يامناهضي العنصرية بالبورد اريد رايكم ....

Quote: لماذا النائب الثاني وليس النائب الأول يعني يا أبناء دار جعل بتخافوا من جون قرنق فقط وأعطيتوه نائب أول ، طيب شمروا سواعدكم للقتال ، يعني 750000 ثلاثة أرباع مليون يسيطرون على 33 مليون نسمة ، الحرب ستستمر حتى تحرير السودان وين أهل الشرق وكردفان والنيل الأزرق .

Quote: السودان هو دولة العنصريين وهي دار جعل ، بعدما قسموه وأضاعوه سيفرون منه كما فر أسلافهم ، من الغباء أن يظن هؤلاء أن بقية السودان لا يفهمون ما يدور .

عايز رايكم في الكلام ده شنو عشان لمن نرد بالطريقة التي تليق بمقام كاتبها .... ما نسمع البكاء والسكليب وفلان ده عنصري وعلان ده قالنا وقالنا ...


منتظر ردكم

الكلام ده من هنا ..

نافع نائبا اول لرئيس الجمهورية وأنتصر نافع ####

سلام يا أسامة ...
ما حاسب نفسي من (مناهضي العنصرية بالبورد ) ... العنصرية مرض مناهضتو فرض عين ... خشيت أشوف الكلام المكتوب ...
و ما أظنك و لا أظن أي زول محتاج يعلق على الكلام العنصري القبيح ده ... و الاشكالية مافي قباحة الكلام و كذبو و عنصريتو و بس ... الاشكالية إنو دي نفس النغمة البتعزف عليها الحكومة مما بقت موسيقى الدين لا تطرب أحدا !!!
الانقاذ بتقنع في الناس إنو نحن كان مشينا بجوكم الغرابة الحاقدين ديل يكتلوكم في بيوتكم ... و يجيك المناضل ده ... يعزف في نفس الوتر.... ما تعرف مرسلنو و لا مشاركة منو في القضاء على ما تبقى من أي إحتمال إنو يوما ما يكون عندنا بلد نفخر بالانتماء إليها !!!

أسامة بابكر ياحبيب ليس مصادرة لارائك لكن هنا مناهضي العنصرية عندهم
مكياليين عشان كدة أنا ما قاعد أنتظر مناهضين ولا ناشطين ولا يحزنون العين
بالعين والسن بالسن والباديء أظلم البيتعنصر بشبعو عنصرية ,والبيشتم بكيل ليهو
من الشتم رحلة الشتاء والصيف وماتسمع ناس باركوها وخليك حليم أنا حقي قاعد
أخذو في الدنيا مقدما .

أردموا الناس الشايلين السلاح والمساكين خلوهم ..

بريمة

Quote: أردموا الناس الشايلين السلاح والمساكين خلوهم ..

عاين تور الله في برسيمه بريمة داخل بعين قوية في بوست عن مناهضة العنصرية!!

ليس اخطر من كلام صديق الغالي الاّ نصف السطر التحت ده:

Quote: الانقاذ بتقنع في الناس إنو نحن كان مشينا بجوكم الغرابة الحاقدين ديل يكتلوكم في بيوتكم .

اولاً: الكاتب اتفق مع صديق الغالي في جزئية ان الانقاذ فعلا سلطة جهوية و محتكرة من قبل مجموعة معينة بدليل توجيه خطاب
عنصري الى فئتها الجهوية (الناس) المنتقاة من جموع السودانيين و مفاده "أن الغرابة الحاقدين مستهدفنكم" بمعنى اخر أن السلطة
ليس بها غرابة نافذين و الاّ قل لي كيف تتجرأ الحكومة و تحذر بعض الرعايا و قد يكونوا اقلية من تنكيل رعايا اخرون في نفس الوطن!!
ثانياً: لو افترضنا ان الانقاذ ده مجنتر و فاطي صفحة كاملة من خلال هذا الخطاب العنصري الموجه لل (الناس)، طيب (الناس) ديل
ما فيهم زول عاقل، لأن من يستمع لهذا الخطاب المنتقاة من وراء ظهر بقية المواطنين و ما يتخذ (بولد اكشن) فهو متفق مع الانقاذ
و الانقاذ تعبر عن مصالحه الضيقة و الواسعة و هو يعبر عن الانقاذ و يدعمه للبقاء و ان ذهب الانقاذ فيجب ان يأتي هو في ثوب أخر.
ثالثا: استخدام كلمة (الناس) و المعني به جزء من المواطنين في مقابل الغرابة يعتبر تنميط عنصري.

نصيحة لل (ناس) البعيروا اذانهم للانقاذ و بستمعوا لكلامها العنصري، حقوا تمشوا تراجعوا سجلات القيادة العامة و الشرطة
و تشوفوا الشايلين السلاح ديل منو و بحاربو في منو و ل شنو و عشان منو و بعداك بتعرف موقعك وين من الاعراب.

تحية للجميع

اولاً: يجب ان نكونوا واقعيين ونقر بان السودان دولة قبلية صرفة .. وان هناك أقلية من ابناء قبائل محددة تحكم السودان وتدير شؤونه منذ الاستقلال الي يومنا هذا ..
وأن هذه الاقلية هي التي وضعت السودان في هذه الحالة المأساوية .. لو انكرنا هذه الحقيقة فسنكونوا كالذين يبحثون عن طواحين الهواء ..
فمن اراد ان ينتقد الناس من هذه الزاوية .. عليه ان يكون هادئاً وموضوعياً بعيداً عن التعصب والشتائم .. لحساسيته .. والا سنجد انفسنا في دائرة الشتائم والشتائم المضادة


ثانياً: يجب علي الناس ان يفرقوا بين فعل الافراد او الاقلية وموقع الجماعة .. شخصياً ارفض هذاالتنميط والحديث العنصري الذي يرمي بجميع قبيلة الجعلية (الصالح والطالح) في سلة واحدة ..
صحيح ان هناك بعض من ابناء الجعلية شاركوا في الحكومات الاستبدادية التي تأذي منهم الشعب .. بما فيهم ابناء الجعلية انفسهم .. وهذا لا يعطي الحق لاي كان ان يكيل اللوم والشتائم لعموم قبيلة الجعليين ..
وانا كدارفوري متضرر من هذا المرض العضال الذي يسمي (بالعنصرية) اري ان هذا الحديث عنصري وتحريضي مرفوض .. قبيلة الجعلية مكون اساسي من مكونات الشعب السوداني .. لهم كل الحقوق وعليهم كل الواجبات كغيرهم ..
سواء كان إبنهم علي رئاسة السودان او غيره .. وسنتصدي بكل قوة لمن يستهدف القبيلة بعينه ويضع الكل في سلة التجريم .. ولا تزر وازرة وزر اخري ..
ولكن ان كان هناك من ينوي استهداف افراداً لخلفيتهم السياسية او الحزبية، فله شأنه (القشة ما تعتر طريقو)




فتكم بي عافية






خارج النص:
––––––––––––––––––––––––––––––––––––––––––––––––––––––––––––
الجعليين سمعت عنهم كل السوء عندما كنت في السودان .. واعتبرتهم جميعاً امثال نافع المانفع والبشير الدجال ..
وعندما عايشتهم في المهجر عرفت انهم رجال واولاد اصول .. لا يعرفون للتطاول والبخل والجبن معني .. اما امثال ابو العفين نافع والبشير الكذاب اكاد اجزم بانهما لا ينتميان لهذه القبيلة

والله اخونا أبو النور المن الفيسبوك التحت دا، يطرشني لو فهمت من كلامو حاجة!!







تعديل من اجل خطأ إملائي

الفاضل اسامه بابكر

كامل ادانتي لاي تجاوز عنصري.

الا سؤالي ليك اين كتب هذا الكلام احضر الاقتباس....ذلك يكون افضل.


حاي نعرف السياق الذي تم فيه لنحكم فيجب ن تضع لينك.



اخوتنا الجعلين حقيقة تاثروا كثيرا بتجاوزات ناس البشير بحق الاخرين

ولكن الحقيقه التي لا يختلف فيها اثنان.....انهم عصب معظم الحراك السوداني كله يساره بيمينيه

وانهم قدموا.....الكثير من الرجال و النساء الخيرين جدا والذين اسهموا بكل قوة في تاريخ الشعب السوداني.




شكرا لاخ محمود علي شهاداه هذه.
يعلم الله انهم خير سند وعون كثيرا. ولعن الله السيسيه التي فرقت ابنا الوطن الواحد وبناته.

Quote: وعندما عايشتهم في المهجر عرفت انهم رجال واولاد اصول .. لا يعرفون للتطاول والبخل والجبن معني .. اما امثال ابو العفين نافع والبشير الكذاب اكاد اجزم بانهما لا ينتميان لهذه القبيلة

وان كنت لا اتفق معك في هذه ايضا فصحيح كل منا يتحدث عن الجزء من (السودانين الذين احتك بهم)

Quote: الجعليين سمعت عنهم كل السوء عندما كنت في السودان .. واعتبرتهم جميعاً امثال نافع المانفع والبشير الدجال ..

عارف يا محمود هذا الكلام ليس صحيح ومن حدثك ايضا فكر (بتعمم قبلي) مخل.
عارف ليه؟! الآن مقلا اتابع انتخابات المحامين دون سؤال عن قبائلهم ولكني اعرف شخصيا الكثيرين منهم
ستجد اشرس الاسماء التي لا باعت لا اشترت يوما مبادئها منهم جعلين
الذين يتصدون الان للبشير ويقلقون مضجعه جعلين.
ولو بحثنا شهداء سبتمبر ايضا في نواحي قبليه سنجد الكثيرين منهم جعلين.
ولو حثنا امعتقلين هبة سبتمبر سنجد الكثيرين منهم جعلين.

وانت يا محمود فعلا وغيرك قد يكونوا اكثر ممن يمكن ان يكتوا بالتعميم
فلو حسبنا باطار قبلي(سنجد اكثر من طبع ووقع مع هذه الحكومه من الثوار هم من الزغاوه.)
ولكن ايضا لو بحثنا قوائم الشهداء ايضا سنجد اغلبهم من الزغاوه فماذا يجب ان نعمم يا تري؟!

فبينما
وقع آدم شوقار
ووقع ناس كمال فرنساوي
ووقع ناس محمد بر رحمه الله
ووقعوا ناس نهار عثمان نهار.
ووقع مناوي ابوجا وان تمر بعدها لكنه وقع يوما ما
ووقع ناس ضحيه اركو رحمه الله
ووقعوا ناس بحر ابو قرده و...عيييييييك القصه طويله.

ولكن ايضا استشهد
د.خليل ابراهيم
واستشهد عبد الله ابكر
واستشهد عشرات الشباب بل مائات الشباب.

يبقي فعلا آخير نمسك في (ولا تزر وازرة وزر اخري)
وده افيد لينا كلنا كسودانين.


عنصرية بعض الجعلين
لا يجب ان تععم علي الغالبيه
فهم فيهم ايضا من افضل من كتب عن العنصريه و ادان العنصريه .
لو تاملنا فيمن يكتبون الان عن مانديلا ستجد اغلب عشاقه ايضا جعلين
ذان هؤلاء يوما انحازوا لوعيهم الافريقي وفخروا بقياداتهم الافريقيه ووقفوا ضد سياسية الفصل العنصري.
بل حتي لو تاملنا في الجيل الذي منح مانديلا جواز سفر سودانيا قد نجد اغلب من قرروا كانوا جعلين.


فالحمد لله من قبل و من بعد علي كل من افاق علي سودانيته.

وبنفس هذه العيون لن نعمم بشان اي قبيله سودانيه مهما اساء لنا بعضها او تكاول بحق الاخرين يظل سلوكه يسنب له وحده.

اول حاجة مشكورين كل المتداخلين ونبدأ بالسيرة الذاتية للبشير ...

Quote: * ولد المشير عمر حسن أحمد البشير رئيس جمهورية السودان بقرية حوش بانقا ريفي شندي، في 1 يناير 1944 العمر 64 سنة الآن * ينتمي للبديرية الدهمشية وهي إحدى القبائل العربية التي تستوطن شمال السودان، وإقليم كردفان. * متزوج من ابنة عمه: فاطمة خالد البشير * ثم تزوج من السيدة وداد بابكر، أرملة صديقه وزميله في مجلس الثورة الشهيد إبراهيم شمس الدين. * درس مراحله التعليمية الأساسية في مدارس منطقة شندي ، شمال السودان. * درس المرحلة الثانوية بالخرطوم، حيث تلتقى بنائبه الآن الأستاذ علي عثمان محمد طه. * تخرج في الكلية الحربية السودانية في عام 1967م الدفعة 18 * نال ماجستير العلوم العسكرية بكلية القادة والأركان عام 1981 م * ونال أيضاً ماجستير العلوم العسكرية بماليزيا 1983 م. * حصل على زمالة أكاديمية السودان للعلوم الإدارية عام 1987 م. * شارك في حرب العبور ضمن الجيش العربي المصري ضد العدوان جيش دولة الكيان الصهيوني في 1973 . * عمل بالقيادة الغربية من عام 1967 وحتى 1969 م، ثم القوات المحمولة جوا من 1969 إلى 1987 م، إلى أن عين قائداً للواء الثامن مشاة مستقل خلال الفترة من 1987 إلى 30 يونيو 1989م. * وهو برتبة عميد.أصبح رئيساً لجمهورية السودان في 30 يونيو 1989م، عبر انقلاب عسكري ، قام به بالتعاون مع الجبهة الإسلامية القومية بقيادة حسن الترابي. * ظل في منصب رئيس مجلس قيادة ثورة الإنقاذ الوطني من 30 يونيو 1989 إلى 16 أكتوبر 1993م. ثم انتخب رئيساً للجمهورية. * يتولى رئاسة حزب المؤتمر الوطني، الحزب الحاكم. * وقع اتفاقا للسلام عام 1996 مع مجموعة الدكتور رياك مشار- نائب رئيس حكومة الجنوب- بعد انشقاقها عن دكتور جون قرنق عام 1991. * وصلت حكومته لاتفاق سلام مع الحركة الشعبية لتحرير السودان المتمردة في جنوب السودان، اقتضى قسمة الثروة والسلطة وإعادة بناء المؤسسة العسكرية، في العام 2005م. * ينتمي الرئيس البشير للحركة الإسلامية السودانية منذ أن كان طالباً بالمرحلة الثانوية. * استشهد أخوه المجاهد الطبيب: عثمان البشير ، في أحراش جنوب السودان. * يحظى البشير بحب وتقدير داخل السودان وخارجه، لتأييده المعلن للقضايا الإسلامية.

وده هنا زيادة خير ...

http://ar.wikipedia.org/wiki/%D8%B9%D9%85%D8%B1_%D8%A7%D9%84...A8%D8%B4%D9%8A%D8%B1

ده كل الموضوع تلقيه هنا ياتراجي

نافع نائبا اول لرئيس الجمهورية وأنتصر نافع ####

Quote: سلام يا أسامة ... ما حاسب نفسي من (مناهضي العنصرية بالبورد ) ... العنصرية مرض مناهضتو فرض عين ... خشيت أشوف الكلام المكتوب ... و ما أظنك و لا أظن أي زول محتاج يعلق على الكلام العنصري القبيح ده ... و الاشكالية مافي قباحة الكلام و كذبو و عنصريتو و بس ... الاشكالية إنو دي نفس النغمة البتعزف عليها الحكومة مما بقت موسيقى الدين لا تطرب أحدا !!! الانقاذ بتقنع في الناس إنو نحن كان مشينا بجوكم الغرابة الحاقدين ديل يكتلوكم في بيوتكم ... و يجيك المناضل ده ... يعزف في نفس الوتر.... ما تعرف مرسلنو و لا مشاركة منو في القضاء على ما تبقى من أي إحتمال إنو يوما ما يكون عندنا بلد نفخر بالانتماء إليها !!!

وده كان ردي ليه يابروف ...

Quote: يا Siddig Elghali ياخوي انت موضوعك شنو مع الجعليين ؟؟؟؟ قبل ايام اتداخلت معاك في موضوع وقلت ماقاصد الجعليين وسكتنا خليناك واليوم شايفك جايبة علي بلاطة .... وكما قلت لك سابقا الجعليين البعرفهم لو كانوا داعمين للبشير لن تستطيع انت وامثالك من فعل شئ والنظام ده بسلمة لي عيسى ... وعايز احكي لك قصة لمن كنا طلاب في الجامعة كانت عندنا انتخابات واحد اعضاء هذ المنبر من الشهود وتم اعتقالنا وضربنا من الدارفوريين الذين يتباكون الان ... وضابط الامن الذي ضربنا وقال بملأ فمه ( اضربوا الجعلي لانه عايز اسمعو يقول واي ) لكن القاها عند غافل ( وان سمعن بنات الحي اقولن جرسوا راجلا اضينة وني ) كما قال بلسان بامسيكا في رائعة عثمان حميدة ... الغريبة هذا الضابط نفسه رايته في مظاهرات سبتمبر من ضمن المتظاهرين عبر السفارات يحمل مكبر صوت ويتباكى على شهداء سبتمبر الابرار ... شفت الدنيا سداية كيفن ؟؟؟؟ شوف Siddig Elghali الدارفوريين والغرابة هم من ثبتوا اركان هذا النظام والجعليين الذين تتحدث عنهم هم معارضين لهذا النظام منذ 1989 م ... وفي كل حكومة الانقاذ هذه لم يكن هناك جعلي خلاف ابراهيم شمس الدين ... تعال والحساب ولد نشوف الجعليين كم ؟؟؟ والغرابة كم ؟؟؟؟ ولاحظ بالرغم من انني متاكد بان الدارفوريين اضعاف واضعاف الجعليين لكننا رغما عن ذلك لم نصمت بما حدث في دارفور من محارق ومجازر من النظام ... لان المجرمين الدارفوريين الذين شاركوا النظام لم يشاركوا باسم دارفور وقبائل دارفور ... ونعلم تماما بان هناك شرفاء من ابناء دارفور وقبائل دارفور ... اخر شئ انتو قايلين ثورة سبتمبر لم تنجح حبا في الكيزان ؟؟؟ لا والله عينة حديثك العنصري هذا هو من يجعل الشرفاء يصمتون بجريرة ان البديل لهذا النظام هم عنصريين امثالك وامثال من يرمون الكلام على عواهنه لا لشئ سوى مرارات واحساس بدونية تخصهم هم لا نحن ... وتاني بقول هذا الخط الذي تسير فيه يخدم النظام ويجعل النظام يضرب على هذا الوتر القبلي الجهوي ... واعرف كثر يقرأون غثاءك هذا ويتحيدون ويقفون متفرجين بسبب خطابكم العنصري الذي يجعل الكثيرين ما بين امرين كلاهما مر نظام قمعي دموي واصوات معارضة عنصرية كل دأبهم القصاص من الجعليين وقبائل النيل بشكل عام ( الجلابة ) في الختام واصل في خطابك هذا وتنقد الرهيفة ... مرض امرضك ... وقال طالب دكتوراة طيب الرعاع عندكم بكونوا كيف ؟؟؟

Quote: أسامة بابكر ياحبيب ليس مصادرة لارائك لكن هنا مناهضي العنصرية عندهم مكياليين عشان كدة أنا ما قاعد أنتظر مناهضين ولا ناشطين ولا يحزنون العين بالعين والسن بالسن والباديء أظلم البيتعنصر بشبعو عنصرية ,والبيشتم بكيل ليهو من الشتم رحلة الشتاء والصيف وماتسمع ناس باركوها وخليك حليم أنا حقي قاعد أخذو في الدنيا مقدما .

باهي ياحبيب ياخوي الناس ديل بي كلامهم ده قايلين بخوفونا تصدق !!!!!!!! الناس ديل باقي لك الباهي ماسمعوا غناينا لمن قال :
نحنا أولاد جعل أهل السلام ومعارك جينا نهني وجينا نغني وجينا نبارك.
وكتين خبتو النحاس وتيتلن صقارك نحنا كسيحنا في الحوبات بكاتل بارك.
دحين البسمع الكلام ده تاني برجع لا ورى ؟؟؟؟

Quote: عارف يا محمود هذا الكلام ليس صحيح ومن حدثك ايضا فكر (بتعمم قبلي) مخل. عارف ليه؟! الآن مقلا اتابع انتخابات المحامين دون سؤال عن قبائلهم ولكني اعرف شخصيا الكثيرين منهم ستجد اشرس الاسماء التي لا باعت لا اشترت يوما مبادئها منهم جعلين الذين يتصدون الان للبشير ويقلقون مضجعه جعلين. ولو بحثنا شهداء سبتمبر ايضا في نواحي قبليه سنجد الكثيرين منهم جعلين. ولو حثنا امعتقلين هبة سبتمبر سنجد الكثيرين منهم جعلين.

شكرا الاخت تراجي علي هذه الشهادة ...

Quote: صحيح ان هناك بعض من ابناء الجعلية شاركوا في الحكومات الاستبدادية التي تأذي منهم الشعب .. بما فيهم ابناء الجعلية انفسهم .. وهذا لا يعطي الحق لاي كان ان يكيل اللوم والشتائم لعموم قبيلة الجعليين ..

يامحمود علي عايزك تعطيني اي مكون سوداني لم يشارك في الحكومات الاستبدادية ؟؟؟ وبما انك دارفوري اعطيك رايي الحركة الاسلامية الطلابية في التسعينات كانت تعتمد بشكل مباشر علي الطلاب الدارفوريين ... كل التزوير في الانتخابات الذي حصل بعد مجئ الانقاذ كان علي يد الطلاب الدارفوريين ... حتى صار يطلق على دارفور داركوز ...

Quote: الجعليين سمعت عنهم كل السوء عندما كنت في السودان .. واعتبرتهم جميعاً امثال نافع المانفع والبشير الدجال .. وعندما عايشتهم في المهجر عرفت انهم رجال واولاد اصول .. لا يعرفون للتطاول والبخل والجبن معني .. اما امثال ابو العفين نافع والبشير الكذاب اكاد اجزم بانهما لا ينتميان لهذه القبيلة

مشكور برضو علي كلامك هذا ...

الصديق اسامة لك التحية

معليش يا حبيب انت نظرت وركزت علي الجزء الفارغ من الكأس وتفاعلت معه .. ما مهم

Quote: يامحمود علي عايزك تعطيني اي مكون سوداني لم يشارك في الحكومات الاستبدادية ؟؟؟ وبما انك دارفوري اعطيك رايي الحركة الاسلامية الطلابية في التسعينات كانت تعتمد بشكل مباشر علي الطلاب الدارفوريين ... كل التزوير في الانتخابات الذي حصل بعد مجئ الانقاذ كان علي يد الطلاب الدارفوريين ... حتى صار يطلق على دارفور داركوز ...

ولكن عن هذه الجزئية اراك قد بالغت فيها كثيراً والله!
يا أسامة يا حبيب انا تحدثت عن فئة محددة وقلت بانهم يستحقون اللوم لا القبيلة! اردت بذلك ان ابرء القبيلة ولم اقصد تجريمها .. هل قرأتها باستعجال؟
وبعدين انا اقول ليك مشاركة علي مستوي القرار (يعني رئيس، نائب رئيس، وزير داخلية، خارجية، دفاع،) زائد (قيادة الشرطة، قيادة الجيش، جنرالات الجيش والشرطة ..الخ)
تقول لي اتحادات الطلاب وداركوز وهلمجرا!!
كلامك دا ما ياهو بحد ذاتو يدعم الكلام البقولوا انا .. ما ياهو نحن كدارفوريين من ما فتحنا عيونا لقينا انفسنا كالرجل الكسيح والناس الساكنين قصر غردون هم البقودونا زي ما عاجبهم وبيكبروا بينا كيمانهم!
يعني العساكر، العساكر النفر نحن، البيموتو في الحروب نحن، والبيشتغلوا الاعمال الشاقة نحن، والبيتاجروا البضاعة في الحر نحن، والبيشيلوهم قباحة الحكومات (امني، كوز، عسكري نفر، جنجويد) نحن شفت كيف!
يعني البيحددوا مصير البلد هم اولاد الصفوة والبيمسكو في القرون وبيشيلوا وجه القباحة نحن ديل .. وبعد كل دا يجي واحد ناطي هوبة ويقول ليك كيزان وفلتكان!!
الكوزنة قدمت لينا شنو ياود العم؟ وفكرة الكوزنة دي طبخناها وجبناها من قصر علي دينار؟ ما طبخوها اولاد الصفوة في قصر غردون ذاتها وشيلونا قباحتها لا غير!!
ودي بحد ذاتها جريمة في حق انسان دارفور!

يا اخي اتحاد طلاب شنو يا اسامة البتتكلم عنها .. جامعة الخرطوم دي كلها الهي ارقي واعرق جامعة علي تاريخ السودان دي ومنذ تأسيسها الي يومنا هذا لم تستطيع ان تدفع بواحد من خريجيها بما فيهم دكاتراها الي كرسي الرئاسة تقول اتحاد طلاب ماسكنوا انتوا!!
مافي اي منظمة من منظمات المجتمع المدني ولا اي اتحاد ولا بطيخ يستطيع ان يحدث اي اثر في مصير هذا البلد الاسمها السودان دي الا الديناصورات المعروفين والممسكين بخيوط اللعبة الشئ الذي تسبب في ولادة هذا البوست نفسه! فلا تجهد نفسك يا صاحب

عموماً يا صديق لا تتعب نفسك بالردود علي مداخلاتي التي يبدوا أنك قد أسأت فهمها حتي لا تحرف بوستك .. لان الموضوع يتعلق بالادانة او عدمه وانا قلت رأيي الذي اؤمن به وبكل وضوح بخصوص العنصرية النتنة الفوق دي .. واكررها مرة اخري .. الكلام المكتوب في الاعلي كلام عنصري وقبيح وادينه بكل العبارات .. والجعليين اخوتنا وان انكروا ذلك .. وقبيلة الجعليين فوق رأسنا .. والخزي والعار علي كل الذين أساءوا علي الشعب السوداني ان كانوا من الجعليين او الزغاوة او البني عامر او الشايقية او الفلاتة او غيرهم

أما إذا اردت أن تنقاش الموضوع الذي طرحته في سؤلك الذي يشوبه شئ من التعميم والذي يعيدنا بدوره الي ذكر القبيلة والجهة وما شابه ذلك .. فاري بانه من الافضل ان تخصص له بوست بذاته .. لان الموضوع في غاية التعقيد

ومعك السلامة يا أسامة

العزيزة تراجي بنت مصطفي حبابك

مدة طويلة يا أم حازم .. عساك بخير .. جميل ان نلاقيك في حوش بكري وللمرة الاولي ..
غبت عن المنبر في الايام الماضية لدواعي المشغولية وما زلت مشغولاً ولكنني ساعود بقوة في الايام القادمات انشاء الله
شكراً علي تعقيبك واضافتك الثرة .. انت عارفة يا ست الكل .. ان هناك بعد من الموتورين يثيرون الكثير من البلابل والفتن علي حساب انسان دارفور المسكين والمغلوب علي امره والقابع في جحيمه ..
عليكي بالله قولي لي من سيستفيد من مثل هذه النعرات العنصرية وفي مثل هذا الوقت بالذات!
يا اخي إن لم تستطيع ان تقول خيراً فاصمت .. هكذا يقول المنطق والدين .. ولكن ان تأجج شرارة يتأثر به الكل وتذهب وتنام غرير العين .. هو امر مستنكر ..
هذا الرجل يقول ما لا يعي ويفعل ما لا يعقل باستمرار .. والاسوء في الامر هو عدم وجود بصيص أمل علي تغيير سلوكه .. يغيب وياتي هو هو .. رجرجة وقوقاعية بلا حدود ..
تارة مع ابناء دارفور انفسهم .. وتارة اخري مع ابناء الشمال وكلها بلغة القبيلة والعنصر!! يا اخي ضرستنا والله .. الله يهديك يا بشر

ودي

التحية لكم ولضيوفكم أخي الأستاذ أسامة:
وأعتقد أن من واجبنا جميعاً، أنت، وأنا ، وصاحب الكوتيشن، أن ننشط في مجال مكافحة العنصرية خاصة في هذه الأيام ، أيام الرحيل المُــر لنيلسون مانديلا: الناشط الأبرز و الرمز الأهم في مكافحة ومحاربة العنصرية.

وليس لديّ ما أقدمه هنا أكثر من عِــبارة غاندي الساخرة:


( لا أحب التسامح و لكنى لا أجد أفضل منه للتعبير عما أسعى إليه ).

...
..
.

يامحمود علي انت كلامك جميل وعين العقل بس هاك شوف كلامي الكتبته انا ردا علي صديق

Quote: شوف Siddig Elghali الدارفوريين والغرابة هم من ثبتوا اركان هذا النظام والجعليين الذين تتحدث عنهم هم معارضين لهذا النظام منذ 1989 م ... وفي كل حكومة الانقاذ هذه لم يكن هناك جعلي خلاف ابراهيم شمس الدين ... تعال والحساب ولد نشوف الجعليين كم ؟؟؟ والغرابة كم ؟؟؟؟ ولاحظ بالرغم من انني متاكد بان الدارفوريين اضعاف واضعاف الجعليين لكننا رغما عن ذلك لم نصمت بما حدث في دارفور من محارق ومجازر من النظام ... لان المجرمين الدارفوريين الذين شاركوا النظام لم يشاركوا باسم دارفور وقبائل دارفور ... ونعلم تماما بان هناك شرفاء من ابناء دارفور وقبائل دارفور ... .

وانا اعلم تماما بان في دارفور شرفاء لذلك وقفنا معهم قلبا وقالبا ... ولم نحاسب الشرفاء منهم بجريرة الذين تعاونوا مع النظام ... والمشكلة الحقيقية يامحمود كما قالت الاخت تراجي كل مشاكل السودان وجهوها لقبيلة معينة ... بحكم ان الرئيس منهم ياخوانا رئيس السجم ده ماهو جعلي ولا بنعرفوا ونحن اكتر ناس في الدنيا عارضناه ... وتاني اجيك ناطي واحد مستنير ودكتور اقول في نفس الكلام البقولوا النظام ليفرق المعارضين .. وللاسف طارح نفسه معارض وبطيخ ...

Quote: لتحية لكم ولضيوفكم أخي الأستاذ أسامة: وأعتقد أن من واجبنا جميعاً، أنت، وأنا ، وصاحب الكوتيشن، أن ننشط في مجال مكافحة العنصرية خاصة في هذه الأيام ، أيام الرحيل المُــر لنيلسون مانديلا: الناشط الأبرز و الرمز الأهم في مكافحة ومحاربة العنصرية. وليس لديّ ما أقدمه هنا أكثر من عِــبارة غاندي الساخرة: ( لا أحب التسامح و لكنى لا أجد أفضل منه للتعبير عما أسعى إليه ). ...

شكرا يا الصادق ياخي المشكلة بالجد المنبر ده مقروء وكلام زي ده الصادق لو خليناه عدى بشوش لكل من يريد التغيير ...وده اخر سلاح لهذا النظام وهو النعرة القبلية وطرح الخطاب الجهوي ... وفي معارضين للاسف بيمشوا في خط النظام دون ان يشعروا بذلك ... نحن لا نحمل اي غبن الا علي من سرقوا الوطن .. لذلك اي خطاب عنصري جهوي قبلي من المفترض الجميع يتصدى له ...

وشكرا يا الصادق علي تهدئة الخواطر ..

Quote: ستجد اشرس الاسماء التي لا باعت لا اشترت يوما مبادئها منهم جعلين الذين يتصدون الان للبشير ويقلقون مضجعه جعلين. ولو بحثنا شهداء سبتمبر ايضا في نواحي قبليه سنجد الكثيرين منهم جعلين. ولو حثنا امعتقلين هبة سبتمبر سنجد الكثيرين منهم جعلين.

شكراً أم حازم فقد أنصفتينا حين ظلمنا الآخرون.
و شكراً للأخوان أسامة بابكر و عادل الباهي لتصديكم لعرة الرجال هذا الجهلول الذي يتسربل بزي العلماء و العلم منه براء.
و أما اولئك الذين يدعوننا للسكوت على الضيم و الحلم على أمثال هذا النكرة فنهديهم قول الشاعر الحكيم
و وضع الندى في موضع السيف بالعلا
مضرٌ كوضع السيف في موضع الندى
و ختاماً أقول إن الجعليين كقبيلة هى إحدى مكونات هذا السودان الذي نعيش فيه و نحن نحترم جميع القبائل و إذا تجرأ أحد السفهاء على مسنّا و لو بكلمة فإن القاعدة عندنا تقول من شتمنا ضربناه و من ضربنا قتلناه و لذلك لم و لن نحمل قبيلة هذا السفيه جريرته و إلا صرنا مثله و لقبيلته و لكل قبائل السودان وافر الاحترام

نطلب من الإخوة والأخوات عدم زج القبائل في حوارتهم ونقاشاتهم
ونرفض وندين بشدة الإساءات للقبائل السودانية
ويجب علينا العمل سويآ علي إنهاء هذه الظاهرة السيئة