Post: #1
Title: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: ملهم كردفان
Date: 11-23-2013, 03:37 PM
Parent: #0
قابلتنى صفحه فى الفيس بوك بيقول فيها الذى انشأها أنو مؤتمر وطنى وبيفتخر كمان ...
المهم فى الموضوع طلب من كل زول مؤتمر وطنى ان يسجل حضور ويعلن انو مؤتمر وطنى وبيفتخر
أها رايكم شنو ...؟؟؟
يكون عاملها واحد معارض عشان يتعرف على الأعضاء الكيزان
والا عاملها واحد فعلاً من المؤتمر اللاوطنى
رابط صفحة ....انا مؤتمر وطنى وبفتخر فى الفيس بوك...أضغط هنا
الصفحه دى قابلت منو فيكم قبل كده ...؟؟؟
واحد نزلها فى القروب بتاعنا وطلب من الناس انهم يحذفوا من قائمة أصدقاءهم
أى زول يلقوهو فى قائمة أصدقاء المؤتمر اللاوطنى
فى ناس العنوان صدمهم ... بقول ليهم ماتخافوا على
فانا أربأ بنفسى أن اكون مع هؤلاء القتله الظلمه اللصوص تجار الدين فى صف واحد
...
الخبير الإستراتيجى والمتابع الإسفيرى والمفتش الأممى رئيس تكتل صامدون 
ملهم كردفان
تحليه
تكتل صامدون ده تحت الإنشاء إن شاء الله
|
Post: #2
Title: Re: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: بشير حسـن بشـير
Date: 11-23-2013, 03:56 PM
Parent: #1
Quote: فى ناس العنوان صدمهم ... بقول ليهم ماتخافوا على
فانا أربأ بنفسى أن اكون مع هؤلاء القتله الظلمه اللصوص تجار الدين فى صف واحد |
والله انا واحد من الناس الصدمني عنوان بوستك هذا
كن بخير وكن كما انت
.
.
.
.
.
|
Post: #3
Title: Re: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: ملهم كردفان
Date: 11-23-2013, 04:10 PM
Parent: #2
سبب إيراد البوست ده صدمتى فى ناس
منهم واحد ملحن ليهو تلاته اعمال
والتانى ملحن ليهو عمل
والتالت انسو بس
وديل كانوا فى صدر القائمه التى طالعتها
..........
|
Post: #4
Title: Re: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: ملهم كردفان
Date: 11-23-2013, 04:15 PM
Parent: #2
Quote:
فى ناس العنوان صدمهم ... بقول ليهم ماتخافوا على
فانا أربأ بنفسى أن اكون مع هؤلاء القتله الظلمه اللصوص تجار الدين فى صف واحد
والله انا واحد من الناس الصدمني عنوان بوستك هذا
كن بخير وكن كما انت |
بشير حسـن بشـير
أبشر يابشير فحسن اخوى الصغير وبشير عمى اخو ابوى ماتخاف علينا ياخ
انا ابقى هندوسى ماابقى مؤتمر لاوطنى
|
Post: #5
Title: Re: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: usama Babiker
Date: 11-23-2013, 04:55 PM
Parent: #4
بالمناسبة ياملهم في ناس كتيرين اعضاء بس ما معناها معاهم تتخيل انا زمان لقيت نفسي من ضمن القروب ده زاتو احيانا بتجيك دعوات وبدون تركيز بتقبل لكن بعد شفت القروب طوالي اتخارجت ... انا شايف دكتور اسعد زاتو الناشط المعروف من ضمن القروب ... وبعدين في واحدين بدخلوا شمارات ساي ...
تحياتي ملهم
|
Post: #6
Title: Re: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: ملهم كردفان
Date: 11-23-2013, 06:44 PM
Parent: #5
المقدر أسامه بابكر ...
بعد ماقريت كلامك ده قلت كدى أمشى أشوف نفسى يمكن اكون فيهو من غير ما أعرف
ولقيت لستة العضويه فيها عدد كبير خلاص قلت والله اتابع القروب ده رصيدى يخلص تب والسهره تروح شمار فى مرقه
لقيت الشمار عندك عسى ولعل ألقى المرقه عن دكتور اسعد
قلت أجرب ابحث يمكن ألقى راس التمساح ذاتو فتشت للمؤتمر اللاوطنى ولقيت الصفحه بتاعتهم
بس طلعوا حرفا قافلين قائمة الأعضاء قفلة سيردباك لمهاجم فى خط تمنطاشر ...
عشان كده بقول لى أى واحد مؤتمر وطنى كان ماحذفتنى من قايمتك حأحذفك بى نفسى من قائمتى وأفتخر ...
بينى بينك يا أسامه الشمارات دى لازم تصل دكتور أسعد عسى ولعل يديك النجيضه
سمسم
منور البوست ياصاحب
Quote: بالمناسبة ياملهم في ناس كتيرين اعضاء بس ما معناها معاهم تتخيل انا زمان لقيت نفسي من ضمن القروب ده زاتو
احيانا بتجيك دعوات وبدون تركيز بتقبل
لكن بعد شفت القروب طوالي اتخارجت ...
انا شايف دكتور اسعد زاتو الناشط المعروف من ضمن القروب ...
وبعدين في واحدين بدخلوا شمارات ساي ...
تحياتي ملهم |
|
Post: #7
Title: Re: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: yaser mostafa
Date: 11-23-2013, 06:58 PM
Parent: #4
Quote: Quote:
انا ابقى هندوسى ماابقى مؤتمر لاوطنى
لا فض فوك يا ملهم كردفان ... ابليس يتواري خجلا في حضرة هذه العصابة الاجرامية التي لم يشهد التاريخ لها مثيلا و لن ! |
|
Post: #8
Title: Re: انا مؤتمر وطنى وأفتخر ...مافى شى غريب الزمن ده والا رايكم شنو فى الكلام ده ... ؟؟؟
Author: ملهم كردفان
Date: 11-24-2013, 02:28 AM
Parent: #7
Quote: انا ابقى هندوسى ماابقى مؤتمر لاوطنى
لا فض فوك يا ملهم كردفان ... ابليس يتواري خجلا في حضرة هذه العصابة الاجرامية التي لم يشهد التاريخ لها مثيلا و لن ! |
عندى صاحبى ياياسر ياأحوووى كان هنا فى مصر ينوم يصحى مع الكيزان حب شديد مابرضى فيهم تب
مره لقيتو كاتب لى الكلام ده
(صار كل انسان في السودان يتمني ان لا يصبح فيه ويلعن اليوم الذي حكم فيه هؤلاء المفسدين المنافقين)
اتعشيت فرح وحليت حبور لمن قريت كلامو ده.... لأنو إتعافى من حبو ليهم
ورديت عليهو
صديقى .... شىء مؤسف ان تطالعنى صور الوجع وحروف العذاب من كل حدب وصوب تحذرنى من العوده
وترسم لى صورة الوطن المنهوب والمدمر والمغلوب على امره ..
ربع قرن كان من الممكن ان تبنى فيه كل أفريقيا إذا صدق حكامها فمابالك بوطن حاكمه راقصه الأول
كلما رقص كلما تساقط جزء من الوطن
تحت ضيم الحوجه والقبح القبلى والتمزق الأسرى والتهتك الاخلاقى
كلما رقص هذا المخبول
كلما ذات معاناة الناس الغبش ..
اللهم أرحنا منه وممن تبعه بإفساد ومظلمه...عاجلاً غير آجل يا أرحم الراحمين
هرمنا ياياسر مصطفى فى انتظار لحظة الخلاص
|
|
|