تسـجيل خـروج ،، العفـو والعافية

شيء ما دفعني للولوج إلى هذا المكان ..
قضيت به أكثر من عام ونصف
هذا الاسفير له عبقه الخاص .. يعيش فيه الناس كما يعيشون في الواقع
تعرفت على اخوة افاضل هنا .. وأصبحنا أكثر من أصدقاء
منهم من التقيتهم ومنهم من لم التقيهم بعد،، اتمنى لقياهم
هناك من اتفقنا معهم ومن اختلفنا أيضاً،، لكن يبقى الود بيننا
أطلب في هذه اللحظات العفو من الجميع،، نعم العفو ،،
فهذه الدنيا فانية وقدارة،، كم من أعزاء افتقدناهم،،،
وذات الاحساس الذي دفعني للانضام لعضوية هذا الموقع
ذات الاحساس،، يطالبني الآن بالخروج من هنا
لا أدري هل هو خروج نهائي أم مؤقت،، لا أدري!!
عزيزاتي الزميلات أعزائي الزملاء،، القراء ورواد سودانيز أونلاين،،
هي أيام جميلة بكل ما حملت من اتفاق وإختلاف،،
لا أدري إن كان هناك من يحمل في خاطره عني،،
لذلك أقول لكم جميعاً معذرة،، انتظر قبول اعتذاري منكم،،
فهذه الدنيا فانية،،
ولنا في الصديقة نادية عثمان مختار أسوة حسنة،،
نادية التي كنت أحدثها نهار أول أمس عبر الهاتف في غرض ما
وهي معي على الواتساب حتى الثامنة مساء،، يبلغني خبر وفاتها الساعة العاشرة
لم أصدق نفسي،، حتى نظرت عيناي لجثمانها الطاهر يخرج من المشرحة
كم هي قاسية هذه الكلمة "المشرحة" والأقسى وأمر،،
نظرت إلى برنامج الواتساب،، نادية أونلاين حتى الساعة 21:07
لا حولا ولا قوة الا بالله
كم هو قاسي،، ذلك الاحساس،،
احساس أزاح عن الناس الشعور بالبرد في ليلة شتاء قارص
وهم يشيعون نادية في ذلك الموكب المهيب بمقابر شمبات،،
لا حولا ولا قوة الا بالله
هذه هي الدنيا إخوتي،، نعيشها ولا ندري متى الأجل
لذلك يجب علينا ان نتحسب له،،
فلنعمل على انها ذائلة،،
أعود مرة أخرى وأطلب العفو منكم جميعاً،،
على أمل أن نلتقي إذا مد الله في الأعمار،، وإن لم نلتقي فاعفو عني
عسى ان نلتقي في جنة عرضها السموات والأرض.


إنتهت خطبتي،، إلى اللقاء

لم أعرف الراحلة وللأسف لم أقرأ لها او اشاهدها , ولكني أحسبها من أهل الجنة مصداقا لقول رسولنا الكريم صلي الله عليه وسلم
لقد وجبت
لكثرة ما أقرأ عن جميل خصالها من أكثر من شخص واحد ,, وحتي في الواقع سمعت عنها من متتبعيها في التلفزيون وأولهم زوجتي , سمعت عن ادبها الجم وحسن حديثها وحسن زيها ولطفها ,, فقد بكتها زوجتي ولا تعرفها إلا كمذيعة , فكيف يكون حال من يعرفها معرفة لصيقة
تقبلها الله وصبر اهلها واصدقائها
وليكن درسا لنا ,, ليس بالتواري بل بضرب النموذج الطيب في الحوار والسلوك
اخي
انا لا اتعدي عليك بل وفاءا لذكري المروحة ارجو ان تعيد النظر في قرارك
وقالوا
ما هم رسول الله (ص) بعمل ورأي افضل منه إلا تركه وتصدق عن عزمه

ما لسه بدري يا هليفه؟

حافظ خليك هنا وبلاش تفارق ...
يا حافظ الحياة لا تتوقف لموت احد .. والموت هو سبيل الاولين ولآخرين
نشارككـ نفس المشاعر فيما يخص سودانيز أونلاين وكذلك وفاة نادية الله يرحمها
ولكن لا نشارككـ رغبة الهروب والانزواء والابتعاد
سودانيز اونلاين دا يا حافظ سودان مصغر ولو خرجته منه ستجده في الحياة العامة
فيهو الزول المؤدب ..
وفيهو قليل الادب ..
وفيهو ..
وفيهو ...


فالى أين المفر؟
قدرك وقدرنا أن نتعامل مع كل هذا ..سمينه وغثه
امشي يا حافظ في الدرب البطابق فيهو خطوك صوت حوافرك
خليك وما تمشي .. لأنو المشي ما حل يا حبيب

نسيت ....
بالنسبة للعفو والعافية ... ينظر ويفاد

الأمين البشاري

Quote: نسيت .... بالنسبة للعفو والعافية ... ينظر ويفاد

ياخي انت جميييييييييييييل

ريحتني زي ما قال عمر الفاروغ في كنكوجي بي كلمتك دي التي تؤكد انك زول حلو المعشر

Quote: ياخي انت جميييييييييييييل ريحتني زي ما قال عمر الفاروغ في كنكوجي بي كلمتك دي التي تؤكد انك زول حلو المعشر

الصادق صديق

تحياتي ،،
إن شاء الله ديمه مرتاح
حافظ دا دخل قلوبنا بدون استئذان وهسي قال عايز يخرج
كيف الكلام دا؟

رائع ياحافظ
ولكن اعتقد انها محتاجةلدعواتك هنا ومحتاجة لكتاباتك الجميلة هنا .

أقدّر موقف الصدمة التي تمرّ بها ونمر بها صديقي الجميل حافظ !

لن أقاطع صدمتك ولن أرد عليك الآن !

سأدعك بهدوء حتى تستطيع أن تتعايش مع الحزن بعد حين

وحينها أدرك أنك ستكون المبادر بالعودة !

فكلنا عائلة واحدة

تشتت أفرادها بين أرجاء الدنيا

للفقيدة الرحمة والمغفرة بإذن الله ..
يا حافظ ياخ موت الأعزاء دا الشىء الوحيد الما بنفع فيهو أي شو زي بتاعك دا ..
بالنسبة لي كنت ساشعر بعمق حزنك على الفقيدة لو أكتفيت برثاء المرحومة أو كتبت عن مآثرها بدون ما تعلن إنك
حزين وإنك مصدوم وإنك ماشي ما جائي ..الخ لكن كلامك الفوق دا فهمت منو انك محتاج التعاطف مع حالتك أكتر من إنك
حزين على فقدان المرحومة، وإلا كان ممكن تنعيها ثم تنسحب بهدوء لتمارس حدادك عليها كما تريد ثم تعود مجددا .
هسع اتا كدا وضعت نفسك في مأزق خيارات صعبة.. إما أنك تؤكد على عمق حزنك بعدم العودة مجددا هنا أو تعود
في أقرب وقت وبى كدا تؤكد إنو كلامك دا كان مجرد شو للفت الأنظار .
....................
ما تزعل يا ساري الليل من كلامي سمح .

Quote: ذات الاحساس،، يطالبني الآن بالخروج من هنا

أها يا حافظ (عمر إحساس) بقول ليك سودان بلدنا، وهي يعني هذا الموقع.
ولولا الجو الحزين الذي يلف الجميع لوضعت لكم فيديو دارفور بلدنا هنا
( ---- )

-------------------------
و دخولك إلى هنا يعني اقتحامكم ميدان معركة بكامل اسلحتكم عُـدةً وعتاداً..
فكيف تختفي و تترك المرابطة على أحد ثغور الموقع والحـرب لم تنته بعد ..
---

ياخي ما معقول نقول ليك مع السلامة .. ونحنا لسه ما لحقنا نقول ليك السلام عليكم.

مكانك، حتى نأتي ونسلم عليك ونساعلك، ونطايبك، ونقول ليك حبابك.

...
..
.

Quote: يا حافظ ياخ موت الأعزاء دا الشىء الوحيد الما بنفع فيهو أي شو زي بتاعك دا .. بالنسبة لي كنت ساشعر بعمق حزنك على الفقيدة لو أكتفيت برثاء المرحومة أو كتبت عن مآثرها بدون ما تعلن إنك حزين وإنك مصدوم وإنك ماشي ما جائي ..الخ لكن كلامك الفوق دا فهمت منو انك محتاج التعاطف مع حالتك أكتر من إنك حزين على فقدان المرحومة، وإلا كان ممكن تنعيها ثم تنسحب بهدوء لتمارس حدادك عليها كما تريد ثم تعود مجددا . هسع اتا كدا وضعت نفسك في مأزق خيارات صعبة.. إما أنك تؤكد على عمق حزنك بعدم العودة مجددا هنا أو تعود في أقرب وقت وبى كدا تؤكد إنو كلامك دا كان مجرد شو للفت الأنظار .

ياخي انت زول مريح خلاص ..

حافظ
يا ولد مالك في شنو ماشي وين ألله يرضي عليك أقعد كلنا أهو قاعدين وعارفين الدنيا دي ما ليها أمان
خليك معنا أمكن وأكيد بكرة أجمل أحتمال كبير في ميلاد عظيم بس من جوانا نحن أصبر صح بقت معاناتنا فوق الاحتمال
الحمدلله علي كل شيء
أخوك
زهير