Post: #1
Title: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 12:42 PM
Parent: #0
في الصورة أعلاه يبدو المليونير صديق ودعة وهو يتحدث للحاضرين عن مهام لجنة الإتصال بحركات دارفور المسلحة ... الحاج صديق ودعة بدا متفائلاً جداً بأن هذه اللجنة التي كلف برئاستها قد تحقق السلام في الإقليم المنكوب في القريب العاجل ..
سنناقش في هذا البوست خطة عمل هذه اللجنة ... نقول له ربنا يوفقك يا حاج ... المهمة ليست سهلة ...
في الصورة جلس الحاج صديق ودعة وعلى يمينه الأستاذ عرفات وعلى يساره الأستاذ محمد إبراهيم ...
مليونير بالإسترليني مش بالسوداني ...
تحياتي
|
Post: #2
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 01:08 PM
Parent: #1
اللقاء التشاوري كما يسمونه تم يوم السبت 23 نوفمبر 2013م في فندق Thistle بالقرب من محطة (ماربل آرش) الواقعة في وسط لندن ...
أعقب اللقاء عشاء (مدنكل) ... بوفيه مفتوح وتحلية ... بس (تيك أوي) غير مسموح به ..... يا سلالالالالالالالام!!!! كانت ليلة فارهة ....
تحياتي
|
Post: #3
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 01:28 PM
Parent: #2
http://www.thistle.com/en/hotels/united_kingdom/london/thist...rble_arch/index.html
أضغط الرابط أعلاه لترى فندق Thistle ... يعني شوية مناظر كدا ....
الحاج صديق ودعة إستطاع أن يجتمع بقائد حركة العدل والمساواة دكتور جبريل إبراهيم وقائد حركة التحرير السيد مني أركو مناوي لكنه لم يتمكن من الإجتماع بالأستاذ عبد الواحد محمد نور ... يبدو أن عبد الواحد محمد نور رفض الفكرة من أساسها ...
إجتمع بهما ووقعا بيان مشترك ....
تحياتي
|
Post: #4
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Siddig Elghali
Date: 11-25-2013, 01:29 PM
Parent: #2
ول أبا هارون
السمسرة خشوم بيوت ، بعدين خليك منهم تعال عندي بضبك ليك تيس بلضوبلضو وبنصو ليك في النار ، ان شاء الله مقيلة تحت ضل شجرة ضليلة في كوندي هناك ، والسلام
|
Post: #5
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: هشام هباني
Date: 11-25-2013, 01:36 PM
Parent: #4
الحبيب ود هارون
مشتاقون كيفنك وكيف اخبار لندن وكل الاخوان الجميلين
مع تحياتي لاسرتك الكريمة...............بس صديق ودعة ده علاقتو شنو بالسياسة مش احسن ليهو اسمسر في التجارة والحاجات الزي دي.
|
Post: #6
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Omer Abdalla Omer
Date: 11-25-2013, 01:48 PM
Parent: #5
الأخ محمد هارون بعد التحية
هل يمكن أن تعطينا خلفية عن صديق ودعة و ما هي صفته أو ميزته التي أهلته ليتوسط لحل قضية دار فور فقد تردد إسمه كثيرا و لم نكن نسمع عنه من قبل
شكرا لك
|
Post: #7
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 03:32 PM
Parent: #6
| Quote: السمسرة خشوم بيوت ، بعدين خليك منهم تعال عندي بضبك ليك تيس بلضوبلضو وبنصو ليك في النار ، ان شاء الله مقيلة تحت ضل شجرة ضليلة في كوندي هناك ، والسلام |
ول أبا الغالي حبابك يا ولضمي ... بلضو بلضو منصوص في شارب التردة!!! يا أخي أنا وإنت إنقطعنا من الرفقة خلاص ... لي سنين ودنين ما شفت بحيرة كندي ... ألميها ولا بشنيها ولا حوتا البلبالغ فيها؟؟
كن بخير يا ول أبا ... دي مجازفات مع ناس شايلين القربينة ...
تحياتي
|
Post: #8
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 04:07 PM
Parent: #7
Quote: مشتاقون كيفنك وكيف اخبار لندن وكل الاخوان الجميلين
مع تحياتي لاسرتك الكريمة...............بس صديق ودعة ده علاقتو شنو بالسياسة مش احسن ليهو اسمسر في التجارة والحاجات الزي دي. |
العمدة ول هباني حبابك وشوقنا ليك بحور بل محيطات ... يا أخي الحاج صيدق ودعة رجل حسن النية وعاوز يقوم بدور عمنا المرحوم / آدم يعقوب الذي منحه النميري وسام ابن السودان البار ... يعني رأيك الرأسماليون لا يحق لهم أن يقوموا بالوساطة أو الجودية؟؟
تحياتي يا عمدة لك وللأسرة الكريمة ...
|
Post: #9
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 04:58 PM
https://www.radiodabanga.org/node/39859
الحاج المليونير صديق ودعة مع القائم بالأعمال في السفارة الأمريكية بالخرطوم ..
تحياتي
|
Post: #10
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 05:10 PM
Parent: #9
| Quote: هل يمكن أن تعطينا خلفية عن صديق ودعة و ما هي صفته أو ميزته التي أهلته ليتوسط لحل قضية دار فور فقد تردد إسمه كثيرا و لم نكن نسمع عنه من قبل |
أخونا عمر عبد الله عمر سلام وحبابك ... لو ملاحظ أنا نزلت الرابط بتاع لقاء الحاج صديق ودعة مع القائم بالأعمال الأمريكي من (قوقل) .... فعليك بالعم (قوقل) لتعرف الكثير المثير عن الرجل ...
تحياتي
|
Post: #11
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 06:09 PM
Parent: #10
جانب من الحضور ... كان الحضور نوعياً ولم يك كمياً ... ممثلين لحركة العدل والمساواة وحركة التحرير (جناح مناوي) وإتحاد دارفور وبعض منظمات المجتمع المدني وتضامن دارفور وهلم جرا ...
لو ملاحظين الأول على اليمين هو زميل المنبر الدكتور صلاح البندر ... يبدو أن الرجل تلقى دعوة من المنظمين للقاء ... وبعدها حسبما علمت عاد أدراجه إلى مدينته الفاضلة (كيمبردج) ....
تحياتي
|
Post: #12
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Dr Salah Al Bander
Date: 11-25-2013, 06:14 PM
Parent: #10
الحبيب محمد
شكرا على المبادرة بالتوثيق للقاء الهام ...
واعتقد من المفيد البداية بتسجيل وجهات نظر الفرقاء كافة...
ومن الناحية المبدئية التأكيد على تأييد أي خطوة قد تساعد في ازالة أو التخفيف عن معاناة أهلنا..
ومن أي جهة كانت...
ولكن لا بد ان يتم ذلك في إطار المرجعية الاساسية التي تساعدنا في السير بأي دعوة للسلام الى نهايتها المنطقية.
أبدأ هنا بتسجيل موقف حركة تحرير السودان...
وبعد متابعة تسجيلك لوقائع اللقاء سنتواصل معا لفائدة الجميع...
خالص المودة والتقدير
حركة جيش تحرير السودان : لجنة صديق ودعة لجنة للإغراء بخيانة القضية
October 25, 2013
بيان هام عن رؤية حركة جيش تحرير السودان حول لجنة الإتصال بالحركات غير الموقعة على وثيقة الدوحة برئاسة صديق ودعة
نؤكد للشعب السودانى قاطبة ولجماهيرحركة/جيش تحرير السودان بقيادة الأستاذ/ عبد الواحد محمد نور وإنطلاقاً من مسئوليتنا تجاه مشروعنا السياسى ومبادئنا الثورية والعهد الذى قطعناه
مع شعبنا فى معسكرات النزوح واللجوء ودماء شهدائنا الأبرار عن رفضنا الجلوس مع ما يسمى لجنة الإتصال بالحركات غير الموقعة على وثيقة سلام الدوحة وحثهم للإلتحاق بأروشا برئاسة صديق ودعة وفقاً للمنطلقات التالية:
1/ لإيماننا التام والقاطع بأن قضايا السودان كلٌ لا يتجزأ ,وأن قضية دارفور لا تحل بمعزل عن قضايا الشعب السودانى فى أقصى شماله وشرقه وجبال النوبة والنيل الأزرق وكردفان وكل الهامش.
2/ إن اللجان التى يكونها نظام الخرطوم ليس بإستطاعتها حل قضايا اللاجئين والنازحين وتوفير السلام لهم , وإعادتهم إلى قراهم وحواكيرهم , وطرد المستقدمين الجدد وتعويضهم فردياً وجماعياً لما لحق بهم من ضرر ,
ومحاكمة القتلة والمغتصبين , ونزع السلاح من أيدى لمليشيات المؤتمر الوطنى.
3/ إن مثل هذه اللجان هى تكريس للحلول الجزئية التى أثبتت فشلها الذريع وعدم جدواها فى أبوجا 2006م , وفى سرت الليبية 2007م وفى الدوحة 2011م , وستثبت فشلها لا محالة فى أروشا التنزانية 2013م.
3/ نرحب ترحيباً حاراً بأى مبادرة لحل الأزمة السودانية فى إطارها الكلى ومخاطبة قضايا السودان وفقاً لمنظور الحل الشامل الذى أوردته وثيقة إعادة هيكلة الدولة السودانية وميثاق الفجر الجديد ,
والتى تفضى إلى إزالة نظام الإبادة الجماعية وليس إصلاحه أو تجميله كما يدعو البعض.
4/ إن قضيتنا الجوهرية هى المطالبة بحقوق كل الشعب السودانى وعلى رأسهم النازحين واللاجئين والمتضررين من الحرب والسياسات الحكومية الخاطئة وفق مقتضيات
المواطنة المتساوية وفصل المؤسسات الدينية عن مؤسسات الدولة وحرية الإعتقاد والتعبير والتنظيم وقومية اجهزة الدولة فى إطارها الفيدرالى ووحدة السودان , ولكن هذه المطالب لا يمكن تحقيقها
عبر هذه اللجنة أو غيرها إنما يتم تحقيقها عبر إقتلاع النظام من جزوره وإحلال بديل ديمقراطى حقيقى.
5/ الموافقة على لجان من هذه الشاكلة هو خيانة للقضية ومئات الآلاف من الشهداء الذين وهبوا أرواحهم فداءً للحرية والتغيير فى دارفور وجبال النوبة والنيل الأزرق وكجبار وشرق السودان
و فى إنتفاضة 20 سبتمبر 2013م المجيدة الجارية الآن.
نحن فى حركة/جيش تحرير السودان نؤكد للشعب السودانى موقفنا الثابت والمبدئى و رفضنا القاطع لكافة أشكال الحوار مع نظام الخرطوم ,
ونؤكد تمسكنا بخيار إزالة النظام عبر العمل العسكرى المسلح والنضال السلمى الجماهيرى.
نناشد كل شرفاء الشعب بالإنضمام إلى الإنتفاضة الشعبية السلمية الجارية الآن وزيادة بؤرتها أفقياً وراسياً لتنتظم كافة المدن والقرى والفرقان , وإعلان حالة العصيان المدنى الشامل الذى
يجبر النظام على الرحيل أو الإلتحاق بالجبهة الثورية السودانية أو أىٍ من فصائلها عبر بوابة الكفاح المسلح.
المجد والخلود للشهداء الأبرار
عاجل الشفاء للجرحى والمصابين
الحرية للمعتقلين
ثورة حتى النصر
-------------------
خليك حريص....
خليك سوداني
|
Post: #13
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-25-2013, 08:09 PM
Parent: #12
Quote: واعتقد من المفيد البداية بتسجيل وجهات نظر الفرقاء كافة...
ومن الناحية المبدئية التأكيد على تأييد أي خطوة قد تساعد في ازالة أو التخفيف عن معاناة أهلنا..
ومن أي جهة كانت...
ولكن لا بد ان يتم ذلك في إطار المرجعية الاساسية التي تساعدنا في السير بأي دعوة للسلام الى نهايتها المنطقية. |
كلام تمام يا دكتور البندر ... خليك حريص ... خليك سوداني ..
|
Post: #14
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-26-2013, 01:59 PM
Parent: #13
صورة البيان المشترك حول اللقاء التشاوري بين حركتي العدل والمساواة وتحرير السودان (مناوي) ولجنة الإتصال بحركات دارفور المسلحة ...
تحياتي
|
Post: #15
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Dr Salah Al Bander
Date: 11-27-2013, 00:30 AM
Parent: #14
متابعين يا محمد ...
واصل ....
|
Post: #16
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: aosman
Date: 11-27-2013, 04:57 AM
Parent: #15
صديق ودعة وده قبل ما يلم المليونات دي مرة قال الغناء بالحلال حلو لكنو بتيئ (بطيئ) بس
|
Post: #17
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Ali Abdalla Hassan
Date: 11-27-2013, 05:07 AM
Parent: #16
Quote: خلى المحتال و الدجال صديق ودعه يرجع للاماراتيين فلوسهم.
حرامى حرامى... اين الدجال الآخر عبدالكريم ابواديه
يا ناس فاقد الشئ لا يعطيه.
خلى يرجع فلوس الشيخه بنت آل مكتوم حتى يتم اطلاق سراح ابنه
الصادق صديق المختطف من قبل السلطات الاماراتيه منذ العام and#1634;and#1632;and#1632;and#1640; |
يا أخونا يا المعاين من شباك الفيسبوك .. Ali Mohammed ما تتهم الناس بتهم باطلة من دون دليل ..
|
Post: #18
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: حماد الطاهر عبدالله
Date: 11-27-2013, 07:40 AM
Parent: #17
| Quote: الغناء بالحلال حلو لكنو بتيئ (بطيئ) بس |
حل قضية دارفور بالتشاور ( حلو) لكنو بتيئ (بطيئ) بس.
قروش التنزيل دي عايزين منها سفلتة طريق ودعة- نيالا أو الفاشر.
وكمان فوق البيعة طريق المثلث من نيالا - برام - الردوم - الضعين - نيالا وبس.
بالحلال أو بالتنزيل.
|
Post: #19
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: اسماعيل عبد الله محمد
Date: 11-27-2013, 08:22 AM
Parent: #18
|
Post: #20
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-27-2013, 02:59 PM
Parent: #19
Quote: متابعين يا محمد ...
واصل .... |
شكراً يا دكتور البندر على المتابعة اللصيقة ... القرار رقم (11) أدناه موقع من رئيس السلطة الإقليمية لدارفور الدكتور التجاني سيسي وهو القرار الذي بموجبه تشكلت لجنة الإتصال بالحركات المسلحة التي لم توقع على إتفاقية الدوحة ...
ما هي حدود صلاحيات هذه اللجنة؟؟ وما هي حدود صلاحيات السلطة الإقليمية لدارفور؟؟
جاييكم بالمهلة ... لوكو الصبر ...
تحياتي
|
Post: #21
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: الغالى شقيفات
Date: 11-28-2013, 02:12 AM
Parent: #1
الاخ محمد تحية وسلام
الحاج صديق هو مندوب المؤتمر الوطنى لشق حركات دارفور وقد نجح فى الوقيعة بين ابوالقاسم امام وعبدالواحد كان معكم فى لندن ومطلوب للعدالة فى الخرطوم بلاغات مدونة ومعلنة فى الصحف ولكن بقدرة قادر اصيح مرشح المؤتمر الوطنى للمجلس الوطنى والان هو بالمجلس الوطنى عن دائرة كلمندو التى صنعها بالاموال المشبوهة التى جمعها وطبعا لوالى شمال دارفور عثمان كبر الدور الاكبرفى تقديمه وغسيله شمال دارفور لوعندك قروش تتقدم
قبل كدا اتنشر كلام انو عاجر ما يدفع للعمال حقوقهم واشتكوه فى محكمة العمل ؟
يعنى الرجل فلس وداير مصاريف هو ليس له فنيات اقناع يمكن ان يقنع بها اى زول عندو مشروع سياسى او طرح
فعلا عمل بعض المبانى فى قرية كلمندو وقد شاهدتها والتقيته فى قريته ورافقته من القرية للفاشر ونفس عشاك دا برضو عزمنا له فى الخرطوم قبل سبع سنوات
|
Post: #22
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-28-2013, 07:26 PM
Parent: #21
| Quote: صديق ودعة وده قبل ما يلم المليونات دي مرة قال الغناء بالحلال حلو لكنو بتيئ (بطيئ) بس |
سلام يا أخ عثمان وتشكر على المداخلة ... الشغلانة حظوظ يا عثمان ... لو ضربت معاك مرة حا تهب على وش الدنيا في لمح البصر ...
تحياتي
|
Post: #23
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-28-2013, 07:33 PM
Parent: #22
| Quote: يا أخونا يا المعاين من شباك الفيسبوك .. Ali Mohammed ما تتهم الناس بتهم باطلة من دون دليل .. |
أخونا على عبد الله حسن سلام ... المتهم بريء حتى تثبت إدانته ... أخونا علي محمد يقع على عاتقك عبئ الإثبات ... الشيخة الأماراتية دي هي زاتا قامت من نومه ولقت كومه ... يعني هي داقيها حجر دغش في الملايين العندها دي!!!
تحياتي
|
Post: #24
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 11-28-2013, 07:43 PM
Parent: #23
Quote: قروش التنزيل دي عايزين منها سفلتة طريق ودعة- نيالا أو الفاشر.
وكمان فوق البيعة طريق المثلث من نيالا - برام - الردوم - الضعين - نيالا وبس.
بالحلال أو بالتنزيل. |
سلام يا سعادة المستشار حماد الطاهر (ول شايب) ... يا أبا أنس التنزيل دا يعني ايييييه بالله؟؟ مش ياهو شغل الفقرا المعروف في كل السودان دا ولا حاجة تانية؟؟
المهم ركز لينا في موضوع الطرق الفوق دي بس وقرض عليهو يا أبا أنس ...
تحياتي
|
Post: #25
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: أحمد أبكر
Date: 11-29-2013, 05:29 AM
Parent: #24
الأخ ود هارون
سلام
ليه ياخي أخفيت الفقرة الخاصة بأسماء أعضاء اللجنة من خطاب السيسي هذا؟
ياريت تنزل الخطاب كاملاً لو ما عندك مانع
عموماً
غايتو دي الدنيا ام قروش
صديق ودعة بقروشه اصبح هو حكيم الأمة و خبيرها السياسي
وقد رأينا كيف تتنافس مشيخات الخليج على تغيير حكومات الشعوب الناطقة بالعربية
تلك الشعوب التي علمت شعوب الخليج الكتابة و القراءة
تأتي قطر لتغير
ثم تهرع السعودية و الإمارات لتغير ما صنعته قطر
وهم الاولى بالتغيير
:.
اما الحركات المسلحة
الناس ديل ما عندهم مستشارين و لا حتى باشكتبة يحفظون لهم مثل خطاب السيسي هذا
حتى يفهموا في اي إطار يتحرك صديق ودعة؟
انا حتى قبل ان اطلع اليوم على خطاب السيسي الذي جلبته لنا هنا كنت أتساءل
كيف فات على قادة الحركات ان لجنة صديق ودعة تسميهم الحركات غير الموقعة على اتفاق الدوحة؟
في حالة عدم علمهم بخطاب التكليف هذا - و هذه مصيبة
على اقل تقدير ، لماذا لا يصرون على وجود لوحة في خلفية الاجتماع مكتوب عليها : اجتماع لجنة الاتصال بالحركات المعارضة
وليست
الحركات غير الموقعة على اتفاق الدوحة
و يتم تصوير ذلك الاجتماع مع اللوحة الخلفية لمنع اي تلاعب بهم و بصفة الاجتماع
ام انهم موافقون على محاولة إلحاقهم باتفاقية الدوحة؟
ام هي الدروشة و المسكنة السياسية ؟
|
Post: #26
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Ali Abdalla Hassan
Date: 11-29-2013, 06:55 AM
Parent: #25
يا الحبيب محمد هارون
إنتا الحاج صديق ودعة ده عايز يتحول من رجل أعمال إلى دبلوماسي وسياسي ومعارض؟
شوف آخر إنجازاته الدبلوماسية ..
بيان من اتحاد ابناء دارفور بالمملكة المتحدة حول اللقاء التشاوري بين ابناء دارفور
بدعوه كريمة من رئيس لجنةالإتصال بالحركات المسلحة الحاج صديق ادم عبدالله(ودعه)شارالإتحاد فى الملتقى التشاوري حيث استمع الإتحاد الى شرح مفصل من رئيس اللجنة حول الأوضاع الإنسانية للاجئين، التطورات والمتغيرات فى الساحة الدارفورية وكذلك سبل ووسائل حل قضية دارفور فى أسرع وقت ممكن. كما شرح رئيس اللجنة الحاج ودعه أهداف ونوايا مهمة اللجنة القاصدة الى توحيد روءى وجهود ومواقف ابناء دارفور بالداخل والخارج بما فيها الحركات المسلحة تحقيقاً للسلام العادل فى دارفور. أيضاً ركز ونبه رئيس اللجنة على ضرورة تنسيق كافة الجهود الداخلية والخارجية لرتق النسيج الإجتماعى الدارفورى تمهيداً لتهيئة الأوضاع للمصالحة الشاملة فى دارفور. بناءً على ماورد أعلاه يود الإتحاد توضيح الاتى:
(and#1633;) يثمن الإتحاد كثيراً جهود لجنة الإتصال فى تحقيق الوحدة الحقيقة بين ابناء دارفور فى الداخل والخارج.
(and#1634;) يستند الإتحاد الى البيان الختامى للحركات المسلحة ولجنة الإتصال وكل الجهود المخلصة لتحقيق العدل والسلام.
(and#1635;) يقدم الإتحاد رؤيته وملاحظاته للجنة الإتصال لبلورة موقف موحد
(and#1636;) يشكر الإتحاد اللجنة دعوتها للاتحاد ومساعيها فى إشراك جميع مكونات دارفور فى عملية السّلام وسوف يقدم الاتحاد دعمها للجنة لتحقيق مهمتها.
محمود الصديق مادبو
أمين الاعلام والناطق الرسمي باسم الاتحاد
|
Post: #27
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Ali Abdalla Hassan
Date: 11-29-2013, 07:17 AM
Parent: #26
ولكن بكل أسف الجهود الدبلوماسية للحاج صديق ودعة فشلت في إقناع أشد الحركات عناداً : حركة تحرير السودان - جناح عبدالواحد محمد نور
فقد أصدروا البيان التالي:
بيان هام عن رؤية حركة/جيش تحرير السودان حول لجنة الإتصال بالحركات غير الموقعة على وثيقة الدوحة برئاسة صديق ودعة
نؤكد للشعب السودانى قاطبة ولجماهيرحركة/جيش تحرير السودان بقيادة الأستاذ/ عبد الواحد محمد نور وإنطلاقاً من مسئوليتنا تجاه مشروعنا السياسى ومبادئنا الثورية والعهد الذى قطعناه مع شعبنا فى معسكرات النزوح واللجوء ودماء شهداءنا الأبرار عن رفضنا الجلوس مع ما يسمى لجنة الإتصال بالحركات غير الموقعة على وثيقة سلام الدوحة وحثهم للإلتحاق بأروشا برئاسة صديق ودعة وفقاً للمنطلقات التالية:
1/ لإيماننا التام والقاطع بأن قضايا السودان كلٌ لا يتجزأ ,وأن قضية دارفور لا تحل بمعزل عن قضايا الشعب السودانى فى أقصى شماله وشرقه وجبال النوبة والنيل الأزرق وكردفان وكل الهامش.
2/ إن اللجان التى يكونها نظام الخرطوم ليس بإستطاعتها حل قضايا اللاجئين والنازحين وتوفير السلام لهم , وإعادتهم إلى قراهم وحواكيرهم , وطرد المستقدمين الجدد وتعويضهم فردياً وجماعياً لما لحق بهم من ضرر , ومحاكمة القتلة والمغتصبين , ونزع السلاح من أيدى لمليشيات المؤتمر الوطنى.
3/ إن مثل هذه اللجان هى تكريس للحلول الجزئية التى أثبتت فشلها الزريع وعدم جدواها فى أبوجا 2006م , وفى سرت الليبية 2007م وفى الدوحة 2011م , وستثبت فشلها لا محالة فى أروشا التنزانية 2013م.
3/ نرحب ترحيباً حاراً بأى مبادرة لحل الأزمة السودانية فى إطارها الكلى ومخاطبة قضايا السودان وفقاً لمنظور الحل الشامل الذى أوردته وثيقة إعادة هيكلة الدولة السودانية وميثاق الفجر الجديد , والتى تفضى إلى إزالة نظام الإبادة الجماعية وليس إصلاحه أو تجميله كما يدعو البعض.
4/ إن قضيتنا الجوهرية هى المطالبة بحقوق كل الشعب السودانى وعلى رأسهم النازحين واللاجئين والمتضررين من الحرب والسياسات الحكومية الخاطئة وفق مقتضيات المواطنة المتساوية وفصل المؤسسات الدينية عن مؤسسات الدولة وحرية الإعتقاد والتعبير والتنظيم وقومية اجهزة الدولة فى إطارها الفيدرالى ووحدة السودان , ولكن هذه المطالب لا يمكن تحقيقها عبر هذه اللجنة أو غيرها إنما يتم تحقيقها عبر إقتلاع النظام من جزوره وإحلال بديل ديمقراطى حقيقى.
5/ الموافقة على لجان من هذه الشاكلة هو خيانة للقضية ومئات الآلاف من الشهداء الذين وهبوا أرواحهم فداءً للحرية والتغيير فى دارفور وجبال النوبة والنيل الأزرق وكجبار وشرق السودان و فى إنتفاضة 20 سبتمبر 2013م المجيدة الجارية الآن.
نحن فى حركة/جيش تحرير السودان نؤكد للشعب السودانى موقفنا الثابت والمبدئى و رفضنا القاطع لكافة أشكال الحوار مع نظام الخرطوم , ونؤكد تمسكنا بخيار إزالة النظام عبر العمل العسكرى المسلح والنضال السلمى الجماهيرى.
نناشد كل شرفاء الشعب بالإنضمام إلى الإنتفاضة الشعبية السلمية الجارية الآن وزيادة بؤرتها أفقياً وراسياً لتنتظم كافة المدن والقرى والفرقان , وإعلان حالة العصيان المدنى الشامل الذى يجبر النظام على الرحيل أو الإلتحاق بالجبهة الثورية السودانية أو أىٍ من فصائلها عبر بوابة الكفاح المسلح.
المجد والخلود للشهداء الأبرار
عاجل الشفاء للجرحى والمصابين
الحرية للمعتقلين
ثورة حتى النصر
محمد عبد الرحمن الناير (بوتشر)
الناطق الرسمى باسم مكتب الرئيس
25 إكتوبر 2013م
|
Post: #28
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 12-04-2013, 12:13 PM
Parent: #27
Quote: الحاج صديق هو مندوب المؤتمر الوطنى لشق حركات دارفور وقد نجح فى الوقيعة بين ابوالقاسم امام وعبدالواحد كان معكم فى لندن ومطلوب للعدالة فى الخرطوم بلاغات مدونة ومعلنة فى الصحف ولكن بقدرة قادر اصيح مرشح المؤتمر الوطنى للمجلس الوطنى والان هو بالمجلس الوطنى عن دائرة كلمندو التى صنعها بالاموال المشبوهة التى جمعها وطبعا لوالى شمال دارفور عثمان كبر الدور الاكبرفى تقديمه وغسيله شمال دارفور لوعندك قروش تتقدم
قبل كدا اتنشر كلام انو عاجر ما يدفع للعمال حقوقهم واشتكوه فى محكمة العمل ؟
يعنى الرجل فلس وداير مصاريف هو ليس له فنيات اقناع يمكن ان يقنع بها اى زول عندو مشروع سياسى او طرح
فعلا عمل بعض المبانى فى قرية كلمندو وقد شاهدتها والتقيته فى قريته ورافقته من القرية للفاشر ونفس عشاك دا برضو عزمنا له فى الخرطوم قبل سبع سنوات |
أخونا الغالي/ الغالي شقيفات سلام وآسف على التأخر في الرد ... يا أخي حركات دارفور دي (قبل الحزن ممشوطة قطاطي) أو كما يقال ... الحركات دي إنشقت وأنقسمت وأنشقت حتى كادت أن تذهب في مهب الريح ... هسع زاتوووو ما عندها قوة ضاربة تذكر ... المهم يا أخوي الحاج المليونير حالياً رئيس لجنة لإقناع الحركات الدارفوية المسلحة بالجلوس للتفاوض مرة أخرى لإحلال السلام في الأقليم ... نقول ليهو هو ولجنته ربنا يوفقكم ... ربما تكتب لمبادرته النجاح ... لعلمك الحاج المرحوم آدم يعقوب كان له دور بارز في السيطرة على الأمور في دارفور خاصة في دار زغاوة ... طبعاً المقارنة بين (الحاجين) قد تبدو غير مرضية للبعض ... لكن Money talks and bull s h i t walks ....
تحياتي
|
Post: #29
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: حماد الطاهر عبدالله
Date: 12-05-2013, 02:54 PM
Parent: #28
| Quote: المهم ركز لينا في موضوع الطرق الفوق دي بس وقرض عليهو يا أبا أنس ... |
والله يا أبا الخواجا حامد ( تحيات له ولأمه) أنا مقرض على الموضوع لكن الإيد قصيرة والعين بصيرة.
بس طالما إنت بتقابل المليونير ( جنيه إسترليني) بلغه بالطلب وأحلف عليه ينفذه، وبس يرسل القروش
والباقي علينا...... نحرس الشارع بالكلاش ونسفلته.....وبس كمان شوية حاجات لمستشفي برام وشفخانة
السنطة....وشوية مولد لدونكي المملح.... شوية مواسير لدونكي الجرة... ومعدات حراثة بسيطة للزراعة،
وشوية حديد وأسمنت وماكنة بلوكات يدوية عشان نغير بيوت (القش) كيما تتناسب مع المليونير للزيارة.
|
Post: #30
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 12-11-2013, 03:34 PM
Parent: #29
Quote: ليه ياخي أخفيت الفقرة الخاصة بأسماء أعضاء اللجنة من خطاب السيسي هذا؟
ياريت تنزل الخطاب كاملاً لو ما عندك مانع
عموماً
غايتو دي الدنيا ام قروش
صديق ودعة بقروشه اصبح هو حكيم الأمة و خبيرها السياسي
وقد رأينا كيف تتنافس مشيخات الخليج على تغيير حكومات الشعوب الناطقة بالعربية
تلك الشعوب التي علمت شعوب الخليج الكتابة و القراءة |
الأخ أحمد أبكر سلام وتشكر على التنبيه ... اسماء أعضاء لجنة الإتصال بالحركات غير الموقعة سقطت سهواً وليس عمداً .. وهم:
1- الحاج صديق آدم عبد الله (ودعة) رئيساً
2- صديق محمد اسماعيل عضواً
3- الشرتاي ابراهيم عبد الله عضواً
4- فاروق آدم أبكر عضواً
5- الملك ياسر أحمداي عضواً
6- صالح محمود عثمان عضواً
7- الفريق حسين عبد الله جبريل عضواً
8- نصرالدين أحمد عمر عضواً
9- د. سليمان مصطفى عضواً
10- بشارة شريف قمر عضواً
11- الشفيع أحمد محمد عضواً
12- سهام محمد أحمد بخيت عضواً
13- صفاء العاقب عضواً
14- مولانا موسى عبد الله حسين عضواً
يا أخي حاولت أنزل صورة القائمة عدة مرات بس مش قادر أنزل أي صورة في سودانيز أون لاين في الوقت الحالي ... ممكن بعد أرشفة الربع الرابع ....
تحيات أخوكم ودهارون
|
Post: #31
Title: Re: الحاج المليونير صديق ودعة يصارع أمواج الصراع المسلح في دارفور ... صور اللقاء..
Author: Mohammed Haroun
Date: 12-16-2013, 11:07 AM
Parent: #30
أخي أحمد أبكر سلام مجدداً ... يا أخي شوف صورة أعضاء اللجنة ... أخيراً استعدت القدرة على إنزال الصور ...
تحياتي
|
|