لستة رقم واحد من الذين : كرهونا السودان والدول المجاورة ( الوهابية والشيعة)

الاستاذ محمد ابو البشر ربنا يطراه بالخير وهو من اولاد دارفور ( طبعا عرفنا الحاجة دي بعد مشكلة دارفور لانو قبلها كلنا كنا سودانيين بس) معلم فيزياء ورياضيات عملنا معا بالمملكة العربية السعودية وكان يحاول بشتى السبل تيسير الرياضيات والفيزياء لهؤلاء البدو ولكن كانت دائما محاولته تضيع هباء فيصيح في اخر الحصة ومع جرس النهاية ( كرهتونا السودان والدول المجاورة زاتو) .

الشاهد :
الوهابية والشيعة عاوزين يحولو حربهم من الجزيرة العربية للسودان ( لانو السودان ما عندو سيد طبعا والحكومة عاجبها التفرق والشتات لامم السودان).
الاتنين فارقين زمن ( لا ده زمنهم ولا ده مكانهم)
الوهابية ( مفروض يتلمو كلهم ويدوهم جزيرة في نص البحر ولا المحيط ومافي فيها تلفزيون ولا انترنت ولا اي وسيلة او بدعة من بدع الزمن ده يعيشو فيها بدون - بدع وضلال -).
الشيعة : ياخ الرسول اسمو محمد المصطفى المجتبى ابا القاسم عندكم شك في ده؟ توفاه الله وبعد وفاته افتتن من اتبعه من اصحابه بشيطان السلطة . (سياسة) فقط وليست دين
وبعدين في عالمنا الحاضر ده الغياب الطويل يعني النسيان .

كفاية العلمتوهو في السعودية يا وهابية
وكفاية العملتوهو في العراق يا شيعة
وكرهتونا السودان والدول المجاورة زااتو .

Salma Salama

Quote: شكرا جدا يا اسامة شكرا تانى الاتنين ما حقينناولا دا روح الاسلام المتسامح العرفناهو ، ومع كدا نحترم رغباتهم على ان يحترموا رغباتنا ، ولاتزر وازرة وزر اخرى

استاذة سلمى
تحية و احتراما،،،،،
الدنيا كلها بتتوحد الا السودان ده .. وبعد كدة جانا تطرف اسلامي ( وهابية ، شيعة ، تكفيريين وقرءانيين).
ما بحترمو اي رغبة الناس ديل والبعترض يا بالسيف يا رسلو ليهو انتحاري .

فاقدنك بي جاي وشكرا على الطلة من الفيسبوك.

طبعا لن يجرؤ اي واحد منهم الاتنين يخش هنا ولذلك



رفعت الاقلام وجفت الصحف....
لستة رقم واحد ..
عدد