Post: #1
Title: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-11-2013, 12:33 PM
و يبقــى أكــثر ديمقـراطية من كل الناس
لكـن نقـول شـــنو ؟؟؟؟ القنـاة قـناتـو
و العـندو قنـاة يحــنن برج ارســـالو
( مش دا حمارو ,,,,, و مش على كيفــو اهــا اليقـدل )
و البلقـى هـواو بضـري عيشـــو ,,,, لكن
الحال بقــول الزول دا بضـري في عيشـــا مو
عيشـــو وكمان بكتحـنا بالشـــرى
|
Post: #2
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: معاوية المدير
Date: 12-11-2013, 12:47 PM
Parent: #1
Quote: الحال بقــول الزول دا بضـري في عيشـــا مو
عيشـــو وكمان بكتحـنا بالشـــرى |
يا عبد الله أخوي انفض وشيك من الشرى،
وخلو اليقدل. الزول دا عندو جلاليباً زين
كُتار، وبيعرف يلف العِمة.
سلآم واشواق
يا رجل...
|
Post: #3
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-12-2013, 07:53 AM
Parent: #2
ود المــدير
ســلامي و تحـياتي ,,,,,,,, كيف حالك
| Quote: يا عبد الله أخوي انفض وشيك من الشرى، |
ذي ما قالو يا ود المديـر ( البتجي من السـما ,,,,,,,,, )
أهـا الشـرى دا بجينا في صـمة خشــمنا ,,,, تكون ما متابع
الزول دا ولا شــغال بيهــو يقوم واحـد يغير القناة و يجيك
الزول الكارثة دا وفجأة تلقى نفسـك ( غصب ) بتســمع في زول
نصــب نفســو مفكــر ولكنه ما زال في خطاب الإثــارة بتاع الوان التمانينيات
فهــــو لا يطـرح فكـرة ( لا سـطحية و لا عميقـة ) و لا يقــدم نقـد( لا ناضج ولا ني )
كل الكـلام إثــارة و اســتعداء بعض الشــعب على بعضه الآخــر
|
Post: #4
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: وليد محمد المبارك
Date: 12-12-2013, 07:59 AM
Parent: #3
المفارقة يا احمير
انه يقال ان خطاب عمر ابشير الاول بتاع الانقلاب اتسجل في مكاتب حسين خوجلي ده
وهسع بتباكي على الدمقراطية
|
Post: #5
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: Al Sunda
Date: 12-12-2013, 08:30 AM
Parent: #4
الغريبة هو ذاتو ما ديمقراطي في طرحه ا
فهو يقرا سيرة الخليفة الخامس عمر بن عبد العزيز
ثم يقررنيابة عن الشعب السوداني عدم إخلاء على عثمان لبيته الحكومي !!
منتهى التناقض !!!!
تحدث في أكثر من 3 حلقات عن تخفيض عدد الوزراء والتشكيل الوزاري المفاجأة
وسكت عن التعليق في الحكومية الستينية غير الرشيقة وغير المفاجيء
البرنامج نفسه صار اقرب للبرنامج الإذاعي
ومش معقول الناس تسمع لحسين خوجلي ساعة كاملة وهو يقرأ او يتحدث
مع غياب الصورة او التقرير المصاحب للرواية
يعني عندما تحدث عن حلايب والمصريين
ستين صورة ومشهد كان يمكن ان يكون مصاحبا للحديث
ويعطي التقرير او الخبر بعدا آخر
اقلها صورة عبد خليل او الحدود او حلايب ذاتها
ولكن يبدوان قناة امدرمان لا تملك مكتبة من الاصل
حتى تستعين بصور ومشاهد مصورة
وبدون مكتبة يصبح البرنامج التلفزيوني برنامجا إذاعيا
وهذا هو واقع برنامج حسين خوجلي
---
يتحدث بكلام عوام ويحسب نفسه خبيرا اقتصاديا
الإعتماد على الصادر كواحدة من البدائل
اختصرها في حتة
ارعو البهائم والغو الزراعة ؟؟؟؟
معقولة دي 1!!
و .................................
و...................................
التقهقر نحو الخلف سريعا
اوهكذا بدا لي البرنامج بالامس
لا حصل برامج التوك شو
ولا بقى زي قراءة عموده اليومي عبر القناة
حقو من حسع يفكر في كيفية التطوير
ضيف للتعليق او النقاش حول موضوع معين
بتبقى مشكلة خاصة وانه يتحدث اكثر من الضيف
فتح الخط الهاتفي مع المشاهدين
قد لا يجدى مع حسين الذي يرى نفسه فوق الجميع
حقو الإعداد يراجع طرح المتابعين للبرنامج من خلال الإنترنت
ومن ثم إختيار بعض الآراء والموضوعات للنقاش
لكن حكاية حسين يجي يحكي لينا ساعة كاملة دي
الله اعلم بإستمرارية تحمل المشاهد
|
Post: #6
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-12-2013, 09:56 AM
Parent: #5
ولــيد
كيف الحـال
| Quote: وهسع بتباكي على الدمقراطية |
الزول دا دخـل ليهــو في جلباب ممزق لديمقراطي و ثائـر كمان
فادعى أن ســوآته الديكتاتورية قد بدت له ( بعد 24 و نيـف )
فطـفق يخصف عليه من ورق الوعـظ و الارشــاد السـياسـي فلم يســتره
و ( الضرس بتـاور ) فيرجـع لمدح الدكتاتورية
|
Post: #7
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-12-2013, 10:21 AM
Parent: #6
الأخ Al Sunda
حـــبابك
Quote: ثم يقررنيابة عن الشعب السوداني عدم إخلاء على عثمان لبيته الحكومي !!
منتهى التناقض !!!! |
الزول دا داخـل ليهو في دور اكبر منـو بمراحـل
فهــو لا يحترم عقـول مشـاهديه ,,,,ينصـح و يوجه كأنه اسـتاذ في فصـل
Quote: ومش معقول الناس تسمع لحسين خوجلي ساعة كاملة وهو يقرأ او يتحدث
مع غياب الصورة او التقرير المصاحب للرواية |
قــد تخــفف الصـورة شــوية و لكن حســين غـير قادر على التحـليل
لذلك تـراه يتخــبط و يهـرج فلا يـرد الظاهـرة الى اســبابها
وجذورها , فيتكلم عن فقـر ( حليمة و انها في رمضان في الشمس تبيع
......... ) و لا يقــول لماذا أغلب الناس في السـودان فقـراء ( من السـبب ,
و ما هي السـياسـات التي ادت لذلك ومن المسـتفيد ..............الخ )
Quote: يتحدث بكلام عوام ويحسب نفسه خبيرا اقتصاديا
الإعتماد على الصادر كواحدة من البدائل
اختصرها في حتة
ارعو البهائم والغو الزراعة ؟؟؟؟
معقولة دي 1!! |
يا خــوي دا عامل فيـها خبير بتاع كل شــيء
وهـو ذي البصـيرة ام حمـد ,,كان احســن ليهـو يقعـد
في ونســتو بتاعت فلان قال لي و لما قابلت فـلان
Quote: قد لا يجدى مع حسين الذي يرى نفسه فوق الجميع
حقو الإعداد يراجع طرح المتابعين للبرنامج من خلال الإنترنت
ومن ثم إختيار بعض الآراء والموضوعات للنقاش
لكن حكاية حسين يجي يحكي لينا ساعة كاملة دي
الله اعلم بإستمرارية تحمل المشاهد |
|
Post: #8
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: ادريس خليفة علم الهدي
Date: 12-12-2013, 10:39 AM
Parent: #7
Quote: يا خــوي دا عامل فيـها خبير بتاع كل شــيء
وهـو ذي البصـيرة ام حمـد ,,كان احســن ليهـو يقعـد
في ونســتو بتاعت فلان قال لي و لما قابلت فـلان
|
جبتها من الآخر
شكرا يا عمده
|
Post: #9
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: معاوية المدير
Date: 12-12-2013, 12:56 PM
Parent: #8
غايتو عليكم جِنِس طولة بال !!! يعميني، يا قول حبوبتي.
الزول دا بتقدروا تسمعوهوا كيّفِن ؟؟؟...
|
Post: #10
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-12-2013, 01:31 PM
Parent: #9
إدريس
كيفـنك يا خـي
شـايف بهناك دفعــتو ( صاحبك مرة يشـكرو و يمرة يمزو )
ياخـوي في زول في السـودان ما عارف ســبب تمـدد الأراضـي
الســكنية في الأراضـي الزراعيـة و انحسـار الزراعة في نفســها ,
حســين دا قـال الســـبب السـماســرة ( يقصد سـماسرة الجخيس
و و الوادي الأخضـر و تعويضات دريــم ...... الخ )
و طالب أن الناس تضـع حـد للسـماســرة ,, متناســيا السـماسـرة الكبار
( الناس الباعـو الســودان و خـط هـيثرو و النقـل النهـري ...الخ )
|
Post: #11
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: كمال ادريس
Date: 12-12-2013, 01:42 PM
Parent: #9
سلام عبدالله وزوارك.
الغريبة أنه يدلق ماءا حارا على الحكومة ورأسها .. ثم تأتي فترة (نخرج لفاصل اعلاني) فاذا به لسيد شباب المصارف (بنك امدرمان الوطني) اختراع خالص للمؤتمر الوطني ... أمر مكشوف : كيف تعارضهم ويدعمونك بالاعلان... ألعب غيرها
|
Post: #12
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-12-2013, 10:19 PM
Parent: #11
Quote:
غايتو عليكم جِنِس طولة بال !!! يعميني، يا قول حبوبتي.
الزول دا بتقدروا تسمعوهوا كيّفِن ؟؟؟... |
ود المديــر
الصــبر جــبر ,,,,
ســلام كمال
| Quote: كيف تعارضهم ويدعمونك بالاعلان... ألعب غيرها |
ياخــوي اللعــب دا مدور في راســنا 24 ســنة بـدون اي فنيات
يلعـبوا بالبيضة و الحجــر و يخافوا البيضة تكســر الحجـر
|
Post: #13
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-13-2013, 12:15 PM
Parent: #12
الأخ Taj M Ibrahim
ليس الموضــوع كما فهــمت ,,,, لكن
ما يقـدمه حســين ( طشـاش ) في بــلد برامج قنـواته عمـى , ودا ســبب المشـاهدة العالية
في غيـاب الديمقراطية و الفكـر الحقــيقي وحترية التعبير جانا حســين عامل فيها هيكـل
يحاضر بقروشـــو
يا خي دا قال لو قدر له لـشــال الشــباب الما شـغالين و بنـوموا باللوري
و وداهـم مشــروع الجـزيرة ,, وقال البلد دي فيهـا شــغل
ابمثل هـذا التهـريج يتــم القضاء على العطـالة المســتشــرية
دا خطـاب هتـافي اجــوف ,,,, خطاب يزيف وعـي الناس ويصرفهم عن معـرفة اســباب الظواهـر الاجتماعية السـالبة
شــكرا للمرور و التعـليق
|
Post: #14
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-15-2013, 08:13 AM
Parent: #13
يســتغرب تنامـي العـنف في الجامعـات
متناســياأن كل الناس يعـلمون أن جماعتـو
الكــيزان هــم اول من بـدأ ولا زال يمارس
العـنف ضـد الطــلاب و بكـوادر مجهـزة
|
Post: #15
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: MOHAMMED ELSHEIKH
Date: 12-15-2013, 08:30 AM
Parent: #14
حسين خوجلي يحرض على معالجة الظواهر "ويتزاوق" من أصل الداء أي " يعاين في الفيل و يطلب من الآخرين طعن الظل"
يبحث عن مصالحة وحقيقة ينجي بها نفسة من مستنقع ربع القرن الآسن.
| Quote: انه يقال ان خطاب عمر ابشير الاول بتاع الانقلاب اتسجل في مكاتب حسين خوجلي ده |
هذا غير صحيح فقد تم تسجيل البيان بكاميرا منظمة الدعوة الأسلامية حيث لاتوجد في ذلك الزمان كاميرات بتلك الأمكانات الا في التلفزيون ومنظمة الدعوة.
انا شخصيا علمت بهذا في لحظة القاء البيان الكارثة حيث كان بجانبي مهندس استوديوهات التلفزيون الذي اكد لي ان هذا النوع من الكاميرات لا يوجد
الا في المنظمةوبعد ذلك اعترفوا الاجماعة زاتهم
|
Post: #16
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبد الوهاب المليك
Date: 12-15-2013, 11:48 AM
Parent: #15
الأخ العزيز صاحب البوست والمتداخلين الأعزاء ..
لأول مرة أشاهد برنامج حسين خوجلي يوم الأربعاء الماضي .. ومن أول ثلاثة دقائق مشاهدة وجدت كلامه أجوف بدون محتوى تذكرت توفيق عكاشة وقناة الفراعين ..
يا مثبت العقل والدين
|
Post: #17
Title: Re: بقــى علينا المـثل ( بلدا ما فيهـا ديمقراطية ,,,,,,,, يقـدل فيهـا حسـين خـوجــلي )
Author: عبدالله احيمر
Date: 12-16-2013, 12:50 PM
Parent: #16
ود الشــيخ
كيف حالك ,,
يازول مخـتفي مالك بس ما يكون البـرد
| Quote: حسين خوجلي يحرض على معالجة الظواهر "ويتزاوق" من أصل الداء |
غايتــو الزول دا عصاية نايمة و عصاية نايمة
الأخ عبدالوهـــاب المـليك
السـلام والتحايا
| Quote: ومن أول ثلاثة دقائق مشاهدة وجدت كلامه أجوف بدون محتوى تذكرت توفيق عكاشة وقناة الفراعين .. |
إنـه الفـرعون و قـلة عقــله,,, من فصـل لهـم ما يسـترون به
عورتهـم خلالهم ماشـين ميطــي وهـم يظـنونهاافخـم الثياب من قلة عقلهم
كل شـيء انكشـف و ما زال حسـين يكلمنا عن التغـيير وان الرئيس أتى بالعسـكر
فاسـتبشـروا خيـرا
|
|