Post: #1
Title: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-18-2013, 07:25 AM
حكاية السمحة بت الأربعين .. هي مليودراما ..حكاية تنبع من قلب صادق .. تحوي قصصا و تحكي تراث ، هي أجمل ما كتبه الشاعر محمد عبد الله حرسم
وهى تحتل المرتبة الأولى في القراءة لما يقرب الثلاثة اعوام متتالية بموسوعة الشعر السودانى .. وهي بحق اوبريت مسرحي ..
والاستاذ حرسم غنى عن التعريف وتراوحت كتاباته التي تمتاز بجزالة اللفظ و قوة المعنى ، ما بين السياسة والمرأة و الحب ، و هي لا تنفصل عن بعضها البعض ..
وهو من صتاع الحرف الجميل واميزهم...
رجل ادمن العشق وعشق الارض فعشقته الحروف والكلمات
وادرك ان الحرف مسئوليه وهم فطاوعه المداد
كلماته تاخذنا الى عوالم خاصه ومدهشه
تحس وانت تقراء كلماته بانك من كتب هذه القصيده او تلك الروايه
لانه يكتب باحساس البسطاء وبلغه تعبر عنهم
حكاية السمحة بت الأربعين
========================
داير أحكي ليكم عن حكايات السمحة بت الأربعين
عن حكايات زول مبشتن بالو شين
مدفون هناك بين نخلتين .. وشكلو مدفون مرتين
ساب البلد قبال سنين .. إغترب شان يبني بيت ..
شان يبقى زي عبد المعين .. الرغم هوان الغربة الضاقو
ورغم عذاب الزمن الماسخ .. جاي سمين
و إتزوج مرتين
وفارق بيت الطين
عن إذنكم داير أحكي ليكم قصة الموج و البحر
و أحلام مهند في السفر
و أنا جاي من شاطئ البحر .. شايف الملح فوق كل شيء ..
حتى فوق وش البشر ..
داير أحكي ليكم عن جزيرة مسّورة .. مكسّوة بي كثبان ذرة ..
زي قمرة في صورة مرة .. بي صفاتها منورة
واقفة في شمس الصباح مشفوعة بالزين والعديل .. مزدانة حلوة معطرة
موكب ندى .. أحلى حنة أصادفها .. كل البيوت متلاصقة فيها ملاطفة
نهر الضحك ما جف يوم و لا عاندت سحب المحنة الوارفة
باب الضيوف ما اتسد يوم .. بركات شيوخنا الزادو لينا المعرفة
يوم تجي .. تلقى الكرم .. تلقى العلم ..
تلقى الوزير تلقى الفقير .. تلقى المعلم والصغير ..
عايشين سواء في الحلوة و الشين والسمح ..
عامرات قلوبهم مترفة .. كيل القمح ما كَلّ يوم ولا شافو يوم العاصفة
نخلات تبين .. فوق الجبين .. غرة صلاة
ليلهم شليل .. صفقة ورقيص .. ضحكهم حلا
فجرهم صلاة .. فوق كل شينة معاك ملأ
مكان ما تقبل ضحكة تواسي .. أي مآسي .. للزمن القاسي
يخليك ناسي ..
اخى حرسم شاعر البحر والجبل ,,, الف الف مبروك ومزيدا من النجاحات والاصدارات وبالتوفيق يارب
ويالشايل شمسك فى جواك خليها تبين للناس تطلع ’’’’
|
Post: #2
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: سليمان القرشي
Date: 11-18-2013, 09:00 AM
Parent: #1
عماد سلامات
الف مبروك لاستاذنا حرسم
صاحب الحرف الانيق الرجل
الذي يطوع الحروف فيدهشنا
دوما بروائعة نتمني له التوفيق
والسداد في كل حياته
تسلم
|
Post: #3
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-18-2013, 12:44 PM
Parent: #2
يااااااااااااااااسلام الحبيب الجميل ابودنيا
دوما بجمالك المعهود تزين الامكنه وتزيدها جمالا ’’’
اعلم مدى الفرح الذى يعتريك الان وانت تشارك الطرح
لانك انسان بمعنى الكلمة ولصدق محبتك لهذا الحرسم القامة
ما اروعك يااابودنيا وانت تلمس منابع الجمال والوتر الحساس
وتستدرجنا بحروفك المشعه والمشبعه
نحو هذا السحر الكامن بين سطورك وسطور الغالى حرسم
مودتى التى تعلم
|
Post: #4
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-18-2013, 12:48 PM
Parent: #3
Quote: عماد سلامات
الف مبروك لاستاذنا حرسم
صاحب الحرف الانيق الرجل
الذي يطوع الحروف فيدهشنا
دوما بروائعة نتمني له التوفيق
والسداد في كل حياته
تسلم |
ود القرشى الجميل
تسلم يارجل يانيل
شكرا للاطلالة الراقيه وكلماتك الانيقه
نسال الله ان يوفق الاخ حرسم لكل ما هو جميل
وسلمت يمناك
مودتى
|
Post: #5
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: علي عبدالوهاب عثمان
Date: 11-18-2013, 04:42 PM
Parent: #4
في إنتظار هذا الموعد الجميل ..
ومنتدي الاربعائية وقد أثرى شاعرنا حرسم اركانها بكل انواع الجمال والعبق ..تحي الشاعر الجميل
شعره عميق والقصيدة واحدة تحتاج إلى عدة قراءات ..
شكراً حرسم على نثر هذا الجمال في ليالي جدة ..
التحية ..
عماد موضوع كان مفروض يكون في مناسبة وتجمع خاص ..
ليك التحية ..
|
Post: #6
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: محمد على طه الملك
Date: 11-18-2013, 05:40 PM
Parent: #5
كنت أسمعهم يرددون جدة غير ..
ولم أدرك معناها إلا الآن ..
إذاً بشرانا ..
فقد أنجب الحرف (الحرسمي ) المتفرد شعرا أثيلا يستعمر الأفئدة ..
ويحفر رسمه على جدران جدة وغيرها لأجيال قادمة ..
أذف له التهاني وقد عبر براري القصيد وأناخ بعيره على عرصاتها..
شكرا عماد .
|
Post: #7
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-19-2013, 06:12 AM
Parent: #6
ساب البلد قبال سنين ..
إغترب شان يبني بيت .
شان يبقى زي عبد المعين ..
رغم هوان الغربة الضاقو ورغم عذاب الزمن المسيخ ..
جاي سمين
و إتزوج مرتين
وفارق بيت الطين
|
Post: #8
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: علي عبدالوهاب عثمان
Date: 11-19-2013, 09:01 AM
Parent: #7
Quote: خلات تبين .. فوق الجبين .. غرة صلاة
ليلهم شليل .. صفقة ورقيص .. ضحكهم حلا
فجرهم صلاة .. فوق كل شينة معاك ملأ |
ديوان يشمل هذه الصور
جدير بالاحتفاء به
كلام رائع وبديع ..
تحياتي لشاعرنا الجميل حرسم
|
Post: #9
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: بابكر قدور
Date: 11-19-2013, 09:42 AM
Parent: #8
عمدتنا ....
لك الود والتحايا الطيبات
ولك الشوق زيادة حبتين .... ولك الشكر والثناء على
الخبر الجميل المفرح بتباشير رؤية ديوان السمحة بت
الأربعين .. لحرسمنا الجميل .. سعدت كثيراً بالخبر
الذي ملأني بالشوق والترقب .. ولحرسمنا الجميل كل
التهاني والأمنيات الجميلة .... ودي وتقديري ومحبتي
لك ومثلها لصديقي حرسم ....
|
Post: #10
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-19-2013, 02:29 PM
Parent: #9
Quote:
في إنتظار هذا الموعد الجميل ..
ومنتدي الاربعائية وقد أثرى شاعرنا حرسم اركانها بكل انواع الجمال والعبق ..تحي الشاعر الجميل
شعره عميق والقصيدة واحدة تحتاج إلى عدة قراءات ..
شكراً حرسم على نثر هذا الجمال في ليالي جدة ..
التحية ..
عماد موضوع كان مفروض يكون في مناسبة وتجمع خاص ..
ليك التحية .. |
الارتاوى امبس الجميل ..
يديك العافية و أن تخضب البوست بحروفك اللامعة التي أنارت جنباته .
فقد أوفيت بحضورك .. وحتماً سأنتظر مشاركاتك الطرح فانت ادرى الناس بهذا الحرسم ..
لك التحية بقدر قامة حروفك ..
الكتاب الان قيد الطباعة وعند الاصدار سيكون حتما هناك احتفال عالى المستوى بقدر قامة حرسم الجميل
وبرعايتكم الكريمه وافكارك الحاضرة والزخراه بكل ماهو جميل ,,,
مودتى وتقديرى
|
Post: #11
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-21-2013, 05:28 AM
Parent: #10
Quote: كنت أسمعهم يرددون جدة غير ..
ولم أدرك معناها إلا الآن ..
إذاً بشرانا ..
فقد أنجب الحرف (الحرسمي ) المتفرد شعرا أثيلا يستعمر الأفئدة ..
ويحفر رسمه على جدران جدة وغيرها لأجيال قادمة ..
أذف له التهاني وقد عبر براري القصيد وأناخ بعيره على عرصاتها..
شكرا عماد . |
الاستاذ : الجميل محمد على طه
انيق الحرف والمعنى
متعك الله بالصحة والعافية ايها الرجل النبيل
فخم انت كما عباراتك ومعناك
وهكذا هم المتأملون يزيحون الستار عن ما وراء الحروف
شكرا نسيما وحرسم يستحق منا الكثير والكثير
وجدة غير ’’’’’
مودتى
|
Post: #12
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-21-2013, 05:34 AM
Parent: #11
Quote: عمدتنا ....
لك الود والتحايا الطيبات
ولك الشوق زيادة حبتين .... ولك الشكر والثناء على
الخبر الجميل المفرح بتباشير رؤية ديوان السمحة بت
الأربعين .. لحرسمنا الجميل .. سعدت كثيراً بالخبر
الذي ملأني بالشوق والترقب .. ولحرسمنا الجميل كل
التهاني والأمنيات الجميلة .... ودي وتقديري ومحبتي
لك ومثلها لصديقي حرسم ... |
أووووو .. سيادة المستشار الانيق بابكر قدور
بالله شفت سماحة النفاج والقردى دى كلها بتودى لبعض كيف
بركة بالشوفه هنا ’’’
ركبت باص بكرى ده متين بس هنا مافى زرازير زى هناك
والله العظيم ليك وحشه ما بتتوصف والشوق نزف عديل
خليك قريب وحضورك احتفال الاصدار الاول لحرسم اكيد ’’’
مودتى التى تعلم
|
Post: #13
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-21-2013, 05:37 AM
Parent: #12
|
Post: #14
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: Emad Khairy
Date: 11-21-2013, 05:44 AM
Parent: #13
من النفاج التحيه ليك ياابودنيا ’’’’’
خالد ابودنيا · الأكثر تعليقا · Khartoum, Sudan
من أبناء دبلا الخضراء .. تربى على تاريخها و عشقها .. حلم أن تكون مسرحاً أو لوحة .. يجسد برواياته أبطالها العظماء .. و يرسم لها لوحة سريالية جميلة.. استطاع أن يجسدها في أشعاره كما جسدها في واقعه ..
ولد في مدينة بورتسودان .. و من منا لا يعرف بورتسودان .. هذي المدينة البحر .. درس الابتدائي في مدرسة الضاحية الابتدائية المزدوجة .. ثم البحر الأحمر .. فالحكومية .. ثم جامعة الفرع ..
اختارته الغربة و لم يختارها .. لم تضع حداً لابداعاته .. شغلته قليلاً .. لكن لم توهن عضده عن الكتابة ..
رد · أعجبني · متابعة المنشور · 18 نوفمبر، الساعة 12:39 مساءً
خالد ابودنيا · الأكثر تعليقا · Khartoum, Sudan
الف مبرووووووووك شاعرنا الاديب حرسم صدور ديوانك الاول السمحه بت الاربعين
شاعر البحر فعلا
و أنا جاي من شاطئ البحر .. شايف الملح فوق كل شيء ..
حتى فوق وش البشر ..
رد · أعجبني · متابعة المنشور · 18 نوفمبر، الساعة 12:13 مساءً
خالد ابودنيا · الأكثر تعليقا · Khartoum, Sudan
يعتبر من مؤسسي نادي بورتسودان الأدبي .. له فرقة مسرحية باسم (عزة) ..
رد · أعجبني · متابعة المنشور · 18 نوفمبر، الساعة 12:40 مساءً
|
Post: #15
Title: Re: قريبا( السمحة بت الاربعين )الديوان الشعرى الاول للشاعر المبدع محمد عبد الله (حرسم)
Author: عبيد الطيب
Date: 11-21-2013, 05:57 AM
Parent: #14
سلااام ومحبة أخي عماد خيري
لك وللمتداخلين وللشاعر الجميل محمد عبدالله "حرسم"
أتابع ما يكتب حرسم في هذا المنبر
لم أقرأ له سابقا ولكن منذ دخولي للمنبر شدَّني حرفه الأنيق
كلنا شوق وتوق لإقتناء هذا الديوان "السَّمحة بت الأربعين"
عنوان يوحي بالكثير ........
محبتي
"وانا جاي من شاطي البحر...
شايف الملح فوق كل شي...
حتي في وش البشر...................."
يا سلاااااااااام
|
|