Post: #1
Title: انا الكتلت الشيخ الشريف
Author: مها عبدالمنعم
Date: 11-22-2013, 01:20 PM
................
|
Post: #2
Title: Re: انا الكتلت الشيخ الشريف
Author: مها عبدالمنعم
Date: 11-22-2013, 01:30 PM
Parent: #1
اعتذر في مشكله عندي لمن انسخ نص حقي
|
Post: #3
Title: Re: انا الكتلت الشيخ الشريف
Author: الامين موسى البشاري
Date: 11-22-2013, 01:38 PM
Parent: #2
------------------
|
Post: #4
Title: Re: انا الكتلت الشيخ الشريف
Author: مها عبدالمنعم
Date: 11-22-2013, 02:10 PM
Parent: #3
يعلم الله كل ما اجيب جزء القي رموز
غايتو جنس غايتو
كدي نجرب تمامة القصه
|
Post: #5
Title: Re: انا الكتلت الشيخ الشريف
Author: مها عبدالمنعم
Date: 11-22-2013, 03:10 PM
Parent: #4
سمعت قال شنو ! قال عاملين لي مجلس في المشايخ تبع الشيخ شريف الشريف من الشرفاب لحدهم اها قلت هوي ياولد يكون دي الاستتابه
السمعنا بيها ..اها وبعديها يدوني كم يوم كان ماصليت مع شيخ شريف يفصلوني ويختمو علي ملحد ملحد ومابعيد يرفعو القضيه دي للمحكمه لاحولا ...انا مجلس مافاضي
ليهو ولا بقعد مع رجال شالو نص كلامي وخلو التاني
قلت للحاج ابوي : يابوي هوي ناسك ديل لا يتعبو حالن الصلاة دي ما بصليها
ياولد جنيت ؟ كيف تخالف اوامر الله
ابوي انا بصلي قبلي في البيت !
لا ...دي مابتنفع تصلي مع الشيخ شريف الشريف من الشريفاب
يا ابوي
ونهرني ياجنا هوي اسكت نكضب الشيخ ونصدق كلامك ؟يا تحضر المجلس ياتشوف لك بيت تاني تسكنو ياعاطل يا فاشل منو
انت اشان تعارض الشيخ شريف الشرسف من الشريفاب !مرقت الدكان لقيت سيدو صاري وشي مالك ياعم خير ؟
الخير من وين يجي من يوم خليت الصلاة مع الشيخ شريف الرزق قل امرق شوف مكان تاني اشتغل فيه والا ارجع الصلاة مع الشيخ شريف من الشريفاب
!!
|
Post: #6
Title: Re: انا الكتلت الشيخ الشريف
Author: مها عبدالمنعم
Date: 11-22-2013, 04:06 PM
Parent: #5
الناس في الفريق بدت حملة مقاطعه جاده هسي كان تعبن دا عملو في الحله المن الخمسينات مازاد فيها شي حله فيها تلاته دكاكين والداير يعرس يخطب ليهو شيخ شريف والطهور الا يحضرو شيخ شريف الزكاة يقسمه شيخ شريف العسكر شيخ شريف ال ......اخير بدل النقه امش البحر كان اجيب سمكه والا اتنين
كوركت للولد صاحبي يوسف ..مرقت امو مالك ياولد ؟
ياخاله ...
خلخل ضروسك هوي ياسيف ابعد من ولدي لا تلحقو غضبة شيخ شريف
ياخاله غضبة شنو ! شيخ شريف انتي قايلاه الله والا شنو !
الله يكسر كرعيك المكعوجات ديل امشي
ومشيت مسافة اسمع صوت يوسف من بعيد قلت طنشو هوي
بس لحقني يضحك قايل :اها يا مغضوب عليه
مالك مطنشنا
يازول فترت امك دي تشبه امي تمااام ماشي اصيد لي كم سمكه كان ما تبعتني لعنة الشيخ زفت دي
صرااااااج كف في وشي من عم علي غفير حواشة شيخ شريف كان ماشي ورانا ومع قولة شيخ زف#65207;يخ شريف
كان ماشي ورانا
قلت يا راجل جنيت مالك بسم الله الرحمن الرحيم والله كان ماكنت راجل كبير مأخليك بس امش امش الله يهديك
يهديني ياصابي يامارق من طوع الشيخ اتغميت جد جدوجدعت السناره والصراقيل وقلت ليوسف علي الحرام يا انا ياشيخ شريف دا في الحله دي
حتعمل شنو يعني !
ح اخليها ليهو يمكن نلقي لي فريق كافر اسكن فيه مع السلامه واوعا تكلم اهلي كان سالوك وين مشيت !
|
Post: #8
Title: Re: انا الكتلت الشيخ الشريف
Author: عبدالحفيظ ابوسن
Date: 11-22-2013, 04:35 PM
Parent: #7
تحية مها
لاشك ان للقصة صحتها في الواقع
تلك الصحة المفزعة
وأنا بقصد شكرك فقد اوحيتي لي بوستا قد يصب في ذات اتجاه قصتك
تار بابكر الصديق !
|
Post: #9
Title: Re: انا الكتلت الشيخ الشريف
Author: مها عبدالمنعم
Date: 11-22-2013, 06:08 PM
Parent: #8
سلامات سيدي
شكرا لشكرك فالمجتمع السوداني زاخر وملئ بكثير من القصص التي تشبه الاساطير اذا نقلت
|
Post: #10
Title: Re: انا الكتلت الشيخ الشريف
Author: مها عبدالمنعم
Date: 11-23-2013, 03:56 PM
Parent: #9
مرقني كرعي من غضبة القوم اي والله متين كتل ماعرفت بس قلت كدي النمرق اول من الحله الماده لسانه لجيتي دي ...مشيت اقرب مركز شرطه سلمت علي العسكري وقلت ماعندك مويه يازول ؟
عندي ادخل اشرب مالك جاري كدي ؟
لا لا ماني جاري بس مشيت مشوار طويل بكرعي .
سمح ماك ود حاج اللمين الكتل شيخ شريف الشريف ؟وقفت متسمر ماعرفت امرق والا اقعد يمكن يمسكني والا يكون حتي هو من حيران شيخ زفت رفعت راسي لقيتو يتبسم وكورك لمن نطيت يازول مالك اتخلعت كدي ؟
اتخلعت شيخ شريف منو !كان كاتل لي كتيل بدخل محل البوليس !
اي ماعندك محل غيرو كل زول بدور ياخدك بشيخ شريف
وانت ؟
لا لا انا ماعندي شغله غير حراسة المحل دا بعدين ود حاج اللمين دا ليهو قريب العامين مافيش
وشيخ شريف شن كتلو ومتين ووين وكيف معقول شيخ شريف الشريف يموت!
يازول استغفر الله في زول مابموت!
اي ..شيخ شريف الشريف من الشرفاب
لا وحات شيخ الرضي مات ودفناه شوف عيني دي هسي مسك السجاده شيخ اشرف شريف من الشرفاب
يازول ميتو حكاها القاصي والداني ظنيتك مامن جهاتنا دي اها اليوم المات فيهو مرق بعد العشا شديد واتلقي ميت في سريرو !
سمح ود شيخ اللمين كيف كتلو
قالو مات بسقطه قلبيه سببه غضبه من الجنا !
والناس جاده في قصة يكتلوني بالشباشب دي ؟
اي اي ..
|
Post: #11
Title: Re: انا الكتلت الشيخ الشريف
Author: بجاوى
Date: 11-23-2013, 04:10 PM
Parent: #1
انا غايتو استاذة مها عملت اضافة لمدونتك فى المدونات الصديقة لمدونتى
كونى بود وبخير دائما
|
Post: #12
Title: Re: انا الكتلت الشيخ الشريف
Author: مها عبدالمنعم
Date: 11-23-2013, 04:41 PM
Parent: #11
سلامات بجاوي
شكرا وكن بخير وود دوما
اتشرف بصداقة المدونات
|
|