عــكــود كــفــر ...

عكود اكان زول فارس، وبيدور الشربة. حد قاعد في اللنادي،
وبعد ينترس عيش ما في زول بيقدر يقيف قداموا. ايّ زول
ما يخلي المكان عكاز عكود المضبب اب دومات تب ما بياباهو.
عكود ما بيخلي حفلة تصل نهايتها، لآزم ينهيها بشكلة ويفرتكا
بعد يخلي الناس كأنهم حُمرٌ مستنفرة فرّت من قسورة.
أها، عكود دا بعد فترة كدي هفتو قال يتوب. دمس الطشمي
والمشاكل وسوالوا تقروقة فرشا وقعد يصلي ويسبّح.
أها، يوم جات خادماً ليهو لقتو متفرجخ فوق التقروقة، قالتلوا،
دا شنو يا عكود ؟؟؟. قالها، أنا تُبتَ خلاس. المرا كندكت راسا
بالوآطة وس######ت، الليلة وووووووب علينا عكود الفارس، عكود
شيال التقيلة، عكود شراب المريسة، عكود فرتاك الحفلآت،
الليلة فراشلوا تقروقة ومتمسكن فوقا !!!،،، وووووب علينا من
البقت علينا. أها، عكود جاتو هوشة، وقال كدي خفس من فوق
تقروقتو، شدّ حمارو المُو خمج وسلّ سيفوا، وإنطلق في الحِلة
وقعد يكورك: عكود كفر، عكود كفر، عكود كفر......إلخ...

Quote: حاصر أحد السودانيين د. غازي وقلب الطاولة بعدد من الاسئلة ، كاشفاً الجرائم والتجاوزات التي إرتكبها حزب البشير في فترة الـ 24 عاماً الماضية في حق الوطن والمواطن وهو كان مشاركاً معهم في الحكم ومفكراً للنظام. فرد د.غازي بأنه لم يكن مؤيداً للإنقلاب وأقسم بذلك وقال أن د. حسن عبد الله الترابي نفسه لم يكن مقتنعاً بالإنقلاب على الديمقراطية ، وأقسم مرة أخرى بأنه لا يؤمن بالدولة الدينية أو الحكم الإسلامي وقال أن السودان لا يمكن حكمه بدولة دينية ، وكان الشئ الملاحظ في هذا الإجتماع أن د. غازي كان يقسم بإلله كثيراً.

http://www.sudaneseonline.com/news-action-show-id-127556.htm