Post: #1
Title: عشان تشوفوا قنواتنا معذبننا بالدعايات كيييف - واحد ساخر جدا #
Author: زهير عثمان حمد
Date: 11-22-2013, 10:31 PM
خديجه زعلت من راجلا وقالت ليهو (يا الوابل يا بيت ابوي ) م صدق راح طوااالي موديها بيت ناس ابوها ... وصلت البيت لقت ناس البيت ميتين من الجوع ويكوركوا ( دايرين تونا ... وين التونا ... جوعتونا ) قالت ليهم خلاص انسوا التونه انا حأعمل ليكم عدس ( اطعم عدس ... ما تقولوا لي ... ما تحكوا لي ) وظبطت ليهم داك يا العدس لحدي م اختها الصغيره قالت ( ياسلااام اكل شنو الحلو دا ) ولانو كان ( عشره علي عشره ) وكمان معمول ( بزيت الطيب ) قامت قالت ليهم الاكل برانا م بنفعنا اعزموا ( عشره من اصحابكم ) قاموا ضربوا لي ( عمو كمال .. وخالتو اقبال .. واحمد ودا الجيران .. وعثمان سيد الدكان ) . بعد يومين خديجه اذكرت انو راجلا ما سأل فيها ولا اشتغل بيها ( قامت وقعت من البلكونه ) بس لانو كانت شاربه ( شامبيون) الوقعه م عملت ليها حاجه . راجلا لمن سمع بي وقعتا قام ( ضرب ليها وصالحا ) وجا البيت ( لقاها فرحااانه ) قاليها خلاص م تزعلي انا جبت ليك (صندلية العنود ) خديجه م صدقت راحت جري علي المطبخ ولما اتأخرت راجلا ناداها ياوليه وين الشاي قالت ليهو ياراجل ( سمحه المهله ) بس ظبطت ليه و داك يا الشاي قاليها الشاي الخطير دا من وين ؟ قالت ليهو ( دا الاغلي من الدهب ابوي وصاني وانت وصي اولادك ) ( ونحنا حكينا القصه دي ليييه ؟ )
عشان تشوفوا قنواتنا معذبننا بالدعايات كيييف
|
Post: #2
Title: Re: عشان تشوفوا قنواتنا معذبننا بالدعايات كيييف - واحد ساخر جدا #
Author: سليمان القرشي
Date: 11-23-2013, 05:24 AM
Parent: #1
هههههههههه
والله انت راجل تحفة
|
|