الأغنية دي كرهتها وكججججنتها وقلبي اباها..أحححيييا من اللياقة..!!!

أغنية منايا ليك ما وقف..
أو إسم الشهرة النقّار ضرب..
ياخ الفنانين السودانيين ديل لوايق لوايق لواااايييق بي صورة محيرة ..

بكتب من الموبايل ..لكن عليكم الله العندو وقت يعمل سيرش ويجيب الفنانين اللي غنو الأغنية دي بداية بي حسين شندي وفرفور وحرم النور وانصاف مدني وشكر الله وعاصم البنا والجن الاحمر والجن الأخدر ونجوم الغد ونجوم القد وتومات عطبرة وتومات شندي وتومات المعيلق وثنائي السجانة وثنائي الكلاكلة والصفوة للإنشاد والصحوة للإنشاد والجفوة للإنشاد..
ياخ لمممن جاني إحساس إنو يوم اشغل التلفزيون الاقي عبد الحي يوسف بيغني فيها ..

ياعمر ....الله يريحك .....
انا نفسي اعرف الواحد لمن يغني فيها بكون حاسي بشنو بالزبط كدا .....
احححي...
لياقة العدووووو

والعجب كمان الثانية ديك
الدخلوها وصقيرا حام
إناااااااااا لله
معقولة يغنوها في حفل زفاف ووش كمان


ود الفاروق
خليها مستورة عليك الله
نحنا منتهييييييييييييييييييييين والله

نعمات يا حمود..
ويين الحي بيك يا زولة ..
الغريبة الفنان البيكون بيغني فيها بتحس بيهو مفعم بالسعادة وزي دقات قلبو زااايدة وهو بيغني فيها ..
لأ وكمان نظام بيعمل تغيرات في اللحن والصولات والجدعات ..
أحححي يا الأوورطي حقي..

أووو أبو السيوف..
صقيرا حااام دي قصة تاااانية برااااها كمان..
ياخ انا لمممن بيجيني إحساس إنو المرحوم خلف الله حمد بيكون في قبرو بيتململ ..

أما فيما يتعلق بي الاعراس فياخ الله يرحم الفنان اللمين عبد الغفار ..مرة في عرس غنّى أغنية الختام سلام يا المنجل المركوز :) :)

منايا ليك ما وقف ..اتمنيت انا تكبر تشيل بي ردف مو لقاط طرف

غنية فيها كثير من الحماسة والدعوة للشجاعة ومكارم الاخلاق..

عشان كده لاقيا رواج

يبقى انت مفروض تكجن الزول الما بغنيها كويس...ما تكجنا هي في عضما يا فارقو..

والله يا خال شدة ما الاغنية سمحة لمممن الزول كان بعد يسمعا بيقول هيييع ويدها هزة كده..
لكن ياخ اسة لو كللل يوم بتاكل سلطة فواكه مش بتزهج بعد شوية؟؟
المشكلة لو كرهت البيغنيها ف أوتوماتيكلي ح أكره زي تلاتة أرباع الفنانين الحايمين أسة ديل..


تخريمة :
شكراً يا أسامة شكلك نزلت نماذج بس انا اسة ما بقدر اشوفا ..

سلطة الفواكه ما ناباها ...انت كتر منها بس..

ههههههههههههههههه

إنتو يااا الطلبتو السمك ووقعتو في الفول ماااا منكم ضمان :) :) :)

ليت المسألة – أخي عمر الفاروق- وقفت فقط عند الأغاني والأناشيد
فحتى في حوش (بكري) هنا جأر الناس بالشكوى من كثرة التكرار ومصيبة الإجترار.
والبعض اشتكى ثم صمت تماماً بعد أنْ أدرك أنَّ في الصمت ثراءً وغنى.

علماً أنه وفي هذا الزمن الإنقاذي المكرور والممجوج شُوهت ومُسخت و"مِسخت" حتى المقدسات بفعل تكرراها..
فتأمل النيران واللظى الذي يصيبك وأنت "تشنف أذنيك" بكلمات وتعابير مثل:
"تكبير" ، "تهليل" وهي تتطاير على مدى أيام الله السبعة من فم المشير (عمر البشير).

و راقب حالة (أيوب) وهو يتململ ويمعط شعر راسه داخلك وانت تستمع لعِبارة :
"الله أكبر ولله الحمد" يكررها ويتفلها في وجهك بمناسبة وبدون مناسبة الفريق (عبدالرحيم محمد حسين).






و نستغل مناسبة تكرار الأغاني والوجوه و "كثرة الطله" هذه ، أخي عمر لنطلب منك طلباً "ماسخاً"
وهو أن تنقل هذه الوصفة العلاجية المرسلة من الراحل (أحمد فؤاد نجم) لتتكرم بتوصيلها لا للمشير البشير أو الفريق عبدالرحيم، ولا لفرفور أو حرم النور..
وإنما تهمس بها وتكررها ثلاث مرات يومياً في أذن صاحبكم وصاحب برنامج (مع حسين ....):

Quote: نستحلفك، نسترحمك، نستعطفك، نستكرمك ترحمنا من طلعة جنابك حبتين عايزين نجرب خلقة تانية ولو يومين.

...
..
.

الناقد والرياضي المطبوع والفنان المخضرم والحاسوبي الضليع عمر الفاروووووووووووق ياخ الاغنية دي الما عرض فيها عندنا ما عرض والله صحي لانو يا عمر الاغنية دي عملوها في جدنا الخليفه بركات خليفة سلطان الاولياء الشيخ إدريس ود الارباب المحسي الما كضاب راجل العيلفون البسبق التيلفون ،، والخليفة بركات رجل والرجال قليل كما يحكي لنا عنه يا عمر علشان كده انا غايتو بره من كلامك ده مع الاعتراف بانني واحد من الذين كررو هذه الاغنية لمن الاغنية زاتها زهجت منو لوووووووووووووووولز ..
فعلا اخي عمر هناك اغاني عكف بعض المغنين على ترديدها بصورة مزعجة ،، ياخ زمان انا ومعاي فنان كده مافي داعي لكشف الحال لما نغني في حفلة واحده الصباح الناس بيقولو لي ياخ امس ما تمينا الحفلة لكن اكيد انت غنيت غنية كده واخونا الفنان التاني داك بدا بي كده وغنى كده وكده وكده ،، اها شنو ليك ،،، بس المصيبة يا عمر انو في ناس بتنطق الكلمات بصورة خطأ واحيانا تتسبب في تغيير كل المعنى للبيت او الكوبلي وهذه مشكلة يجب الوقوف عندها فمثلا هذه الغنية في عدد كبير من المغنيين بيقولو (( ما نقاط طرب )) والصحيح هي (( ما لقاط طرف )) وقس على ذلك في كثير من الاغاني التي طمست معانيها وكلماتها جراء النطق الغير سليم من المغيين .. غايتو خليها علي ربك بس يا عمر وانا عارفك البتلم فيهو بتنقي شعيرو .. لووووووولز


تحياتي : ياسر العيلفون .....

أما " مسامحك يا حبيبي " فخليها ساكت :) !

لأ صقيرها حام دي ببالغو فيها! الطمام زاتو اتحير فيها!

عارف يا عمر ... اوول ما قريت العنوان وقبل ما اضغط وافتح البوست
طوالى جات على بالى اغنية جناى البريدو احضر جديدو بصوت طه سليمان ...












ــــــــــــــــــــــــــــــــــ
لا تطاق ...
ولا عشان صاحبك مقطعو فى مصارينك ؟

الصادق يا عبد الله..
تاكيدا لي كلامك ده قبيل بشاهد في مقطع يوتيوب فنانة بتغني في قاعة الصداقة اغنية لي عثمان حسين..اها الرئيس البشير جا بششر فيها وادتو المايك قام شال معاها..انقر القاعة كللها ما قالت الله اكبر!!!؟؟؟
حتتتي في الغنا كبببرو:):)

ياسر يا عليفون..
ازيييك يا حبوب وليك وحشة..
الاغنية في عضما مااا فيها كلام يا ياسر..لكن ما تتخيل كمية المرات السمعت فيها الاغنية خلال اسبوع..
جغلومية مرة بالضبببط..
فيهم سبعة مرات في سبعة قنوات في نص ساعة!!!
قصة الفرمالات حبااابا وما بيناتنا ياخ نحن في فنانين مسمينهم بي اسم الاغنية كنا:):)

وليد طه..
:):):):)
ياخ دي موباااالغة.. والعجب لمن يقولوا ليك قلبك عارفو ابيض..ابيض عارفو قلبك:):)

محمد يا زين..
انت عارف البيكون احتار بالجد الصقير :):)

يا والله يا دينا فعلا اغنية دمها بقا تقيل وخلال شهر بس اي موبايل نغمتو جناي البريدو..اي ام بي ثري جناي البريدو..لكن الغريبة الاغنية ما استهلكوها فنانين كتار بس استهلكت بالتشغيل..
المكجنم ديل اغاني اييي فنان مسك مايك بيغنيها قبل صحن العشا:):)..

ثم عاملة شنو الدنيا معاك..؟

وكمان يا عمر اغنية فوقهم بقول سلام وفوقهم بقول تماااااااااااااام دي قصة تانية ياخ والله المطربين والمطربات الله يجزيهم خير عزبوها عذاب ,, احكي ليك طرفة تاااني ، عندنا اخونا برضو زميل ومطرب كان عندو حفلة قريب من بيت شيخ الحقيبة مبارك حسن بركات وغنى اغنية من الاسكلا وحلا وتاني يوم اتقابل هو ومبارك حسن في مناسبة فسألو عمنا مبارك انت امس غنيت في الحفلة دي قال ليهو ايوه وغنيت من الاسكلا قال ليهو ايوه رايك شنو عمنا مبارك بسخريته المعهودة قال ليهو ياخ والله ((مرمتها في التراب ده مرمرة عجيبة خلاس)) ,, يعني اداءه كان سيء ليها .. غايتو نحن هناك عندنا لجان نصوص كتيييييييييرة يا عمر يا الله يا الله تمرق منها ..

واسف للاطالة ..


تحياتي : ياسر العيلفون

Quote: عارف يا عمر ... اوول ما قريت العنوان وقبل ما اضغط وافتح البوست طوالى جات على بالى اغنية جناى البريدو احضر جديدو بصوت طه سليمان ... ــــــــــــــــــــــــــــــــــ لا تطاق ... ولا عشان صاحبك مقطعو فى مصارينك ؟

لا حولااااااااااااا

سمعتها اول مرة اول امبارح


اووووووووووووووووووووووع


ده شنو ده؟؟


والنسوان يتهوززن التقول في حلقة ظار