Post: #1
Title: ارحل...معناها "انت" ترحل
Author: Hatim Alhwary
Date: 12-12-2013, 08:04 PM
Parent: #0
نحن لمن قلنا أرحل
كان قصدنا ... انو ترحل ..
مش تبدل في الكراسي .. والترابيز الدواير ..
والترلات البتاكل في ضهرنا ولا بتخجل ..
أرحل ... أرحل
يعني شتت ..
يعني فارق ..
غووور في ستين الف جردل ..
مابيفرق لو تغير انت نافع ..
او تخت في بدلو شافع ..
ولا مجنون لافي حايم في الشوارع ..
او مسطَل ..
نحن دايرين ..
زول زراعة .. يعرف الواطه البتنتج
يعرف المحصول ونوعو
والبذور الما بتفشل
نحن دايرين ..
زول تمرجي
يعرف المرض الموطَن
لينا يكشف كل عله
ماهو بس دكتور ويصهل
نحن دايرين ..
زول مدرس
يمسك الطبشيره يشرح
تمرق المعلومة منو
لي اقاصي بلادنا توصل
نحن دايرين ..
زول مهندس ... يفهم المكن المعصلج
يركب الترحيل جماعي
يلبس الابرول ويسهر
يلحق الفي الريف معطل
نحن دايرين ..
زول حقوقي
قاضي يحكم بالتساوي
يستمد منهج قضاهو من شريعة رب اعدل
نحن ماااادايرين كراسي ..
لا لا ما دايرين مناصب ..
نحن دايرين بس بلدنا
تبقي لينا
ونبقي فيها
ونبقي ليها
وهل تصدق ..
شان دا يحصل ..
لازم ابدا ..
كلو كلو ..
انت ترحل
(منقول - واتسب)
|
Post: #2
Title: Re: ارحل...معناها andquot;انتandquot; ترحل
Author: nour tawir
Date: 12-12-2013, 08:13 PM
Parent: #1
حآتم الهّوآرى...
قصيدة تعّبر عن كل سودانى\ة..
ولكن..
قلنا أرحل...
بجميع اللغآت..
وبكل الوسآئل..
25 سنة..
برضو ما فيش فآيدة..
ماااااا حيرحل..
ألا ترّحلوه بالقوة..
الرآجل تلم...(بكسر التاء واللام)
|
Post: #3
Title: Re: ارحل...معناها andquot;انتandquot; ترحل
Author: Hatim Alhwary
Date: 12-12-2013, 08:27 PM
Parent: #2
Quote: ألا ترّحلوه بالقوة..
|
يا أستاذة نور تاور
الشباب الخرجوا الى الشوارع في هبة سبتمبر بالهتاف والتظاهر فهموا تماما ان لا سبيل الى اسقاط هذا النظام المجرم الفاشل الا بالتظاهر والاعتصام
|
|