الخاصة لراي بام عينيه ان بعض اطباء العاصمة في بعض تلك المستشفيات لا يفرقون بين الوريد والشريان وهم اولاد قلبا.. يا هبنقة اهل الضهاري انجبوا الجنرال عبدالماجد حامد خليل كان تاتمر باسمه قوات الردع العربية ببروت وناس الضهاري حملوا الامام المهدي وثورته عندما كان بعض شيوخ فتة الرز يحملون البخور للخواجة وان ناس الضهاري الان هم عماد الجيش السوداني والشرطة بينما انت وامثالك ما زلتم تتوهممون بانكم اولاد قلبا/ في الخواتيم انت محتاج ان تنظر الي روحك في المرايا لعل وعسي ان تري عوجات رقبتك.

Quote: هذه واحدة من حسنات هذا البوست أن لايأتي مصادفة نيلسون مانديلا الذي ذكرته في مداخلتي وقبل ان يجف مدادها يأتي الرائع جدا { اليكس هيلي } هذا الأديب الزنجي الأمريكي الذي كان في اقاصي مالي القديمة ومن ثم اتى الى امريكا حيث الأضواء والعلم والتكنولوجيا جاء من اقاصي الضهاري ليعيش في تنسي وغيرها من ولايات امريكا مع مارتن كنغ وغيرهم من الذين غيروا حياة السود ليصبح من أميز الأدباء في أمريكا 00 بل في العالم

بعيدا عن ما يكتبه هذا ال( توفيق ). وكمان شابكنا UP

الأخ /أبو حراز

لعلك تقصد جد أو أحمد جدود المؤلف (اليكس هيلى). حسب علمى أن المؤلف مولود بأمريكا

ولقد تقصى عن أصله وجذوره التى أوصلته لغرب إفريقيا مكان جدوده الأفارقة .

وإذا غلطان صححونى

نعم أخي شمس الدين اعني جده تماما والمسمى { كونتي كونتا } ان لم تخني الذاكرة
جد اليكس هيلي هو من اتى به البيض الى امريكا في تلكم الرحلة الشاقة
وما قصة جذور الا هي بحث من هيلي لموطن اجداده وجذوره
شكرا لك من ا؟لأعماق
وبرضو تحية لأهالي الضهاري

الاخ توفيق
تحية
شكله واحد من ناس الضهارى عملا فيك عمله ما بتمرق الى يوم الدين !!

انا اعذرك لهذا السبب .. لكن دا ما مبرر انك تكره كل ابناء الضهارى بسبب هذا الواحد

Quote: علي النعمة أنت أحلي زول هنا

الحبيب عادل الباهي حقيقي الناس هنا فاهمني غلط

Quote: يا الامير توفيق انا الخرطوم دي مولود فيها عمري ماسمعت بأسمك دا الا في سودانيز أون لاين سمعت بالبربري والنفيدي وابرسي

من قائد معركة كرري ؟؟؟؟
ممكن اديك خيارات لو عايز ...
يا استاذ المسالة ما اسماء وشهرة بل العبرة بالانجازات مثلا الذي قاد معركة كرري هو امير من اميز الامراء واستشهد على بعد امتار من العدو فكتب في بطولاته اعداءه ولما دخل الانجليز للسودان مسحوا اسمه وتاريخه عشان الناس ما تتاثر بيهو ودي مفارقات في سوداننا العجيب ده وغباء فطري فينا جميعا بما فيهم انا وانت وكلنا

ربنا يديك العافية وان شاء الله كل البنقدر نعمله للبلد دي بنعملو وفي صمت

الخديوي اسماعين
أبقاك الله سيدي وحفظك ذخراً للأمة الإسلامية


أما بعد

جينا نبارك ساكت وحات سيدي الحسن

UP

Quote: UP

قلنا نشيل معاك ....



هوووووووووووووووب