تـــــــــحـــــــــــــذيــــــــــــــر ، واجب وهام يجب الحيطة والحذر،،

Quote: ورد الخبر بقناة العربية و الجزيرة نت نقلاً عن رويترز. هناك عدة أسباب للانزعاج من هذا الخبر عِلماً أن الخبر لا يمت للسودان بِصِلة والسبب الأول للانزعاج أن كل الدول رفضت استخدام موانئها في التخلص من هذه المخلفات ولكن عودتنا التجربة بألا نثق في الحكومة السودانية فقد يحدث التخلص من هذه المخلفات داخل الحدود البحرية السودانية بعِلم وإتفاق مع الحكومة السودانية مقابل حِفنة من الدولارات وهذا طبيعي نسبةً للظروف الاقتصادية السيئة التي تمر بها فحكومتنا ليست لديها اي مانع في أن تُضحي بجزء من الشعب السوداني مقابل مصالح مادية ولكن السبب الثاني وهو الأخطر والأقرب للحدوث أن يتم التخلص من هذه المواد الخطِرة في حدودنا البحرية دون عِلم هذه الحكومة النائمة في سبات عميق ففي بلد لا تفرق سُلطاتها بين حريق ماكينة اللِحام وقصف الطائرات عندما تم قصف مصنع اليرموك للأسلحة والذخيرة ولولا تصريح الفرقة الثالثة عشرة التابعة لسلاح الجو الإسرائيلي التي تبنت عملية قصف مصنع اليرموك لظلت حكومتنا تعتقد حتي الآن أن سبب الحريق تطاير شرار من ماكينة لِحام وفي بلد يُصرح وزير دفاعها بتكوين قوات زرقاء اليمامة (قوات الدفاع بالنظر) بساحل بورسودان لمراقبة الطائرات والصواريخ بالعين المجردة. هذا سرد مختصر للفشل الذريع بفقدان السيطرة والسيادة علي الحدود البرية والجوية فحكومتنا الغراء لا تعلم عنه شيئاً فما بالك لِما يحدث في البحر والمياه الاقليمية السودانية طبعاً بعد خراب مالطة سيأتي وزير الدفاع ويُصرح بأنهم قاموا بتأسيس قوات طيور النورس البحرية السودانية حيث سيتم تجنيد طيور النورس لتزويد وزير الدفاع بالاخبار عما يحدث بالمياه الإقليمية السودانية عبر شفرات سرية لا تفهمها غير الطيور (مش بيقولو للشخص الغبي يا طيرة فأكيد أكيد وزير الدفاع الطيرة دا عندو خبرة بالفِطرة في لغة الطيور والطيور علي أشكالها تقع ووالله نِحنا مع الطيور). وبعد سماع كل الأخبار أعلاه عبر وسائل الاعلام عما يحدث في السودان أصبح العالم أجمع يعرف تماماً أن الحكومة السودانية تغط في سبات عميق وليس لديها أي علم عما يحدث داخل حدودها البرية والجوية و بفقدانها السيطرة والسيادة علي حدودها البرية والجوية حتماً هي فاقدة السيطرة علي حدودها البحرية ولذلك سيُصبح السودان أنسب مكان لكب هذه المخلفات الخطِرة دون عِلم الحكومة السودانية. وإن حدث هذا لاقدر الله سنواجه مشكلة أخري في تشخيص تأثير هذه المخلفات علي صحة الانسان والغلاف الجوي والتُربة والزراعة حيث ينتشر تأثيرها عبر الهواء. وفي بلد لا يُفرق بين ماكينة اللِحام وقصف الطائرات حتماً ينعدم فيها البحث العلمي أصلاً لمثل هذه العلوم ولذلك لا توجد لدينا كوادرعلمية مؤهلة في مجالات الاسلحة الجرثومية و البيولوجية والاسلحة الكيمائية والنووية فكيف لنا أن نعرف إذ تم كب هذه المخلفات في حدودنا البحرية أم لا؟؟؟ وإن حدث كب هذه المخلفات دون عِلم الحكومة وتم رصد حالات وفيات جماعية بشرق السودان لا قدر الله لن يتم التوصل لأسباب هذه الوفيات لعدم وجود كوارد لديها دراية علمية بأعراض تأثير هذه الاسلحة الجرثومية و البيولوجية والكيمائية علي الانسان بل ستأتي الحكومة الاسلامية وتُصرِح بأن هذا إبتلاء من رب العالمين ويجب أن نرضي به ومن ثم تأتينا بأسانيد من الكِتاب والسُنة وأن هذا كلام الله وهل لديكم اعتراض علي القدر وعلي كلام الله. فماذا أنتم فاعلون يا أولاد عازة مع حكومة بن جهلول؟؟؟؟؟؟؟

منقول :
http://www.vb.sudaneseonline.com/t145343.html

عادى يا على اخوى هم اول مرة يفعلوها ولا نسيت النفايات الالكترونية والكومبيوترات المسرطنة والتقاوى المغشوشة والشاش الجلكوز وايييييييييييييييييييييك كميات من الفساد والتلاعب بارواح المواطنين

تحذير مهم لما هو متوقع من هؤلاء البياعين المرابين اللصوص
وخاصة بأنهم هذه الايام مزنزقين ماليا ومعزولين دوليا
يمين يبيعوا نسوانهم في سبيل تواجدهم في الكراسي النتن
---------------
وتعلمون جيدا يمكن ان تتم هذا الخطوة من غير استشاراتهم لأن اجوائهم وبحورهم واراضيهم قاعدة في السهلة ،،

على تحياتى / هم فعلا مزنوقين زنقة ###### فى طاحونة وهذا يذكرنا نميرى دفن احدى النفايات فى الشمالية وكان هذا سبب انتشار السرطان فى الشمالبة بكمية مهولة من هذه النفايات ؟؟؟؟

الزملاء الاعزاء:-- بجاوي / حمودي

صدقوني انا جادي بصورة اصلكم ما تتخيلوها ،، ما دام رئيس الدوبلوماسية علي كرتي وعلى فكرة هو تاجر مرابي درجة اولى عادي جدا ممكن يقبل الموضوع مقابل صفقة فاسدة
واما وزير دفاعنا زول شغال بيه مافي يخلوه في دفاعو ابو نظر دا
طبعا على عصمان الشيطان اسهل حاجة يقبض الكومشن ويعمل رايح
وسعادة الرقاص نفس المدرسة ،، يجيبوها ليه مفنطرة وهو يلهط ،
--------------
هؤلاء القوم ارتباطهم بالارض والوطن ضعيف جدا ويمكن ان يفعلوا اي شيء في سبيل يجلسوا على كراسيهم
لذا وجب الحذر مما هو متوقع بخصوص هذه الشحنات التي تجوب موانيء العالم للتفريغ ،،
---------
الوطن مريض بسببهم ويمكن ان يتسببوا في علته الى يوم يبعثون

تحيه وشكر ودفع الله يا صاحب
صاحي وهميم
تكوين جسم شعبي للمناهضة والمتابعة والاحتجاج
ومنع السفينة من الرسو

Quote: تكوين جسم شعبي للمناهضة والمتابعة والاحتجاج ومنع السفينة من الرس

ابسن يا صديق

صدقني انا خايف هسي تكون البواخر بتفرغ الله يستر ،،
الوطن في حضرة الاقزام اي شيء متوقع فيه
---------
مودتي يا عمدة

سلامات
الأخ الفاضل
علي دفع ألله
لك التحية والإحترام
هؤلاء الذين أبادو الشعب السوداني إبادات جماعية في جنوب كردفان ودارفور والنيل الأرزق والحماداب تتوقع منه كل شئ .
وأزيد علي هذا الخبر الخوف أيضآ من السلاح الكيماوي السوري بعد رفض البانيا التدمير في أراضيها
وربنا يستر
تحياتي يا مواطن

الاخ علي لك التحية
فعلا الموضوع خطير جدا
ولعلمك بعض نواب البرلمان حذروا
من ان تقبل الحكومة بدفن الاسلحة الكيميائية في السودان مقابل مبلغ من المال
وده بدل علي ان هناك شيء في الخفاء يدور بخصوصها
وماننسي ان النواب ديل كيزان يعني عارفين ما يدور في الخفاء
الموضوع محتاج لحملة كبيرة جدا . والبوست ده بداية لهذه الحملة
ليتفاكر الناس في كيفية العمل

up

للفائدة

وما بنستبعد اي حاجة علي الحكومة دي .

الاعزاء الجميلين :-
محمد نور عودو
صلاح جادات
محمد جمعة

---------------------

من جرب المجرب حارت بيه الندامة ،،، ونحن مجربين هؤلاء الاغراب ،،
وهم خالفين يقضوا على حاضرنا ومستقبلنا ،،

ولا زالت البواخر تمخر عباب البحر بحثا عن مرفاء للتفريغ ،
اهالي بور تسودان - سواكن افتحوا عيونكم

اهم ما قرأت مؤخرا

يجب عمل اي حاجه لمنع هذه الجريمة

التحرك الشعبي وقفة احتجاجية تستبق الاحداث

المهم التحرك قبل ما الفاس تقع في الراس

او قبل الكوميشن يدخل الجيوب

فووووووووووووووووق

اهم بوست علي الاطلاق .

الاعزاء :-
طارق
منى عمسيب ،،

زي ما قلنا سابقا ،، وعطفا على النكتة الشهيرة لمن سألوا المسطول وقالوا ليه انت الثعلب دا
ببيض ولا بلد قال ليهم والله الثعلب دا ود حرام ممكن يعملهم الاتنين ،،
فالجماعة ديل زي الثعلب دا متوقع منهم اي حاجة ،،
-----------
ولا زالت البواخر تمخر عباب البحر بحثا عن مينا هامل ،،
وما اظن في اهمل من موانئنا ،،
-------------
يا ساتر على ما تبقى من الشعب الفضل

Quote: ولا زالت البواخر تمخر عباب البحر بحثا عن مينا هامل ،، وما اظن في اهمل من موانئنا ،،

*** ما تخاف ياخ ....ما قلنا ليك الدفاع بالنظر .

Quote: تـــــــــحـــــــــــــذيــــــــــــــر ، واجب وهام يجب الحيطة والحذر،،

بوست موفق ومهم .. لا نستبعد ان يقوموا بهذا الفعل الشنيع فى سبيل البقاء على كراسى السلطة

الاعزاء :-

الطيب عثمان
وعلاء سيد احمد ،،

---------------
ونقول معاكم يا رب تسلم ،،، لكن مع زنقة الجماعة ديل الله يستر ،،

-----
مودتي

كل شى جايز مع بعيد مع الناس ديل عشان الكرسى انشاءالله الشعب السودانى كل يموت همهم الاول والاخير الكرسى

Quote: كل شى جايز مع بعيد مع الناس ديل عشان الكرسى انشاءالله الشعب السودانى كل يموت همهم الاول والاخير الكرسى

عشان كل شيء جايز من وراء هذه الطـغمة الكريهــة وجب التحذير ،،

شكرا حسن سنادة

غايتو يا ابو علة الحاجة الكويسة في الموضوع انو في عالم اليوم ما في شي بتدس, و خاصة أسلحة سوريا المعين العالم كلو عليها و تدميرها والتخلص منها ح يتم تحت اشراف المنظمة الدولية وليس المافيا
فا دي شوية بتطمن غايتو

Quote: غايتو يا ابو علة الحاجة الكويسة في الموضوع انو في عالم اليوم ما في شي بتدس, و خاصة أسلحة سوريا المعين العالم كلو عليها و تدميرها والتخلص منها ح يتم تحت اشراف المنظمة الدولية وليس المافيا فا دي شوية بتطمن غايتو

ونحن مافي شيء مخوفنا عير الامم المتحدة والمجتمع الدولي اصلا ،،
لأن النظام في السودان راقد سلطة واي اشارات بتاعة انفتاح اممي ورضاء امريكا ورقعة والله حا تشوف بي عينك دي البواخر ترسو في موانينا ،،
يا ود البشري لمن تكون الدولة دولة مؤسسات وبيها مجتمع مدني وصحافة حرة ثق ما بكون في اي خوف ،،
هسع شوف البشير عمل مؤتمر صحفي وبعدو رفع الدعم ،، عملنا شنو ما دينا طالع ولا عملنا شيء فقدنا 200 روح زكية الدنيا ماشة مع غلاء فاحش ،
نفس الشيء هسع لو النظام لقى الصفقة بتأمن ليه حاجاتو حا يوافق حا نكتب ونلعلع وفي النهاية الدايرو البشير ببقى ،
--------------
ود البشري و الله مشتاقين في الله ساي

Quote: ونحن مافي شيء مخوفنا عير الامم المتحدة والمجتمع الدولي اصلا ،،

حتى الأمم المتحدة في مواضيع علنية زي دي ما عندها حل غير التقيّد بالأخلاقيات, سيبك منّنا إحنا منظمات كثيرة عالمية معنية بالبيئة و الحياة البرية و البحرية و التلوّث وناشطين عينهم على موضوع الأسلحة دي وحيشوفوها ح ترسى على وين, ديل هم البخاف منهم المجتمع الدولي و الأمم المتحدة صاح ناسنا ما بشتغلوا بيهم لكن زي الأمم المتحدة بتشيل همّهم, خاصة وأن العملية معلنة وليست سرية ومتروكة للمخابرات و السماسرة و دوائر العمل السري, وما في شي بتدس فالأمم المتحدة لن تغامر بالمجازفة بسمعتها في التورط في فضيحة زي دي, عشان كدا الضامن هنا هو علنية موضوع تدمير الأسلحة, لكن إن كان بقى سرّي ياهو الشربنا زيت نحنا والأجيال الجاية


وبالنسبة للشوق بالأكتر يا أبو علوة والله الواحد بتمنى الدنيا تجمعنا في ساعة خير و حرية نلاقيك فيها