Post: #1
Title: نادية,,,يارحيل الزمن الجميل,,,الاعلامية نجاة عبدالسلام
Author: omer abdelsalam
Date: 11-22-2013, 08:44 PM
خبر كالصاعقة الجم في كل الحواس
ولكنه اطلق في كل لحظات الزمن الجميل في أواخر التسعينات
مر شخصك الحنين الباسم امامي
وانت تخطين الخطى الى مقر صحيفة { الخرطوم}في القاهرة
مقبلة بكل عفويتك وسجيتك الطيبة وروحك البشوشة
المتواصلة مع الجميع دون إستثناء
الموت حق علينا وقد فجعني رحيلك المباغت
فضافت دموعي على ذكرياتنا معا
ونحن سيرا على الأقدام في شارع عائشة التيمورية حيث صحيفة الخرطوم بعد انتهاء دوامنا اليومي
مرورا بمنزلى في السيدة زينب
تأخذين بايدي صغيرتك بعد قضائها وقتا ممتعا مع { حباب} ابنتي
وتلوحان لنا بالايدي بالوداع الى محطة سعد زغلول
وصولا الى عين شمس ,, الى داركم العامرة
|
Post: #2
Title: Re: نادية,,,يارحيل الزمن الجميل,,,الاعلامية نجاة عبدالسلام
Author: omer abdelsalam
Date: 11-22-2013, 09:02 PM
Parent: #1
أحقا أصبحت ذكريات يامسكونة بحب الفن والجمال
لكل مايصادفك
لوحة جميلة من الفنان حسان على أحمد
او لمحة من فنان او شاعر مبدع
او حتى لوكانت { دردشة } مع { ست الشاي } او مع طفل تضحكين
هكذا الحياة لاتسوى سوى لحظة من الفرح الجميل
وأنت تشاركين الفرح وتشاركين الحزن معا
لله درك يانادية
هاانا اراك في برنامج على احد القنوات الفضائية تسائلين خبيرة تجميل
عن سر وصفات جمال المرأة في منتجاتنا السودانية الطبيعية
,,,,,,,,,,,,,,,,,,,,,,,,,,,,
تواصل شخصك الحبيب معنا وأنت تغرين السلام هنا وهناك
فعشت بذكرياتك محفورة في وجداننا
ورحلت جسدا وبقيت معنا جميلا في دواخلنا
هكذا الحياة وتلك مشيئة الله
ولاحول ولاقوة إلا بالله
وانا لله وانا اليه راجعون
العزاء لإبنتك ولأسرتك الكريمة
ولنا جميعا معشر الصحافيين والإعلاميين
وللوطن قاطبة في فقدنا الجلل
"""""""""""""""""
الصحافية / نجاة عبدالسلام
زميلة الراحلة نادية عثمان
نيوهامشير
الولايات المتحدة
|
Post: #3
Title: Re: نادية,,,يارحيل الزمن الجميل,,,الاعلامية نجاة عبدالسلام
Author: HAYDER GASIM
Date: 11-23-2013, 05:02 AM
Parent: #2
عزيزي عمر عبدالسلام ... تسلم,
وتسلم ... نجاة عبدالسلام, علي
هذه القراءة الوادعة في سيرة نادية.
مخزون جم من التعايشات والذكريات
سوف يتدفق ... بحسب نادية هي العامل
المشترك, وشراكة نادية ندية إنسانية لوجه
إعمار الضمير الإنساني, وإرضاءا للخاطر
حين تقصر المسافات وتتباعد الخطى. فنادية
مختلفة جدا, يجد المرء صعوبة في تأطيرها لجهة
أو مسار أو كتله أو حيز. فثمة طائر يحلق بلا
حدود ... فأرضها بعيده وسماؤها قريبة.
نفتقد نادية بشدة ... أو ... حين ينوحها
الرجال
|
Post: #4
Title: Re: نادية,,,يارحيل الزمن الجميل,,,الاعلامية نجاة عبدالسلام
Author: omer abdelsalam
Date: 11-23-2013, 04:35 PM
Parent: #3
Quote: مخزون جم من التعايشات والذكريات
سوف يتدفق ... بحسب نادية هي العامل
المشترك, وشراكة نادية ندية إنسانية لوجه
إعمار الضمير الإنساني, وإرضاءا للخاطر
|
الشفيف / حيدر قاسم
شراكة نادية الانسانية
عنوان اتفق عليه الجميع
لم تتح لى الظروف التعرف على الراحلة عن قرب
سوى لحظات قليلة جمعتنا في سنة 2009 على هامش لقاء الاعلاميين المغتربين بالخرطوم
كانت بالفعل غارقة في حب الجميع توزع عليهم ودها وابتسامتها الوادعة دون إستثناء
كأنها كانت تعلم ان هذه الحياة قصيرة الأجل
لاخير فيها سوى الكلمة الطيبة والبسمة الرقيقة
رحمها الله
|
Post: #5
Title: Re: نادية,,,يارحيل الزمن الجميل,,,الاعلامية نجاة عبدالسلام
Author: عزالدين آدم علي
Date: 11-24-2013, 03:26 PM
Parent: #4
سامية بكري
تاريخ التسجيل: 26-11-2004
نادية،
يا همس الحروف الحايمة في بطن الكتب
رباعياتك شجن
نزيف
وحريق وطن
واحساس بمتع لحظة التعب القديم بإلفة خاصة جداً
___________
أهدي ليك كلمات جميلة كتبها د. معز وأصبحت متداولة في رسائل الموبايل:
كل إحساس من هواي
بحرو ساكن بين إيديك
اشتقت للحظة البتسرق
عمري كلو تجيبو ليك
اشتقت للنجم البسافر
في الخيال يرحل يجيك
اشتقت و الشوق مستحيل
في دربو يتمرد عليك
ألا رحم الله نادية وأدخلها جنات الفردوس مع النبيين والرسل
|
Post: #6
Title: Re: نادية,,,يارحيل الزمن الجميل,,,الاعلامية نجاة عبدالسلام
Author: عزالدين آدم علي
Date: 11-24-2013, 04:32 PM
Parent: #2
رباعيات الراحلة المقيمة / نادية عثمان مختار
طيب الله ثراها ورحمها رحمةً واسعة وألهمنا وآلها
الصبر والسلوان ((إنا لله وإنا إليه راجعون)) صدق الله العظيم.
كتلنى الشعر عشقا وهزتنى القوافى
حبيبتى حروف وكلمة من الزمن الخرافى
بقت فى الغربة مآوى فى قلب المنافى
مصيبة الشعر أكبر فى دنيا الصحافى
وعجبى!!
السلام كان ديمة مطلب وكل جارا ليهو ساعى
بس بخاف المدة تطول ونحنا هدتنا المساعى
الحجج والنقة كترت مابشوف كان ليها داعى
الوطن الجرحو نوسر كان جميل لو ليه نراعى
وعجبى!!
قلت وحدوى قلنا مرحب أكد القول بالسلام
قول وداع للآلة تكتل فى ربا السودان حمام
العدالة طلب اساسى وببقى سفك الدم حرام
نحنا أخوان ده الأساسى وبينا حب جد وانسجام
وعجبى!!
كل مانقول ده موسى يطلع برضو فرعون
ابليس بى قرونو وجد اولادو شيطون
الشر امتلكنا وخت عمارو فى الكون
كل مانقول ده انسان يطلع برضو ملعون
وعجبى!!
أصوات القنابل شيبت أطفال
بقت بغداد مدافن ومقبرة أجيال
أمريكا الغرورة قبيحة الأفعال
عشان بترول عراقى تضحى بالأنجال
وعجبى!!
لو تنسانى برضو مابنساك أنا
روح الزهرة قلبى وعبق السوسنة
يانى الجرتكوها سمحة محننة
ولو تنسانى حقك بيضيع ياجنا
وعجبى!!
ياوطنى القبائلك تشكى من تهميشك
ظالم ولا مظلوم من فعايل جيشك
أولادك بقطعوا فى منابت ريشك
قول ياوطنى حكمك الا بس ببشيشك
وعجبى!!
من شان السلام جابو الوسيط جنرال
ايمكن بالنياشين ينصلح ده الحال
ويرجعوا ناس بلدنا الهدهم ترحال
بين أمريكا كندا وكينيا ست الخال
وعجبى!!
دارفور العزيزة امى الحنينة الغرة
شن سووالوليدات جابو ليك الضرة
كبوا الدم بحورا وشربوك المرة
وين راح خير زمان الكابى جوة وبرة
وعجبى!!
ياعاشق الجمال أعرف انحنا جمالنا مالو مثيل
انحنا الفركة والسوميت وقولة السى معاها عديل
انحنا الخمرة والدخان والريف دور فتيل فى فتيل
معانا بتعرف ايه الحب وبدونا أخير تقع فى النيل
وعجبى!!
نحنا فى زمن المصالح بالقولات والسواطة
وانت يازولى الشفيف أحلى مافيك البساطة
لامنافق لامخادع زى بشر زاد انحطاطها
الا بس حظك معاكس فى زمن سمتو الوساطة
وعجبى!!
شلكاوية حلوة جمالها زى فينوس
شجرة سيسبان ودعامة الابنوس
بى سحر العيون خلبت عيون ونفوس
جننت الجنوب وبيها الشمال مهووس
وعجبى!!
أرفعوا صوت حواركم وأخرسوا البارود
الفور دار سلاطين من جدود لجدود
لابينكم ######## لا زول سفيه وحقود
الحق بالحوار مابالرصاص بيعود
وعجبىّّّّ!!
فى بلد الزرق دار سلطنة وسلطان
بتلقى القاسية هينة والقساوة حنان
أهل حكمة المساليت والزغاوة كمان
أطفوا الفتنة بينكم وكتروا الكيمان
وعجبى!!
الحرب القبيل مالقينا فيها هوادة
حقول الغام ونار لابد من اخمادها
من أجل التحول لازمة لينا ارادة
جنوب وشمال بلدنا ونحنا كلنا سادة
وعجبى!!
صاح انت الملك وفوق رأسك أجمل تاج
مصنوع من دهب أحمر وسن العاج
بس قلبك لئيم أسود بلون الصاج
مابتخاف من الله برغم انك حاج
وعجبى!!
سمعت وقالوا عنك دار تكون مشهور
عاشق الكورة مرة وفى الأغانى سرور
بى قرشك بقولو بتشهر المغمور
تخلى الدنيا تحكى عن الوجيه فرفور
وعجبى!!
شايقى ودنقلاوى أخوة فايتة الحد
فتيل ريحة وبخور عودين عبيرهم ند
ايد فوق ايد تملى بيبقو ساعة الجد
لو تسأل عليهم تلقى عندى الرد
وعجبى!!
أوعك تخاف واغرز خناجرك فى صميم قلب الرئيس
انت الشروق لو اظلمت وانت البتستر للبنيات ياعريس
قلمك درع حبرك رصاص يحرق حشا الاسد الكديس
انت الطريق مرسوم عديل وأصلو العوج درب التعيس
وعجبى!!
ادمان الكتابة منو البشفينى منو
كلماتى الرقيقة وحروفى على بحنو
بعشقو لون محابرى وقلمى العاجبو سنو
ولو ماكتبو شعرا أناملى أكيد بجنو
وعجبى !!
سارة رغم الغربة حارة ..التقينا فى المحطات الشتات
خوة فى معناها روعة ..ودنيا تحيا بعد ممات
لوعة الشوق فى المنافى ..افقدت صبرى الثبات
ريحة الوطن الدعاشة..وخالتى عاشة وقعدة القهوة وحياة
ناس نفيسة وحاجة آمنة ..واحدة فاتت وتانية جات
فى بيوت الشعر غنية ..التقيت بى سارة لوحة
شايلة من توتى النضارة ..وهيبة ام در ليها طرحة
حالمة زى غيمة شجونا ..ومن ليالى العيد هى فرحة
غالى ياوطن الجسارة ..ولون بناتك صافى قمحة
انتى للمنبر شقيقة ..ولى نضال اهلك رفيقة
وطنى حر بى اهلو عامر ..موية فى قلب الحريقة
مهما ليل الغربة طوّل .. بى تجمعنا بنطيقها
القناديل مهما تذبل ..بكرة بتنور وريقة
ونحنا مهما طال غيابنا ..طيف بلدنا بظل حقيقة !!
نحنا عقولنا بعيار الدهب موزونة
نحنا بنات رجال معروفة مابهينونا
مهيرة الغالية بت عبود كسبنا فنونها
هدية وعاقلة بت سودانى مو مجنونة
وعجبى!!
|
|