احاديث في الثورة والتغيير

مؤسف جدا انو الوعي بالاشكال العايشنو في البلد دي متدني جداً جداًوسط عموم الناس، ولدرجة محبطة، وبالتالي الناس ما عندها فكرة عن الحل مفروض يكون شكلو شنو، مافي تصور ولو مشوش عند الغالبية العظمى من الناس لي شكل البلد والحياة في غياب الوضع الراهن ودا اساسي جداً لتحفيز الناس عشان تتحرك وتنجز اي تغيير، مفهوم طبعاً انو انجاز التصور دا مسؤولية المثقفين البيمتلكوا الوعي الكافي لانتاجو بس ديل بعيدين جدا عن توصيل التصور دا لبقية الناس عشان يفهموا انو في احسن من كدا وانهم بيستحقوهو، في فقر وعجز محبطين جداً في استخدام الادوات والميديا بشكل مناسب وقادر يوصل لاكبر عدد من الناس من قبل المثقفين والناشطين السياسيين لتوصيل "مجرد التصور" دا لبقية الناس محتاجين لجدية ومبادرات واتفاقات حدود دنيا بين المثقفين والناشطين لانجاز الخطوة الاولى دي...