Post: #1
Title: ود الباوقة and Albino Akoon Ibrahim .....ممكن دقيقة!!!!
Author: smart_ana2001
Date: 12-12-2013, 06:09 PM
الكلام ليكم ولكتيرين غيركم فى البورد من سلفيين و من المسيحيين المتشددين....
الاتنين كتبتوا كلام ما عاوزة اجيب اقتباساته هنا. انا لو كنت مسيحية كان ح يغضبنى جدا كلامك يا اخونا ود الباوقة. و الان اغضبنى جدا كلام اخونا Albino فى رسولنا الكريم (عليه افضل الصلاة والسلام)
ارجو منكم احترام معتقدات الاخر. لان دي ذى لما تسب اب زول تانى, تاكد ان الزول التانى ح يسب ابوك. الدين نفس الحكاية. لما تشتم رسول زول, اتاكد انه الزول التانى ح يشتم دينك و دين اهلك كلهم.
ما فى زول ح يتحول للمسيحية من الاسلام فى البورد ده. و لا فى زول ح يتحول من المسيحية للاسلام هنا. عشان كده -عليكم الله او الرب او المسيح او حتى بودا- كل زول عاوز يتكلم عن دينه بصورة كويسة اهلا و سهلا. لكن بلاش سب باقى الاديان.
|
Post: #2
Title: Re: ود الباوقة and Albino Akoon Ibrahim .....ممكن دقيقة!!!!
Author: وضاح عبدالرحمن جابر
Date: 12-12-2013, 06:17 PM
Parent: #1
الحق حق
انا فى البورد ده ما قاعد اشوف زول بجرى يجيب بوستات يتريق على المسيحية
فالمسلمين بؤمنوا بالمسيح والمسيحية ومأمورين بى كده
لكن وللاسف الاعمى شايل المكسر وجارى يتريق على المسلمين من ناس معروفين فى المنبر ده
موجهين مواضيعهم بخبث للنيل من المسلمين تحت دعاوى الفتاوى الشاذه او ... المواقف الغريبه .. او او اوا وا
وهدفهم واضح ...
فمفروض الناس تعاين لمنو القاعد يسيئ ويسخر من المسلمين
والحكاية دى فاتت الحد
مفروض الناس تحترم بعض وما تتذاكى على بعض
|
Post: #3
Title: Re: ود الباوقة and Albino Akoon Ibrahim .....ممكن دقيقة!!!!
Author: smart_ana2001
Date: 12-12-2013, 06:18 PM
Parent: #1
يا اخونا المغول -اللى كانوا اقسي ناس فى تاريخ البشرية- قتلوا اكتر من 50 مليون بنى ادم. كانوا بيحترموا اديان الناس. بل كانوا ما بيرضو انه زول مسلم او مسيحيى (او اى دين اخر) يدعى عليهم. بيخافوا من كل الالهة. حتى الاديان الى هم ما مومنين بيها.
هسي -عليكم الله- انتو الاتنين -و كل زول قاعد يشتم اديان الغير هنا- ما تشتموا اديانكم. لانه اللى بيسى لدين غيره كانه بيسى لدينه. لانه ما فى زول عوير (او خلينا نقول "محترم جدا") لدرجة انه ما يرد اساءة فى دينه.
|
Post: #4
Title: Re: ود الباوقة and Albino Akoon Ibrahim .....ممكن دقيقة!!!!
Author: smart_ana2001
Date: 12-12-2013, 06:28 PM
Parent: #3
...السلام عليكم......وضاح عبدالرحمن جابر
لو بدينا فى :منو عمل و منو سوى...ما ح نخلص.
خلونا نبدا من اليوم....
اى زول عاوز يشتم الاسلام...يعتبر روحه فى منبر كله مسلمين.
اى زول عاوز يشتم المسيحية يعتبر روحه فى منبر مسيحيين.
اى زول عاوز يشتم السنه يعتبر روحه فى منبر شيعه.
اى زول عاوز يشتم الشيعه يعتبر روحه فى منبر سنه.
ربنا (او الهتكم) تهديكم...كلكم.
|
Post: #5
Title: Re: ود الباوقة and Albino Akoon Ibrahim .....ممكن دقيقة!!!!
Author: كمال عباس
Date: 12-12-2013, 07:37 PM
Parent: #1
....... تحياتي أخت إسمارت
ماذا نتوقع من مسيحي يوصف معتقده -علي سبيل الإستعداء والإستفزاز -بأنه محرف وأن الله لايقبل عمله وأن مصيره النار! وأن مصير مانديلا -بإعتباره مسيحي- محسوما سلفا - جهنم وبئس المصير ! سيرد المسيحي قائلا أن دينكم مختلق وصناعة بشرية وأن رسولكم أفتري وأدعي الرسالة والنبوة لذا سيكون العذاب مثواكم والطرد من رحمة الخالق مصيركم ! الإستفزاز سيفرز إستفزاز مقابل وتحقير المقدس سيولد رد فعل مماثل والنتيجة ستكون إثارة للكراهية وتراكم للمرارات وللشحن والبغضاء وتتحول مكونات المجتمع لقنابل موقوتة قابل للتفجر في أي لحظة بفعل التعصب والتطرف وإنعدام اللباقة وحسن التعامل
* والان فلنعيد ذكر هذه الحقائق والمعطيات بكل صراحة وتجرد ا ليهودي يعتقد أن المسيحية باطلة والمسيح مفبرك ومدعي للخلاص ولبنوة الله - والمسيحي يعتقد إن إنكار اليهودي المنكر للمسيحية ورسالة المسيح يغلق أبواب الخلاص أمامه ويطرده من الرحمة الابدية! - ويعتقد المسيحي واليهودي أن الإسلام دين وضعي وإنتاج بشري وأن رسول الإسلام قد إختلق الرسالة وأدعي النبوة ! - وبدوره يري المسلم أن تلك الديانات محرفة وأن معتنقيها يتبعون باطلا وأن الجنة والرضي مدخلها إعتناق الإسلام !
* وحقيقة لا نملك أن نغير في إعتقادات الناس وجزمهم بأنهم علي هدي وحق وغيرهم علي باطل وضلال ولكن نقول فليحتفظ كل بقناعاته حول معتقد الآخر لنفسه وليتجنب الإستفزاز وإساءة معتقدات الاخرين ولنترك الحكم علي مصير الخلق للخالق -ولنركز علي أرساء قيم التعائش والتسامح والإحترام المتبادل وإحترام إنسانية الإنسان ! ** إن كانت هناك ضرورة لإدارة نقاش حول الاديان فليكن حوارا فكريا وموضوعيا ينأي عن الإستفزاز والتحقير والحط من أقدار الناس وإساءة معتقداتهم !
* من يهمه أمر الدعوة لدينه فليكن ذلك بحسن التعامل وبإرساء نموذج إنساني يبشر ولاينفر -يراهن علي القيم الإنسانية النبيلة ومبادئ ا لمواطنة والتسامح وعفة اللسان ونقاء القلب وصفاء الروح
.......
|
Post: #6
Title: Re: ود الباوقة and Albino Akoon Ibrahim .....ممكن دقيقة!!!!
Author: nour tawir
Date: 12-12-2013, 07:52 PM
Parent: #5
صبآح الخير أسمارت..
فى الحقيقة لاحظت الهجمة والاساءة للاسلام فى هذا البورد عدة مرآت...
ثم يعّد الآمر مرور الكرام...
وكأن لم يكن شيئا..
آن الآوان بأن يسن بكرى قانونا...
يمنع الاساءة الى جميع الاديان هنا..
|
Post: #7
Title: Re: ود الباوقة and Albino Akoon Ibrahim .....ممكن دقيقة!!!!
Author: معاوية الزبير
Date: 12-12-2013, 07:55 PM
Parent: #5
الأديان في أصولها لا فرق بينها، كلها تدعو للقيم الفاضلة
وبالمثل الفلسفات الأرضية الكبرى.
ولو ظل الناس على فطرتهم لما احتاجوا للدين
الدين يأتي عندما يفسد الناس فيخيفهم الله برسائل الأنبياء ويغريهم فيعودوا لرشدهم
ولكنهم لا يلبثوا يرتدوا لغيهم، آند سو أون
|
|