Post: #1
Title: خمسين مليون تحسين وضع بعد ما تحلف القسم طوالي ونص مليار لما ماتغادر المنصب !###
Author: زهير عثمان حمد
Date: 12-14-2013, 08:27 AM
والله سمعت من أهلي في الخرطوم قالوا كدا وهم متأكدين لا نو فلان ولد الداعية المشهور عمل كرامة بمناسبة المنصب الجديد ضبح فيها عجل وتلتة خرفان وقال قسمو اللحمة ما عايز لمه وأزعاج
و تطلع جريدة بخط عريض وتقول فيهو وزير السدود اسامة عبدالله يشتري عربية بالمرابحة ويسلم عربات الوزارة بالله دا كلام ديل بيخدعونا بيهو والاغرب من كدايقولو ليك مصدر ياخي مصدر وهو دا خبر يعني بيحتاج اصلا لي مصدر لو قالو الوزير بي نفسو مافي زول بيصدقوا وعشان ترتاحو يا ناس الانقاذ والجرايد المواطن البسيط بقي واعي جدا لأي حاجة بتحصل وعارفه و أهلنا الغبش ديل بالجد متابعيين الاخبار والبلد وفساد الكبار والصغار قالوا لي معلومة اصلا ماكنت عارفه قالوا لما الواحد يتعين وزير عند بدل تحسين وضع خمسين مليون عشان يشتري أثاث ويضرب البيت بوهية وجير وكمان يشتري شوية ملابس تليق بالمنصب و كان دا صاح ولا كان خطأ وقال الوزراء اللي يغادرو مواقعهم الا بعد فترة عمل شاق يستحق كل واحد فيهم نص مليار .أ
ها لو واحد زي دا تفكرتو هو عارف الحاصل شنو وتجي تقول ليهو الوزير أجر بيت ولا إشترى عربية بالاقساط بيصدق بالله دي مش أكاذيب
*أسامة عبدالله قالوا أشتري عربية بمرابحة طيب ليه أنا ما برضو مستحق ومافي زول ولا بنك هبوبولي
والله بلد عجيبه بس عشان يعرفوا برضو دا كلو مرصود !
|
Post: #2
Title: Re: خمسين مليون تحسين وضع بعد ما تحلف القسم طوالي ونص مليار لما ماتغادر المنصب !###
Author: مني عمسيب
Date: 12-14-2013, 06:25 PM
Parent: #1
زهير كيفك لعلك طيبة ...
| Quote: طيب ليه أنا ما برضو مستحق ومافي زول ولا بنك هبوبولي |
لو مشيت سالتهم بقولوا ليك من انتم ؟
عشان كده لكوك الصبر يا فاتوا هم يا متنا نحنا .
|
Post: #3
Title: Re: خمسين مليون تحسين وضع بعد ما تحلف القسم طوالي ونص مليار لما ماتغادر المنصب !###
Author: زهير عثمان حمد
Date: 12-14-2013, 08:27 PM
Parent: #2
الاخت مني
تحياتي
صبر أكتر من كدا ليه المصير المؤلم دا
بس الحمدلله نقول
|
Post: #4
Title: Re: خمسين مليون تحسين وضع بعد ما تحلف القسم طوالي ونص مليار لما ماتغادر المنصب !###
Author: cantona_1
Date: 12-14-2013, 08:33 PM
Parent: #3
يا أخي الحبيب زهير سلام مربع
هاك الفكرة دي.. الحكاية كلها شيلني وأشيلك .. تقوم تكتب عني كلاماً كثيراً وتوصفني بمعرفة الاقتصاد بما لا يعرفه آدم سميث .. وشكير للطيش وتقترح مثلي من الخبرات التي يستفيد منها الغرب الكافر أولى بها الوطن الأم.. خاصة في مجال المال والأعمال وهلم جرا... يقوموا الجماعة يبلعوا الطعم ويجيبوني إن شاء مستشار لوالي ولاية أم طرقاً عراض.. بعدين لمن أصرف بديك نص الستة!! رأيك شنو؟ ولحد ما يكتشفوا أنه الكلام فشنك بكون رطبت ورطبتك معاي. ويا فكيك على الغرب الكافر مرة تانية.
تحياتي
كبـّاشي الصـّـافي
|
Post: #5
Title: Re: خمسين مليون تحسين وضع بعد ما تحلف القسم طوالي ونص مليار لما ماتغادر المنصب !###
Author: زهير عثمان حمد
Date: 12-14-2013, 09:14 PM
Parent: #4
صديقي كباشيكل التحيا
عرضك ح يوخد وقت أنا عايز حل سريع
لك كل الود
|
|