صور طريفة من مخالصات نادي الهلال للتربية البدنية مع لاعبيه الأجانب بمكاتب اتحاد الكرة ..

الهلال يجري مخالصة مع لاعبيه المحترفين بمكاتب اتحاد كرة القدم السوداني..

شغل عنقالة وتجار زريبة العيش ..

Quote: شغل عنقالة وتجار زريبة العيش ..

في كل العالم الفرق الرياضية بتتعاقد مع الأجانب .. وتحصل خلافات بشأن الحقوق .. وتتم التسويات بين الأطراف .. لكن عمرنا ما شفنا زي الحاصل ده ..

ناس الهلال كان يكفيهم فقط إنهم ينفذوا إجراءات المخالصات دي في مكاتب إتحاد الكرة.. وكان ممكن تكون بشيك نقدي .. وبدون تصوير ونقل للحدث على مواقع الإنترنت .. والتصوير زاتو لزومو شنو .. ناس بيدوهم في حقوقهم .. يصوروهم ليييييه ؟؟

فعلا زي ما قلت يا الهادي .. منظر اللعيبة الأجانب وهم بيحسبو في القروش .. زي تجار الماشية أو العيش في الزريبة ..

شئ عجيب والله .. ومضحك .. ومبكي .. وما يحصل إلاَّ في السودان ..

ولسه .. يا ما في جراب الحاوي .. بلاوي ..

Quote: شغل عنقالة وتجار زريبة العيش ..

الأخ الهادي
تحياتي.
رغم اني مريخابي..الا أنني اختلف معك..هذه الصور صور مشرفة في اعطاء الحقوق لأهلها..قد يكون طريقة الدفع النقدي بهذه الصور تنتقص قليلا منها و لكن قد يكون ذلك ذلك لتعقد بعض الاجراءات البنكية و لسرعة انجاز هذه المخالصات.

لك الود يا صفوة.

سلامات يا هادي


احسن حاجة يكون موثق بالصور عشان بعدين ما يغالطونا ويمشو الفيفا تاني

اها يا الصفراب شفتوا بعينكم
ملايين الدولارات لاشباه اللعيبة
تاني ما تجوا تقولوا لينا وارغو

ليكم حق يا مريخاب تكونو في سنة أولي إدارة و الحضري يلعب بيكم زي ما عايز ..
اسه لو كنتو صورتوهو و هو بستلم قروشو ما كان قل عليكم أدبو و قال جمال الوالي ما كان يحلم يتصور معاي
علي الرغم من أنو ماخد مرتب أعلي من ما هو مكتوب في العقد و بدون أن يمضي علي أيصال إستلام
ثم هددكم بالفيفا حتي خضعتم لطلباته ..


بعد هذه الصور لا يمكن لأي من هؤلاء المحترفين أن ينكر هذه المخالصة

Quote: بعد هذه الصور لا يمكن لأي من هؤلاء المحترفين أن ينكر هذه المخالصة

هههه ينكر شنو يا خالد ديل ما صدقوا بعد شافو امولادي ويوسف محمد ليهم تلاتة سنة ساكين قروشهم

بس ما نسمع تاني نغمة هلال الوطنية وغيرها من ادعاءات ونشوف ائمة الجوامع رائهم شنو خصوصاً في ظل اذمة النقد الاجنبي الحاصل في البلد

هذه الصور لاقيمة لها لدى الفيفا او اي جهة قانونية

المستندات و العقود فقط لها الكلمة

الله يكون في العون

الزول دا شكلو قروشو ناقصة

مش كدا

شكرا هادي

صور مبالغه لكن!!!!
معقول محترف في نادي الهلال وكمان داخل مكاتب الاتحاد العام ويكون لابس سفنجه؟؟؟؟؟
قال احتراف قال!

Quote: وكان ممكن تكون بشيك نقدي

ماكان ممكن أخ/عبدالله دى عملة صعبة وديل أجانب والموانع كثيرة..

شكراُ أخى الحاج حمد يا مريخابى ياحقانى.

والله الصور لاظريفة ولا حاجة ..شىء عادى وياهو ده السودان....لكن الناس من الحبة بتعمل قبة.

تقديرى وإحترامى للجميع.

ده اذكي غسيل اموال اشوفوا في حياتي
الدفع الكاش للعيبة وهم بي طريقتم يدخلوها النظام البنكي

الزول المنطط عيونو وبسلم الكاش دا منو !!!!! فضول بس ...شكلو تعبان في القروش دي تعب ..

وقال بعض الحاضرين الجماعه يفتشو فى الفكه بمكاتب الاتحاد
كان يدوهم قروشهم دى عيش فتريته
قال محترفين والله يا الصفيراب حيرتونا،،،

شيك نقدي؟؟؟
والله كويس..عشان يمشي البنك يدوهوا سوداني ؟؟
بعدين العلم في التربيزه ده مالو زي علم فلسطين؟؟المثلث أحمر ...
ده الهلال...قال سيد بلد قال..عليك الله دي أشكال أسياد دي ؟

سلام يا شباب أجمعين..

بعد ده كلو الهلال أكل عرق هؤلاء اللاعبين..

ولم يسلمهم إلا جزء يسير من مستحقاتهم الكلية..

وأجبر اللاعبين المحترفين على العمل بالمثل القائل ( المال تلتو ولا كتلتو) .. ولكن إلي حين

قطع شك اللاعبين ديل لمن يوصلوا بلدهم سيقوموا برفع الشكاوى للفيفا للمطالبة ببقية المستحقات، وسيدفع الهلال شاء أم أبى..

Quote: توصل الهلال إلى مخالصة مع بمبا سينالي وسنكارا وسلمّهما جزءً من مستحقاتهما المالية وكان النادي الأزرق أودع 300 ألف دولار الاتحاد العام أمس وعلمت الصدى أن بمبا تسلم 17 ألف دولار ووقّع على عقد مخالصة فيما تصل مستحقاته كاملة إلى 33 فيما تسلم سنكارا 24 ألف دولار ومستحقاته على النادي 90 ألف دولار وينتظر الثنائي التذاكر ليغادران السودان بعد أن أنهى الهلال عقديهما.

لماذا لا يتعاقد الهلال "إذا كان لابد من التعاقد يعني" على قدر قروشه ؟؟

بصراحة وبعيداً برضو عن هلال مريخ.. لكن الهلال أصبح مدرسة ومضرب مثل في الاستنكاح والاستكراد

ده الكاش البقلل النقاش.