Post: #1
Title: اليابان: سنجعل من الخرطوم أجمل وأنظف مدن القارة الإفريقية
Author: Frankly
Date: 12-05-2013, 07:40 PM
Parent: #0
Quote: اليابان تؤكد دعمها للسودان كصديق و شريك
التاريخ : 05-12-2013 - 03:26:00 مساءً
الخرطوم فى 5-12-2013 (سونا) شهد الدكتور عيسى بشري محمد وزير العلوم و الإتصالات، ممثلاً لحكومة السودان حفل الاستقبال الذي أقامه ريويتشي هوريي، سفير اليابان بالسودان، بمقر إقامته بمناسبة العيد الوطني لليابان والإحتفال بعيد الميلاد الثمانين لجلالة الإمبراطور أكيهيتو بحضور الدكتور حسن عبد القادر هلال، وزير البيئة و الغابات و التنمية العمرانية، وإدريس محمد عبد القادر، وزير الدولة برئاسة الجمهورية، و الدكتور الجزولي دفع الله، رئيس وزراء السودان الأسبق، و عدد من كبار الضيوف.
و نقل د. عيسى بشرىتهانى وتبريكات فخامة السيد رئيس الجمهورية المشير عمر حسن أحمد البشير لجلالة الإمبراطور أكيهيتو و لحكومة وشعب اليابان.
و قال أن العلاقات الثنائية بين السودان واليابان ممتدة الجذور و قد تنوعت كثيراً في الفترة الأخيرة مثمنا دور اليابان في دعم السودان في شتى المجالات خصوصاً في مجال التنمية، مشيراً الى أن اليابان تضع دائماً في الإعتبار دور النظراء السودانيين الهام في كل المشروعات اليابانية.
و أعرب عن إمتنانه للمشاريع اليابانية المستمرة التي تهدف إلى تحقيق طموحات الشعب السوداني و تحقيق السلام و الإستقرار و التنمية في السودان.
وأكد سفير اليابان أن بلاده ستواصل دعمها للسودان كصديق و شريك و ستتعاون مع الشعب السوداني من أجل تحقيق سلام و إستقرار و تنمية هذا البلد .
وقال السفير هوريي " خلال الاحتفال إنه زار 12 ولاية منذ أن حضر للسودان في مايو 2012 لمتابعة المشاريع المموله بواسطة حكومة اليابان و لإجراء حوارات مع ولاة الولايات و السكان المحليين حول كيفية توطيد العلاقة بين اليابان و السودان".
و أضاف السفير أنه ابتدر مؤخراً حواراً حول مشروع لإدارة التخلص من النفايات في السودان، "تحت شعار "سودان جميل، خرطوم جميلة"،مشيرا الي استعداده للتعاون مع نظرائه السودانيين لجعل الخرطوم أجمل و أنظف مدينة ليس فقط في السودان و لكن في القارة الأفريقية ككل".
يذكر أن مجموع مساعدات اليابان للسودان منذ العام 2005 بلغت أكثر من 1.1 مليار دولار أمريكي. |
|
Post: #2
Title: Re: اليابان: سنجعل من الخرطوم أجمل وأنظف مدن القارة الإفريقية
Author: cantona_1
Date: 12-05-2013, 07:47 PM
Parent: #1
يا فرانكلي حيكنسوا الحكومة من ضمن المكانيس الم######ين العاصمة ولا بكنسوا الكناسة بس؟ الشعب بيرمي الأوساخ في الأرض ولا يعرف ثقافة براميل القمامة فكيف وماذا يفعل اليابانيون مع هذا الشعب؟
تحياتي.
كبـّاشي الصـّـافي
|
Post: #4
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Frankly
Date: 12-05-2013, 07:51 PM
Parent: #2
يا كانتونا_1
الرؤية جميلة والمشوار طويل
|
Post: #3
Title: Re: اليابان: سنجعل من الخرطوم أجمل وأنظف مدن القارة الإفريقية
Author: محمد علي عثمان
Date: 12-05-2013, 07:51 PM
Parent: #1
أي كده كويس نظفوا البيت قبل تسلموا لأصحابه
|
Post: #5
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Frankly
Date: 12-05-2013, 07:53 PM
Parent: #3
| Quote: أي كده كويس نظفوا البيت قبل تسلموا |
كويس
|
Post: #6
Title: Re: اليابان: سنجعل من الخرطوم أجمل وأنظف مدن القارة الإفريقية
Author: أيمن محمود
Date: 12-05-2013, 08:35 PM
Parent: #5
هسا يا فرانكلي بترضى انو واحد ياباني اسمو تاكا ماكي يقول انو حا ينضفك ويبقيك أنضف زول في حلة وراء ؟!
|
Post: #7
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Frankly
Date: 12-05-2013, 08:45 PM
Parent: #6
| Quote: هسا يا فرانكلي بترضى انو واحد ياباني اسمو تاكا ماكي يقول انو حا ينضفك ويبقيك أنضف زول في حلة وراء ؟! |
أيوة
|
Post: #8
Title: Re: اليابان: سنجعل من الخرطوم أجمل وأنظف مدن القارة الإفريقية
Author: أيمن محمود
Date: 12-05-2013, 08:51 PM
Parent: #7
الله يهديك يا فرانكلي ياخ ! ... النظافة من الايمان، ونظافتك الشخصية من واجباتك انت - الا لو كنت لا قدر الله (معاق) !، فعادي ممكن الناس تساعدك !
|
Post: #9
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Frankly
Date: 12-05-2013, 09:43 PM
Parent: #8
كويس
|
Post: #10
Title: Re: اليابان: سنجعل من الخرطوم أجمل وأنظف مدن القارة الإفريقية
Author: طارق ميرغني
Date: 12-05-2013, 10:54 PM
Parent: #9
لكن يا فرانكلي الخرطوم دي عايزه غربله ومصمصه وتمير
زي الكبابي
اليابان بتقدر عليهو ؟؟
ولو قدرت نحن بنقدر نحافظ عليهو
القذاره الفي البلد اخي تحتاج الي نظافة ضمائر اكثر من كونها وساخة عده
|
Post: #11
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Abureesh
Date: 12-05-2013, 11:19 PM
Parent: #10
| Quote: اليابان: سنجعل من الخرطوم أجمل وأنظف مدن القارة الإفريقية |
الكلام دا عيب يا كمال.. المفروض دا يقولو الرئيس الســودانى..
بس تخيل الرئبس الأمريكى قال سنجعل لندن أجمل مدينة وشوف الإنجليز حيردوا عليه كيف.. عينك ما تشوف إلا النور.
|
Post: #16
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Frankly
Date: 12-06-2013, 06:14 PM
Parent: #11
Quote: الكلام دا عيب يا كمال.. المفروض دا يقولو الرئيس الســودانى..
بس تخيل الرئبس الأمريكى قال سنجعل لندن أجمل مدينة وشوف الإنجليز حيردوا عليه كيف.. عينك ما تشوف إلا النور. |
الكلام دا ما عيب يا أبوريش
وما نمفروض يقولوا غير القالو
المهم هو أن نرى غداً مدننا جميلة
يا أبو ريش هناك من يتمنى عودة الاستعمار لتعود الخرطوم جميلة, هذا هو العيب
المهم هو الاستفادة من الخبرات الأجنبية والإمكانيات اليابانية المهولة مادياً وعملياً في هذا المجال
كن بخير
|
Post: #13
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Frankly
Date: 12-06-2013, 09:01 AM
Parent: #10
Quote: لكن يا فرانكلي الخرطوم دي عايزه غربله ومصمصه وتمير
زي الكبابي
اليابان بتقدر عليهو ؟؟
ولو قدرت نحن بنقدر نحافظ عليهو
القذاره الفي البلد اخي تحتاج الي نظافة ضمائر اكثر من كونها وساخة عده |
كلنا نعلم مكمن الداء
المهم في الموضوع هو الإستفادة من الخبرات الأجنبية وخاصّة الأسيوية في هذا المجال
دعونا نوقد شمعة من أجل الوطن عوضاً من لعن الظلام
|
Post: #14
Title: Re: اليابان: سنجعل من الخرطوم أجمل وأنظف مدن القارة الإفريقية
Author: محمد علي عثمان
Date: 12-06-2013, 10:21 AM
Parent: #12
سائقو هيئة نظافة الخرطوم ينفذون إضراباً مفتوحاً
12-06-2013 10:20 AM
الخرطوم: عازة ابنعوف
دخل سائقو هيئة نظافة ولاية الخرطوم في إضراب مفتوح احتجاجاً على قلة الأجور بجانب مطالبتهم بالتأمين الصحي والاجتماعي، فيما أكدت مصادر مطلعة أن سائقي الهيئة يرهنون فك الإضراب بتلبية مطالبهم التي تمثلت في التأمين الصحي والاجتماعي وزيادة الأجور.
الجريدة
|
Post: #15
Title: Re: اليابان: سنجعل من الخرطوم أجمل وأنظف مدن القارة الإفريقية
Author: Mohamed Adam
Date: 12-06-2013, 11:04 AM
Parent: #14
| Quote: اليابان: سنجعل من الخرطوم أجمل وأنظف مدن القارة الإفريقية |
الأخ شيخ فرانكي السلام عليك ورحمة الله تعالي وبركاته.
اليابان مسكونه بهستيريا ، من تواجد أبناء عمومتها الصينيين والذي بدوره أضحي مكثفاً بالقاره السوداء...
الكلام بتاع تنظيف الخرطوم وما شاكله يعتبر بمثابة حقنة تخدير لكي يتم تنفذ سياسة مؤتمر" تيكاد" الخامس
بمدينة يوكوهاما ! الذي يسحب البساط سيئا فشيئا من تحت أقدام الصينين.
الخاسر والمُتسخ هو الخرطوم لأنو حيكون
أرض المُـعترك لهذه الأفيال الضخمه.
.
|
|