كمال عبداللطيف يدخل في نوبة بكاء هستيرية لفراق السلطة (صور)!!

Quote: إنتابت السيد كمال عبد اللطيف الوزير المقال عن وزارة المعادن نوبة هستيرية أثناء حفل أقيم لوداعه صباح اليوم بمقر وزارة المعادن وأنخرط (كمال عبد اللطيف) في نوبة من البكاء الحارق مع موظفي الوزارة الذي أجتمعوا لوداعه. وكان السيد كمال عبد اللطيف قد أحدث حالة من الهرج والمرج أثناء إجتماع المكتب القيادي للحزب الحكومي مساء السبت الماضين وشوهد كمال عبد اللطيف عقب البت في أمر إقالته من الوزارة وهو غاضب يصيح "هذه مؤامرة .. هذه مؤامرة" ليعود وينفجر بالبكاء داخل مقر وزارة المعادن صباح أمس.

بعض المنتفعين من وجوده بالوزارة وهم في حالة بكاء لعدم توزيره!



كمال عبداللطيف ويبدو في الصورة حزيناً، باكياً ومشدوهاً!



يحاول مسح ومداراة دموعه!!

وبعد دا كله يقولوا ليك "هي لله هي لله لا للسلطة ولا للجاه"!.

up

التحية للاستاذ كمال عبد اللطيف . نسال الله له التوفيق والسداد اينما حل وارتحل.

لا نفع عشرة كيلو دهب الهدية لعمر البشير
ولا نفع دموعو الإنسكبو
مسكين

مجرم يعفوا له شنو كدا خلي يقول لينا كل جرائمه
بلطجي ######ان هو اعطي 10 كيلو ذهب للمجرم عمر البشير في شكل رشوة الناس مفروض يحاسبه في دي فقط

Quote: وبعد دا كله يقولوا ليك "هي لله هي لله لا للسلطة ولا للجاه"!.

والله فعلآ الاختشوا ماتوا !!!


ياسر سلمات يا خوي .. يعني اسه الدموع دي نظام جوه نجنن وبرة نحنن ولا شنو ههههههههه.

هى لكن مناديل قدر دى.. ده كمال عبد اللطيف واللا ام كلثوم
قوم لف قاتل وفاشل الطيرك يطير باقى الحرامية،،،

الاخ/ ياسر
مساء الخير
اولاً ما جئت به بهتاناً في حق الرجل ، انا كنت حاضر في هذه الجلسة تحديداً
اللقطة الموضحة ادناه كان يتحدث بالهاتف.
العاملين تحدثوا بصراحة عن افضال الرجل عليهم والله اشهد الله يوم القيامة
الذين تحدثوا ليس بكيزان وتحدثوا بحرقة شديدة لما ليقوم به الرجل من خدمة لهم
وانه يحسن فيهم خاصة الذين تمر بهم ظروف قاهرة ، اذا كان مرض او فرح او كره.
عموما الرجل لم يبكي لكن الوزارة باكملها ابكته لانه يتعامل معهم ببساطة شديدة.

بدخول الاخ نواي يكون البوست فاقدا للصلاحية

Quote: الاخ/ ياسر مساء الخير اولاً ما جئت به بهتاناً في حق الرجل ، انا كنت حاضر في هذه الجلسة تحديداً اللقطة الموضحة ادناه كان يتحدث بالهاتف. العاملين تحدثوا بصراحة عن افضال الرجل عليهم والله اشهد الله يوم القيامة الذين تحدثوا ليس بكيزان وتحدثوا بحرقة شديدة لما ليقوم به الرجل من خدمة لهم وانه يحسن فيهم خاصة الذين تمر بهم ظروف قاهرة ، اذا كان مرض او فرح او كره. عموما الرجل لم يبكي لكن الوزارة باكملها ابكته لانه يتعامل معهم ببساطة شديدة.

نواى سلام
والمناديل الملانه دموع ومخاته القدامه فى الطربيزة حقات الزول المعاهو فى التلفون؟
قال ما ببكى ولا حاجة غايتو يا الكيزان كان عينا ليه هداك ككو بنطط تقولو عتود ودايرننا نصدقكم!!

الأخ الفاضل \ عوض الله

Quote: اولاً ما جئت به بهتاناً في حق الرجل

وين البهتان ؟

وبعدين موش هو الادي البشير عشرة كيلو دهب ؟

بأي حق اشيل اموال الغلابة واديها للصوص . وبعدين البقيف مع الموظفين مفروض

يقيف مع كافة الشعب السوداني .. لما استشهدوا كوكبة من ابناءنا ليه ما قدم استقالتو!

Quote: Quote: هو اعطي 10 كيلو ذهب للمجرم عمر البشير في شكل رشوة الناس مفروض يحاسبه في دي فقط

Quote: اولاً ما جئت به بهتاناً في حق الرجل ، انا كنت حاضر في هذه الجلسة تحديداً اللقطة الموضحة ادناه كان يتحدث بالهاتف..

أخي عوض اللة:
يا أخي الجماعة ديل السادة المناضلين المقاتلين (ناس صديق الموج) ديل والله فقدوا المنطق و فقدوا البوصلة و ما عارفين يعملوا شنو!
ديل شغلتهم بقت تحير والله و الواحد من باب الشفقة ما يعصر عليهم!
خليهم في ملكوتهم يتخيلوا و يهضربوا زي ما خيالهم المريض يصور لهم

في علم النفس دي اسمها أحلام اليقظة ..عالم افتراضي / أحداث و وقائع و همية متخيلة
حينما يعجز الانسان عن فعل شيء في الواقع يهرب لأحلام اليقظة و يتخيل تلك الأشياء
خليهم في هذا الوهم عله يشفي تلك النفوس المريضة العاجزة

حينما يبكي زملاء كمال عبد اللطيف إنما يبكون لدوافع انسانية و هي قمة التعبير عن مدى الاحترام و التقدير لذلك الرجل
و البكاء تعبير انساني و تلقائي حميد
لكن الطير ديل رايحة ليهم و بيهضربوا

عليه يسهل .. ولو دامت لغبرك لما وصلتك

Quote: العاملين تحدثوا بصراحة عن افضال الرجل عليهم والله اشهد الله يوم القيامة الذين تحدثوا ليس بكيزان وتحدثوا بحرقة شديدة لما ليقوم به الرجل من خدمة لهم وانه يحسن فيهم

الباكين والمتحدثين ديل هم الحاشية والخاصة الكان بصرف عليها من حر مال الدولة
ويسفرهم واسرهم في رحلات ترفيهية للفسحة والاستجمام بالجملة
عشان كده ليهم حق يبكو
وهو نفسو ليهو حق يبكي كان كالمنشار طالع ماكل نازل ماكل
شكلو باكي على عقد الشركة البريطانية اللسه ما قبض اكلتو فيهو

لك التحية والتقدير اخى العزيز كمال عبد اللطيف

ومشهود لك بالحماس والحركة فى العمل وكل ما قلته حق

وانا شاهد على ذلك خلال الاربعة اسنين التى عملت فيها معك

ويكفى شهادة سيدى الرئيس عنك عندما قال

كمال بيعمل 48 ساعة فى اليوم وما بينوم الا بعد ما يكمل شغلو والتكاليف

ويرفع التقرير

لك التحية اخى كمال والتقدير الكبير الذى يليق بمقامك

وهى استراحة محارب

وحقيقة تستحق هذه الاستراحة بجدارة

والف مبروك

أول مّرة أعرف أنه المنآصب الحكومية دى مهمة..
لدرجة أنه الوآحد بيبكى لو شالوه بّره..
ومآل لو الانقاذ كلها شىآلوها بّرة..
بما فى ذلك عمر البشير..
حيحصل ليهم شنو؟

حاجة عجيبة..

صعب الفطام لمن ظل يرضع 24 عاما