للأطباء البيطريين..توجد ورقة إمتحان زي السم..

ورقة الامتحان دي عمرها 13سنة...من جامعة Wageningenفي هولندا

زمان كان عندي نية لتكملة الدراسة هناك انا ومعي زميل بيطري في جدة ...المهم مشينا في الاجراءات ...لكن الريال غلب..
المهم رسلوا لينا الامتحان ده ...مع الاجابات...

النصحية لي الله بصعوبة جبت درجة 13 من 20؛

فجهزوا حالكم يا بياطرة وناس الفيزيولوجي برضو .




الامتحان في مرحلة الــscanning

أُف الصور طلعت كبيرة جدا

____
الاسئلة ح تكون بالتتابع من 1---الي الرقم 20.


جاري معالجة باقي الامتحان.

**إنتهي**
_________
ترسل الاجابات مجتمعة الي drbas2008(at)gmail.com

ح أكتب اسماء الناجحيين فقط.

قريب من الامتحان ده إمتحنتو في وزارة الزراعة السعودية سنة 2002م لعمل رخصة مزاولة المهنة.

ساعدونا بي نقاطكم...
_______
ورقة الاجابات ح ارفعها بعد اسبوع من تاريخو.

يا بشّة سلامات
معليش دخلة - أو على الأصح هي خرجة - برة الموضوع
لاحظت في الختم خاتي Dr, هل القصة دي صحيحة

حرف (د) تستعمل مجازا في حالة طبيب ..أو بالمعنى القديم حكيم
وكذلك الصيدلي .......وليس القصد منها الدرجة العلمية Phd
أو البروفيسور أو الأستاذ الدكتور ...المهم قصد من د. هو
الطبيب البشري أو البيطري أو الصيدلي ...بعدها يختلف المسمى
في حالة الحصول على درجة علمية أعلى ...مثال أ.د كلقب علمي

=================

التحية للأخ الطبيب البيطري بشير أحمد وكل أطباء وصيادلة المنبر
وللأخ الباشمهندس محمد البشري .............

تحياتي وتقديري للجميع

شكرا اخي رضا؛

تحياتي؛؛

دكتور بشير النعجة
السلام عليكم ورحمة الله

ياسر طيفور؛وعليكم السلام ورحمة الله؛؛
إتا لسع الخواجات ديل ما إتعلمت منهم حاجة؟
وستظل المقولة الزمان valid

______
فاتني رد التحية..

الاخ/احمد سليمان...من الفيسبوكـ

تحياتي؛؛؛

Quote: امتحان زي السم؟ حرام عليك يادكتور. بالرغم من انه معظم الاسئلة ركيكة لكنها عن معلومات ابتدائية جدا تدرس في اي Introductory كورس فسيولوجي بس انتو يظهر عليكم عجّزتو ومسحتو معلومات سنة اولى.

من ناحية كبرنا وعجزّنا دي ما فيها كلام تب...اما المعلومات ...يعني..بيكون في ابديت من وقت لاخر.


كدي يا محمد جاوب علي الامتحان ورسل الاجابات في الايميل الفوق.

يا دكتور الغنم الماجستير عاوز بيهو شنو ؟؟

يعني انت كبيطري لو طارت بالفليت ولو ركت بالزيت

لو جبتا الماجستير او حتى الدكتوراة او درجة الاستاذية الحال ياهو نفس الحال

بقالة بتاعة ادوية الجرب والنفاخ للبعارين

قوم لف ياخ .. انت ومترهل العجيزة دا

الوهم خضر الطيب؛؛؛

Quote: يا دكتور الغنم الماجستير عاوز بيهو شنو ؟؟ يعني انت كبيطري لو طارت بالفليت ولو ركت بالزيت لو جبتا الماجستير او حتى الدكتوراة او درجة الاستاذية الحال ياهو نفس الحال بقالة بتاعة ادوية الجرب والنفاخ للبعارين قوم لف ياخ .. انت ومترهل العجيزة دا

بالله دي حالة زول قاعد في مكان العلم والحرية والديمقراطية؟
محل ما يودوكـــ الحال ياهو نفس الحال.

اها إتا مشيت لنضدن عشان السياحة ولاّ شنو؟

وعليكم السلام يامحمد؛؛

Quote: لاحظت في الختم خاتي Dr, هل القصة دي صحيحة

شهادتي يامحمد بكالريوس العلوم البيطرية فقط.

VA-MD

لاتوجد غضاضة في استعمال الدال ياأخ د. بشير ...
.
.
تحياتي

.

ياخضر الطيب؛
خليني ابيع ليك المويه ..علي بال ما المُمتحنين ديل يحلوا الامتحان ده

بالله عايز رأيك في قناتي علي اليوتيوب

http://www.youtube.com/endictin

up1

شكراً يا دكتور غنمايات على لنك قناتك

لكن طبعاً انا فهمي لقناة اليوتيوب انو بكون فيها انتاج الشخص الخاص بيهو

يعني عندنا في مجال التلفزيون لما يكون مطلوب منك بورتفوليو من المخدم

لو كان عندك قناة على اليوتيوب بكون موجود فيها

و على حسب فهمي انو القناة بتعبر عن صاحبا

بس قناتك دي لقيتا كشكول

نعم .. عجبتني خاصة وانو فيها فهيمة وود البكري وديل ناس من عندينا

لكن احرص انو قناتك تكون بتعبر عنك

يعني باختصار تكون كلها شبك بعارين وادوية جرب وكدايس وارانب وحمير :)

شكرا ياخضر باي

القناة دي شغالة علي حسب اهتمامات ناس الانترنت...يعني مثلا خبر يشغل الناس كم يوم في التلفزيون..الااثيوبيين؛مكتب العمل؛جوازات؛جبهة ثورية؛حسين خوجليetc

طوالي ترفع فيديو...وشيخنا قوقل بجيب ليك الناس لحدي عندك يعني خلال كم يوم بتلقي ليك كم الف كليك...
الفيديوهات التانية ..مسميها فيديوهات باردة وبتشتغل بسياسة النفس الطويل....اغاني؛وثائقيات...

وما تنسي ياخضر:subscribe:like:share