Post: #1
Title: فارس ونجود
Author: عبدالله ود البوش
Date: 12-10-2013, 09:06 PM
Parent: #0
|
Post: #2
Title: Re: فارس ونجود
Author: عبدالله ود البوش
Date: 12-10-2013, 09:16 PM
Parent: #1
كل حلقة من هذا المسلسل كلفتني قرشا كاملا عشرة مليمات
قيمة تذكرة الدخول للنادي الذي به التلفزيون الوحيد في البلدة ( ابيض واسود ) ياااااااااااااااه يا زمن وقف شوية
|
Post: #3
Title: Re: فارس ونجود
Author: عبدالله ود البوش
Date: 12-10-2013, 09:45 PM
Parent: #2
غايتو لو في زول حضر المسلسل دا اكون بالغ ههههههههه
اكونوا ماتوا يا ربي كلهم ؟
رغم انو ما قديم شديد لكن الزمن بجري بس آخر الستينات القريبة دي ههههههههه ول اول السبعينات ما عارف
قال جمبلغ قال
المسلسل قريب لدرجة بذكر حلقاتو حلقة حلقة عدا اتنين فاتن علي واحدة لان بابور النور قطعت جاز والله جد
والتانية النادي كانت فيهو حفلة بـ عوض الجاك الله ارحمو كان لابس جلابية سكروتا صفرا وطاقية حمرا والله صحي
والتذكرة كانت غالية خلاص قرشين ونص
|
Post: #4
Title: Re: فارس ونجود
Author: يحي قباني
Date: 12-10-2013, 10:25 PM
Parent: #3
اول السبعينات يا ود البوش ...
وانا حاضرو كلو حلقه حلقه ...
سميرة توفيق كانت فتاة احلام الشباب ...
و محمود سعيد كان قتي احلام البنات بي دقينته السمحه ديك ...
ياخي سميرة توفيق بي شامتها الفي الخد الشمال ديك ...
لما تغني ليك
بالله تصبو ها القهوه و زيدوها هيل
واسقوهوا للنشامي ع ظهور الخيل ...
نكون رقدنا مويه انحنا ...
زمن جميل يا عبد الله ...
|
Post: #5
Title: Re: فارس ونجود
Author: عبدالله ود البوش
Date: 12-10-2013, 10:56 PM
Parent: #4
| Quote: وانا حاضرو كلو حلقه حلقه ... |
بركة اللقيت لي زول حضرو بعدما خفت تبقى علي حكاية قفلة عبدالعظيم ود التاي للضمنة
.
.
شكرا ياقبة لمشاركتك معي اجترار هاتيك الذكريات
|
Post: #6
Title: Re: فارس ونجود
Author: عبدالعزيز عثمان
Date: 12-11-2013, 00:07 AM
Parent: #5
ود البوش،،افتح الله،،،لاك دفعتي ولا نديدك...
يازول شغلك ده شغل زول جا في سفينة نوح..
يمين انا اول مرة اشوف فيها تلفزيون سنة 72،،بالرغم من اني مولود يوم استلم عبود الحكم،،،عبود وليس نميري...
ياخي نحن اولاد امس،،
حول الله،،من الستينات محكر في المسلسلات...
|
Post: #7
Title: Re: فارس ونجود
Author: عبدالله ود البوش
Date: 12-11-2013, 10:26 AM
Parent: #6
| Quote: بالرغم من اني مولود يوم استلم عبود الحكم |
7 نوفمبر 1958م
حلات لقلق
انا ما عارف الناس دي بتتعقد من اعمارا ليه
.
.
عاين جاي
في الخاص ول هنا حلتكن وييييييييين ؟ ضروري امش اسمع قصة جدي كرداش على الهواء الطلق مباشرة
|
Post: #8
Title: Re: فارس ونجود
Author: حسين ديقول
Date: 12-11-2013, 10:35 AM
يا أخي نحن سغار خلاص
أول مسلسل بتذكرو كان اسمه قمر البر والبر أو فيه شخصية اسمها قمر البر والبحر
تحياتي
|
Post: #9
Title: Re: فارس ونجود
Author: عبدالله ود البوش
Date: 12-11-2013, 10:48 AM
Parent: #8
حسين ديقول يا صديقي العزيز
ان لم تهتف بسقوط عبود
ان كان لديك شهادة ميلاد
وان لم تحل مسألة السلك
او لم تعرف لماذا صاح ارخميدس وجدتها وجدتها
فانك بعيد كل البعد فيما يحس به المذكورين اعلاه من متعة هذا المسلسل
.
.
شكرا جزيلا
|
Post: #10
Title: Re: فارس ونجود
Author: صلاح أبودية
Date: 12-11-2013, 11:15 AM
Parent: #9
ههههه
والله أيام !!
سطّوف الراعى ههههه ...
الشخصية العجيبة المثيرة فى المسلسل !!
|
Post: #11
Title: Re: فارس ونجود
Author: HAIDER ALZAIN
Date: 12-11-2013, 12:34 PM
Parent: #10
سلامات يا ود البوش..
ياخي انت اكان كدي زول شباب تب .. ومن جيلنا .. مااك لاحق شيخ العرب :)
.. ديل ناس راس قليس يا ود البوش ؟؟؟
غايتو متاكد اني حضرت فارس ونجود و برضو حمدة ورداد .. وبتذكر راس قليس ..
حتى في الامارة ابيض واسود .. وبنحضرها في حوش عبد الله ود العوض الله يرحمو .. عشان كان عندهم تكسي يوصلوا التلفزيون ببطاريتو وقت تقطع الكهرباء..
ود بعد ما الشفع ضيقوا على حسين ود ابو العباس وحمى الشفع وحماهم يدخلوا يحضروا المسلسل ..
كانوا يضربوا القسيلاء الحمراء ويجو يقعدو يتحكحكو في البرش..
|
Post: #12
Title: Re: فارس ونجود
Author: معاوية المدير
Date: 12-11-2013, 12:41 PM
Parent: #11
أنا غايتو حضرتو،
لكن النصيحة لله ماني قدرك يا ود البوش.
بعدين يا قباني نحن جيل نجلاء فتحي...
|
Post: #13
Title: Re: فارس ونجود
Author: Abdullah Idrees
Date: 12-11-2013, 06:33 PM
Parent: #12
Quote: ؟
غايتو متاكد اني حضرت فارس ونجود و برضو حمدة ورداد .. وبتذكر راس قليس |
بالحيل .. المسلسلات دي اتعرضت في 77-78 تقريبا وفي فترة قصيرة يعني ممكن ورا بعض او حاجة زي دي .. اضيف ليها علياء وعصام يا حيدر
يعني المسلسل ده اتعاد تاني يا ودالبوش .. الكلام ده في حي المعلمين - عطبرة غايتو في الحتات التاانية ما متأكد (وش يحاول جاهدا اثبات انو ما عجوز وكده )
تحياتي
|
Post: #14
Title: Re: فارس ونجود
Author: سيف اليزل سعد عمر
Date: 12-11-2013, 06:47 PM
Parent: #13
لا حولا !!!!!
ياخ انتا زوول قديم خلاس.. ده نكتو من وين؟؟
شوفناه لمن التلفزيون كان ابيض واسود
زمن الزمن زين
تشكر
|
|