Post: #1
Title: لن يعاقب الاتحاد العام الجاكومي!
Author: Hussein Mallasi
Date: 12-01-2013, 07:22 AM
ببساطة لأن الجاكومي - مساعد رئيس الاتحاد العام ورئيس اتحاد الحصاحيصا لكرة القدم - هو محمد سيد أحمد سر الختم بينما رئيس الاتحاد العام لكرة القدم هو معتصم جعفر سر الختم .. لزم!
|
Post: #2
Title: Re: لن يعاقب الاتحاد العام الجاكومي!
Author: عمر الفاروق
Date: 12-01-2013, 07:33 AM
Parent: #1
مالك جعفر كذلكا كان أمين عام نادي الهلال..
وعندهم واحد تاني كذلكا أيضنو رئيس إتحاد الكاملين صم ثينق كده سر الختم ..
وشن قولك يا بشير.. دقووولك يا بشير..
|
Post: #3
Title: Re: لن يعاقب الاتحاد العام الجاكومي!
Author: وضاح عبدالرحمن جابر
Date: 12-01-2013, 07:43 AM
Parent: #2
Quote: مالك جعفر كذلكا كان أمين عام نادي الهلال..
وعندهم واحد تاني كذلكا أيضنو رئيس إتحاد الكاملين صم ثينق كده سر الختم ..
وشن قولك يا بشير.. دقووولك يا بشير.. |
سلام عمر
ما عندهم زول فى الكاملين
لكن اعتقد قريبهم فتحى ابراهيم عيسى
او هو من الحصاحيصا برضو
|
Post: #4
Title: Re: لن يعاقب الاتحاد العام الجاكومي!
Author: عمر الفاروق
Date: 12-01-2013, 08:00 AM
Parent: #3
عندهم بس امكن ما ود عمهم لكن قريييبهم شديد وظهر ايام الانتخابات الأولى بتاعت الاتحاد وقضية التلاعب الشهيرة بي شراء الاصوات.. وكان برضو طالع في الكفر ايام صيانة ملعب الكاملين .. وبتذكر وقتها ومن شدة تطاولهم وتجمعهم ضد الهلال قام الهلال انتقم من فريق تابع ليهم في الاتحاد المحلي وأداهو 17 - صفر تقريبا ويومها سادومبا داب 10 أقوان :)..
غابلا بيكون ياهو زول فتحي ده انا والله الاسم رايح لي لكن نفففس ملامحهم وبيشبههم شديييد..
|
Post: #5
Title: Re: لن يعاقب الاتحاد العام الجاكومي!
Author: طلحة عبدالله
Date: 12-01-2013, 09:21 AM
Parent: #4
والله المفروض الاتحاد العام دا يعاقب نفسو بالنفر
يمسكم من معتصم جعفر لغاية الزول الضخم الاسمو جعفر البتلقاهو دائما في باب
الاتحاد وأبواب الاستادات
يجب أن يعاقب كل واحد فيهم بالجلد تلتين أربعين جلدة والغرامة بما يعادل كل الأموال
الصرفوها في الفارغة ومقدودة منذ مجئهم لسلطة الاتحاد العام الهاملة دي لغاية هسع دي
على أن يتم إبعادهم نهائيا من أي منصب اداري رياضي لمدة 100 سنة قادمة وإذا ماتوا
تسري العقوبة على أولادم واحفادم .
دا كلام فارغ ساي .
|
Post: #6
Title: Re: لن يعاقب الاتحاد العام الجاكومي!
Author: وضاح عبدالرحمن جابر
Date: 12-01-2013, 09:32 AM
Parent: #5
Quote: عندهم بس امكن ما ود عمهم لكن قريييبهم شديد وظهر ايام الانتخابات الأولى بتاعت الاتحاد وقضية التلاعب الشهيرة بي شراء الاصوات.. وكان برضو طالع في الكفر ايام صيانة ملعب الكاملين .. وبتذكر وقتها ومن شدة تطاولهم وتجمعهم ضد الهلال قام الهلال انتقم من فريق تابع ليهم في الاتحاد المحلي وأداهو 17 - صفر تقريبا ويومها سادومبا داب 10 أقوان :)..
غابلا بيكون ياهو زول فتحي ده انا والله الاسم رايح لي لكن نفففس ملامحهم وبيشبههم شديييد..
|
لا يا عمر
رئيس الاتحاد الظهر ايام تجديد الاستاد اسمو سيف الدين الطيب ... ما عندو علاقة بى معتصم او اسرتو
ومشكلة الانتخابات دى الكان فيها صلاح ادريس وشداد
واتحادات الجزيرة تقريبا وقفت مع شداد ... ما عدا اتحاد الكاملين كان واقف مع صلاح ادريس
والمسألة ما تطاول على الهلال .... دى انتخابات اتحادات ... الهلال يمثلو اتحاد الخرطوم .. وهو ما طرف مباشر
ولما جات انتخابات معتصم ضد شداد وقفوا مع معتصم وهو بمثل اتحادات الجزيرة
فالقصة مصالح اتحادات فقط
|
Post: #7
Title: Re: لن يعاقب الاتحاد العام الجاكومي!
Author: عمر الفاروق
Date: 12-01-2013, 09:42 AM
Parent: #6
وضاح يا حبوب..
معليش خليني أختلف معاك المرة دي ..
الشغلانة كان الهلال طرف فيها إضافة لي قصة صراع إتحادات دي..
الخيوط كانت متداخلة شديد والجماعة ديل كانوا عاملين عصابة على الهلال ..
|
Post: #8
Title: Re: لن يعاقب الاتحاد العام الجاكومي!
Author: Hussein Mallasi
Date: 12-02-2013, 05:42 AM
Parent: #7
الفرق بين شداد ومعتصم جعفر سر الختم أن شداد لا يسمح (بالمسخرة) ولو أتت من أبوهو خليك من ود عمو!
|
|