Post: #1
Title: نحن والمؤتمر الوطني !!!
Author: omer osman
Date: 12-09-2013, 01:30 PM
Parent: #0
طوال 24 عاماً درجت الانقاذ على إتخاذ قرارات وتغييرات مفصلية مثل ما حدث في المفاصلة الأولي في 94 او المفاصلة الثانية في ديسمبر 2013م وبين هذه وتلك تحدث تغييرات اقل درجة واهمية لكن في كل الاحوال ظلت المعارضة والمعارضين وحتى نحن الجمهور نتلقف كل ذلك لنصنع منه نكتة على شاكلة قصة المرتبة او قصة السر قدور او غيرها او نتشكك فيه ونجنح لرسم خيوط مؤامرة نحكيها وحدنا ونصدقها وحدنا !!! هل تخضع احزابنا تصرفات وقرارات وتغييرات المؤتمر الوطني التى يجريها للدراسة والتمحيص هل نفكر نحن في مغزي ومألات هذه التغييرات !! لا لا للأسف لا نفعل ذلك !!! لذلك صدقوني سادتي سياتي يوم يكتب فيه طفلي طلال الذي اقص لكم الحكايات عنه ويكون وقتها خريج جامعي استيتس على الفيس بوك (يعني شنو التغييرات العمله المؤتمر الوطني ما مرتبة وقلبوها) ويمتلي الاستيتس بالوشوش الضاحكة واللايكات !!!
|
Post: #2
Title: Re: نحن والمؤتمر الوطني !!!
Author: omer osman
Date: 12-09-2013, 01:32 PM
Parent: #1
بالمناسبة دي نتيجة اللوتري متين  أني قد تعبت !!!
|
Post: #3
Title: Re: نحن والمؤتمر الوطني !!!
Author: saidahmed shami
Date: 12-09-2013, 02:07 PM
| Quote: بالمناسبة دي نتيجة اللوتري متين أني قد تعبت !!! |
شهر 5 
|
Post: #4
Title: Re: نحن والمؤتمر الوطني !!!
Author: Hani Arabi Mohamed
Date: 12-09-2013, 02:32 PM
Parent: #3
والبصبر لشهر خمسة منو ؟
شهر واحد دا متخارج من البلد دي وربّك كريم
تربية مواشي ولا عتالة ولا غسيل عربات ... اي مهنة شريفة
|
Post: #5
Title: Re: نحن والمؤتمر الوطني !!!
Author: Hafiz Bakhit
Date: 12-10-2013, 01:18 AM
Parent: #4
جنابو سلامات..
والله ماقلت الا الحق....
يادوب عرفت النكتة الكنا بنحكيها اول ايام الانقاذ عن الوداعية القالو ليها نميري قعد and#1633;and#1638; سنة كدي شوفي لينا زولك ده بيقعد كم ...
رمت الودع وقالت ليهم شايفة الستة والواحد لكن ماعارفة الواحد بي وين هسه عرفنا الواحد بي وين..
وربنا يكبر ليك الولد في ظل نظام ديمقراطي يحترم الاخر..
ياهاني شكلها كتمت....
|
Post: #6
Title: Re: نحن والمؤتمر الوطني !!!
Author: عمر التاج
Date: 12-10-2013, 07:08 AM
Parent: #5
ان قمنا على الحقيقية فالمؤتمر الوطني ذات نفسه ما قاعد يقوم بحسابات دقيقة وتمحيص ودارسة للتغيير الوزاري ..
كل حاجة في البلد دي بتجي فجأة وبتحصل ساي ومحصلتها ضغوط من جوة وبره ...
ثلاتة انفار - اسع بقو اتنين - هم البجيبو ويمشو الوزراء على كيفن ..
الباقين أما يشوفولم حلل .. أو يتلوتروا، والمستقبل يتخيل لي في الحل الأول .
|
|