عقد قران سوداني على فتاة جنوبية بشهادة الرئيس .

لو ما حاجة شاذة ما كانت لفتت نظرك.. من 1956م ولغاية 2005م حصلت كم حالا زي دي؟ أنا طبعًا بتكلم عن القيائِل النيلِية الشِمالِية، يعني " مُسْتطيعي الباء " مِن النيل الأزرق وجبال النوبة ودارفور وأبْيي خارِج حَيِز الشِمال.. لأنو ما بِكون ليهُم " وِجاء " وكِده؟! ودليلي إنو حَيِز الشِمال النيلي خارِج الموضوع، إنك لم تتجرأ بِكِتابة عِنْوان [عقد قران شمالي على فتاة جنوبية...] بِقيتو تفتِشو على النوادِر! لو بِتِتْذكر إنو البشرِية دي أكانت معاكُم 49 سنة (1956م-2005م) عملتو فيها شنو؟! خليني أسألك:-
- إنت* ده حصل دخلت في بيتك/بيتكُم طفل جنوبي مِن هجير شمس إبريل/مايو (شهر أب فرار-السحائي)؟
- إنت ده حصل إتغدى معاكُم في السفرة جنوبي؟
- إنت ده (أو أسرتك) حصل كفلت أو شاركت في كفالة أُسرة جنوبِية؟
- إنت ده (أو أسرتك) حصل ساهمت في أي جسم برعى الأم الجنوبِية؟
- أُسْرتك (الصغيرة/الكبيرة) هل عندها علاقات مع أُسر جنوبِية "ماشين ناس ميري نشرب معاهُم شاي العصُر" "ناس تريزا جايين يتغدو معانا هي وأولادا"؟
- إنت ده (أو فرد مِن ناس بيتكُم) كان عِنْدك صديق جنوبي بِمثابة "ود البيت" "ولدنا"؟
- إنت (أو واحِد مِن ناس بيتكُم) متزَوِج جنوبِية أو العكس؟
- في عائلتكُم الكبيرة في زول متزَوِج جنوبِية؟

الإجابات حتَوضِح ليه الجنوب إنْفصل


ـــــــــــــــــــــــــــــــــــــــــــ
علشان ما تشخصِن لي المَوضوع وهو عام
* إنت = كُل شِمالي نيلي (كُل شِمالي نيلي مُتشدِق ومُتنطِع ومُلمِع روحو بِمساحيق الكيبورد بعد ما إغْتسل بإمكانِيات الغُربة)

حصلت كتير يا عزام
بتعرف امدوم في الخرطوم بحري !!
هل عندك معلومة ان جميع سكانها او معظم سكانها خليط قوي ومتجانس بين السودانيين والسودانيين الجنوبين
شخصيا اولاد عمي جنوبيين من ناحة الام
والتحية لابن عمي محجوب عثمان الذي آثر ان يفتح مكتب المحاماة الخاص به في جوبا

أها شن قولك ياعزام .............
الأستاذ خالد العبيد جاب النجيضة ......
.
.
.
الأخ عزام أتمنى أن تنأى عن هذه الأمور ...
الناس سواسية كأسنان المشط ..

تحياتي

رغم اختلافي الكتير مع عزام في كتير من طرحو............

لكن...............

الكلام الكتبو فوق ده فوق ده صحيح و يلامس الواقع...............