قطر السكه حديد الجديد دخل عطبره اليوم برافو مكاوي

فرح كبير بين مواطنين عطبره وهم يصطفون في الشارع لمشاهدة القطار الجديد...نعم حقيقي واقعي شفناه عيانا بيانا داخل المدينه تسبقه صافرته وكان السائق يدعونا للمشاهده فعلا مرقنا وشفنا
صدق مكاوي كما وعد ....داخل قادما من بورتسودان ليذكرنا
ان هذه المدينه هي عاصمة سكك حديد السودان
هي عطبره
اي عطبره
السكه حديد وان عادت السكه حديد لاشك سينهض السودان

شكراً مها، وبنجيكم بيهو تب منتصف
شهر يناير إن شاء الله...

سلامات المدير
كتير من القري بين الخرطوم وعطبره قامت علي السكه حديد والقطارات
والبيع في المحطات
وكل مدينه او قريه اشتهرت بنوع معين من الماكولات او الفاكهه او المصنوعات اليدويه
الناس فقدت مصدر رزق ساهم في قيام القري وتوطينهم قريب من المواصلات القطر
ياريت القطر الجديد غير انو يفك الاختناق في السفر يفرج علي الناس الحيتقرر يقيف فيها القطر
ناس ككثر من ابناء المدينه عمال السكه حديد نفهم جدا قيمة قطر يربط بين مدينتين خيره اكيد سيمتد للمواطن البسيط الغلبان
وممكن كمان فرق السعر في التذاكر يسحب شويه من بساط شركات النقل

مبروك


لناس عطبرة




دخول القطار الجديد



اتمنى ان يساهم فى حل


مشاكل المواصلات فى هذه المدينة






م. الطيب

سلامات محمد الطيب
وانا اشاركك التبريكات والامنيات الكبييييره بان يظهر القطر الجديد لعطبره بعض من رحيقها ورونقها والذي يعرفه كل السودانين
وان تعود عطبره سيرتها الاولي

الأخت مها ................سلام

أول الغيث قطرة ......

السكة حديد في الطريق الصحيح .....

انجاز عظيم وتحدي رغم الحصار المفروض على السودان ....

تحياتي

سلام يا مها
و حاة الله انا لما تجي سيرة عطبرة او اتبرة
بدستر
و الدساتير عاوزه يدقوا ليها الظهر
من شدة الحب لهذة المدينة الفاضلة
فاملي ان تعود عطبرة كما كانت
و يعود الحبايب و يعود قطار الشوق و البلابل
و نغني لست المدائن
خليناك عافية يا مها

Quote: فرح كبير بين مواطنين عطبره وهم يصطفون في الشارع لمشاهدة القطار الجديد...نعم حقيقي واقعي شفناه

احلفي

سمح

ي عبدالله

سلامات حسن
ان شاء الله تعودمدينة
قطار الشوق
والقطر الشالك انت
مدينة العطبراوي
والرشيد مهدي

سلامات رضا
عطبره مدينة النضال تستحق ان يفرح مواطنيها بعد الحرب الطوييييله لقطاع النقل الاهم والارخص في العالم ومع الازدياد الجنوني لاسعار تذاكر السفريات
شي يفرح وسط كل شي سئ
اقل م يمكن ان يحدثه القطار حركة محطة عطبره والتي كاد ان يسكنها البؤم لولا حركة قاطرات القطاع الخاص

اخلاس المشرف
صح المحلي داخل عطبره
حليل زمان زمن
قطارة كريمه
حلفا
بورسودان
والوحده لمن اتحدي نميري العمال
مشي نميري والعمال فضلو
هسي الحكومه ح تغادر
وتعود السكه حديد

برافو برافوا وكمان برافو المهندس مكاوي

شغلك نظيف ، انت انسان مفخره

حسب حكاوي بعض المهندسين الذين انضموا للعمل في الشركه السعوديه للكهرباء حيث اعمل

حكوا وافاضوا عن الخطط التدريبيه التي حصلوا عليها ابان توليه اداره الكهرباء ، دون محاباه او واسطه بل التدريب للجميع. تدريب اتاح لهم فرصه التأهيل والمنافسه في هذا القطاع في الخليج


كما ان نظام شراء الكهرباء بواسطه كروت الشحن يعتبر انجاز نفتخر به كثيرا وسط الزملاء في العمل. وغيرها من الانجازات

اتمني له التوفيق في تطوير السكه حديد حتي نفتخر بها الاخري.
مبروك ناس عطبره

سلام يا مها
خبر جميل ويسر البال
انا شفت عطبرة مرة واحدة وانا في الثانوي العالي
ذهبنا لزواج جارنا نجم الدين الحسن وسوما
ادهشني ورسخ في ذهني حتى اللحظة لحظة خروج العمال من الورش بالعجلات
وسعدت جدا بانشاء متحف السكة حديد في عطبرة
ليحكي بناء هذا المجد العظيم على ايدي رجال لن يجود بمثلهم الزمان
وهو يحوي كماعلمت من مقال قراته قبل فترة على مستندات السكرتير الإداري في السودان
والتقارير المصلحية والمالية والإدارية لحكومة السودان في الفترة من 1899م إلى 1907
اضافة الى أهم المقتنيات مثل الفلنكات الخشبية والحديدية
التي وضعت عليها وابورات بخار وديزل صنعت عام 1901م
وعربات سكك حديد تصنيع اعوام 1901م -1904-1912م
اضافة إلى أتومبيل ماركة «قانق» انجليزي الصنع 1949م وترولي يد 1972م..
أما أعظم هذه المقتنيات التي تعتبر ذات قيمة تاريخية بوابة الملكة فكتوريا
وبالمناسبة ان اول قطار دخل عطبرة كان في نهايات عهد إسماعيل باشا في يوم 15 فبراير 1875م
حيث وضعت أولي القضبان في "وادي حلفا.
وكان المهندسان الاستشاريان المشرفان على المشروع هما المصري شاهين باشا والبريطاني جون فاولر.

حـديـد عـطـــبرة قـابـلــنا مـديـر الــورش
كأمـركـم تـفـاوضــنا معـه فـلـم يـقـنـعـنـا
أعــطى فــريـقــاً مـن الـعــمـال وعـــداً
فــلـم يـعــدنا نـحـن بالـمـنـازل تــحــت
أمـــــركـم بـعـــد رد الـــمـظــالـم أو ِ
الـــــوعــد الـــصـارم.

الخريجين
16/ 2/ 43



يبدو أن هذه البرقية التى أعقبت اللقاء مع مدير عام الورش بورشة مدرسة الصنائع عطبرة يوم 16/ 2/ 1943 كانت بمثابة الشرارة التى أشعلت المواجهة بين السلطة الإستعمارية و العمال الذين إتضح أن بعضهم كان فى حالة إضراب عن العمل
-----------------------
سودانفوراول

نقابات عمال السكه حديد كانت سلطة حقيقيه ومارست دورها الطبيعي في الدفاع عن العمال وعن وجودها بشرف كبير
الي تسعينات القرن الماضي حين دقت الحكومه العمال في مقتل ومنذ ذلك الوقت فقدت النقابات استقلالها بالانتخابات الصوريه الكاسب فيها منظموها
ربنا يعين ان شاء الله وتنهض من عثرتها الطوييييييله

يا سلالالالالالالالالالالالا خبر السرور

ان شاء الله عند حضوري سازور مدينتي الجميلة

بعدت عنها لاني لا احب ركوب البصات..

التحية لعطبرة ولعمال عطبرة ولاهل عطبرة

وشكرا مها

سلامات دكتوره نجاة
تسلمي ان شاء الله
اكيد السفر بالقطر غييييير

سلامات خالد العبيد
شكرا جدا للمداخله الثره عن المتحف
طبعا كنز من الكنوز قد لا يعلمه الكثيرين بس اذا زرت المدينه اول مره لابد وان تدخل هذا المبني متحف السكه حديد الكائن في حي السودنه هذا المتحف غير كم الورق والقاطرات وبوابة الملكه فكتوريا تتحير تعجب من دقة الحفظ المتحف جدا جميل ومنظم
فيهو راديو ملفت من سبعينات القرن المنصرم الا انه صوته كان الرادي صنع اليوم

سلامات محمد هاشم
صح رجل مشهود له بالكفاءه جاء السكه حديد من الكهرباء بعد الخلاف الشهير مع اسامه
اذا اطلقت الحكومه يدها من البلد وتم انهاء الحصار الاقتصادي سيعيد للسكه حديد مجدها

سوداني نت - فضائيّة الشّروق:
إسْتقبلت محطّة السكّة حديد بمدينة عطبرة بولاية نَهْر النّيل قاطرتي الرُّكّاب الجديدتين تمهيداً لتدشين أُولى الرّحلات ما بين مدينتي عطبرة والخُرطوم خلال الأيّام المُقْبلة.
وأوضح نائب المُدير العام لشئون التّشغيل مُحمّد حامِد أن القِطارين يُمثِّلان نُقْلة كُبرى في مجال نقل الرُكّاب ويتميّزان بالسُّرْعة والأمان وأشار إلى أن الخدمات المزود بها القِطار مِن الدّاخِل تُواكِب مِن حيث الجّودة و المُواصفات أحْدث ما وَصل إليه العالم المُتقدِّم في هذا المجال.

وأكّد أن الهيئة عازمةٌ على اسْتجلاب المزيد مِن الوحدات النّاقلة لبقيّة الخُطوط في المُسْتقبل القريب، وقد أُطْلِق على القِطار إسْم (قِطار النّيل) حيث يتألّف مِن أرْبعة وُحْدات في المَرْحلة الأُولى.

وسبق تشغيل القِطار صيانة الخط الحديدي ما بين عَطْبرة و الخُرْطوم في الإطار الفنِّي و الهنْدسي والإلكتروني لتأمين حركة السّير.



http://www.sudaninet.net/details.php?type=nandscope=aandlang=arandarticleid=12305

الفين مبروك يا مها ...

رجعتينا للزمن الجميل ...

سلامات يحي هباني
تسلم ي رب
عطبره زمن الحال زين والعمال يملو العين
ان شاء الله تعود دورة الحياة اليها مره اخري

Quote: سلامات يحي هباني

نتشرف يا مها ...

لكني قباني والله ... ماني هباني :)

قطار بسرعة ( البرق ) ما بين الخرطوم وعطبرة .....

اردمي يا مها

وعقبال الاندر قراوند داخل عطبرة

حاجة تفرح والله

تشكراتي

سلامات ود الباوقه
صح خبر مفرح بس كمان م ننسي حادثتين هامتين كانت السبب في انه اقوي سكك حديد في افريقيا نحتفل الليله بقطرين ركاب في السابق كان كل ساعه بقوم قطر
كانت محطة عطبره وكنت اسكن مجاوره لها تماما
محطة تزدحم بالعابرين من والي كل السودان
واحده من الحادثتين اضرابات عمال عطبره الشهيره في التمانينات حيث قام النميري كما تعلم بتكوين الكتيبه الاستراتيجيه من عمال عساكر والتانيه في التسعينات والتي قام فيها محمد الحسن الامين بتشريد وفصل اربعه الف عامل في اضرابهم الشهير ...وهدم اهم وارخص ناقل وطني الحقيقه لو الزول فكر بطريقه تانيه شي يحزن بس خلينا نفرح عسي ولعل بزوال المسبب ينعدل الحال
تحياتي

Quote: : مها عبدالمنعم واحده من الحادثتين اضرابات عمال عطبره الشهيره في التمانينات حيث قام النميري كما تعلم بتكوين الكتيبه الاستراتيجيه من عمال عساكر والتانيه في التسعينات والتي قام فيها محمد الحسن الامين بتشريد وفصل اربعه الف عامل في اضرابهم الشهير ...وهدم اهم وارخص ناقل وطني الحقيقه لو الزول فكر بطريقه تانيه شي يحزن بس خلينا نفرح عسي ولعل بزوال المسبب ينعدل الحال تحياتي

سلام مها
فعلا شئ محزن ما وصلته له عطبرة من تشريد لعمالها وانهيار اهم ناقل في السودان السكك الحديد ، كان السودان جميلا ما بين مشروع الجزيرة وعطبرة وجامعة الخرطوم وتعليمنا ولكنهم هدموا كل شئ عن قصد .
كيف نفرح وهم يديرون هذا الاسطول بإسلوب تجاري بحت لاعلاقة له برفاهية المواطن .
وبرضوا خلينا نفرح عشان عطبرة ترجع عطبرة والجزيرة كمان .
مع احترامي لك ولضيوفك .

سلامات فتح العليم
هي امنيات بان ينعدل الحال وتعود ام المدائن عطبره لعهدها الاول

لك العتبي يحي قباني

ادبره من المدن المتمني زيارتها

شكرا مها

سلامات خال فاطنه
اتبره والتي ينطقها بعض اهلنا ادبره مدينه لتتعرف جيدا عليها تزورها
تتعرف علي مجتمع انتفت فيه العنصريه القبليه بصوره كبيره الانتماء للعطبراويه فيها اكبر من كل شي
فيها الزوايا والتي يندر ان تجد مثيلا لها في مدينه تانيه
اعتبرني قدمت لك الدعوه الان لزيارتها

شكرا يا مها
السنة الجاية لو مد في العمر جاي السودان
واتمنى ازور عطبرة لمشاهدة هذا المتحف
هنا في استراليا- مدينة كانبيرا حيث اعيش يوجد متحف اسمه المتحف الحربي
ده فيهو بلاوي قديمة لدرجة لا تصدق .. متحف مذهل فيهو اي شئ عن تاريخ استراليا الحربي
وعن الحروب التي شاركوا فيها.. شاهدت فيه عدد 2 من جبب الانصار
جلبها المقاتلون معهم في حربهم ضد اصار المهدي
اتمنى ان يحتوي معرض السكة حديد على اي شئ له علاقة بتاريخ سكك حديد السودان
والمعروف انه في عام 1939 اختيرت عطبرة مركزاً رئيسياً لإدارة السكك الحديدية وورشها
وان يؤرخ للجميع بداية بمحمد الفضلي اول مدير لسكك حديد السودان بعد السودنة عام 1945
وان يحتفظ المتحف بتاريخ أول نقابة عمالية في السودان ولدت في عطبرة عام 1947
وان تحفظ فيه كل المذكرات والبيانات واسماء النقابيين ونضالاتهم وشجاعتهم امام كل الحكومات

سلامات خالد العبيد مره اخري
متحف السكه حديد ثري لدرجة الدهشه فيه كل شي يخص السكه حديد من بداية نشاتها وفيه وثائق ومكاتبات في غاية الاهميه
اكيد من يزوره ح يلقي غرضه كان فرجه
كان معلومه
كان دهشه
كيف انه السودان دا بلد ظلمه اهلو بعد كنا نقف في الصف الاول
الان اين نحن
نحتفل بقطرين !

المحل دا؟

سلامات محمد
ظاهر في خلفية الصوره صهريج المويه التابع لمياه عطبره في الفكي مدني
بس دا شكلو موقف مواصلات بورسودان

عطبرة تستاهل أكثر و أكثر
وجود وسيلة مواصلات أخرى بين عطبرة و الخرطوم بخلاف البصات و بهذه المواصفات و زمن رحلة مختصر (لا تزيد عن 4 ساعات مع التوقفات) لا شك أن ذلك سيعزز مكانة عطبرة و يجعلها مؤهلة لاستقطاب المزيد من أبناء السودان للاقامة بهاالأمر الذي سينعكس ايجابا على الحراك الاقتصادي ؛ عطبرة حاليا تفي بالاحتياجات الأساسية للحياة مثلا:
- السكن متوفر و بأسعار معقولة تتناسب مع مختلف المداخيل وما زالت هنالك امتدادات باتجاه الشرق
- التعليم متوفر ، عام و خاص و جامعة وادي بكلياتها المختلفة أصبحت جاذبة حتى لغير أبناء الولاية لا سيما كليات الطب و الهندسة بعطبرة
- الصحة رغم ظهور مستشفيات خاصة إلا أن المستشفى العام دون الطموح و خدماته متردية و لا تسر ، مستشفى عطبرة بحاجة إلى تأهيل كامل
- الخدمات الكهرباء مؤمنة و مستقرة بحمد الله إلا من قطوعات قليلة و متفرقة، و المياه متوفرة بصفة عامة و لكن هنالك ضعف في بعض الأحياء و بالرغم من تشغيل محطة التنقية
الجديدة إلا أن المواطن لم يستفيد منها حتى الآن لعدم استكمال تغير الشبكة القديمة التي لا تتحمل ضغط المحطة الجديدة.
- صحة البيئة أسوأ شيء في عطبرة تدني صحة البيئة و هي مشكلة مشتركة بين المواطن والبلديات ، حيث أن امكانيات البلديات ضعيفة جدا و من ناحية أخرى سلوكيات المواطنين بحاجة
إلى ترقية و تثقيف لايجاد بيئة نظيفة و صحيحة، و المثال الفاضح السوق الكبير في عطبرة!!

نتمنى أن تتحسن الأوضاع أكثر و أكثر، و أتمنى أن تتم المحافظة على هذه القاطرات و أن نحسن استخدامهالاستدامة هذه الخدمة.

سلامات هاشم طه
تسلم علي الاضافه الثره مع التنبيه انو مستشفي عطبره هو الاسوافي تقديم الخدمه فيحتاج لوقفه جاده وجدا حتي يتغير التصنيف الصفري للمستشفي
اشان يكون قبله كالسابق لمواطني الولايه لمستشفي تعليمي

مهاعبد المنعم
مبروك
وان شاء الله يكون قدم الخير علي عطبرة

معليش يا مها حا اشاتر شوية واخرب ليكم جو الفرح دا ،،،
يعني شمو قطار جديد يدخل الخدمة ،دا الوضع المفروض يحصل من غير حتى نعلم بيه
ويعني شنو البشير ولا علي عثمان يفتتح كبري ولا مشاية و الناس تفرح وتهلل وتكبر
دا دور اي حكومة تجيب قطارات جديدة وتعمل كباري وسدود وطرق مسفلتة ،،
-------
السؤال النظام دا لمن جاء كانت القطارة شغالة والسكك الحديدة مواصلة عمل ومشروع الجزيرة منتج والنقل النهري شغال وغيرو وغيرو
جات حوالي اكتر من 14 سنة والبترول متدفق وين قروشو راحت في كلام فارغ وفساد وهسع يقطعوا ويتدينوا ويرهنوا عشان يجيبوا قطارات ونحن بفرح مقرف نصفق ليهم
فيكم واحد عرف القطارات دي جات كيف ومنو الاستوردا وبي كم وكيف حا تدار يعني بكرة يجيبوا واحد مهندس موالي وفي سنة واحدة يرجعا الى الحضيض ،،
-------------
بقينا نفرح بي حاجة هي اصلا مفروض تكون واجب على جكومتنا الرشيدة توفيرها لينا من غير اي احتفال ،صراحة
انا ما فرحان ولا حاجة انشاء القطر ابقا سواقو لأنو دا انا شايفو قليل جدا علينا في ظل اهدار مليارات الدولارات من قبل هؤلاء المؤتمرجية
يعني يجيبوا قطر خردة ملمع طوالي نفرح ونهلل ونكبر ونخليهم كأنهم عملوا انجازات تخلينا ننسى اخفاقاتهم وفشلهم في خق الوطن والمواطن ،،
-------

احترامي مها عبد المنعم ما تقولي الزول حاقد ولا حاسد ممكن تقولي محبط وقرفان منكم لتلبيس الفرح في غير موضعه
وتوزيع فرمان نجاح لنظام اكبر علامته الفشل والفساد

زماان في بداية التسعينات
كنا مجموعة من الشباب ، جايين من مقرات

ركبنا القطر من أبو حمد
المهم جاء ركب معانا واحد بعد فترة علمنا إنه بابكر الزكّار
أها دي من الرحلات العمري ما حا أنساها
غنى لنا قطار الشوق أكتر من ستة مرات
لا يكل ولا يتذمر من طلباتنا
شكلنا فرقة ارتجالية وأدينا الأغنية معاه بطريقة رائعة

المهم السفر في الزمن داك كان صعب شوية وأذكر في بعض المناطق حيث يتمايل القطر زي السكران
بسبب سوء السكة
المشكلة ما في القطر الجديد، القطر القديم ذاتو كان سريع جداً بس لو شغلوهو بسرعتو القصوى حيطوي السكة وراه
السكة غير مؤهلة لاستيعاب السرعات العالية
أتمنى أن يكونوا غيروا السكة ووسعوها شوية

ياخي الظلط كمل شبابنا والله
والقطر دا بالنسبة لينا طوق نجاة

تحياتي مثنى وثلاث ورباع

سلامات بدرالدين بابكر
عطبره والقطر يرتبطان ارتباط النبض بالقلب
ايييييك ياما سافرنا في طفولتنا الباكره لايام واسابيع
نترك في محطه لنلحق في قطر اخر
وخالص التحاي

التحية للعطبراوية مها
من أجل عطبرة
تلك التي لعبت دوراً بارزاً في تاريخ السودان خاصة الحديث
عطبرة ألتى انجبت القيادات التاريخية للحركة العمالية
وحتماً سوف تعودي الي عهدة وأن ذلك لقريب
من أجلها
UP

وليك التحيه عادل
عطبره عطبره وان طال الزمن

انشاء الله

يكون قطر خير

علي الجميع

شكرا مها

سلامات ي علي
انت لو قريت البوست كلو ح تلقي نفسك م مشاتر ولا شي
بس يبدو انك قريت اولو

بس خليني اقيف في الجمع في نحن
مين تقصد بنحن
طبعا اذا دا تصنيف لي في خانة النظام اكون مطالباك اعتذار
كمان اذا قصدت ناس عطبره
دا كلام تاني

سلامات النزير
تسلم
ان شاء الله تعود عطبره زمن تحجز قبل يوم للسفر في الدرجات الاولي
وفي نفس يوم القطر في التالته
وبعد يصل القطر عطبره اذ في مقاعد بتفضي في المحطات بين الخرطوم عطبره

الأخت مها و ضيوفها الكرام
لكم صادق التحايا
في زمان مضى كان الناس يضبطون الساعات على مواعيد القطار في عطبرة. اكسبريس حلفا يتحرك من الخرطوم 6.45 صباحاً ويصل عطبرة الساعة 1.45. كل يوم أحد و أربعاء و كذلك قطار كريمة و بقية القطارات التي تربط الشرق و الغرب و الجنوب لها مواعيدها و على الأرصفة تجد البائعين و البائعات الذين يسترزقون من الركاب و لن نتكلم عن قطارات البضاعة التي هي أرخص أنواع النقل تكلفة. و أتى و الحمدلله علينا زمن عندما يعيد الينا السارقون المستهترون بكل ممتلكلت الوطن واحد من المليون مما سرقوه أو دمروه نفرح و نهلل و ننسى كيف كان حالنا فيما مضى و ما هو حالنا الآن.أعتقد أن المنطق يقول أن نحاسب المسئولين عن التطور أو التدهور الذي أصاب السكة حديد منذ أن تولوا أمرها و حتى ساعة دخول هذا القطار الأعجوبة الى عطبره .
و لك كل الود و الاحترام

Quote: بس خليني اقيف في الجمع في نحن مين تقصد بنحن طبعا اذا دا تصنيف لي في خانة النظام اكون مطالباك اعتذار كمان اذا قصدت ناس عطبره دا كلام تاني

نحن كلنا يا مها ،، يعني نستسلم لأعلانهم ونحشد انفسنا بعدديات كبيرة في افتتاح كبري او سد ،،
نحن يا مها البقينا زيهم في تضخيم الحاجات الاصلا هي مفروض لا تفرح ولا تغضب بل هي واجبنا على الدولة ،،
يا مها موعودين بزيارة لرئيس المؤتمر اللاوطني لي سنار في احتفالات الاستقلال عشان يفتتح كبري وكم عمارة بأسماء شهدا وفطايس وصدقيني برضو حا نمشي ونفرح بالاجاز الكبير ونهلل ونكبر
في حين انو دا واجب الدولة يعني ليس منة ولا مكرمة ،،
------------
وصدقيني حتة اصنفك مع اوضد النظام دي لا هبشتها من بعيد ولا قريب في مداخلتي ،، عليه حتة الاعتذار دي اصلا ما في مسبب ليها ،،
لكن كان دايراني اعتذر ساي كدة ،، اها يا مها انا اسف لكن لي شنو والله ما عارف ،،
---------

احترامي

سلام يا أستاذة مها
أنا بقرا ليك خصوصاً لما تكتبي عن عطبرة!
لحد ما بقيت لما تجي سيرة عطبرة، وهي كتير بتجي،
بقوم بتذّكر كتابتك!
يعني في رأيي تقوّقت على عبدالله علي ابراهيم ذاتو
في الكتابة عن عطبرة، ان كنت مواكباً للكتابة عن عطبرة.
عطبرة من أهم المدن لأي زول عايز يتكلم في الشأن العام.
وأي زول عاش واشتغل في عطبرة يملك أن يدلي برأيه في
الشأن العام بغض النظر عن موقعه السياسي أو الفكري!
الحياة النقابية ليها فوائدها في اطلاق اللسان وامتلاك حرية
التعبير وحرية الانتماء الفكري!

وعطبرة عرفناها مع الأهل (يعني بلد أهلنا هي وبربر) وعشقناها
لقضاء اجازات المدرسة الطويلة ديك لو متذكراها!
عودة السكة حديد لمجدها الذي عشنا في ظلاله أمر مفرح مفرح
وياريت يكتمل!

سلامات استاذنا مصطفي مدثر
شهادتك وسام حق لي التباهي به امام نفسي اولا والاخرين ثانيا
صح عطبره من المدن الولدتنا وربتنا علي عادات راسخه للان تلمسها لمسا في معايش الناس
اذكر تماما اجازات الصيف حيث نشد رحالنا عبر القطر الي اصقاع السودان البعيده
من عاش في عطبره اكيد حيفرح لعودة القطر قد لا يكون الحال كما نحب
الامنيات بان ينصلح الحال ويعود شريان البلد براياته العاليه

سلامات علي
هههه
شكرا جدا ضحكتني بصراحه علي ألاعتذار الساي وانا ايضا اعتذر لاعتذارك
او ع فهمي الم في ليهو سبب
والله موجوعين جدا
بس اتخيل م فكرت في وكتها الا شفت قطر قدامي بعد ايييييك
فكتبت م كتبت

Quote: معليش يا مها حا اشاتر شوية واخرب ليكم جو الفرح دا ،،، يعني شمو قطار جديد يدخل الخدمة ،دا الوضع المفروض يحصل من غير حتى نعلم بيه

Quote: أعتقد أن المنطق يقول أن نحاسب المسئولين عن التطور أو التدهور الذي أصاب السكة حديد منذ أن تولوا أمرها و حتى ساعة دخول هذا القطار الأعجوبة الى عطبره

Quote: لكن عشان ما ننسي تارنا مع هذه الطغمة الفاسدة التي ما زالت وما إنفكت تقتل في شبابنا

الأخت مها عبد المنعم:
و الله انتي غلطانة و ارتكبتي إثم عظيم ! ده خبر شنو ده؟ و ده كلام شنو ده ؛ يعني فرحانه بالخبر ده و كمان تبشري به؟ لا حول و لا قوة إلا بالله العظيم!
المفروض كان تنصبي صيوان عزاء و تلطمي الخدود و تطالبي بهبة (سبتمبرية) تانية تنادي بتحطيم و حرق هذه القاطرات اسوة بباصات ولاية الخرطوم التي تم حرقها في سبتمبر الماضي في أعظم انجاز وطني ثوري للمعارضة خدمة للمواطن الغلبان.

للأخوة و الأخوات الذين لم يعجبهم البوست و كان طعم الخبر الذي أوردته الأخت مها عبد المنعم كأنه علقم في حلقوهم؛ لهؤلاء أقول:
إلى متى ستبقون في هذا المربع ؟ و إلى متى تصرون على إنكار ضوء الشمس؟ و إلى متى سيكون كل انجاز تقوم به الدولة حسرة عليكم و مثير لغيظكم؟
إخوتي و أخواتي... للحكومة إخفاقات كثيرة ، دونكم تلك الاخفاقات .. تناولوها كما شئتم ، و لكن لا يعقل إطلاقا أن تكرسوا كل همكم في تحويل أي خبر جميل أو أي مادة تنشر إلى مذمة و تبخيس فقط من أجل إظهار معارضتكم للحكومة!!!
هذا الأسلوب يكشف بوضوح أنكم ضد أي خير للمواطن طالما هو أت من هذه الحكومة ! و يكشف أكثر سذاجة الطرح و بؤس منطق المعارضة !
بصرحة يا سادة مثل هذا الطرح و هذه المغالطات هي التي جعلت الشعب لا يثق في أي معارض و لا يستجيب لأي دعوة خروج، و يتحمل ما تحمله من صعوبات ، الشعب ما عاد يحترم المعارضين و لا يثق في دعواتهم ، و هو محق في ذلك ما بقي هذا هو الأسلوب و هذا هو الفهم! كفى استخفاف بعقول الناس و ارتقوا قليلا بفكركم و طرحكم.

Quote: معليش يا مها حا اشاتر شوية واخرب ليكم جو الفرح دا ،،، يعني شمو قطار جديد يدخل الخدمة ،دا الوضع المفروض يحصل من غير حتى نعلم بيه

يا علي دفع الله:
و على نفس الوزن! ممكن نقول :
- يعني شنو وثيقة (الفجر الجديد) ما سبقتها عشرين وثيقة! ما هو الجديد (لماذا هللتم لوثيقة الفجر الجديد و ملأتم بها المنبر؟
- يعني شنو (فضائية المعارضة) ما سبقتها عشرين فضائية تبث نشاط للمعارضة حتى من داخل السودان (لماذا هللتم لفضائية المعارضة) و ملأتم به المنبر؟

Quote: أعتقد أن المنطق يقول أن نحاسب المسئولين عن التطور أو التدهور الذي أصاب السكة حديد منذ أن تولوا أمرها و حتى ساعة دخول هذا القطار الأعجوبة الى عطبره .

خلاص يا الوليد، نظموا ليكم مظاهرة و أمشوا أحرقوا القطارات الجديدة دي و طالبوا بمحاكمة مكاوي ... كده الشعب حيكون مبسوط جدا منكم زي ما تم حرق باصات الولاية ؟

سلام الوليد

فرحت لمنظر القطر وانا في الشارع زي كتار مرقنا شفناه ...كلامك صح عن المواعيد وكتير من كتير فقدناه مع جملة م فقدنا
ولاني بت السكه حديد تحديدا فرحت حدث م متوقعاه ابدا يحصل والات حصل
المهم صح يجب محاسبة الاتسبب في دا
م قصدت اهلل لحد بس نحن ناس نستاهل الفرح ومن كتر م بنسمع كذب لمن زول يصدق بنقول برافو
يستحيل طبعا اكون قصدت اهلل لاي جهة او كائن خلقو الله بقدر م التعبير كان تلقائي

فرحت يا مها لفرحك
وفرح كل أهل عطبرة وناس نهر النيل
القطر مكون أساسي في ذاكرة أي سوداني
من واو جنوبا وحتي حلفا شمالا
ومشكل للوجدان
وملهم للجمال وبديع الفنون

لكن عشان ما ننسي تارنا مع هذه الطغمة الفاسدة
التي ما زالت وما إنفكت تقتل في شبابنا
بدم بارد
وتعذبهم بكل وحشية في المعتقلات وبيوت الأشباح
عشان ما ننسي للطغمة التي أحالت بلد الخير هذا
ليباب الجوع والمسغبة
أدعو كل الناس هنا للتفكر في هذ المقطع من كلام الوليد أعلاه

Quote: أتى و الحمدلله علينا زمن عندما يعيد الينا السارقون المستهترون بكل ممتلكلت الوطن واحد من المليون مما سرقوه أو دمروه نفرح و نهلل و ننسى كيف كان حالنا فيما مضى و ما هو حالنا الآن.أعتقد أن المنطق يقول أن نحاسب المسئولين عن التطور أو التدهور الذي أصاب السكة حديد منذ أن تولوا أمرها و حتى ساعة دخول هذا القطار الأعجوبة الى عطبره .

تسلم ناصر
والله م نسينا شي اساسا الحياة اليوميه بتذكرك اذا حاولت تنسي
وانا انتمي لنفس الاسر الفقدت وحيدها في هذا العهد
بس القطر القطر وفي عطبره
شي يفرح

العزيزة مها .. لكم التحية والتهنئة الوطنية .

اها يا مها كدي قولي لينا القطر ده ملك زول من ناس الحيكومة زي بصات الوالي ولا حق المواطنين
الصابرين خمسة وعشرين سنة من دمار وطنهم ودابو اتذكروهم ؟؟؟

تحياتي ليك ولضيوفكم الكرام ..

سلامات ي مني
تسلمي ...والله م بعرف انو حق زول بعرف انه السكه حديد كمان اذا متوقعه صح مفروض تذاكره تكون م غاليه والا يكون استثمار وكانك ي زيد م غزيت
بس لازم حيفك اختناق السفر السببو الدهابه
وديل قصه اخري من قصص زيادة الخنقه علي مواطن عطبره البسيط
الحياة تتحرك من حولينه وهو في مكانه غلا فاحش لمن تستغربي ...وكانه دي م عطبره المدينه العشنا عمرنا كلو فيها

شكرا يا مها
هذا بوست فرايحي مدهش
يستاهل اهلنا هناك
ويستاهلو اكتر والله
تحية لعطبره الجميله بلد الحبايب وتحية للسكة الحديد التاريخ الجميل

Quote: هسي الحكومه ح تغادر

نااااان يا الفالحة وقت تروح الحكومة دي ما بروح معاها مكاوي ولد العوض
مكاوي دا ما ولدااا العقرت عليهو بركة الجاك علي دفع الله واداك في صمة خشمك
سوف تبعث عطبرة من جديد بعد أن رُتِــبَـتْ الاولويات وستستعيد عطبرة ريادتها كنقطة انطلاق
الي كافة مدن السودان شمالاً وشرقاً وجنوباً وغربها في إتجاهـ الشمال
طرق وكهرباء وعمران وقد جاء دور السكة الحديد كأحدث ما يكون
:
:
:
:
:
:
:
مع التحيات لله الزاكيات
معليش يا مها انا اصلي بحي في اخر الكلام

سلام ي محمد حمزه الحسين
وكان مشي ؟
انا اثق تماما في كنداكة السودان الجابت الرجال العظام والذين حملو الوطن في احداق العيون
واثق انو مكاوي ماهو الا مدير لاكبر قطاع نقل في السودان سبقه الي كرسيه هذا عشرات
واثق تماما في شباب السودان حيقدرو يعملو اكيد
تخيل نظرتي ماضيقه لقصة منو ح يجي بعدهم دي
اساسا تجربة نفير براها تكفي انو م اشيل هم منو بعد مكاوي
مهم انو يكون زول كويس
شريف
يحب البلد
مخلص
اكيدكمان احترم علي دفع الله الزول المرن الصحح م فهمتو خطا في حديثه

وقبل امشي

لك التحايا اولا واخيرا

سلامات علي الكرار
جزيل الشكر
وتسلم ياسيدي الناس عندنا بسيطه بتفرح بدون عنت ومشقه ....
وليك التحايا

اى حاجه تصب فى مصلحة المواطن مرحب بيها
ان شاء الله ان شالو حجر مضايق الناس فى الطريق




...........

نسأل الله خيره على الجميع وان يكفيهم شره

سلام ي وضاح كلامك صح
في النهايه م بتذوق طعم المر الا الناس العاشو
وعطبره ناسه يا ما عانو انا اشاركك الدعاء انو ربنا يقدر ليهم الخير في القطاره دي

سلامات ياسر
اكيد لغالبيتنا ذكريات مع القطر
ربنا يعيد للسكه حديد مجدها

مبروك والف مبروك لاهالى عطبره الصامدين ولكل السودان

تسلم ي بشير حسن

Quote: Quote: أعتقد أن المنطق يقول أن نحاسب المسئولين عن التطور أو التدهور الذي أصاب السكة حديد منذ أن تولوا أمرها و حتى ساعة دخول هذا القطار الأعجوبة الى عطبره . خلاص يا الوليد، نظموا ليكم مظاهرة و أمشوا أحرقوا القطارات الجديدة دي و طالبوا بمحاكمة مكاوي ... كده الشعب حيكون مبسوط جدا منكم زي ما تم حرق باصات الولاية ؟

الأخ الفاضل/هاشم طه
السلام عليكم
صراحة لم أدري ماهي العلاقة بين محاسبة المسئولين عن التطور أو التدهور في السكة حديد و بين تنظيم المظاهرات و حرق البصات و محاكمة مكاوي. على كل حال ما أعنيه باختصار أنه لا يمكن التغاضي عن كل الدمار الذي صار في مرفق السكة حديد مقابل قطار أو حتى مائة قطار و إذا كان المهندس مكاوي له سجل إنجازات في تطوير السكة حديد فيجب تقييمه و هذا ماعنيته بكلمة التطور في الفقرة التي كتبتها و بالمقابل هنالك آخرين دمروا هذا المرفق فيجب محاسبتهم و هذا ماتعنيه كلمة التدهور في نفس الفقرة و أتمنى أن تكون انتبهت الى أنني قدمت كلمة التطور على التدهور. و ختاماً أخي أهديك بيت الراحل أمل دنقل
أترى حين أفقأ عينيك ثم أثبت جوهرتين مكانهما
هل ترى
هي أشياءٌ لاتشترى
و لك و لصاحبة البوست كل الاحترام
و أسأل الله الهداية و الرحمة لي و لك و لسائر المسلمين

سلامات للكل هنا
واسمحو لي اخت جك عصير وكبابي متمرات
قبال نفس الكتابه يحر الزول يشرب
في حضرة عطبره السماحه سمحه
وبتشبهنا
وتقديري واحترامي لكل الاراء

تحية لصاحبة الملف

قبل أكثر من 100 عام دخل القطار عطبرة ...
لن يستطيع من هدّ السكة حديد من إعادة بنائها

.

يـسـلـم الـســـودان ،
مـن الـمـتـربـصـيـن ،
،،،،،
...


.






عزالدين عباس الفحل
ابوظبي
...

أستاذه مها
تحيه طيبه

صوره دخول اول قاطره الى عطبره 1898



صوره تجمع الكولونيل فرانسيس وينقيت مدير الاستخبارات العسكريه والمحلق الايطالي الكونت كالديراري

تحيه طيبه احمد الصادق
شكرا جدا جدا
عدلت مزاجنا بالصوره الثريه البتتكلم عن نفسها

امين
ي
عزالدين

سلامات استاذنا عبد الله
يعلم الله عطبره دي كل ملف فيها يخليك تحزن
ابتدا من السكه حديد
ملعب الاسكواتش
ملعب التنس
قاطرة السينما الجواله
ملعب السله الكان قبل فتره حوش بهائم
مجمع البجراويه الثقافي الاتباع لبنك ام درمان الوطني القائم الان ع عمد
مقر اذاعة عطبر سابقا
وكتير من كتير عملو بطريقه منظمه لهدمه

السكه حديد وان عادت السكه حديد لاشك سينهض السودان

اكيد ي كمال
رزق لناس كتار
حركه اقتصاديه عبر السفر بين المحطات
احياء قري ماتت بعد وقفت السكه حديد ودونك المحميه
كبوشيه

جبل ام علي
علي سبيل المثال الانا بعرفو