صندلايت !

أسم أكلة لفقراء وطني

الأسم غريب ,, ياربي sun light ‎‏ وتمت سودنتها ,, ولا اسم بطل ولا مسلسل
المهم الاسم داير بحث

صندلايت
هو اسم الكرتة ,,, باقي الطعام ,,, علايف
بواقي الطعام حق المطاعم , بتباع بالاتفاق بدون سعر محدد

Quote: صندلايت هو اسم الكرتة ,,, باقي الطعام ,,, علايف بواقي الطعام حق المطاعم , بتباع بالاتفاق بدون سعر محدد

لا حولااااا
بالله حصلت الدرجة دي ؟؟؟

زمان قالوا ناس المطاعم اشتكوا النعيم ود حمد
صاحب الغنية الشهيرة البغنيها خلف الله حمد ديك
اشتكوهو ليه ؟
قالوا الزول دا فاتح بيتو لي أي زول جيعان يجي ياكل ويمسح خشمو ويتوكل
ومشغل ناس مخصوص عشان يأكلو العالم دي
النساوين يعوسن ويلايقن والرجال يوزعوا الأكل
أها قال ما كل الناس عارفين بيت النعيم
فـ خلى مجموعة في سوق مدني تأكل الناس مجان
وناس المطاعم شغلُن وقف
وتضرروا من كرمه

حبابك يا صاحب
عملا واحد في رفاعة ,, جارو بتاع مطعم واتقاطم معاهو , رسل لي موية باردة وقال ليهو الموية للزبائن
جاب ليهو نسوان يسون في العصيدة والملاح ,,, وواقف برة ,, البشوفو خاشي المطعم كلو بحلف عليهو طلاق يفطروا ,, اسبوع سيد المطعم قفل

هههههههههههههههه
والله ناس الجزيرة ديل تحف (جمع تحفة)
ما سمعوا بالـ الجودُ يفقرُ والإقدام قتاّل

لكن دا كاتلاهو غتاتة ساكت
وداك كاتلاهو المروة

يا صاحب
ما تلخبت ياخ
ناس الجزيرة ديل غرب بحر ازرق ,, ومن تقطع بحر ازرق بي كبري حنتوب ولا الحصاحيصا ديل بسموهم ناس الشرق ولا البطاني ويقولو ليك الزول ده شراقي
زمان ونحن اطفال ما كان في مطاعم في البلد كتيره , والاكل في المطعم عيب , التجار بجيبو عمود فطورهم وغداهم من البيت , وبياكلو بره دكاكنيهم والناس العزابه بياكلو معاهم ,
عمن لينا جاب عمود الفطور وكان معاهو زبون من ناس القري ,,, عمنا بخيل ,, والزبون حبسو ليك حبسه واحدة للعصر ,, وعمنا مطبق عمودو وقاعد
لامن الشمش دايره تطيح وبصات حلة الزبون مارقة ,, قام مارق وقال ليهو
يا فلان انا بقيت متراوح ,, عمودك ده اتعشي بيهويا صاحب
ما تلخبت ياخ
ناس الجزيرة ديل غرب بحر ازرق ,, ومن تقطع بحر ازرق بي كبري حنتوب ولا الحصاحيصا ديل بسموهم ناس الشرق ولا البطاني ويقولو ليك الزول ده شراقي
زمان ونحن اطفال ما كان في مطاعم في البلد كتيره , والاكل في المطعم عيب , التجار بجيبو عمود فطورهم وغداهم من البيت , وبياكلو بره دكاكنيهم والناس العزابه بياكلو معاهم ,
عمن لينا جاب عمود الفطور وكان معاهو زبون من ناس القري ,,, عمنا بخيل ,, والزبون حبسو ليك حبسه واحدة للعصر ,, وعمنا مطبق عمودو وقاعد
لامن الشمش دايره تطيح وبصات حلة الزبون مارقة ,, قام مارق وقال ليهو
يا فلان انا بقيت متراوح ,, عمودك ده اتعشي بيهو

الصدف بفتح جميع الحروف
اهلنا كانو بقولو ليك ما بناكل الصدف ,, لو لقاكم بتاكلوا ما بياكل معاكم ,, ولو جاك وعندك مناسبه وهو ما عارفها ما بياكل

من الفيس
آمال حسن
حبابك ياخية
يا خيتي الكلام ده في كوستي
مشيت اجيب الفول بعد المغرب من دكان تبوري ,, سمعت الولد ببيع الكرتة لي واحد ,,, قلت ليهو دي علايق ولا شنو ?
قال لي انت قديم خلاس ,, دي صندلايت
اها اخول سعال ,, بحت بعد داك لقيتهم فعلا غيروها لكن علايق برضو شغالة
تعرفي السودان ده مليان بحكاوي كأنها تخرج من جلباب هميروس ولا ماركيز زاتو
قصص تشبه كل ابطال الاساطير القديمة , محتاجة لعين تشوفها بس