الـوآطـة بـرّا وآقـفـة أضـان دحـش... والله صـحـي...

زمان في عِز أُم شيّر وطوبة تلقانا لآبسين عراريقنا الشربانات
ومقددات، وعلي العليهن كمان واقفات عصب من الـوسـخ. يعني
العراقي ممكن تقلُمُوا كع كدي. تلقانا واقفين نتاوق بخُرم الباب
للسيدة بِت أُمحُومد ونتركض من الصقط. أها، جيتا من الجزيرة
تقول كدي ترمي كُليقة قصب عيش الريف عِند الزريبة، وتقبل
تمشي عشان تنزّل برمة اللبن وقُفة الطماطم من فوق الحمارة،
نعقبا نحن علي قصب عيش الريف نقلِّم مَنّو القنقر، ونمشي نتحشر
في اللوضة، والكانون المُو خمج محكّر في نصها وفحمو يسوي
يا غربتي. أها، نقول كدي نقعد الليل كُلوا نطقطِق في القنقر
ونكُد، وندفي في إيدينا المشققات ودمهِن يخُر، والواحد فينا اكان
لقالوا ودك يطقطقوا في شقوق كرعينوا بينفعِن.
أها، بعد ندفسا قنقر نقول كدي كُلوا وآحد فينا يكركعلوا كورية
لبن، ولي عِن كديستنا كمان تشرب لِبينتا وتبسط كرعيها بوسيط
اللوضة، ونروح في نوم عميق مستمتعين بدفء جمرات المنقد.

هسّع نفر دا،
يجيبولوا قنقر من وين، ويلقولوا منقد وين ؟؟؟...

Quote: Environment Canada issues severe winter storm warnings for majority of Alberta Calgary snow storm, Blizzard Winter driving conditions are expected to return to Calgary Sunday evening December is expected to arrive with a blast of Arctic weather in both Calgary and Edmonton, as well as sections of central and southern Alberta, between Sunday afternoon and Monday morning. The storm is expected to produce significant snowfall, between 15 and 30 cm, and wind gusts in excess of 60 kilometres per hour. Blizzard conditions could result in deteriorating visibility on highways throughout the province.

غايتو أنا باكر أكان الله هوّن من عنقريبي ماني قايم.
الله يديك الصحة والعافية يا عمتي السيدة بت أُمحُوّمد...

Quote: لغربه اصلو طعيما مر لكنـى بقعـد بـى الجبـر لامن سنين الهم تمـر يـا ربـى الهمنـى الصبـر بالله فيكم متلي زول بالليل يضوق حر الشمس قلبت موازين الزمن عاد تاني شقيش دار أمش

Quote: غايتو أنا باكر أكان الله هوّن من عنقريبي ماني قايم.

احييي انا .. ماك قايم يا كبير




ــــــــــــــــــــ
غايتو ربنا يغتي عليكم .. انا فت ساعة وسط تلجكم دا انشف زي الزرزور الضربو سلك كهرباء ..

Quote: احييي انا .. ماك قايم يا كبير

يا زول 30 سم ورياح سرعتا 60 كلم،
البيمرقني شنو ؟؟؟.
ههههههههههه،
صاحبك ود الفكي قال داير يفحط !!!،
قولوا تعال فحط أها.

زمان عندي ود خالتي قال ماشي يقرأ في الزقازيق،
أُمي الله يرحمها قالتلوا، شِن داير تلقى، بلا الصقط يظقِقك ؟؟؟...

جانا الصقط لي برودو
ازيك يا ود المدير علك وعولك صاقعين جرتكم ومتدفين

في غربة ود المدير
- في بلاد تقيف من شدة الصقط اضنين دحشانها،،ويهضرب يا حليلو بي حلتو، من لم بسكانها،،وحكمة ربك،،يمرقنو من وحل المطر والتلج نسوانها..
ود المدير قريبي الصبر سمح،التبقي اليلة الله يابا..

هههههههههههه ... ماتعبيك شوالات تبيعم فى سوق اتبره

سلام ..ووايت كريسماس

يا مدير
الراحة من البرد تاتي من سلام الروح والروح لاتحس بالدءف وعليها حقوق ناس؛ فشنو ادي الناس منفلتها بالله الحرارة الحتحسها في جسمك نار فرن الي بس ههههه

Quote: قرحطب فور برنقا · متابعة · Baghdad, Iraq Candian hear bears رد · أعجبني · متابعة المنشور · منذ ‏4‏ ساعات Abdallah Mohammed Abdallah · الأكثر تعليقا · Elgazeera ها زول أضرب العرقي وابقي مارق ساي ....وحاتك تلجة ما بتعتر ليك رد · أعجبني · متابعة المنشور · منذ حوالي ساعة

اها ناس الفيس بوك ادوك النجيضة، والله صحي...

هاي يا عمو ود المدير ممكن تشرح لينا .. كانون يعني شنو بتقصد شهر كانون ومنقد تعني شنو.. وكوليقة بالعربي شنو؟ والكلمات التانية العجيبة الإنت كاتبها دي .. عربي ولا رطانة؟.. ياي دي حنكشة على آخر عُمر؟؟
وقنقر دا زول ولا حاجة تانية؟ وودك يعني من الوُد والحنية ولا حاجة تانية؟
إيش يعني تكركع يا عمو؟ يعني تكركع اللوضة معناها تنوم في الRoom بتاعتك؟ ولا أنا غلطان؟
تحياتي.

كبـّاشي الصـّـافي
(العوج راي والعديل راي)

يا عمو معاوية نسيت أسألك .. دحش دي ماركة السيارة بتاعتكم؟ وإن شاء الله تكون دفع رباعي، عشان الشوارع في السودان كعبة وايد.
تحياتي.

كبـّاشي الصـّـافي
(العوج راي والعديل راي)

غايتو يا ود المدير
بعيد عن البرد و ما الي ذلك الا كلامك الكتبتو فوق ده ما كلام زول مدينة. يعني ماك من اتبرا.
يا اخي نحنا ناس ذو اليد في كتم حقتنا ديك لما نجي نحنا القوازة بعرفونا من اول فتحة خشم يقولو لك يا القوازي امشي كدا و لا كدا.
لا بعرفو الكليقة و لا برمة اللبن و لا القنقر.
يا اخوي كلامك الكتبتو ده انا افتكرتك من اندنا هناك. يعني زول قوازي ساكت.

_____________
عشان كدا جريت علي قيزان كندا طوالي

أتمنى المقطع يسليك في اعتكافك
الاغنية من برنامج (ربوع السودان) ويمكن الاستماع لأغنية ختام البرنامج في الدقيقة 8
الصور ملطوشة منك والمفرض استأذن قبل استخدامها لاكين تقول شنو في غياب ثقافة مراعاة حفظ الحقوق الادبية

الليلة من اصبحت نتركض ونكتكت والسفاية تكتح فوقنا،
وحات خوتي ليكم الوآحد فوقنا زي الكرلي الضاربوا
الشرك.
سوينالنا طعمية وفول وترانا متمحنين في البيت...

Quote: Highway shuttered, schools closed and flights cancelled as massive storm hits southern Alberta[/QUOTE

---

Post: #18 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-03-2013, 02:39 AM Parent: #17 Quote: Abdallah Mohammed Abdallah · الأكثر تعليقا · Elgazeera ها زول أضرب العرقي وابقي مارق ساي ....وحاتك تلجة ما بتعتر ليك يا محمد أخوي كلآمك دا بيدورلوا فتوى من شيخ كااااارب، راني دا فاسيق ولا يُعتد به...

---

Post: #19 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-03-2013, 02:31 PM Parent: #18 Quote: جانا الصقط لي برودو ازيك يا ود المدير علك وعولك صاقعين جرتكم ومتدفين عبد الحفيض، علك طيّب ؟؟؟. آ زول وحاتك لا في قصع جِرة لا دفو. غايتو بس، المخير الله...

---

Post: #20 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-03-2013, 03:40 PM Parent: #19 Quote: Galal E Omar · الأكثر تعليقا جلال يا حبيب، مشتاقين والله...

---

Post: #21 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 11:11 AM Parent: #20 Quote: في غربة ود المدير - في بلاد تقيف من شدة الصقط اضنين دحشانها،،ويهضرب يا حليلو بي حلتو، من لم بسكانها،،وحكمة ربك،،يمرقنو من وحل المطر والتلج نسوانها.. ود المدير قريبي الصبر سمح،التبقي اليلة الله يابا.. عبد العزيز يا قريبي. ،،، والعجب اكان لمّن فيك حسانها،،، بعيونهن النعسانا،،، وفكن فيك جبخانة،،، صقطك يقلبنو سخانة،،، وحكمة ربّك يا قريبي بريمة احد عربانها. المقصود في القصيدة بريمة الطهار. والله صحي.

---

Post: #22 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 11:17 AM Parent: #21 Quote: هههههههههههه ... ماتعبيك شوالات تبيعم فى سوق اتبره سلام ..ووايت كريسماس سييم تو يو. عبد المنعم يا حبيب، والله مشتاقين. وين إنت يا زول غاتس ؟؟؟. قلت لي شوالآت!!!، إنت قايلوا فسيخ ؟؟؟. يا اخي وين بلدك ؟؟؟...

---

Post: #23 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 11:21 AM Parent: #22 Quote: يا مدير الراحة من البرد تاتي من سلام الروح والروح لاتحس بالدءف وعليها حقوق ناس؛ فشنو ادي الناس منفلتها بالله الحرارة الحتحسها في جسمك نار فرن الي بس ههههه ما اراك إلا قد صبأت، فهذا ضرب من سجع الكُهان لا مكان له في هذا الزمان. إنت ما قلت داير تفحط في التلج، عملت شنو في الموضوع دا ؟؟؟...

---

Post: #24 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 11:30 AM Parent: #23 Quote: Haider Hassan · الأكثر تعليقا · Zagazig University حرررم سروالو المقدد وشربان موية الدميرة لي هسع معلق وراء الباب مع العراقي والجلابية الاسموكن ... ما يخمكم بي حبة التلج دي إنت !!! أصبر ساااااااااااااكت، لآمن نفضالك...

---

Post: #25 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 11:32 AM Parent: #24 Quote: اها ناس الفيس بوك ادوك النجيضة، والله صحي... الله يقوملك ضنب. إنت من تشم الريحة تجي جاري ؟؟؟، يا الجمان الرمدان...

---

Post: #26 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 11:37 AM Parent: #25 Quote: قرحطب فور برنقا · متابعة · Baghdad, Iraq ''صقطك يقلبنو سخانة''; سلآمات يا قرحطب. يا قرحطب ديل ما المرقني من التلج، بل ديل ما قاعدات يمرقن في التلج، ولو شافني معفص في التلج، وآ فضيحتي...

---

Post: #27 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 11:41 AM Parent: #26 Quote: هاي يا عمو ود المدير ممكن تشرح لينا .. كانون يعني شنو بتقصد شهر كانون ومنقد تعني شنو.. وكوليقة بالعربي شنو؟ والكلمات التانية العجيبة الإنت كاتبها دي .. عربي ولا رطانة؟.. ياي دي حنكشة على آخر عُمر؟؟ وقنقر دا زول ولا حاجة تانية؟ وودك يعني من الوُد والحنية ولا حاجة تانية؟ إيش يعني تكركع يا عمو؟ يعني تكركع اللوضة معناها تنوم في الRoom بتاعتك؟ ولا أنا غلطان؟ تحياتي. كبـّاشي الصـّـافي (العوج راي والعديل راي) يا عمو معاوية نسيت أسألك .. دحش دي ماركة السيارة بتاعتكم؟ وإن شاء الله تكون دفع رباعي، عشان الشوارع في السودان كعبة وايد. تحياتي. كبـّاشي الصـّـافي هاي خالو كنتونا، عاين جاي، كان شرحت لي الخوسة يعني شنو، بشرح ليك الباقيات. شاااااو...

---

Post: #28 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-04-2013, 12:16 PM Parent: #27 Quote: Salma Salama · الأكثر تعليقا · Cedar Crest College معاوية السمح الامير ، التلج كلنا كتحنا وحاتك شكله السنة دى حيكون برد السيح والريح زى ما بتقول امى رحمة الله عليها ، نحنا واقعين معاكم فى خط واحد راسيا .. بيناتنا تلفون باكر كان الله سهل ، اقعد عافية يا الغالى مقامك وسمح كلامك بت الشيخ يا اعزّ الناس، والله مشتاقين. الوالدة نسأل الله لها الرحمة والمغفرة. تصدقي يا سلمى بيقولوا الشتاء لسّع ما بدا !!!؟؟؟. الناس ديل خلبالك دايرين يلحقونا أُمات طه. اليوم وصلت 40 تحت الصفر، وحسب التقارير حا تدفأ الإسبوع الجاي إن شاء الله. في إنتظار التلفون. مودتي...

---

Post: #29 Title: Re: الـوآطـة بـرّا وآقـفـة أضـان دحـش... والله صـحـي... Author: محمد عمر الفكي Date: 12-04-2013, 12:59 PM Quote: إنت ما قلت داير تفحط في التلج، عملت شنو في الموضوع دا ؟؟؟... ما عندي سيوتر، مافي زول بيسعاهو في جدة

---

Post: #30 Title: Re: الـوآطـة بـرّا وآقـفـة أضـان دحـش... والله صـحـي... Author: cantona_1 Date: 12-04-2013, 10:49 PM Parent: #27 Quote: هاي خالو كنتونا، عاين جاي، كان شرحت لي الخوسة يعني شنو، بشرح ليك الباقيات. شاااااو... يا ود أختي معاوية المدير .. أها سمعت بالغنوة بتاعة الحكامة القالت: (حليل موسى للرجال خوسة). عرفت المعنى ولا أشرح ليك .. بس خايف الجماعة يقولوا علي بلدي خالص. السعال المهم: بالله عليك البلم شاااااو على الدحش والمنقد شنو؟ هههههههه تحياتي. كبـّاشي الصـّـافي (العوج راي والعديل راي)

---

Post: #31 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-05-2013, 12:09 PM Parent: #30 Quote: غايتو يا ود المدير بعيد عن البرد و ما الي ذلك الا كلامك الكتبتو فوق ده ما كلام زول مدينة. يعني ماك من اتبرا. يا اخي نحنا ناس ذو اليد في كتم حقتنا ديك لما نجي نحنا القوازة بعرفونا من اول فتحة خشم يقولو لك يا القوازي امشي كدا و لا كدا. لا بعرفو الكليفة و لا برمة اللبن و لا القنقر. يا اخوي كلامك الكتبتو انا افتكرتك من اندنا هناك. يعني زول قوازي ساكت. _____________ عشان جريت علي كيزان كندا طوالي محجوب يا هبيب. أمشي كدا يا قوازي من إنديكم وين ؟؟؟، أنا من ناس ذو اليد، يعني زول بندر ساااااكت. ما تشوف خليقتي دي، بس زي ما إنت بتحاول تعمل فيها من ناس ذو اليد وزول بندر، أنا بحاول أعمل فيها قروي. أسعل خالي كنتونا كمان. كيزان كندا مالهم؟؟؟...

---

Post: #32 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-05-2013, 12:43 PM Parent: #31 Quote: أتمنى المقطع يسليك في اعتكافك الاغنية من برنامج (ربوع السودان) ويمكن الاستماع لأغنية ختام البرنامج في الدقيقة 8 الصور ملطوشة منك والمفرض استأذن قبل استخدامها لاكين تقول شنو في غياب ثقافة مراعاة حفظ الحقوق الادبية ياسلآلآلآلآلآلآم يا مهدي صلاح يا زول يا سمح. يا أخي إنت إن شاء الله تتبارك، وتضربا بيضا محل تقبِل. المقطع حقيقة حملني علي أجنحة الحنين بعد أن أضناني الأنين، وحطّ بي هناك، وما ادراك ما هناك ؟؟؟. كلّ الحقوق مكفولة لك وملكك رغم أنّ الصور بعضها قام بتصويرها أحباب لنا من ابناء الباوقة، لكن يقيني التام إنهم لن يضنوا بها علي زول سمح زيّك. بالمناسبة الصورة رقم 4 من قريتي السيالة حيث وُلدت ونشأت وترعرعت. كامل مودتي يا سمح يا زين...

---

Post: #33 Title: Re: الـوآطـة بـرّا وآقـفـة أضـان دحـش... والله صـحـي... Author: عبدالحفيظ ابوسن Date: 12-05-2013, 01:15 PM Parent: #31 المداحين مكرهين واحد فوق الحلة طغيان وشبعان بهايم وواطة , اها يوم المداحين يجو زول بشتغل مافي , يقيلوا ويساهروا في المديح , ويصبحوا نامين , لا راعي يمشي علي سعيتو ولا زراعتو اهل يوم الدنيا شتاء , جو المداح , وحسب ماهو سوق ما بغيبو منو ,, بعد مدحو ولقطو من الناس البتنقزو ديل ,, بتعشو وبنومو عندو كلم المرة تسوي عصيدة نية ,, ولوبيا نية ,, وجماعتك كربوا فيها كربة تمام وقفوا هنابيق ,,, والقر يسو فوووو ,, مافي طريقة ينومو بره نامو جوه وقفل عليهم الباب بطبلة العصيدة النية وملاح اللوبا الني بعمل لواية ,,, وناسك إنزنقو ,, شبابيك حديد ومقفلة بي بره , وباب ومطبول بي طبلة ,, وغلبم ,,, المركوب ما شال ,, وطلعوا السراويل وشطططط ,,, لامن الوأطة صبحت كانت حالة العوضة ما بتتقابل عمك براحة قريب الصباح فتح الطبلة و زاغ وجاهم بي الشاي يكورك من برة ها مداح النبي افتحو الباب قالو ليهو الباب متربس بي بره غالطم وفتحو الباب لا حولا لاقوة إلا بي الله ,,, العفنة شنو وكان هذا آخر عهدهم بالحلة

---

Post: #34 Title: Re: الـوآطـة بـرّا وآقـفـة أضـان دحـش... والله صـحـي... Author: Mahjob Abdalla Date: 12-05-2013, 04:18 PM Parent: #33 Quote: عشان كدا جريت علي كيزان كندا طوالي لا حولا معقول كتبتها "كيزان"؟ يعلم الله يا ود المدير قاصد اكتب "قيزان" و ما انتبهت الا لما قريب الرد حقك. ايوي قاصد قيزان كندا و التي يسمونها البراري. العذر كل العذر اخي معاوية و ده سبب حألحقك بتلفون ان شاءالله لاني كتبت تلفونك زمان و محتفظ بيهو.

---

Post: #35 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-07-2013, 01:48 AM Parent: #34 أُُووووووووووف دقّت في الـ40 تحت الصفر. والله صحي. غايتو يا عبد الحفيض أخوي المستراح دا غلبنا نصلوا، بس لا تبقى علينا حكاية مداحينك...

---

Post: #36 Title: Re: الـوآطـة بـرّا وآقـفـة أضـان دحـش... والله صـحـي... Author: عبدالعزيز عثمان Date: 12-07-2013, 02:08 AM Parent: #35 زارنا الثلج... فاجانا اليوم بمقدمه،،هبطت علينا من الغيم فراشات بيضاء،،وما هي الا هنيهة،وانتبهنا،،لنجد المكان والاشياء،،لم تعد هي ما الفنا،، وبدا الامر بالاشجار،،تساقطت فوقها الفراشات البيض ،ثم اذا الاشجار تتدثر بثياب بيضاء،،سقوف بيضاء،البراحات يغطيها ثوب ابيض،،العربات الشوارع،،الهواء،،هذا سديم ابيض غامض وعجيب،اذ كيف للبحيرات والانهار الضاجة بالحياة،،ان يتنزل عليها هذا الزائر الغامض برفقة بنيه فيحيلها في بضع ان الي دنيا اخري... الان حولي تغير مسار الحياة،،وتغيرت الاشياء حتي انك لا تعرفها،،تاسرك غراءبيتها،،ويخيفك منها ان ما هي،،من اي افق جاءت هذه الحمائم البيض فسدت البراحات،،كيف لها هذا اللون المغرم بالسطوح،الكيمياء السهلة التركيب العصية علي التعريف،،المعتاد جزئيا في كل تفاصيل حياتنا،،حتي جاء ككل بكلكله،،انكرناه،،وطفقنا نختبئ منه،،نغلق علينا البيوت،،نسد ستائر النوافذ حتي لا تشعرنا بعالم ابيض بارد موحش كئيب يمكن ان يفجؤنا يوما... المدينة الان تستسلم له،،هو القادر علي ان يفرض سلطانه علي الجميع ،هو الملقي بثوبه عليها ،،ثوبه الابيض الساطع بالوضوح،،كيف تخيف اقصي العتمة الانسان ويرعبه عالم ابيض غارق في وحشة وسطوع... ااوينا الي اقصي الروح نستمد دفئا يعين علي الصمود،،دخلنا الي داخل الحجرات،،اغلقنا التلفاز الذي بات محتلا بكامله بهذا الجنرال الفخيم،،ضبطنا التدفئة علي اعلي درجاتها،،،ودخلنا متدثرين تحت اغطية ثقيلة،،،وغنينا اذاي الليلة وحرق بي نار الكمائن ديلا،،عسي ان يبعث فينا حر عوالمنا بعض الدفء في شتاء لم يترك براحا الا غطاه بثوبه الابيض الصلد الموحش العجيب.

---

Post: #37 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-07-2013, 06:57 PM Parent: #36 Quote: Posted 19 minutes ago – Environment Canada How likely: How soon: How severe: Extreme wind chill values below minus 40. This is a warning that extreme wind chill conditions are imminent or occurring in these regions. Monitor weather conditions..listen for updated statements. Frigid temperatures combined with moderate winds will result in extreme wind chill values between minus 40 and minus 50 this afternoon. At these extreme wind chill values frostbite on exposed skin may occur in less than 5 minutes. الآن حصّلت 48 درجة تحت الصفر ...

---

Post: #38 Title: Re: الـوآطـة بـرّا وآقـفـة أضـان دحـش... والله صـحـي... Author: عبدالحفيظ ابوسن Date: 12-07-2013, 07:09 PM Parent: #37 حكي لي فلان { لو جبت اسمو الناس البعرفونا ممكن يخمنو البطل قال لي صاحبي فلان عرس ,, وشهر العسل في سوريا اقل تكلفة من اي مدينه هنا ,, لأنو الدنيا شتا والشقق رخيصه ,,, وبعدينك حكاية شتا دي برضو ما بطالة مع عريس ,, المهم سافر عسل وجا وقال لي مشينا للشمارات اها ان شا الله قضيتو ? قال لي قال لينا هو نحن ملصنا هدومنا ,, لقو البرد نخره ###### بس

---

Post: #39 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-08-2013, 12:41 PM Parent: #38 Quote: Next 5 Days Early AM Dec 8 A few stray snowflakes Lo -18° more Today Dec 8 Very cold with a snow shower -16°Lo -24° أحححححححححححححححح، اخيراً فُرِجت ...

---

Post: #40 Title: Re: الـوآطـة بـرّا وآقـفـة أضـان دحـش... والله صـحـي... Author: محمد عمر الفكي Date: 12-09-2013, 06:37 AM Parent: #39 قال احدهم حفظه الله الليلة السـَّقـط طلَّـق عيـالـو ونفَّ بالهـُضليْم ؤنـُفـَّاض التلج ما اتكفَّا جاب امطار ؤ هيطـِيلاً قَرَن ماجَفَّ والما عندو بُلبُلة كُلُّو فيهو اتشفَّا

---

Post: #41 Title: Re: الـوآطـة بـرّا وآقـفـة أضـان دحـش... والله صـحـي... Author: معاوية المدير Date: 12-14-2013, 12:45 PM Parent: #40 ألحقوا القاهرة، نحن هينين. يا ود الفكي شكلك كدا حا تفحط...

---

Post: #42 Title: Re: الـوآطـة بـرّا وآقـفـة أضـان دحـش... والله صـحـي... Author: محمد عمر الفكي Date: 12-15-2013, 06:32 AM Parent: #41 هههههههههه شوف المساطيل بسوو في شنو يا مدير هاك الرباعيات المنقولة دي تلج امريكا فوق روس الجبال انلفَّ طلق الزيف ؤجاب لينا الكياقي مصفَّي شقر المرنع البيهن عقيد رفَّ في لبَّاتهن التقا للبدور يتدفَّا صقط امريكا يا عمر الشدور حتاهن والشقر السموح مستفردات في غطاهن السباني فيهن ؤفي الضمير ختاهن قادر يلمنا وينزال شتاي ؤشتاهن صقط امريكا يا عمر النزل بتلوجو خلي الناس كتير زي اليتامي يلوجو زولي الجسمو بتفوق تلي محلوجو ديسو وسادتي والعسل اللذيذ مفلوجو