Post: #1
Title: ما تجي نطرش ،،،
Author: علي دفع الله
Date: 12-02-2013, 03:48 PM
عنوان البوست ملطوش من فلم مصري تــافه اسمو (ما تجي نرقص) بطولة المزة المتصابية يسرا وهالة صدقي ومجموعة صعاليق
والفلم المصري برضو ملطوش من قصة فلم هوليودي
يعني الشغلة كلها لطش في لطش ،،
-------------
نجي لموضوع الطراش ،، ومسبباتو والدعوة الجماعية للطراش ،
* الطراش لغير الناطقين بها يعني الاستفراغ
مسببات الطراش العادية :-
ملاريا
كوليرا
سكرة مريسة عرقي
اكلة معفــنـة زي الوجبات الحايمة في هامش المدن ،،
------------
لكن مسببات طراشي الدعيت ليه ليس من المسببات اعلاه ،،
هلموا الى دعوتنا للطراش ،،
|
Post: #2
Title: Re: ما تجي نطرش ،،،
Author: امجد الجميعابى
Date: 12-02-2013, 04:09 PM
Parent: #1
علي يا صديقي سلام و تحية
يربطنا حبل و يقطعنا سيف
يلا نطرش نطرش
|
Post: #3
Title: Re: ما تجي نطرش ،،،
Author: علي دفع الله
Date: 12-02-2013, 06:28 PM
Parent: #2
يلا نبداء مسببات الدعوة للطراش الجماعي :-
اول حاجة بتقودك للطراش متواصل هو المعارضة ،،
المعارضة شيء مقرف ومقزز وكل يوم بتفوح ريحتا النتــنة في كل دروب حياتنا
اقصد المعارضة السلمية بتاعة تجمع العجائز المنظراتية البقبضوا بالدس ويصرحوا تصريحات توهم العامة بأنهم في صف هذه المعارضة الهرمة
المعارضة كلها يمينها ويسارها متشددها ووسطيها منافقها وصادقها شريفها وخائنها
لن نستتثنى منهم احد ،،
------------
مسكت بكل الملفات سلما وحربا مذ بدايات التسعينات من القرن الماضي والنتاج صفر كبيييييير
لا شيء لا تغيير ولا اصلاح ولا اي شيء ،،
تنظير واجتماعات وبيانات وتهتدون واسمرا وغيرها ولا زال النظام موجود برغم موته السريري ،
معارضة تقود الى الاحباط والقرف و الطراش والاسهال والضراط زاتو (زي ما قال ود دفعتي امير)
نتفاوض لا نتفاوض نوقع على وثسقة الفجر الجديد لا نوقع 100 يوم وتمر مئات الايام
الشعب بموت من الامراض البدائية ويحث عن لقمة العيش في كوم الزبالة
معارضة فشلت في صنع وسيلة اعلامية توصل صوتها وفشلت في ترميم دورها المتصدعة
معظم الاعضاء عزفوا عن دفع التزاماتهم المالية لفقرهم وعدم قناعاتهم
--------------
قرفنا منكم جميعا ومن هنا دعونا نتقياء ونطرش ومن دورهم الكارثي في دفع عجلة التغيير
|
Post: #4
Title: Re: ما تجي نطرش ،،،
Author: ملهم كردفان
Date: 12-02-2013, 06:35 PM
Parent: #3
حينما تموت الأحاسيس لاينفع النقد ...التغيير واجب وطنى
على دفع الله
احترامى
|
Post: #5
Title: Re: ما تجي نطرش ،،،
Author: علي دفع الله
Date: 12-02-2013, 09:00 PM
Parent: #4
نمد في حالة الدعوة للطراش :-
-----------------------
المعارضة المسلحة :-
منذ المرحلة الاولى في التحالف في اسمراء (سلم تسلم الميرغني - تهتدون المهدي عبد العزيز خالد بالتحالف مع الحركة الشعبية ) وكل المناضلين والمقاتلين الذين التحقوا بجيش التحالف في اسمراء ،،
كنا نستمع لأذاعة المعارضة ولا زلنا في بدايات المرحلة الجامعية وننتظر ساحات البث ، نفرح ايما فرح ببشريات تحرك الجبهة الى الامام ،، واستمرينا على هذا الوضع
انتهت تلك الفترة بأتفاقات جيبوتي وعودة المهدي وتبعها الاتحادي الديمقراطي ، رحيل الحركة الشعبية لجهتها ونزعت العباءة القومية لحرب خاصة انتهت باتفاق نيفاشا ونالت ما تريد
(الكلام دا ما تاريخ ولا تحليل عميق دا مشي بسرعة على اشارات فقط )
-------------
بعد الانفصال شيطن المؤتمر الوطني الحركة ونجح في استفزازها والنتيجة الحرب ، تطورت فكر الحركة الشعبية قطاع الشمال بتكوين جسم يمثل المعارضة المسلحة تحت اسم الجبهة الثورية ،،
نجي لدواعي الطراش من هذه الجبهة الثورية ،،
--------------------
وعلي فكرة لا زلت مؤمن بفكرتها رغم الطمام ولكن اذا وضعت خط استراتيجي يجعلها تأخذ خطوات جريئة تجعلها تفرض شروطها لاننا نعلم الحرب نهايتها اما انتصار باهر على عدوءك او الجلوس للمفاوضات ،
والجبهة الثورية مذ تكوينها لم تحقق اي من الهدفين ،
نجحت الجبهة بتحرير بعض المناطق لفترات بسيطة ونجحت حركة العدل والمساواة بالدخول حتى العاصمة ،
ماهو النتاج او المكسب من تلكم الانتصارات ؟؟؟؟؟؟؟؟
لا شيء دعونا نتحدث بصوت عالي فعلا لا شيء بل العكس كسب النظام بضح الاخبار والمواجع المفبركة والقبيحة واظهار هؤلاء الثوار الباحثين عن التغيير بانهم قطاع طرق ونهابين وقتلة ،
في ام روابة ابكرشولا واخيرا ابوزبد ،والان الناس بعد خروج الجبهة الثورية رشح ان هناك شريحة عسكرية غير نظامية تهدم وتقتل وتغتصب وبعدها تأتي قنوات المؤتمر الوطني تصور وتنسب كل هذا القبح للجبهة الثورية ،، لا يوجد اي توثيق من الجبهة الثورية ابدا ،،
--------
ويستمر الغموض في اهداف الجبهة الثورة القتالية ويستمر التقبيح من المؤتمر اللاوطني
ما تقوم به الجبهة الثورية من اعمال قتالية لا ترتقي لاحلام ملايين من المؤمنين بالفكرة لأن يحوطها ضباب ولا توجد اي وسيلة اعلامية يراها المواطن لتسويق فكرها سواء كان عسكري او سياسي
مالم تكون هناك اهداف ليس اذاعة اهدافهم العسكرية ولكن اهدافهم ااسياسية عبر الة اعلامية ستظل فكرتهم شيطانية لعدد كبير من المواطنين البسطاء
لذا ما تقوم به المعارضة المسلحة يدعو للطراش مالم يتطور ويكون بقدر التحدي والامال العراض المتوقعة من هؤلاء الاشاوس
----------
وتستمر الدعوة الطراش
|
Post: #6
Title: Re: ما تجي نطرش ،،،
Author: عبدالحفيظ ابوسن
Date: 12-03-2013, 04:39 AM
Parent: #5
علي يا صاحب
انت كدة جيت عديل
ودون ان انكأ جراحات الماضي
فلا بديل سوي العمل الجماهيري
الاحزاب تعارض لتشارك
الحركات المسلحة لتفاوض
فلا بديل سوي الجماهير
|
Post: #7
Title: Re: ما تجي نطرش ،،،
Author: علي دفع الله
Date: 12-03-2013, 07:03 AM
Parent: #6
الزملاء الاعزاء
الجميعابي
ملهم كردفان
عبد الحفيظ ابوسن
شاكر مروركم على البوست ،،
-------------
وتتواصل الدعوة ،،
|
Post: #8
Title: Re: ما تجي نطرش ،،،
Author: علي دفع الله
Date: 12-03-2013, 01:47 PM
Parent: #7
نجي للاعلام المرئي والمسموع والمقرؤ
يا اخي دا لو الظروف اجبرتك عشان تشوفوا لازم يكون معاك كمية وافرة من الليمون ،،
بهرجة وكضب في دلوعة قنوات المؤتمر المسماة بالنيل الازرق برامج ما بتتوافق اصلا مع ازماتنا ووجعنا وجوعنا ومرضنا
غناء وطرب وهيصة ومذيعات سمحات ومزيعين مرتاحين واستديوهات كما قنوات الخليج ،،
تتصوروا في بون واسه خلاص ما بين برامج هذه القناة والواقع على الارض
اغاني واغاني نجوم الغد وسهرات اسبارك سيتي والايام المفتوحة عالم مخملي وناس عايشة في عالم بعييييييييييييد عن واقنا
هل تصدقوا ان السودان امبارح صنفوه تالت افقر دول العالم
طيب شنو الحالة الصفوية الاعلامية في هذه القناة التي لا تمت الى واقعنا المخيف في اي حاجة
وحتى البرامج السياسية بتاعة الطاهر التوم برامج حوارية سخيفة ما بتلامس اعماق الوجع تجميلية اكتر من انها هابشة اوجاعنا
ولمن تمر على الشروق بتاعة المرابي احمد عز السودان جمال الوالي دي كمان حكايتا حكاية عايشة في عالم وردي عن احوال البلد السياسية
يعني حالة اعلامية مكملة لمنظومة التكويش في كل شيء
قون قرف القرف
البحر الاحمر شغالين غنا والشرق محاصر بالامراض والجوع
الخرطوم صورة مستنسخة من قناة المؤتمر الوطني الام
كسلا ماشة في طريق البحر الاحمر
طيبة شغالين فتاوي وفساوي
ام درمان اليومين ديل شغال تخدير بواسطة الحكاي حسين خوجلي
نختمها بقناة العهر السياسي المساة ذورا قناة السودان دي بالذات ولا تحاول تقربها لأنها الطراش زاتو
-----
ونواصل الدعوة للطراش ،،
|
Post: #9
Title: Re: ما تجي نطرش ،،،
Author: علي دفع الله
Date: 12-03-2013, 06:53 PM
Parent: #8
ويتواصل القرف والطمام ،،
--------------
تكون في لمة عزاء او زواج او في السوق يبداء النقاش عن الوضع الاقتصادي المزريء والسياسي المقرف تنبري ليك واحد عراقيه مقدود وما عندو حق الفتة واولادو مطرودين من المدارس ويشب ليك في حلقك ويقل والله نحن ناس الانقاذ ديل الوحدين الطبقوا الشريعة اااااااااااااااااااااااااااااااااااااااااااااخ وبطنك تطم وتقرب تطرش ليه في وشو ،، يا عبيــط الشريعة دي شني والله بقت زي الغول والعنقاء يا عااااااااااااااااااااالم ياااااااااااااهو
واحد يشرح لي يعني شنو شريعة ،، زول فقران وعدمان وبملء فمه يقول ليك والله مستعد يموت في سبيل الدين يا اخي انعل دييييييييييينك زاتو ،، وزي دا كتااااااااااااااااار ،،،
وينط ليك واحد تاني فيه حبة رقشة يعني راس صوط المؤتمر واصلو وبتهكم يقول ليك يعني داير يحكمنا عرمان ولا عقار ولا الحلو ولا عبد الواحد المشى اسرائيل ،،
لا لا يا اخي ترد عليه بنتحكم بدولة مؤسسات يعني اي زول يجي وفق انتخاب حر وما بحكمنا بأسم الله يعني بنقدر نقول ليه تلت التلاتة كم يضحك ويوقل ليك يا زول جنن تعرفو ولا جنن ما بتعرفوا
--------------
حالة اقتصادية فوق طاقة الاحتمال والناس منتظرة التشكيل الجديد للحكومة عووووووووووووووووووووووووووع
طيلة اليوم الناس تتداول وتحكي عن ما قاله حسين خوجلي تاني عوووووووووووع
ناخد جمة شوية مصارينا اتهردت
|
Post: #10
Title: Re: ما تجي نطرش ،،،
Author: صالح أشواك
Date: 12-04-2013, 08:41 AM
Parent: #9
Quote:
يا اخي انعل دييييييييييينك زاتو |
الأخ علي دفع الله
تحليل جميل
كنت ماشي كويس و جعلتنا نتسمر أمام البوست لروعة السرد ...
زي الحتة الفوق دي تفتل ليك البوست و تخرجه عن مضمنونه
يجيك و احد تاني بمداخلة ...
زي ما عملت أنا ....
نحن قوم ندمن الإنتقائية ....
أرجو حذفها حتى نجنب البوست الجميل دا الفتلة و نكون مداخلتي دي أخر مداخلة تخرج البوست عن مساره ....
تحياتي لك
|
Post: #11
Title: Re: ما تجي نطرش ،،،
Author: A.Razek Althalib
Date: 12-04-2013, 12:46 PM
Parent: #10
| Quote: ناخد جمة شوية مصارينا اتهردت |
الرسم بالكلمات أصعب يا أبو الدفاع..
قالت العرب:
المستحيلات ثلاث (الغول والعنقاء والخل الوفي)
فالغول والعنقاء كلاهما كائن خرافي أسطوري لا وجود له في دنيا الواقع..
يبقى مشكلتك حلها في يدكـ:
شوف صحبانك..
|
Post: #12
Title: Re: ما تجي نطرش ،،،
Author: علي دفع الله
Date: 12-05-2013, 08:09 AM
Parent: #11
| Quote: رجو حذفها حتى نجنب البوست الجميل دا الفتلة و نكون مداخلتي دي أخر مداخلة تخرج البوست عن مساره |
صالح اشواك يا دفعة (سيب وانا اسيب) يا اخي انت ختيتا في مقتبس وتطالبني بحذفها ،،
عموما لمن الواحد يصل مرحلة الاحباط والطراش بترفع منو القلم ،، وليس بعد الجوع كفر ويا اخي نحن جوعى ،،
خلينا نواصل وخليهم يجوا عشان نوريهم ياتو دين البنسبو
تحياتي
|
Post: #13
Title: Re: ما تجي نطرش ،،،
Author: علي دفع الله
Date: 12-05-2013, 08:20 AM
Parent: #12
Quote: الرسم بالكلمات أصعب يا أبو الدفاع..
قالت العرب:
المستحيلات ثلاث (الغول والعنقاء والخل الوفي)
فالغول والعنقاء كلاهما كائن خرافي أسطوري لا وجود له في دنيا الواقع..
يبقى مشكلتك حلها في يدكـ:
شوف صحبانك. |
متشكر عبد الرازق على المرور لكن الله يكتلني كان فهمت حاجة
|
Post: #14
Title: Re: ما تجي نطرش ،،،
Author: علي دفع الله
Date: 12-05-2013, 09:45 AM
Parent: #13
***************
**************
************
النقاط الفوق دي الكلام عن المؤتمر اللاوطني
فساد وعارفنو
اقصاء وعارفنو
قتل وسحل وتكميم افواه وعارفنو
كضب بأسم الله والدين واي حاجة عارفنو ،،
------------
واحد كوز جار واحد ما كوز وبكره الكيزان فوق مرحلة الطرتش
الكوز قال للما كوز اديني ليمونة لله
الما كوز قال ليه خلاص تطممتو بطنو ،،
--------
فالكلام عن الكيزان ومنظومتهم الفاجرة مستهلك ومعاد ولا يحتاج للتذكير
وهو فوق دعوتنا الى الطراش ،،
-----
|
Post: #15
Title: Re: ما تجي نطرش ،،،
Author: علي دفع الله
Date: 12-06-2013, 06:01 AM
Parent: #14
لا زلت اتذكر شعار فالنأكل مما نزرع ،،،
ولا بقينا نزرع ،، ولا قادرين ناكل
والبطن طامة من كل شيء
|
Post: #16
Title: Re: ما تجي نطرش ،،،
Author: علي دفع الله
Date: 12-06-2013, 01:19 PM
Parent: #15
Quote: Tayeb Abdalla · الأكثر تعليقا · ودالسائح الثانويه بنين
عوووووووووووووووووووووووووووووووووووووووووووع |
من الفيس بوك اليب عبد الله شكرا على التضامن
|
Post: #17
Title: Re: ما تجي نطرش ،،،
Author: امجد الجميعابى
Date: 12-06-2013, 01:43 PM
Parent: #16
نعم يا علي
انعل دينو
دين القتل و السحل
دين السرقة
دين الكذب
دين الاغتصاب
دين اللواط
دين اي حاجة منافية للقيم و الاخلاق
يا علي اخوي الناس ديل دينهم يعرفوا براهم
على اي حال لا علاقة له بالاسلام.
تحياتي
|
Post: #18
Title: Re: ما تجي نطرش ،،،
Author: عادل عبدالعزيز عبد الرحيم
Date: 12-06-2013, 02:22 PM
Parent: #17
وهادى عوووووووووووع من كل شئ فى السودان
وهذا شوال ليمون لك اخ على ليعينك على الطمام
|
Post: #19
Title: Re: ما تجي نطرش ،،،
Author: علي محمد الفكي
Date: 12-06-2013, 02:39 PM
Parent: #18
| Quote: تكون في لمة عزاء او زواج او في السوق يبداء النقاش عن الوضع الاقتصادي المزريء والسياسي المقرف تنبري ليك واحد عراقيه مقدود وما عندو حق الفتة واولادو مطرودين من المدارس ويشب ليك في حلقك ويقل والله نحن ناس الانقاذ ديل الوحدين الطبقوا الشريعة اااااااااااااااااااااااااااااااااااااااااااااخ وبطنك تطم وتقرب تطرش ليه في وشو |
النوعية دي يا علي اخوي بتجيب لي ارتكاريا
بوست مميز
تناول موضوعي لواقع الحال
ولملمة لاطراف الخيوط التي اوصلت الوطن الى ان يكون بين اكثر دول العالم جوعاً
واكثرعا فسادا ومرضاً
|
Post: #20
Title: Re: ما تجي نطرش ،،،
Author: علي دفع الله
Date: 12-06-2013, 06:08 PM
Parent: #19
الزملاء الاعزاء
امجد الجميعابي
عادل عبد العزيز
علي الفكي
-------------
تحياتي وشاكر مروركم ،،
|
Post: #21
Title: Re: ما تجي نطرش ،،،
Author: علي دفع الله
Date: 12-06-2013, 06:21 PM
Parent: #20
Quote: Atif Omer Mohamed Ali
ويا امجد الزول عراقيهوا مقطع وحالتوا بالبلا لا خان لا سرق عبر عن تاييده لفئة يرى انها حققت له ما يريد !!!
العنوا هو دينوا السبب ولا شنو؟؟؟؟
على العموم سابدا تحريك دعوى ضد على دفع الله والمنبر الذى يسب فيه الدين والله المستعان .
رد · أعجبني · متابعة المنشور · منذ 2 ساعتين
Atif Omer Mohamed Ali
علي بتسب دينوا جهاراً نهاراً !!!
بعد بوست اليهودية جايي تسب الدين !!!!!
اللهم اني ابرأ اليك من سب دينك!!!
اللهم زلزل اركانه واهدم بنيانه وارنا فيه عجائب قدرتك في ساعتك المباركة هذه .
رد · أعجبني · متابعة المنشور · منذ 2 ساعتين
Atif Omer Mohamed Ali
بمناسبة وفاة مانديلا حقوا يا علي تمشي تقرا قصيدة صلاح لمن كان زيك هل يوماً ذقت هوان اللون !
سب الدين جريمة تعاقب عليها يا علي وانشاء الله لن تفلت من القانون الدنيوي لتكون عبرة لسواك |
زميل المنبر من الفيس بوك
عوووووووووووووووووووووع وتاني عووووووووووووووووووووووووووع منك يا عاطف عمر
انت واحد من الكائنات المسببة للطراش ،،
زلزل اركانه انت قايلني انا دولة ولا عمارة عووووووووع
برغم حالة الغثيان والطمام من كلامك لكن فيه حاجات تضحك انت قايل مانديلا اقل من صلاح الدين ،،، يمكن يكون دور مانديلا التاريخي احسن من صلاح الدين اها رايك شنو ؟؟
ودي محتاجة لمجلدات عشان نشرحها ليك
-------
اما حتة تحرك دعوة ضدي يلا طوالي يديك والبركة وقشة ما تعتر ليك يا حامي حمي الدين
انت لو عندك ذرة دين كان تقولها لهؤلاء الافاكين الفسدة الفجرة الحكمونا 24 سنة بالدين وطلعوا دينا وانت وعينتك دي تشرعن في وجودهم برضو بالدين
اي دين هذا يا حامي حمى الدين
-------
يا اخي انت حالة بتقود للطراش بصورة متكررة
عوووووووووع
|
Post: #22
Title: Re: ما تجي نطرش ،،،
Author: علي دفع الله
Date: 12-07-2013, 07:32 AM
Parent: #21
البشير دا رمز الوطن ،،،،،،،
وراجل نضيف وودبلد ،،، بس المعاه فاسدين ،،
دا كلام عددية مقدرة من ابناء الوطن ،،
-------------
ودي في حد ذاتها مدعاة للتقيؤ والطراش المتواصل
قال رمز قال ،،
يعني مانديلا رمز وبشة رمز
ندخل لينا حاجة فيي بطنا ونرجع ليكم
|
Post: #23
Title: Re: ما تجي نطرش ،،،
Author: علي دفع الله
Date: 12-18-2013, 08:46 PM
Parent: #22
|
Post: #24
Title: Re: ما تجي نطرش ،،،
Author: عبداللطيف شريف على
Date: 12-18-2013, 09:15 PM
Parent: #23
Quote: صالح اشواك يا دفعة (سيب وانا اسيب) يا اخي انت ختيتا في مقتبس وتطالبني بحذفها ،،
عموما لمن الواحد يصل مرحلة الاحباط والطراش بترفع منو القلم ،، وليس بعد الجوع كفر ويا اخي نحن جوعى ،، |
عووووووووووووووووووووووووووووووووووع
وكمان
ااييييييييييييييييييييييييييييييييييييييع..
واصل يا حبيب ...
معاك بطرررررررش ...
|
Post: #25
Title: Re: ما تجي نطرش ،،،
Author: علي دفع الله
Date: 12-19-2013, 07:13 AM
Parent: #24
ابو شريف يا صديقي صدقني كل ما حوالينا يدعو للغثيان ،،،،
----------------
مات بهنس بالبرد والجوع والتوهان في حواري القاهرة ،،،، بلد بت حرام لصوصها ينعمون في الدفء والمخمل ،،،، ومثقفيها يموتون بالبرد في حواري الغربة ،،
انا حزين جدا وتعديت مرحلة الطراش الى مرحلة الجنون ،،
حزين على كل شيء ،،،،
-------------------
الى متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
|