Post: #1
Title: والتوجيه صدر كإعلان صحفي مدفوع الثمن .. فتأمل!
Author: Hussein Mallasi
Date: 12-02-2013, 08:56 AM
Parent: #0
يا حليلك يا الدابك صحيت!
عن (الرأي العام) الصادرة اليوم.
|
Post: #2
Title: Re: والتوجيه صدر كإعلان صحفي مدفوع الثمن .. فتأمل!
Author: Hussein Mallasi
Date: 12-02-2013, 09:15 AM
Parent: #1
انتهت بنا (الإنقاذ) والإدارات واللجان الحكومية تخاطب
بعضها البعض بواسطة بالإعلانات صحفية مدفوعة القيمة!
|
Post: #3
Title: Re: والتوجيه صدر كإعلان صحفي مدفوع الثمن .. فتأمل!
Author: حمد عبد الغفار عمر
Date: 12-02-2013, 09:23 AM
Parent: #2
| Quote: ما فهمت علاقة الدين و الجهاد بموضوع التقاوي و مزارعي الجزيرة |
ولا أنا
بعدين كان عايزين يعوضوا مزارعي الجزيرة جد جد خليهم يحاسبوا من تسبب في الكارثة
|
Post: #4
Title: Re: والتوجيه صدر كإعلان صحفي مدفوع الثمن .. فتأمل!
Author: محمود بكر
Date: 12-02-2013, 09:25 AM
Parent: #2
الراجل ياحسين يريد ان يقول للمزارع ان دعمتكم
كان المفروض هو الذي يحمل سيف المواجهة
امام الوزارة والبنك الزراعي لكن لانه يعلم
ما حدث عمل نايم لكن انتشار الفضيحة ارغمه على الظهور ليته ظل ساكتا
|
Post: #5
Title: Re: والتوجيه صدر كإعلان صحفي مدفوع الثمن .. فتأمل!
Author: معاوية المدير
Date: 12-02-2013, 09:25 AM
Parent: #2
Quote: انتهت بنا (الإنقاذ) والإدارات واللجان الحكومية تخاطب
بعضها البعض بواسطة بالإعلانات صحفية مدفوعة القيمة! |
أرفع راس الجزيرة يا ملاسي.
إنت دحين الزبير طه دا مُش البيتو اتحرق
وسوالوا تكريم ؟؟؟.
Quote: بواسطة بالإعلانات |
(انتهت بنا (الإنقاذ) والإدارات واللجان الحكومية إلي أن تخاطب
بعضها البعض بواسطة إعلانات صحفية مدفوعة القيمة! ).
إعتقد الصواب هكذا،
والله أعلم...
|
Post: #6
Title: Re: والتوجيه صدر كإعلان صحفي مدفوع الثمن .. فتأمل!
Author: Hussein Mallasi
Date: 12-02-2013, 09:29 AM
Parent: #5
البيتو اتحرق وكرموهو بروفيسور تاني اسمو الأمين دفع الله؛
وبالمناسبة .. هنالك تسريبات تشير لخلافته البرفيسور المجاهد في الجزيرة.
|
Post: #8
Title: Re: والتوجيه صدر كإعلان صحفي مدفوع الثمن .. فتأمل!
Author: سيف اليزل الماحي
Date: 12-02-2013, 09:39 AM
Parent: #6
.
لم يكتفي كاتب البيان الجهبز بعبارة "المحصولات" الإستراتيجية، وحسب بل أضافة إليها عزة وكرامة أهل السودان عامة والجزيرة خاصة!
.
|
Post: #9
Title: Re: والتوجيه صدر كإعلان صحفي مدفوع الثمن .. فتأمل!
Author: معاوية المدير
Date: 12-02-2013, 09:49 AM
Parent: #6
| Quote: هنالك تسريبات تشير لخلافته البرفيسور المجاهد في الجزيرة. |
عبد العزيز داود الله يرحمو قال كانت عندو حفلة خيرية في الأُبيض، قام
ابو العزائم قال ليهو، نمشي لتجار الأُبيض نقدمك ليهم ونوريهم إنوا
دخل الحفلة لصالح مدرسة الأُبيض.
أها، قال مشو لأوّل تاجر وابو العزائم قال ليهو، دا الأُستاذ عبد العزيز
داود الحا يقيم الحفلة. الراجل طوالي راح مقاطعوا وقال ليهو، يا زول
نحن لا بنعرف عبد العزيز داود لا عبد الظمار، دايرين عاشة الفلآتية!!!.
ابو العزائم طوالي فرتك من الراجل وكان زعلآن. ابو داود قال ليهو،
يا اخي إنت زعلآن ليه؟؟؟، الناس ديل دايرين الفلآتية. خلاس اعملوا
إعلآن إنو الحفلة بعبد العزيز داود راجل الفلآتية.
ابو داود كان جادي، وإتعمل الإعلآن وحضر جمهور غفير لمشاهدة
راجل الفلآتية. ابو العزائم كان مبسوط جداً لنجاح الحفلة، وقال
لأبو داود، فكرة الإعلآن نجّحت الحفلة. عبد العزيز داود قال ليهو،
إنت في نجاح الحفلة، واللآ الدخّل عبد العزيز داود مع عبد الظمار
شنو ؟؟؟.
دحين الدخّل التقاوي الفاسدة مع الجهاد شنو ؟؟؟.
بعدين يا ملاسي الجماعة ديل متين قاعدين يدفعوا
كي يعلنوا ؟؟؟...
|
Post: #7
Title: Re: والتوجيه صدر كإعلان صحفي مدفوع الثمن .. فتأمل!
Author: د.محمد حسن
Date: 12-02-2013, 09:33 AM
Parent: #1
مع ملاحظة ان يضعوا في الاعتبار
يعني لو ما وضعو في الاعتبار مزارع الجزيرة اكل نيم
|
Post: #10
Title: Re: والتوجيه صدر كإعلان صحفي مدفوع الثمن .. فتأمل!
Author: مهدي صلاح
Date: 12-02-2013, 08:44 PM
Parent: #7
الربع قرن الفات وراح شمار في مرقة كان ديدن النظام عدم الالتفات للضحايا والمضي في تسويق الاكاذيب
ويبدو ان تكتيك المرحلة هو حركة كدة زي الاقرار بوقوع خطأ والمحصلة هي أن المسيرة القاصدة مستمرة ونظام الانقاذ جاثم على ما تبقى من الشعب
|
Post: #11
Title: Re: والتوجيه صدر كإعلان صحفي مدفوع الثمن .. فتأمل!
Author: Hussein Mallasi
Date: 12-03-2013, 08:55 AM
Parent: #10
الخلاصة إنو الزبير طلع مجاهد ساكت!
|
Post: #12
Title: Re: والتوجيه صدر كإعلان صحفي مدفوع الثمن .. فتأمل!
Author: ياسر احمد محمود
Date: 12-03-2013, 09:15 AM
Parent: #11
لا يجيد كتابة بيان من عشرة أسطر بصورة تخلو من الأخطاء اللغوية والركاكة، ومع ذلك يقول عنه الكيزان " بروفسور"!!
|
Post: #13
Title: Re: والتوجيه صدر كإعلان صحفي مدفوع الثمن .. فتأمل!
Author: Hussein Mallasi
Date: 12-03-2013, 09:24 AM
Parent: #12
| Quote: يقول عنه الكيزان " بروفسور"!! |
هو كذلك .. أو بالأحرى كان كذلك عندما كان يعمل في المؤسسات الأكاديمية!
|
|
