اقتراح جميل لبلاتيني .. وأتمنى أن يُعدّل ليكون هكذا ...

Quote: بلاتيني يريد تطبيق قاعدة الرجبي بدلا من الكروت الحمراء يتبنى الفرنسي ميشيل بلاتيني رئيس الاتحاد الأوروبي لكرة القدم "يويفا" اقتراحاً بإلغاء الكروت الحمراء في ملاعب كرة القدم، وتطبيق تجربة لعبة "الرجبي". وأشار بلاتيني في تصريحات لصحيفة إسبانية نقلتها "ديلي ميل" الإنجليزية: أدرس تغيير لائحة الكروت، وتطبيق تجربة لعبة الرجبي، بحيث يتم استبعاد اللاعب 10 أو 15 دقيقة بدلاً من طرده نهائيًا من الملعب. وأضاف أن هناك اقتراح بأن تمتد العقوبة لإيقاف اللاعب في المباراة التالية، مشيرًا إلى أنها مجرد فكرة، وسيتم طرحها على مسئولي الكرة الأوروبية لتحديد مدى إمكانية تنفيذها خلال مباريات كأس الأمم الأوروبية "يورو 2020".

التعديل:-

1- لا يتم دخول اللاعب المطرود إنّما يتم دخول لاعب آخر بدلاً عنه بعد انتهاء مُدّة الاستبعاد المُقرّرة .. شريطة عدم انتهاء فُرص تغيير اللاعبين للفريق صاحب اللاعب المطرود.

2- يتم احتساب زمن الاستبعاد بشكل نسبة أي بمقدار (كذا% من زمن المُباراة المُتبقي) .. على سبيل المثال 30% من الزمن المُتبقي من المُباراة كما في الصورة الموضّحة أدناه:-

يا صبري..
انا غايتو ما بعرف ريكبي..وفي إعتقادي الفكرة البيقول فيها بلاتيني دي تنظيرة منو ساي..وبلاتيني صراااحة زوودها حبتين وبقا شغال خرمجة في الايام الاخيرة دي ونظام انا موجود!!!
النظرية القاطعا من شبطو دي يخيل لي إنها بتعاقب اللاعب أكتر من إنها بتعاقب الفريق وكرة القدم كرة جماعية فيها الشر والخير يعم ..
بالنسبة لي إقتراحك بتاع النسبة فأكيد ده ح يعقد من الكورة ونبقا في الحكم يطلع الة حاسبة ويحسب ..القصة طبعا ما في الحساب القصة في الرربكة الح يعملها اللاعب بي الطردة دي ..
وعشان اوريك ليها تعال نفترض إنو اللاعب تم طرده قبل دقيقة من اللعب ونفترض إنو نسبتك المتفق عليها 50% ..يعني زولك ده ح يطلع 30 ثانية ويجي راجع ..ودي ولاااا من وجع الراس بتاع العنف اللي بيكون عملو ولااا من وجع الراس بتاع الزمن اللي اخدو الحكم عشان يطردو..

عن نفسي بشوف أفضل أفكار خلّاقة وخدمت الكورة هم عدم إرجاع الكورة للحارس متعمدة والإستلام باليد ..ورفع الحكم الرابع لي الزمن الإضافي للجمهور ..

Quote: عن نفسي بشوف أفضل أفكار خلّاقة وخدمت الكورة هم عدم إرجاع الكورة للحارس متعمدة والإستلام باليد ..ورفع الحكم الرابع لي الزمن الإضافي للجمهور ..

ياااخ انت زول كويس والله .......
حليل ابراهيم عطا ملك التقريش

Quote: انا غايتو ما بعرف ريكبي..وفي إعتقادي الفكرة البيقول فيها بلاتيني دي تنظيرة منو ساي..وبلاتيني صراااحة زوودها حبتين وبقا شغال خرمجة في الايام الاخيرة دي ونظام انا موجود!!! النظرية القاطعا من شبطو دي يخيل لي إنها بتعاقب اللاعب أكتر من إنها بتعاقب الفريق وكرة القدم كرة جماعية فيها الشر والخير يعم ..

في الكُرة الطائرة يتم استبدال اللاعب المطرود يا عُمر الفاروق .. وأعتقد كذلك في كُرة السلة (لستُ متأكد من كُرة السلّة)

أها في الحالة دي ممكن نقول إنّو الكُرة الطائرة ما كُرة جماعية ولاّ الفهم شنو ياخ ؟

Quote: بالنسبة لي إقتراحك بتاع النسبة فأكيد ده ح يعقد من الكورة ونبقا في الحكم يطلع الة حاسبة ويحسب ..القصة طبعا ما في الحساب القصة في الرربكة الح يعملها اللاعب بي الطردة دي .. وعشان اوريك ليها تعال نفترض إنو اللاعب تم طرده قبل دقيقة من اللعب ونفترض إنو نسبتك المتفق عليها 50% ..يعني زولك ده ح يطلع 30 ثانية ويجي راجع ..ودي ولاااا من وجع الراس بتاع العنف اللي بيكون عملو ولااا من وجع الراس بتاع الزمن اللي اخدو الحكم عشان يطردو..

ياخي دي حلّها بسيط جداً .. وهو تحديد زمن لا يتم بعده استبدال اللاعب المطرود .. مثلاً من الدقيقة 70 من المُباراة لا يتم احتساب نسبة ولا يحزنون ...
وبالنسبة لربكة الحكم .. فالحساب والآلة الحاسبة وبقية العدّة ممكن تكون من اختصاص الحكم الرابع .. يعني عند خروج الكارت الأحمر على الحكم الرابع تدوين وقت الخروج وتحديد وقت الدخول ...

Quote: عن نفسي بشوف أفضل أفكار خلّاقة وخدمت الكورة هم عدم إرجاع الكورة للحارس متعمدة والإستلام باليد ..ورفع الحكم الرابع لي الزمن الإضافي للجمهور ..

بالضبط كدا فكرة جميلة .. وكما ريّحتنا من تقريشات إبراهيم عطا .. برضو ريّحتنا من تضييع الزمن عند أولاد بُمبا ...

اعتقد في الكرة الطائرة حالتين من الطرد

طرد مؤقت و هو عبارة عن شوط واحد و طرد نهائي من المياراة

يمكن استلهام هذه الفكرة ويصبح هنالك انذار بالكرت الاصفر و طرد مؤقت بالكرت الاحمر

و طرد نهائي برفع الكرت الاحمر والاصفر معا

و يمكن هذا يتماشى مع مقترح عمل اربعة اشواط للمباراة

Quote: اعتقد في الكرة الطائرة حالتين من الطرد طرد مؤقت و هو عبارة عن شوط واحد و طرد نهائي من المياراة يمكن استلهام هذه الفكرة ويصبح هنالك انذار بالكرت الاصفر و طرد مؤقت بالكرت الاحمر و طرد نهائي برفع الكرت الاحمر والاصفر معا و يمكن هذا يتماشى مع مقترح عمل اربعة اشواط للمباراة

عمل أربعة أشواط للمُباراة بنفس المدّة الزمنية الحالية الكاملة للمُباراة (ساعة ونصف) مُريحة للاعبين .. ولكنّها قد تكون مملّة للجمهور ...

تسلم ،،،

التطور مطلوب يا صبري في قوانين اللعبة وفي تحديث آليات القوانين

يعني في المستقبل القريب سيكون اللعب بالكرة الذكية التي تعطي إشارات ضوئية بتجاوزها لخط المرمى أو خط التماس عندما يكون كل تخطيط الملعب وأركان المرمى مزودة بسنسورز

وفي المستقبل البعيد يعتمد التحكيم الآلي وإعادة لقطة الإصطدام في مجسم ثري دي على ارتفاع متر من أرضية الملعب لحساب الفاول

كل لاعب سيحمل سماعة خاصة بتوجهات الحكم فقط (حتى لا يقول أحد أنّه لم يسمع الصفارة)

سيكون التريكو عبارة عن لوحة دقيتال وعدد الكروت وألوانها ستظهر على تريكو اللاعبين كما ستظهر علامة على أحذية صانعي الأهداف في المباراة وهكذا

أي مقترح مهما بدا غريباً فيمكن أن ينقح ويضاف له أو ينقص منه ليكون سهماً من أسهم تطور لعبة كرة القدم وغيرها من الرياضات

وهو تطور مستمر ولن يتوقف

وبصورة عامّة

أولومبياد أثينا 1894 لم تكن كأولومبياد 2012 ولن تكن كأولومبياد 2014 الشتوية

لا من ناحية الألعاب ولا من ناحية قوانين الألعاب

يا صبري نفترض طيب الزول إنطرد وتم حساب المدة عشرة دقايق..والعشرة دقايق تمت..أها كييف ح يتم إدخال اللاعب ؟؟ الحكم يوقف الكورة ؟؟ولا يستمر لحدي ما تقيف الكورة براها؟؟
لو إستمرت الكورة فزولك المطرود ده مع الكورة الإنجليزية البتكون شغالة جوة الميدان ربع ساعة دي فزولك ده ممكن يقعد برة لحدي ما الحكم يصفر..:)
لو قلت يدخل تووشك كده فممكن يجوط هجمة للفريق التاني ويربك الناس..
صبري انا بقول ليك في الكلام ده عشان أوريك إنو أي إقتراح بيعقد الكورة بدل ما يسهلا ده اقتراح جوطة ساي..
بالنسبة للطائرة والسلة فإنت بتتكلم عن خمسة وستة لاعبين حايمين جمب عين الحكم في مساحة محدودة ..وماف علاقة بين قوانين كرة القدم والكرة الطائرة ولو قعدنا نقارن ف انا ح أوريك حاجات في الطائرة والسلة مستحيييل تطبق في كورتنا دي..

تخريمة :
يا جنابو ياخ حتتى بعد لاقيتني ما اقتنعت إني زول كويس؟؟ :):):)

هههههههههههه

فرانكلي داير يعملها ليكم بلي ستيشن :)


اعتقد افضل اضافة ممكن تكون هي انهم يسمحوا للحكام باستخدام الاعادة بالبطيء في حالة انهم ماعرفو يقررو صاح بالذات في المحكات المهمة زي عبور الكرة خط المرمى والتسللات القاتلة وضربات الجزاء

Quote: فرانكلي داير يعملها ليكم بلي ستيشن :)

هي أصلاً ماشة في الإتجاه دا ليس كرة القدم فقط بل حتى السيارة والمنزل ومكان العمل الإفتراضي

قبل 50 سنة عندما شاهد الناس ستارتريك والأبواب التي تفتح بالصوت والبطاقت الذكيه وأسلحة ضوء الليزر عدها البعض خيال

واليوم كل ذلك واقع تعيشه أنت وقد يضحك عليه جيل الغد

Quote: هي أصلاً ماشة في الإتجاه دا ليس كرة القدم فقط بل حتى السيارة والمنزل ومكان العمل الإفتراضي

يا فرانكلي .. أخونا خالد شكلو لسّة ما سمع بالسيارة ذاتية القيادة ...

يا ريت لو يتنقل عبر المواضيع ذات الصلة على رابط بحث (السيارة ذاتية القيادة) على قوقل هنا

Quote: اعتقد افضل اضافة ممكن تكون هي انهم يسمحوا للحكام باستخدام الاعادة بالبطيء في حالة انهم ماعرفو يقررو صاح بالذات في المحكات المهمة زي عبور الكرة خط المرمى والتسللات القاتلة وضربات الجزاء

بالضبط كدا يا خالد .. إذا أراد الفيفا إنصاف الفرق .. وإعادة الحقوق .. يجب أن يعمل باقتراحك هذا ...

Quote: لو إستمرت الكورة فزولك المطرود ده مع الكورة الإنجليزية البتكون شغالة جوة الميدان ربع ساعة دي فزولك ده ممكن يقعد برة لحدي ما الحكم يصفر..:) لو قلت يدخل تووشك كده فممكن يجوط هجمة للفريق التاني ويربك الناس..

يا عُمر الفاروق ياخي إنت زول بتاع لولوة !!
قول لي كيف ؟

حأقول ليك حالياً اللاعب المُصاب عندما يخرج خارج الملعب للعلاج .. مرّات الحكم بيأشر ليهو عشان يدخل والكورة شغالة .. أها هنا جوطتك لهجمة الفريق الثاني دي وإرباكك للناس دا موقعهما وين من الإعراب ؟!

Quote: التطور مطلوب يا صبري في قوانين اللعبة وفي تحديث آليات القوانين يعني في المستقبل القريب سيكون اللعب بالكرة الذكية التي تعطي إشارات ضوئية بتجاوزها لخط المرمى أو خط التماس عندما يكون كل تخطيط الملعب وأركان المرمى مزودة بسنسورز وفي المستقبل البعيد يعتمد التحكيم الآلي وإعادة لقطة الإصطدام في مجسم ثري دي على ارتفاع متر من أرضية الملعب لحساب الفاول كل لاعب سيحمل سماعة خاصة بتوجهات الحكم فقط (حتى لا يقول أحد أنّه لم يسمع الصفارة) سيكون التريكو عبارة عن لوحة دقيتال وعدد الكروت وألوانها ستظهر على تريكو اللاعبين كما ستظهر علامة على أحذية صانعي الأهداف في المباراة وهكذا أي مقترح مهما بدا غريباً فيمكن أن ينقح ويضاف له أو ينقص منه ليكون سهماً من أسهم تطور لعبة كرة القدم وغيرها من الرياضات وهو تطور مستمر ولن يتوقف وبصورة عامّة أولومبياد أثينا 1894 لم تكن كأولومبياد 2012 ولن تكن كأولومبياد 2014 الشتوية لا من ناحية الألعاب ولا من ناحية قوانين الألعاب

بالضبط كدا يا فرانكلي .. وكلامك جميل خالص ...
بس البقنع ناس عُمر الفاروق والمساطب الشعبية منو ؟ :)

يا صبري لاعب مرق دقيقة ورجع ما زي لاعب مرق نص ساعة وجاي عشان يخش توووشك!!!
اللاعب المطرود بي نظريتك القاطعا من شبطك دي ح تعقققد ما ح تبسط..لانو بعد شوية ح تقرل لي حكم رابع ومتابعة اللاعب والتاكد منو ومن كرتو زيو زي اللاعب البديل..
صبري نحن ناس المساطب الشعبية بأكد ليك بنعرف كورة احسن منكم المنظراتية

Quote: يا صبري لاعب مرق دقيقة ورجع ما زي لاعب مرق نص ساعة وجاي عشان يخش توووشك!!! اللاعب المطرود بي نظريتك القاطعا من شبطك دي ح تعقققد ما ح تبسط..لانو بعد شوية ح تقرل لي حكم رابع ومتابعة اللاعب والتاكد منو ومن كرتو زيو زي اللاعب البديل.. صبري نحن ناس المساطب الشعبية بأكد ليك بنعرف كورة احسن منكم المنظراتية

تعقّد شنو يا عُمر ياخ .. خُت الكورة واطة ياخ ...

يعني الحكم عايز يطرد الـ 22 لاعب مثلاً عشان يعقّد الأمور ؟!

في الغالب لاعب أو لاعبين .. ياخي قول 3 .. ودا كلّو في الوضع المُعتاد ...


عندك تغيير اللاعبين أثناء المُباراة مرّات بصل لـ 6 تغييرات .. يعني خلاص بقت على لاعب أو لاعبين مطرودين ؟!!!!!!!!!