Post: #1
Title: اسماء الجنيد واجب عليك اعتذار عاااااااااجل
Author: معاوية عبيد الصائم
Date: 12-11-2013, 08:06 PM
Parent: #0
وبسراعك وبطلى شماتة
|
Post: #2
Title: Re: اسماء الجنيد واجب عليك اعتذار عاااااااااجل
Author: معاوية عبيد الصائم
Date: 12-11-2013, 08:12 PM
Parent: #1
قلبي ابيض زي الجلابية البيضاء دي
|
Post: #3
Title: Re: اسماء الجنيد واجب عليك اعتذار عاااااااااجل
Author: معاوية عبيد الصائم
Date: 12-11-2013, 08:17 PM
Parent: #2
الجعريبة حق مكفول لكل مجوعر ...من حق كل مواطن الجعربية ياحااسدة
|
Post: #4
Title: Re: اسماء الجنيد واجب عليك اعتذار عاااااااااجل
Author: معاوية عبيد الصائم
Date: 12-11-2013, 08:21 PM
أسماء الجنيد
شر البلية ما يضحك ويبكي في آن واحد !! عمايلكم يا الكيزان حيرت الشيطان والإنسان!!
استغرب كيف كان كمال عبد اللطيف وزيرا ؟ هل يحمل هذا الرجل اي مؤهل اكاديمي ؟
درس وإتعلم زي باقي الخلق في المدارس وعارف يقرأ ويكتب ويستوعب ما درسه! اي شهادة التي يحملها ومن اي جامعة ؟ من اين يأتي البشير بهؤلاء القوم ؟ لا علم لا فهم ولا إسلوب يرتقي بهم لمصاف الأمم !!!
جوعارة هذا الوزير بدون خجلة وسط الرجال والنساء ! ما سبقوا عليها شافع عمره سنتين !! متوسط حشود ما عندها موضوع!! يخطب و يولول مثل الولايا من اجل منصب الوزارة الذي بفقدة فقد البوصلة وكرامته وفضح نفسه امام الملأ يبكي وينوح تارة ! ويندب حظه العاثر تارة اخرى ، ويردد مؤامرة مؤامرة!! اي مؤامرة هذه التي تتحدث عنها ؟ ؟ كلكم متآمرين على هذا الشعب! من بشيركم لي اصغر كوز حائم من كلاب الأمن ! شلعتوها واتحكرتوا في قلوب الناس زي الهم! المؤامرة جئتم بها خلسة وتحكرتم في سدة الحكم بدون اي اخلاق ولا وازع ديني !! عمليتك يا وزير الغفلة ما يعملها طفل في روضة قلعوا منه حلاوته !
هل كان يعي هذا الرجل ماذا يقول وهو يردح بكلام غير مفهوم ! خطبة الوداع المرتجلة التي كشفت المستور من هم يحكمون البلد بلا قانون ولا دستور!! شغل جربندية و خساسات و دسائس وإنتقامات فيما بينهم !! كل واحد يحفر لي التاني ! عصابة مجرمين بكل المقاييس !! تفاجأ السيد الوزير بالكرت الأحمر دون اي مقدمات و كروت صفراء ،، ولا اي سابق إنذار !! لذلك فك الجوعارة على فقدو الوزارة وتجرع طعم الخسارة ، و اصبح يردد مؤامرة وحقارة !!! إن لم تستحي فافعل ما تشاء !!
اتقي الله يا رجل ، هبرتوا مافيه الكفاية وجردتوا البلاد من كل خيرا فيها ! هل كانت الوزارة دائمة لك؟؟ هل كنت تظن نفسك من الخالدين فيها ربع قرن حالك حال رئيسكم وغيره من المكنكشين ؟
تخيلوا الراجل لا شبع لا قنع !! البكية ام جوعارة زي الحريم دي! بالتأكيد سببها قوي جدا !! الإحتمال الكبير إنه بادي ليه مشروع محتاج لي كم هبرة وما إكتمل! وإتفاجأ بقرارت البشير الختير البوظت ليه مخططو وحرمتو من تحقيق الهدف المنشود!! عشان كده ما عندو حل غير يبكي !! يبكي وبس !! ويبكي معاه كل كوز ارزقي مرتشي إتحرم من بقايا مائدة الوزير صاحب الدمع الغزير!!
تبكي يا راجل ؟ طردوك من بيت ابوك ولا من بلدك؟ ولا حرموك من حقك وورثتك الوارثها ابا عن جد!!
إذا كان لا بد من البكاء والدموع! ما كان تستر روحك شوية وتمشي تكمل دميعاتك في بيتك!إذا بليتم فأستتروا ! في داعي للفضيحة الإعلامية دي؟ حا تبراك لي جنا جناك! المشكلة مافيك إنت ! المشكلة محسوب علي كل سوداني إنك كنت وزير في يوم من الأيام، وده مستوى مثقفيننا وساستنا المفروض يكونوا حاملين هموم البلد واهله !!
ياراجل ما تختشي !! دموعك دي ما كان توفرها لي الأهم ! ابكي على الضيعتوا وسط بنو جكة وكترة الذنوب الشلتها من حقوق المظاليم! ابكي نادما على ما اقترفتموه من نهب سلطة واموال هذا الشعب الممكون وصابر !! ابكي من خشية الله !!
المضحك المبكي إسلوب المخاطبة للحشود المودعة ! تفوقت بجدارة علي الحكامات في العويل والمناحة!!
((استحلفكم بي اولادكم وبناتكم ونساءكم وبي كل شيء ان تعفوا عني !!!! قلبي ابيض زي الجلابية البيضاء دي !!)) يعفو عن شنو ؟إنت معترف إنك لوثت اياديك مع اللآوطني ؟؟ عن ماذا يعفو عنك ايها البكاي ! عن التجاوزات والتستر و الهبر ؟ام الأثنان معا؟؟ العفو المفروض تطلبه من الشعب المطحون وصابر عليكم بالسنين!! وليس من اتباعك البكايين على فقدك المنصب الذي كان يدر عليكم جميعا من المال السائب الما طاقيكم فيه حجر دغش !! مال اليتامى والمسحوقين !! مال المرضى والمساكين !! لم نسمع يوما باي كائن كان يعدد خصاله امام جموع مودعنه!! لماذا لا تترك المجال للغير لكي يتحدثوا عنك وعن افعالك ؟ يفترض اعمالك هي التي تتحدث عنك وعن اياديك الخفية،،إذا فعلا كان قلبك صافي و جلابية بيضاء مكوية !!!
الراجل ده نصيح وواعي ؟ والملتفين حوله جادين ومقتنعين بخطبة وداع الوزير البكاي!
الشيء المحير الجمهرة الغفيرة من رجال ونساء والجواعير واصلة السماء السابع! تحلف تقول جنازتهم قدامهم في العنقريب منتظرة الدفن!! هل وصلنا لهذا الدرك ؟؟ لهذه الدرجة اصبحنا شعب غشيم تنطلي عليه دموع التماسيح ؟؟
على ماذا تبكوا وتنوحوا يا أمة ؟لم يبكيكم إنقسام الوطن نصين ؟ ولا على خيرة رجالكم الهاجروا مجبورين ؟ ولا على خيرة شبابكم الإستباحوا عرضهم وارضهم و دمهم حمرة عين!!
لم يستحي هؤلاء الحكام والوزراء البكايين ،، الذين يبكون دون حياء على الدنيا الزائلة وترفها وناسيين الآخرة وحسابها !! يبكون ويولولون على وزاراتهم ومراكزهم التي إستولوا عليها بخج الإنتخابات!!
ودماءالأبرياء والشهداء لم تحرك فيهم ساكن !!وتشريدالسيول لأهاليهم من العزل والضعفاء لم يرف لهم جفن!وبكل قسوة وجبروت يعذبون الأبرياء في بيوت الأشباح و يضحكون ويتمسخرون ويستهزئون !! حسبي الله ونعم الوكيل عليكم أجمعين ....
الله ابتلانا بي بشر معلمين الله من مجاميعو ! معلمين الله من ابسط مباديء التربية والتعليم والآخلاق !!ربنا ينتقم منكم جميعا ويفتنكم فيما بينكم ويأخذكم اخذ عزيز مقتدر ..نستغفر الله ونسأله العفو والرضا وان يبعد هؤلاء القوم المحجرة قلوبهم عن الغلابة الممكونين وصابرين ، حسبي الله ونعم الوكيل عليك يا الترابي إنت السبب !! بليت البلاد بي رئيس بهلواني لملم حوالينو جورغة من المعتوهين تجار الدين !! وقت الحارة الجري حقهم وبكايين !!!
متاوقة
يا ربي لو كان شالوا عبد الرحيم حسين ! كان عمل شنو؟ يتدردق في الواطة ولا يقع في رقبتو يقصها!!! الله يشيلكم كلكم ويريح منكم البلاد والعباد !!!
|
Post: #7
Title: Re: اسماء الجنيد واجب عليك اعتذار عاااااااااجل
Author: معاوية عبيد الصائم
Date: 12-11-2013, 09:57 PM
Parent: #6
Galal E Omar · الأكثر تعليقا
دحين يا معاوية ده مو وزير الوزارة ال ادت البشير عشرة كينو دهب .. غايتو كان ياهو ليهو حق يبكي و يموت بالحسرة كمان
|
Post: #8
Title: Re: اسماء الجنيد واجب عليك اعتذار عاااااااااجل
Author: سيف اليزل سعد عمر
Date: 12-11-2013, 10:17 PM
Parent: #7
فى التنك والله يا اسماء
انصر دينك
اتمنيت انو المقال ما ينتهي
شكرا يا مواطن
|
Post: #9
Title: Re: اسماء الجنيد واجب عليك اعتذار عاااااااااجل
Author: صديق الموج
Date: 12-11-2013, 10:22 PM
Parent: #7
| Quote: ((استحلفكم بي اولادكم وبناتكم ونساءكم وبي كل شيء ان تعفوا عني !!!! قلبي ابيض زي الجلابية البيضاء دي |
يا بتاعين المعارضة انتو خلو بالكم ، اسماء الجنيد كضابة كبيرة لانو الراجل ما قال كده
سمع اضانى البياكلها الدود قال استحلفكم بنساءكم وبزوجاتكم وانا لى هسه بغتش للفرق بين
نساؤهم وزوجاتهم ما لاقى ليها تبرير..
بالله ماتحرفوا كلام التور ابو جاعورة ده ، والما ببكيه شنو من سكرتير فى مكتب مدير بنك
فيصل الاسلامى لمدة سنة من التخرج لى وزير شؤون الرئاسة لى وزير المعادن مخير الله،،،
|
|